انا بقترح اننا نتفق على مكان محدد نتقابل فيه كل اسبوع فى الأول علشان هنبقى فاضيين وبعد كدة يبقى كل اسبوعين مثلا او كل شهر حسب مانتفق
ودة طبعا علشان نبقى دايما على تواصل
انا بقترح اننا نتفق على مكان محدد نتقابل فيه كل اسبوع فى الأول علشان هنبقى فاضيين وبعد كدة يبقى كل اسبوعين مثلا او كل شهر حسب مانتفق
ودة طبعا علشان نبقى دايما على تواصل
فكرة جميله والله يا دكتور ميدو .... ممكن كمان المنتدى يسهل العمليه اكتر
بس ليه يا مصري مش عايز تفتكر ابو على ... ده كانت احلى سكاشن واحلى اصحاب والله
بس يا جماعة
هعيط منكو بقى .....الله
هو لسه بدري شوية على انى افكر زيكو كده
بس عايزة أقول ان أى يوم قضيناه مع اصحابنا فى الكلية
جوة المحاضرة أو فى سكشن أو حتى فى امتحان وخلاص مش عارفين نشتغل وملبوخين
هنفتكره بعد كام سنة ونقول كانت أيام حلوة ..ياريتها دامت
اما بقى الحاجات المادية اللى نبص عليها نفتكر بعضنا فيها :
الصور - الاوتوجرافات - البلاطي بعد اخر امتحان
بالنسبة لفكرة انكو تتجمعوا كل اسبوع
حاسة انها فكرة شوية خيالية
لأن كل واحد بقى هيشتغل ويشق طريقه
وهتنسوا أخوانكو اللى لسه متبهدلين فى الكلية - اللى هم احنا يعني-
أوعوا تقول انى بحبطكو ولا أي حاجة خالص
أخيرا وليس آخرا - هم مش برده بيقولوها كده؟؟-
المهم ..ربنا يوفقكو
ونشوفكو السنة الجاية متجمعين فى الكلية كل اسبوع مرة
اتية رايكم لو نعمل reunion
كل واحد يكتب وسيل اتصال مش هيغيرها بعد كدة
وطبعا دة هيكون تحت اشراف حد موثوق فية
وممكن كل فترة نتجمع فى اى مكان ان شاء الله ف الكلية
الفترة دى هنتفق عليها
وهوة د/ drug
كان اقترح فكرة زى دى
بس الفترة كانت بعد 10 سنين
بحيث ان كل واحد يجيب زوجتة وعيالة ويكون كبر بقة وكدة
والله ياجماعة انا امبارح فى اخر يوم عملى كنت زعلان جدا بس مكنتش عاوز الزعل يغطى على فرحة اخر لمة لينا ف الكلية
عموما اللى عاوز يفتكلر حد اكيد هيفتكرة
وانا عن نفسى اكيد بعد عشرة5 سنين
مش هنسى اصحابى
اهو انت يا medoelamsry الوحيد اللي مش ممكن هنساه
لان رقمك قبل رقمي على طول من 5 سنين :P
بالنسبه للموضوع ده افضل حاجه الذكريات والتدوينات وطبعا الصور
وكل شله من شلل الزملاء اكيد هتبقى على كونتاكت مع بعضها وهنسال عن بعض ان شاء الله
الحاجه الوحيده اللي صعبانه عليا سكشن محمدات كان سكشن زي الفل بصراحه ^_^
ومدام الـ internet available :]
just one place to contact with each other more and more
as this community board
so, keep in touch and stick around
mt-
والله كنت هعيط من كلامك يابلبل
بس هنعمل ايه بقى يابنى
هكذا هى الدنيا وهكذا هى الحياة ولابد ان تستمر
واخواننا اللى لسه داخلين السنة دى برضه كلها كام سنة وهتلاقيهم هيعملوا زيننا دلوقتى
بس بجد المهم اننا نبقى جدعان مع بعض ونفضل محافظين على علاقتنا ببعض
ولو حد فينا قصر مع التانى الباقيين يسامحوه ويلتمسله العذر
وان شاء الله نفضل دايما على علاقة وصداقة طول عمرنا
بجد انتوا دكاتره اى كلام فين الاقتراحات انا عايز حاجه تتعمل انتوا محسسنى اننا عامل عزاء
وما تخافش يا ميدو كلها شهر ومش هتعرفلى طريق
وسلامى للعيسوى وطلعت
وسمعنونى والله وجيتى علينا يا دنيا للفنانه ورده
مافيش حاجة هتجمعكوا غير الاهتمامات
لو ناس بتحب تاخد كرسات و كده بعد التخرج الحاجات دى هتجمعهم
اللى بيحب يشتغل فى شركات هتلاقيهم عارفين بعض برضه
أو ممكن تتفقوا مثلا تحفظوا قرآن مع بعض ... أى نشاط بتحبوه بس تتفقوا عليه بجد
دى الحاجة الوحيده اللى هتخليكوا دايما مع بعض
و ما تخافوش الصيادلة عامة عشريين قوى
هتلاقوا حتى بعد التخرج حد جاى يسلم عليكوا حتى لو مكنتوش أصحاب قوى أيام الكلية
لمجرد أنه من دفعتك
حاجة كده من باب شربنا من نفس الكاس
و أى مكان هتروحوا ثقوا أنكوا هتلاقوا حد من دفعتكوا ... منتشريين منتشريين يعنى
و أخيرا بجد اللى عايز يفضل فاكر حد هيفضل فاكره ...
انا فعلا بقترح اننا نعمل حفله رينيون كل فترة باسماء الدفعه كلها بس مين يجمع البيانات بتهيالى الجمعبه ممكن تعملها وكل سنه يبقى فى ملتقى لخريجى الكليه زى كليه الاعلام كده عامله حفل لم الشمل لاول دفعه بمناسبه مئويه جامعه القاهرة
بس احنا مش محتاجين مناسبه ولا ايه؟
المهم الجمعيه هى اللى تجمع الاسماء والعناوين وتعمل اعلانات عالمنتدى للى عايز يشارك فى التجمعات دى ايه رأيكوا؟
والله ربنا يدينا ويديكوا طوله العمر ونبقى نتكلم فى الموضوع ده بعدين عندما يحين الوقت
ونبقى نشوف انتوا عملتوا ايه ونتعلم منكم