النتائج 1 إلى 9 من 9

الموضوع: طب خاص ولا صيدلة حكومي

  1. #1
    طب خاص ولا صيدلة حكومي
    Guest

    افتراضي طب خاص ولا صيدلة حكومي

    الحمد لله إن الكتابه في المنتدى هنا مش محتاج تسجيل
    وفرتوا عليا المشوار

    باختصار أنا طالب خلصت ثانوية عامة وحلم حياتي هوه دخول كلية الطب
    لكن مجموعي الحالي جايب صيدلة ومعرفش التنسق هيكون إزاي بس صعب أوي يجيب طب
    فأنا دلوقتي في حيرة شديدة جداً ومش عارف أختار إيه من طريقين
    يا إما أدخل طب خاص
    أو أدخل صيدلة حكومي
    كلاهما له مستقبل مختلف
    الدراسة مش مهم هما الاتنين دراستهم صعبة ومحتاجه شغل فمش فارقه
    لكن المستقبل هوه إللي بيشكل ليا حاجز خوف
    لو دخلت طب هتضر أسافر نظراً لتدني رواتب الأطباء في مصر
    ولو دخلت صيدلة وفتحت صيدلية أظن إن الدخل هيكون كويس وأقدر أعيش بيه في مصر
    حقيقي أنا محتار
    يا ريت لو حد يقدر يفيدني بأي حاجة

    جزاكم الله خيراً

  2. #2
    Pb Elite
    تاريخ التسجيل
    Nov 2008
    المشاركات
    763

    افتراضي

    انا من رأيى ان الصيدلة افضل كتير من الطب فى مسألة المستقبل وخصوصا للشباب ممكن تفتح صيدلية او تاخد دبلومة بعد الكليه وتفتح معمل تحاليل او تسافر او تشتغل فى شركة ادوية من وجهة نظرى الصيدلة توفير للوقت والمجهود ومستقبلها مشرق اكتر من الطب بهدلة سبع سنين وبعد كده بهدلة فى المستشفيات ومجهود جبار وطبعا لازم تسافر عشان تثبت نفسك بس فى النهاية صلى صلاة استخارة وربنا يوفقك

  3. #3
    Pharma Student
    تاريخ التسجيل
    Dec 2009
    الدولة
    أم الدنيا
    المشاركات
    170

    افتراضي

    ادخل كلينيكال معانا

  4. #4
    Moderator
    تاريخ التسجيل
    May 2009
    الدولة
    *في رحاب القرآن*
    المشاركات
    2,365

    افتراضي

    اولا الف مبروك

    بس هو مش الثانوية العامة لسه بيمتحنوا برده و هتخلص يوم 4-7 ان شاء الله !

    عامة أي مجال انت ممكن تدخله بس يكون ادامك هدف انك متكنش شخص عادي زي اي حد
    لازم تحط هدف ان انت تكون شخص مميز في مجالك سواء طب او صيدلة او حتى تجارة

    في الاف الاطباء والاف الصيادلة بس عاديين مش بيدوروا على انهم يكونوا متميزين
    ببساطة لانه هدفه كان يدخل الكلية دي وخلاص

    خلي هدفك مش انك تدخل كلية معينة
    هدفك انك تكون طبيب متميز او صيدلي عالم

    بالنسبة للناحية المادية من الشغل فدي برده مسألة بتخضع لنفس الكلام اللي فات
    انت ممكن تدخل طب وتخرج تشتغل في مستشفى زيك زي اي طبيب عادي و المقابل المادي بتاعك برده يكون عادي
    و ممكن تدخل طب بس تتخرج بتقدير عالي و تدور على ماجستير او زمالة
    و تشوف مستشفيات تعليمية ممتازة تشتغل فيها و تاخد خبرة من دكاترة كبار
    و بعدين تدور على مراكز طبية او مستشفيات خاصة تقدم فيها على حسب كفاءتك
    و ساعتها هيبقى مقابلها المادي اعلى من اي صيدلي بكتير و من غير ما تسافر

    الصيدلة نفس الكلام لو هتدخل و عايز تفتح صيدلية تقف تبيع فيها و خلاص اقلك مفيش اكتر من الصيدليات في البلد و معظم فلوس الصيدلي دوا على الرف
    لكن برده ممكن تتخرج فاهم و شايف مجالات شغل تانية للصيادلة
    اي نعم هو اكتر حاجة الصيدلية و مندوبين المبيعات بس في حاجات تانية زي الكلينكال و رقابة الجوده و مجال التصنيع
    و ممكن تفتح صيدلية بس تكون فاهم و عارف الدوا اللي موجود في الصيدلية ده عشان و بيعمل ايه و مع تعاملك مع الناس هتلاقي الناس بتجيلك اكتر عشان شايفينك فاهم انت بتعمل ايه مش واقف بتبيع اي حاجة وخلاص و برده هيزيد المقابل المادي

    شوف انت حابب ايه واعمله
    انت بتقول حابب مجال الطب , لو عندك المقدرة المادية تدخل طب خاص ايه المانع ؟
    بس زي ما قلتلك أيًا كان اختيارك و توفيق ربنا ليك حاول تبقى انسان مميز في عملك
    و ربنا يوفقك

    و سيب حكاية الدخل و المقابل المادي دي في الاخر ,
    متكنش هيا اولوية تفكيرك ,
    اعمل اللي عليك و ربنا هيجازيك في الاخر .
    " و من يتق الله يجعل له مخرجا * و يرزقه من حيث لا يحتسب .. "

    اعتذر عن الاطالة



  5. #5
    غير مسجل
    Guest

    افتراضي

    اقتباس المشاركة الأصلية كتبت بواسطة a_fouda2 مشاهدة المشاركة


    بس هو مش الثانوية العامة لسه بيمتحنوا برده و هتخلص يوم 4-7 ان شاء الله !

    فينكم من الصبح يا جدعان دا أنا قولت المنتدى مهجور ومفيهوش حد : D

    أنا مش ثانوية مصرية .. أنا واخد الثانوية من السعودية واحنا خلاص خلصنا والنتايج طلعت

    بس التنسيق بتاعنا بيتأخر وبيظهر قبل الدراسة بكام يوم وأكيد وقت ظهور التنسيق هتكون الأماكن في الجامعات الخاصة انتهت ومش هاعرف أدخل

    علشان كدا أنا عايز أخد قرار دلوقتي

  6. #6
    غير مسجل
    Guest

    افتراضي

    اقتباس المشاركة الأصلية كتبت بواسطة سوزران مشاهدة المشاركة
    انا من رأيى ان الصيدلة افضل كتير من الطب فى مسألة المستقبل وخصوصا للشباب ممكن تفتح صيدلية او تاخد دبلومة بعد الكليه وتفتح معمل تحاليل او تسافر او تشتغل فى شركة ادوية من وجهة نظرى الصيدلة توفير للوقت والمجهود ومستقبلها مشرق اكتر من الطب بهدلة سبع سنين وبعد كده بهدلة فى المستشفيات ومجهود جبار وطبعا لازم تسافر عشان تثبت نفسك بس فى النهاية صلى صلاة استخارة وربنا يوفقك
    أنا قريت عن مجالات عمل الصيادلة لقيت فيها كلها مشاكل

    يعني أكرم مجال فيها إنك تشتغل في صيدلية

    لكن دي كمان فيها مشاكل لأنه الله أعلم الصيدلية هتمشي ولا مش هتمشي

    ودلوقتي في مصر كتييير جدااً بقوا بيفتحوا صيدليات سواء كانوا متخرجين من صيدلة ولا لا

    حتى إللي مالوش فيها خالص تلاقيه فاتح صيدلية وقاعد يبيع وبيدي إبر وبيغير جروح كمان !!

    فعلشان كدا أنا برضه ما استريحتش لصيدلة

  7. #7
    غير مسجل
    Guest

    افتراضي

    اقتباس المشاركة الأصلية كتبت بواسطة Ahmed Elazab مشاهدة المشاركة
    ادخل كلينيكال معانا
    أنا كل إللي أعرفه عن كلينكال إنهم مالهومش شغل في مصر ولا في الدول العربية

    وإن إللي بيدرسوه بيتطبق في أوربا بس

    يعني برضه هتخرج وهشتغل زي الصيدلي العادي : (

    ممكن تكلمني عن كلينكال شوية وفرص العمل بعد التخرج وكدا لو سمحت ؟؟

  8. #8
    غير مسجل
    Guest

    افتراضي

    اعتذر عن الاطالة

    لا خد راحتك
    أنا دلوقتي عامل زي التايه أساساً ونفسي أي حد يدلني ويرشدني علشان أعرف أقرر
    لأني بجد اتخنقت : (

  9. #9
    Pharma Student
    تاريخ التسجيل
    Jan 2008
    المشاركات
    315

    افتراضي

    ياريت متفكرش في موضوع الشغل دا خاااااااااااااااااااالص
    الله اعلم ايه اللي هيحصل في الايام الجايه
    شوف انت بتحب ايه و الحاجه اللي تتميز فيها
    حاول تشوف المواد اللي بتدرس في الكلتين واختار اللي انت بتحبه
    اتمنالك كل خير

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •