صفحة 1 من 3 123 الأخيرةالأخيرة
النتائج 1 إلى 10 من 24

الموضوع: الصيدلى الأهلى ما له و ما عليه

  1. #1
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي الصيدلى الأهلى ما له و ما عليه

    السلام عليكم
    حيث ان هذه الساحة قد استحدثت من اجل زوار (ضيوف) المنتدى, لذلك وددت ان اطرح هذا السؤال "الصيدلى الأهلى ما له و ما عليه؟" عليكم. بالتأكيد هناك صورة ذهنية مثالية حول ما يجب أن يكون عليه الصيدلى الأهلى الذى يتعامل مع الجمهور يوميا و بكثافة عاليه. تلك الصورة التى تكون من أبعادها الخلق و احترافية المهنة و العلم و حسن التعامل اثناء و بعد صرف الدواء و تقديم الإستشارات الدوائية أو الطبية. رأيكم يهمنا للغاية لأنه سيمثل لنا اشارات بالغة الأهمية من المجتمع تجاه الإرتقاء المهنة من خلال تطوير المواد الدراسية و ترتيب الأوليات فى كيفية صياغة عقل و وجدان و مهنية الصيدلى.
    فتفضلوا.
    "من لا يتقدم يتقادم .. فلا بصمة و لا أثر"

  2. #2
    Pharma Student
    تاريخ التسجيل
    Aug 2008
    الدولة
    يارب مع الرسول
    المشاركات
    1,239

    افتراضي

    شكرا جزيلا يا دكتور على هذا الموضوع:
    أولا أنا مش هعرف أكتب كل اللى عندى فى الوقت الحالى و لكن كل اللى أقدر أقوله انى من نص ساعة كنت ماشية مع واحدة خريجة كلية صيدلة جامعة المنصورة و هى قالتلى ان الصيادلة اللى اشتغلت معاهم لحد دلوقتى كان كل شغلهم يعتمد على الفلوس و الفلوس و بس و طبعا أنا صدمت لأن مش دى الأخلاقيات اللى بنتعلمها فى الكليه-سبحان الله-و لكن فى رأيى كطالبة صيدلة ان أهم حاجة فى التعامل مع المريض ان يكون فيه صبر و أكيد تقوى و خوف من الله عز و جل-فلا نجعل الله أهون الناظرين الينا- لأن لو كل تعاملنا بالفلوس بس يبقى أكيد كلية صيدلة مش المكان المناسب لينا و أنا متأكدة ان فيه نماذج جيدة فى كل مكان....ان شاء الله أكمل الموضوع لأنه بجد طويل بس الأول أشوف الآراء الأخرى و أهم حاجة ان الزوار اللى هيعلقوا باذن الله يفتكروا اننا لم نكن طول عمرنا صيادلة و اننا برضه ياما دخلنا صيدليات.......
    و للحديث بقيه ان شاء الله

  3. #3
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    مش دى الأخلاقيات اللى بنتعلمها فى الكليه

    مين اللى قال كده

    احنا عندنا امثلة فى الكلية علمتنا ان هدف الحياة الفلوس ثم الفلوس ومش هقول زيادة عن كده غير ان كل مكان فيه اللى بيشتغل من اجل انه يساعد غيره (ودا موجود منهم فى كليتنا )

    وفيه اللى بيشتغل من اجل انه يكسب من وراء الاخرين وخلاص حتى لو اتخرجوا من غير مايعرفوا حاجة ولا تفرق معاه

    وفيه الخليط من الاتنين


  4. #4
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة


    مين اللى قال كده

    احنا عندنا امثلة فى الكلية علمتنا ان هدف الحياة الفلوس ثم الفلوس ومش هقول زيادة عن كده غير ان كل مكان فيه اللى بيشتغل من اجل انه يساعد غيره (ودا موجود منهم فى كليتنا )

    وفيه اللى بيشتغل من اجل انه يكسب من وراء الاخرين وخلاص حتى لو اتخرجوا من غير مايعرفوا حاجة ولا تفرق معاه

    وفيه الخليط من الاتنين



    يا جماعة نحن بصدد ان نسمع من غيرنا (من غير الصيادلة) و لسنا بصدد تحليل أسباب التقصير من وجهة نظر بعضكم لأنك مهما فسرت من أسباب فهذا لا يهم الذى يتلقى منك الخدمة الطبية من المواطنين و أصحاب المهن الأخرى فى المجتمع.
    المواطن لا يمكن ان يتسامح مع الأخلاقيات و الممارسات المهنية الغير طيبة من أصحاب المهن الطبية مهما كانت الأسباب التى أدت الى ذلك.
    "من لا يتقدم يتقادم .. فلا بصمة و لا أثر"

  5. #5
    Pharma Student
    تاريخ التسجيل
    Dec 2008
    المشاركات
    86

    افتراضي

    دكتور عطالله بجد الف شكر لحضرتك ع الموضوع دة بس انا عاوزة حضرتك اللى تقولنا نتعامل ازاى فى الصيدليات مع الاخد فى الاعتبار ان دراستنا لا تؤهلنا اطلاقا لذلك

  6. #6
    Pharma Student
    تاريخ التسجيل
    Oct 2007
    الدولة
    mansoura
    المشاركات
    0

    Thumbs up السلام عليكم

    للاسف الحياة فة مصر بقت كل حاجه فيها فلوس فلوس


    والدراسه فى الكليه مش تؤهل اى شخص للمجال العملى فى الصيدليه لاننا فى الدراسه مش بنحفظ trade name

    انما بنحفظ المادة الفعاله فقط ودا غلط لانه لما تتخرج الحياة العمليه ما هيا الا الاسم التجارى فقط

    ولو فيه زبون رخم تقوله دا علاج بديل يقولك انا عايز العلاج اللى فى لروشته يا بشمهنس مش يا دكتور كمان

    تقوله ما ده هو ده فيقولك لا انا عايز المكتوب بس طبعا دا عشان كمان المندوبين اللى بيدفعوا روشه للدكاترة عشان يكتب الصنف اللى تبعه


    فالصيدلى بير يح دماغه ويقول موجود او مش موجود ومن ضغط الشغل بقى صاحب الصيدليه مش بيفكر يدى وصفه للمريض او يقوله على معلومه لازم زحتما يقولهاله زى خده قبل الاكل مثلا


    وارجع فى النهايه واقول ان الصيدله اصبحت تجارة فقط وليست مكان لاعطاء المريض حقه فى الوصفه الطبيه بالتفصيل

  7. #7
    dr.sara_nn
    Guest

    Arrow السلام عليكم ورحمة الله وبركاته

    انا اول مرة اشارك معاكم هنا فى المنتدى واحب اعرفكم بنفسى انا معيدة فى كليه التربيه
    والله يا جماعه انا فرحت جدا انكم فتحتوا باب للزوار من اجل المشاركة ...
    وبشكر دكتور عطا الله على الموضوع الرائع الذى طرحه ورغم جمال الموضوع الا انكم زعلتونى لما لاقيت انطباع بعض الصيادله عن المهنه كدا
    انا اتعودت حاجة انى احب المهنه تحبنى وهعلى وانجح فيها وحتى لو شفنا نماذج قدامنا هدفها الرئيسى هو الفلوس ليه نبص للوحش طالما الكويس موجود
    انا لم انكر ان فيه نماذج تسىء للمهنه وكتير وهقولكم مثال بسيط:
    امبارح مثلا الساعه 2 ونصف بليل سمعت صوت الغفير بيتألم من الضرب وواحد بيضربه بخشبه ولما طلعت الشباك اتفاجئت انه الدكتور الصيدلى فى الصيدليه اللى جمبنا ودا علشان الغفير ضرب ابن الصيدلى الصبح فحب الصيدلى ياخد حقة بدراعه ...طبعا دا تصرف غير حضارى خالص والمفروض مايطلع من دكتور صيدلى متعلم....
    انا حكيتلكم نموذج بس مهما اما تعددت النماذج فهى حالات فرديه غير قابله للتعميم
    انا شايفه ان كل مهنه فى الدنيا لها رساله وهدف ومهنه الصيدله لها رساله وهدف هو التخفف عن المريض ومداواته وطمئنته ولو بكلمتين حلوين
    انتم عارفين ان ممكن يكون فى اكتر من صيدليه فى الشارع الواحد بس تلاقى نفسك بتروح الى الصيدليه الفلانيه عن غيرها علشان دكتورتها مريحة وشاطرة وبطمن المريض وبتخفف عنه ولو بكلمتين حلوين
    فلازم احنا ننظر لمهنتنا نظرة ايجابيه علشان نقدر نعطيها حقها ونكون من الناجحين
    وبالتمنى التوفيق للجميع
    وشكرا

  8. #8
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة dr.sara_nn مشاهدة المشاركة
    انا اول مرة اشارك معاكم هنا فى المنتدى واحب اعرفكم بنفسى انا معيدة فى كليه التربيه
    والله يا جماعه انا فرحت جدا انكم فتحتوا باب للزوار من اجل المشاركة ...
    وبشكر دكتور عطا الله على الموضوع الرائع الذى طرحه ورغم جمال الموضوع الا انكم زعلتونى لما لاقيت انطباع بعض الصيادله عن المهنه كدا
    انا اتعودت حاجة انى احب المهنه تحبنى وهعلى وانجح فيها وحتى لو شفنا نماذج قدامنا هدفها الرئيسى هو الفلوس ليه نبص للوحش طالما الكويس موجود
    انا لم انكر ان فيه نماذج تسىء للمهنه وكتير وهقولكم مثال بسيط:
    امبارح مثلا الساعه 2 ونصف بليل سمعت صوت الغفير بيتألم من الضرب وواحد بيضربه بخشبه ولما طلعت الشباك اتفاجئت انه الدكتور الصيدلى فى الصيدليه اللى جمبنا ودا علشان الغفير ضرب ابن الصيدلى الصبح فحب الصيدلى ياخد حقة بدراعه ...طبعا دا تصرف غير حضارى خالص والمفروض مايطلع من دكتور صيدلى متعلم....
    انا حكيتلكم نموذج بس مهما اما تعددت النماذج فهى حالات فرديه غير قابله للتعميم
    انا شايفه ان كل مهنه فى الدنيا لها رساله وهدف ومهنه الصيدله لها رساله وهدف هو التخفف عن المريض ومداواته وطمئنته ولو بكلمتين حلوين
    انتم عارفين ان ممكن يكون فى اكتر من صيدليه فى الشارع الواحد بس تلاقى نفسك بتروح الى الصيدليه الفلانيه عن غيرها علشان دكتورتها مريحة وشاطرة وبطمن المريض وبتخفف عنه ولو بكلمتين حلوين
    فلازم احنا ننظر لمهنتنا نظرة ايجابيه علشان نقدر نعطيها حقها ونكون من الناجحين
    وبالتمنى التوفيق للجميع
    وشكرا
    سعداء جدا بمشاركتك يا dr.sara_nn و هذه هى اول feedback فعال من المجتمع تجاه المهنة تحمل معها توقعات صفوة المجتمع من كيف يكون الصيدلى المثالى. و اترك تلك الرسالة الهامة لدراستها من جانب كل طلابنا و أأمل ان نجنى ثمارها و ثمار المشاركات القادمة من المجتمع الخارجى تجاه مهنتنا و ما يجب ان تكون عليه و هذا بالضبط ما نريدة من تلك الساحة الجديدة.
    "من لا يتقدم يتقادم .. فلا بصمة و لا أثر"

  9. #9
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    ارجع فى النهايه واقول ان الصيدله اصبحت تجارة فقط وليست مكان لاعطاء المريض حقه فى الوصفه الطبيه بالتفصيل
    من هذا الاقتباس نضع يدنا على أول و أهم أسباب عدم قيام بعض الصيادلة بدوره ..

    زميلي الفاضل ..

    اذا جعل الانسان المادة هدفه لا يمكن أن يعطي ..

    و أنا أتدرب في الأجازة , لا أتقاضى راتبا رغم وقوفي و عملي خمس ساعات متواصلة , لكني أبذل قصارى جهدي مع المرضى ..

    ألا تعلمون أن توضيح الاستخدام للمريض مهم جدااا ..

    ألا تعلمون أن كثير من المريضات قد تتعاطى vaginal supp على أنه rectal .. لماذا لا تقول يا صيدلي ؟؟

    الصيدلية اللي بتدرب فيها عندنا معمل تحضيرات بنعمل حاجات كتير عشان تكون fresh زي الأيودين مرهم وكريم و الكبريت مرهم و صبغة اليود و الجنتيانا و المركروكروم و الـ salicylic acid مرهم و حاجات كتير هبقى أذكرها في ساحة أخرى ..

    مرة عملت Anticorn paint لواحد عنده في جلده تينيا .. و كنت لازقة عليها Red label على أساس انه يستخدمها externally .. و كتبت عليها دهان مرتين يوميا ..

    لقيته بيسألني ( يا ترى طعمه حلو الدواء دة ؟ )

    افتكرته بيمزح , لم أرد

    بعدها أدركت الأمر و قلتله ( حضرتك مش هتشربه , حضرتك هتحطه على قطنة و تدهنه على مناطق التينيا اللي عندك في الرقبة )

    لو مكنتش قلت كان شرب دواء فيه أيودين و فيه salicylic acid عشان يبهدل قناته الهضمية ..

    أي روشتة فيها تعارض دوائي أو مشكلة حضرتك يتصرفها انت يا صيدلي المسئول عنها قدام ربنا و القانون و بتحصل على فكرة .. ولا داعي لذكر أمثلة .. عادي جل من لا يسهو

    سمعتوا يا جماعة عن الممرضة اللي حقنت أمبول في جهاز المحاليل ورسب كريستالات لملح الكالسيوم الغير ذائب و تجمع في وريد المريض و عمل انسداد مما أدى الى وفاة المريض ..


    ليس هناك خبير أدوية غير الصيدلي .. و الله ثم و الله ثم و الله ليس هناك خبير أدوية غير الصيدلي ..

    لازن ندرس و نعمل من هذا المنطلق .. أنا مسئولة أمام الله و هذا ما يهمني عن أدويتي و صلاحيتها و فاعليتها و تخزينها عندي المفروض يكون كويس ..

    أنا مسئولة عن كل دواء يخرج من صيدليتي , مسئولة عن أي كوارث تحدث بسبب أي خطأ مني أو من غيري ..

    لي مشاركة أخرى ان شاء الله في هذه الساحة لأخبركم عن خطتي للعمل بالصيدلية الأهلية و أنا على أعتاب التخرج .. ولكن بعد الامتحانات لأن عندي امتحان بعد أيام ..

  10. #10
    Pharma Student
    تاريخ التسجيل
    Jan 2010
    المشاركات
    287

    افتراضي

    يا جماعة احنا لسة اعدادى ياريت تعرفونا الطريقة الصحيح حتى نتفادى هذة الاخطاء وبجد نحن فى امس الحاجة الى نصائحكم لاننا بجد تائهين

صفحة 1 من 3 123 الأخيرةالأخيرة

المواضيع المتشابهه

  1. توقعات للمباراة بين الأهلي وحرس الحدود..؟
    بواسطة محمد غريب في المنتدى السـاحة الريـاضيـه
    مشاركات: 4
    آخر مشاركة: 21-06-2010, 01:57 AM
  2. أبو تريكة وحسني يقودان الأهلي للفوز
    بواسطة basma 90 في المنتدى السـاحة الريـاضيـه
    مشاركات: 14
    آخر مشاركة: 21-06-2010, 01:27 AM
  3. |||(( هنا التهــــانى)) الأهلى يتوج بلقب الدورى رسمياّ !!!
    بواسطة wh_kaboo في المنتدى السـاحة الريـاضيـه
    مشاركات: 35
    آخر مشاركة: 30-04-2010, 10:00 PM
  4. الأهلي يتوج بطلا لكأس مصر لكرة اليد
    بواسطة subzero في المنتدى السـاحة الريـاضيـه
    مشاركات: 12
    آخر مشاركة: 30-05-2009, 02:38 PM
  5. ( الأهلي Vs الإسماعيلي) :: الدوري المصري 2008 - 2009
    بواسطة dano_90 في المنتدى السـاحة الريـاضيـه
    مشاركات: 2
    آخر مشاركة: 28-05-2009, 01:10 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •