المشاركة الأصلية كتبت بواسطة محمد_على_سلام
يا ريت يا شباب حد يشرح المادة 77 فى صفحة 32
بص يا أبو علي أنا هقولك اللى أنا فاهمه غلط بقى ولا صح مش مشكلة
بيقلك يا سيدى ( هو مين ده اللى بيقول ) رسائل الأدوية المستوردة اللى هى المادة الفعاله (بيتهيألى يعنى ) اللى انت مستوردها وهتعمل منها الدوا فمينفعش يحصلها افراج جمركي إلا بعد ما وزارة الصحة توافق عليها
ولازم تاخد الموافقة دى قبل ما تاخد المادة الفعالة وتعملها تعبئة أو تحطها فى المستحضر الصيدلى اللى انت هتنزله السوق دى اللى هى تداول كل عملية من عمليات تشغيل الأدوية المحضرة محليًا وبعدين وزير الصحة هو اللى بيحط القواعد اللى بتنظم عملية التعبئة دى وتحضير الدوا بناء على اقتراح لجنة فنية للدوا ( متجيش تسألنى عن القواعد دى ايه عشان مش وقته ومعرفهاش ) والنقطة دى أنا فهمتها كده لنفسي عشان أعرف أذاكرها
والأخيرة بقى ان اللى بيستورد الدوا واللى هيحضره محليًا يدفع رسم بتحدده وزارة الصحة عن كل عينة من المادة الفعالة أو الدوا عشان وزارة الصحة تحللها ( العينة)
بس أنا فاهمها كده صح بقى غلط مش مشكلة
على فكرة أنا تقريبًا لسه مبدأتش ادعولى بقى ربنا يفتحها علي زى ما فتحها عليا فى علم النفس قبل كده وخلصته فى 3 ساعات بس يلا ربنا معايا ومعاكم
شفت أن optimistic قد ايه يا نحراوي