صفحة 3 من 12 الأولىالأولى 12345 ... الأخيرةالأخيرة
النتائج 21 إلى 30 من 120

الموضوع: %$%$.. ناويين على ايه يادفعة صيدلة المنصوره رقم 36..%$%$

  1. #21
    Pharma Student
    تاريخ التسجيل
    Sep 2007
    المشاركات
    1,299

    افتراضي

    اقتباس المشاركة الأصلية كتبت بواسطة khokha224 مشاهدة المشاركة
    ال icdl من مركز الحساب العلمى اللى ادام كليه الهندسه
    انا خدتها ايام امتحانات العملى
    وهى معتمده ان شاء الله
    كل اللى عليكوا تملوا بياناتكوا فى الموقع اللى الدكتور قال عليه ده وبعدها تروحوا مركز الحساب العلمى ومعاكوا صوره البطاقه و 2 صوره شخصيه و صورة الكارنيه و 35 جنيه
    وبالنسبه للمده هى مكنش ليها وقت محدد بس هم 7 امتحانات
    والله خدتهم كلهم ورا بعض هتخلص فى اسبوع خدتهم متفرقين كده زيى هتخلص فى شهر

    واى استفسار انا تحت امركم
    -----
    نسيت اقولكم ان المنحه دى امتحانات بس
    يعنى من غير شرح
    بس انا عندى cd كنت بذاكر منه كل ماده واروح امتحنها
    اللى عايزه يقولى وانا باذن الله هحاول ارفعه
    او ممكن تجيبوا الورق اللى فى المكتبه اللى فى السنتر وتقروه
    الامتحان مش بيخرج منه

    بالتوفيق ان شاء الله


    صح بس اللي عاوز يتعلم صح


    منحة وزاره الاتصالات يمكن توثيقها من الخارجية بل بالفعل هيا موثقة

    مفيهاش كلام

  2. #22
    Pb Elite
    تاريخ التسجيل
    Nov 2008
    المشاركات
    763

    افتراضي

    اقتباس المشاركة الأصلية كتبت بواسطة drsherbiny مشاهدة المشاركة
    صح بس اللي عاوز يتعلم صح


    منحة وزاره الاتصالات يمكن توثيقها من الخارجية بل بالفعل هيا موثقة

    مفيهاش كلام
    طيب هى مكانها فى الجامعه ولا فين


    ياريت ياخوخه ترفعى الCD

  3. #23
    Pharma Student
    تاريخ التسجيل
    Nov 2007
    المشاركات
    188

    افتراضي

    لو سمحتي يادكتورة خوخه يعني هيا ليها وقت معين للبدء ولا انا بروح اقدم الوقتي وخلاص ؟
    وانا بذاكر كل مستوى واروح امتحن عليه ولا ايه ؟؟
    ممكن تفسير أكتر لو سمحتي

    -----
    وهما كام مستوى يادكتورة ؟؟

  4. #24
    Pharma Student
    تاريخ التسجيل
    Sep 2007
    المشاركات
    359

    افتراضي

    بالنسبه لل cd انا هحاول ارفعه ان شاء الله
    بس النت عندى بيبقى وحش اوى الصبح وال cd مساحته كبيره
    ان شاء الله على بالليل كده هحاول اعمله

    بالنسبه لدكتور احمد اولا التقديم بادئ من زمان انا قدمت من شهر 3 وخدتها
    بس اعتقد انه لسه شغال لحد دلوقتى برده ممكن تروح وتسأل هناك

    وهم مش مستويات هم 7 امتحانات
    windows
    word
    excel
    access
    power point
    net
    IT
    ملهمش علاقه ببعض ومش لازم تمتحنهم بالترتيب وممكن كمان تتمحن اكتر من ماده فى يوم واحد براحتك خالص
    وحسب المواعيد المتاحه هناك والاماكن الفاضيه
    انا عن نفسى كنت بمتحن ساعات ماده و اعد اسبووع وبعدين امتحن ماده تانيه
    بس فى الاخر خدت 4 منهم ورا بعض علطول عشان كنت عايزة اخلص بسرعه

    وبالنسبه للمذاكره بتاعته هى بصراحه انا شايفه انها تافهه اوى بس بالنسبه لحد بيفهم اوى فى الكمبيوتر وعارف فى الحاجات اللى قلتها دى
    لكن لو حد بيفتح ويقفل وخلاص وميعرفش حاجه عن الكمبيوتر اعتقد ممكن تبقى صعبه شويه وممكن ياخد كورس احسن
    بس انا السى دى اللى معايا فى شرح مفصل وبكذا طريقه و فى امتحانات كتيييييييييييييييييير على كل ماده بعضهم محلول وبعضهم لا
    والامتحان مش بيخرج منهم خالص ان شاء الله

    بالتوفيق ان شاء الله

  5. #25
    Pharma Student
    تاريخ التسجيل
    Nov 2007
    المشاركات
    188

    افتراضي

    جميل جداااا يادكتورة هستنى من حضرتك بعد إذنك طبعا السي دي والامتحانات . معلش هتعبك معايا
    طيب انا الوقتي ادخل على الموقع واقدم واروح بعد كده في مركز الحساب العلمي واشوف ايه المطلوب ؟
    هوا الموضوع سهل بالنسبالي انا ممكن اخدهم في يوم انا كنت واخد دورات في الوورد والباوربوينت والاكسل في السعوديه لما كنت مسافر وبتقدير امتياز كمان الحمد لله بس انا قولت اخدها من هنا كمان تبقى معتمده أحسن وكده .
    بشكر حضرتك جدااااااا
    -----
    حضرتك كنتي إتأكدتي إنها معتمده يادكتورة ؟؟

  6. #26
    Pharma Student
    تاريخ التسجيل
    Sep 2007
    المشاركات
    359

    افتراضي

    اقتباس المشاركة الأصلية كتبت بواسطة ahmad_888 مشاهدة المشاركة
    جميل جداااا يادكتورة هستنى من حضرتك بعد إذنك طبعا السي دي والامتحانات . معلش هتعبك معايا
    ولا تعب ولا حاجه تحت امركم

    اقتباس المشاركة الأصلية كتبت بواسطة ahmad_888 مشاهدة المشاركة
    طيب انا الوقتي ادخل على الموقع واقدم واروح بعد كده في مركز الحساب العلمي واشوف ايه المطلوب ؟
    تمام كده

    اقتباس المشاركة الأصلية كتبت بواسطة ahmad_888 مشاهدة المشاركة
    هوا الموضوع سهل بالنسبالي انا ممكن اخدهم في يوم انا كنت واخد دورات في الوورد والباوربوينت والاكسل في السعوديه لما كنت مسافر وبتقدير امتياز كمان الحمد لله
    طيب تمام اوى ربنا يوفقك يا دكتور

    اقتباس المشاركة الأصلية كتبت بواسطة ahmad_888 مشاهدة المشاركة
    -----
    حضرتك كنتي إتأكدتي إنها معتمده يادكتورة ؟؟
    انا كنت سألت هناك وانا بقدم وقالولى انها معتمده بس شهادتى انا لسه مخدتهاش عشان بتطلع بعد 3 شهور
    ابقى اسأل برده تانى
    بالتوفيق ان شاء الله

  7. #27
    Co-Admin
    تاريخ التسجيل
    Oct 2007
    الدولة
    المنصورة
    المشاركات
    4,032

    افتراضي

    بالتوفيق يا شباب ..

    منحة وزارة الاتصالات الحمد لله خلصتها من حوالي شهرين

    بالنسبة للامتحانات هي تهريج بصراحة مش امتحانات

    الأسئلة بتكرر بالنص ونفس ترتيب الاختيار ..
    ومستوى تعبان
    بصراحة هي شهادة لكن مافيش تعليم

    اللي عاوز يتعلم ياخد كورس شرح
    أو يحاول يجيب شرح فيديو
    عندي اسطوانة شرح فيديو كامل بالعربي ممتازة

    لكن لو عاوزين شهادة بس ،
    - سواء استعجال أو كنتم فعلا كويسين في الكورس ده ومش محتاجين شرح -
    توكلوا على الله وقدموا في المنحة في مركز الحساب العلمي في كلية هندسة
    أول خطوة تتعمل هي التقديم وتسجيل البيانات على صفحة المركز في موقع الجامعة
    بعد ما أنا سجلت كدة وبدأت الامتحانات سمعت إن النظام اتغير وإنه لازم صفحة البيانات اللي كملتها على الموقع أطبعها وأقدمها مع الأوراق بتاعتي لكن مش متأكد إنها اتنفذت فعلا ولا لأ







    زي ما الدكاترة وضحوا قبلي إنها 7 امتحانات

    ممكن تاخدهم منفصلين بفرق زمني تحدده براحتك .. لكن لا يتعدى 6 شهور

    أو لو حد عاوز ينجز بسرعة ممكن ياخد حد أقصى 3 امتحانات في يوم واحد
    وبكدة ممكن يخلصها في 3 أيام على السريع

    لو تجاوزت مدة 6 شهور قبل ما تنهي الامتحانات السبعة هتعتبر ملغي ، وتسجل من جديد تاني





    بالنسبة لليونسكو طبعا منحة وزارة الاتصالات منفصلة تماما عن اليونسكو
    ديه حاجة وديه حاجة

    اليونسكو برضه من مركز الحساب العلمي لكن تفاصيلها مختلفة
    أهمها ..
    الامتحانات مش نفس المستوى
    ثمنها حوالي 165


    خالص دعواتي بالتوفيق




    -----




    نسيت أقول إن اللي هيتعامل مع مركز الحساب العلمي لازم يتمتع بهدووووووووووووووووء أعصاب
    لأن عادي جدا يكون معادك المتحدد الساعة 12 تمنحن 2 ونص
    وياريتهم يقلوا تعالى 2 ونص
    لا يقولوا النت فاصل وممكن يجي في أوقت وتمتحن على طول
    ولو مشيت تتحسب راسب في الامتحان ده وتدفع 5 جنيه وتعيده تاني

    المواقف ديه هناك عااااااااادي جدا زي السلام عليكم كدة

    مرة ساعتين ونص واقف مستني مش عارف تمشي وتيجي في معاد تاني محدد ومش طايق تقف هناك في الحر والزحمة
    ومرة ساعة ونص ومرة نص ساعة ( ده لو حظك حلو ) ومرة يوم يتأجل بحاله
    برضه عااادي

    أهم حاجة تكون أعصابك هادية
    لأنك لو اتعصبت ممكن ترتكب جريمة مع برود الأعصاب القاتل بتاعهم هناك

    تقولها عندي سيكشن أو محاضرة أو مشوار مهم ، حددوا بس آجي امتى امتحن

    تقولك بكل بساطة : وأنا أعمل ايه .. لو مشيت الامتحان هيتلغى وتدفع 5 جنيه وتعيده

  8. #28
    Pharma Student
    تاريخ التسجيل
    Nov 2007
    المشاركات
    188

    افتراضي

    هوا انا لازم أسجل على الموقع يادكتور رامي ولا ممكن اروح مباشرة هناك وأسجل ؟
    والامتحانات دي أجيبها منين ؟؟

  9. #29
    Co-Admin
    تاريخ التسجيل
    Oct 2007
    الدولة
    المنصورة
    المشاركات
    4,032

    افتراضي

    لا يا دكتور أحمد

    التسجيل على الموقع ده ضروري ولازم قبل ما تروح المركز

    لكن طباعة الصفحة ده اللي أنا مش متأكد منه
    زي ما قلت إني قدمت من غير طباعة الصفحة ، لكن سمعت من الناس اللي بعدي إن النظام اتغير وإنه لازم الصفحة تتطبع وتتقدم مع الأوراق

    عشان تضمن اطبع الصفحة وخدها معاك احتياطي


    بالنسبة للامتحانات ممكن تجيبها من أي مكتبة في الجلاء
    أو حتى فيه كشك قدام مدرج 21 و 22 في كلية هندسة ( قدام المركز على طول ) هتلاقي فيه اسطوانات شرح واسطوانات أسئلة وورق أسئلة

    عندي امتحانات على هيئة بوربونت ، وعلى هيئة فيديو ( امتحان بالضبط ومتصور فيديو )
    بالإضافة لنفس البرنامج اللي بنمتحن عليه في المركز
    نفس البرنامج هو هو بنفس النظام والوقت ( simulation )
    ده غير فيديوهات الشرح

    لو قدرت أرفع الحاجات اللي عندي مش هتأخر إن شاء الله


    الأسئلة ديه هتقرأها بس وتدخل تلاقيها في الامتحان

  10. #30
    Pharma Student
    تاريخ التسجيل
    Nov 2007
    المشاركات
    188

    افتراضي

    شكرا يادكتور رامي بارك الله فيك . طيب ادخل أسجل إزاي باه ؟

صفحة 3 من 12 الأولىالأولى 12345 ... الأخيرةالأخيرة

المواضيع المتشابهه

  1. %$% ... دفعة صيدلة المنصوره رقم 36 لعام 2010 ... %$%
    بواسطة محمد سمير في المنتدى قسـم الخريـجين
    مشاركات: 454
    آخر مشاركة: 10-09-2012, 04:14 PM
  2. **من صيدلة القاهرة-->إلى صيدلة المنصورة .**عساكم من عوادة
    بواسطة w_eldali في المنتدى قسم المناسبات والأخبار الاجتماعية
    مشاركات: 13
    آخر مشاركة: 30-11-2009, 11:18 PM
  3. ناويين علي ايييييييه؟؟
    بواسطة monmona في المنتدى منتدى المناقشات
    مشاركات: 13
    آخر مشاركة: 24-06-2009, 01:52 AM
  4. ها .... ناويين على ايه يا صيادلة المستقبل
    بواسطة pharmacistina في المنتدى منتدى المناقشات
    مشاركات: 26
    آخر مشاركة: 26-09-2008, 12:32 PM
  5. ناويين على ايه يا صيادله مصر ؟!!!
    بواسطة Pharmcist_girl في المنتدى منتدى المناقشات
    مشاركات: 22
    آخر مشاركة: 15-09-2008, 03:06 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •