انا بتفق معاكى يادكتورة لمياء لانى جبت مجموع طب وفضلت ادخل صيدلة اختصارا لسنين الطب الطويلة ولان كمان الطب مهنة عاوزة صبر وطول بال
بالاضافة الى ان التكليف فى طب غالبا مابيكون خارج الدقهلية.
انا بتفق معاكى يادكتورة لمياء لانى جبت مجموع طب وفضلت ادخل صيدلة اختصارا لسنين الطب الطويلة ولان كمان الطب مهنة عاوزة صبر وطول بال
بالاضافة الى ان التكليف فى طب غالبا مابيكون خارج الدقهلية.
مش عارفة يا جماعة ليه الموضوع ده شاغل الناس كلها حتى الدكاترة فى الجامعة نفسهم عموما دخولك كلية صيدلة جه بناء على المكانة اللى الكليه فيها
وعشان هيه وطب الكليتين اللى تعرف تشتغل بعدهم واختصارا لسنين الدراسة وخصوصا البنات اللى عايزة تتجوز والولاد الى وراهم جيش حبزو كلية صيدلة وانا ارهن ان لو كانت صيدلة ما كنش ليها تكليف او بتاخد من 50%ما كنش حد دخلها خالص من اصحاب المجاميع العالية وانا واحدة من الناس اللى بقول انى دخولى كلية صيدلة جه بناء على اللى شرحتة بصرف النظر انى حبيت الكلية بس بعد ما اندمجنا شوية فى الدراسة
أنا بصراحة قبل ما أدخل الكلية و أنا فى ثانوية عامة مش كانت فارقة معايا أدخل صيدلة و لا طب و لا طب أسنان ..... مش عارفة ليه .... يمكن علشان ميولى كانت فى الأول أنى أطلع مدرسة و ساعات كنت عايزة أدخل تربية موسيقية ( قبل ما أعتزل يعنى ) ... بس دايما فى العيلة من و أنا صغيرة أنا الوحيدة اللى كانوا بيقولولى يا دكتورة .... كان نفسهم أطلع دكتورة ....... بعد كدة قبل النتيجة كان نفسى أدخل صيدلة ...... لما جه التنسيق كان مجموعى أعلى من صيدلة المنصورة ب 3 درجات و أقل من طب المنصورة ب 3 درجات ..... بس كنت جايبة مجموع طب أسيوط ... و كان بابا عايزنى أدخل كلية علاج طبيعى ... و عمتى كانت عايزانى أدخل أسنان ...... و باقى العيلة عايزنى أدخل طب ...... بس برده دخلت صيدلة
و كنت بحب الكيمياء أوى و مش بحب الأحياء خالص ...... لو رجعت بيا الأيام هختار صيدلة بردة .... بحبها و بحب كل الناس اللى فيها .... و مفيش بديل
انا دخلت صيدلة علشان بصراحة نفسى اشتغل فى شركة ادوية
انا دخلت صيدله علشان ماكنتش عاوزه ادخل طب
لانى من النوع اللى بيخاف جدا وبيقرف فمكانش فيه حل
الا الصيدله على اساس انها مش مؤرفه خالص!
انا دخلت صيدله لاني بحبها ومقتنعه بيها جدا مع اني مش بحب الكميا
وانا طول عمري نفسي ادخل صيدله علشان كده حتي لما جالي كليه الطب مدخلتهاش
بالاضافه الي ان كليه الطب سنينها طويله وعايزه مجهود جامد وانا غلبااااااااااااااااااانه
انا فرحانه اني كان ادامي كل الكليات ودخلتها وانا في كامل قواي العقليه
وفرحانه كمان ان كل اصحابي معايا
شكرا ليكم
انا كان نفسى ادخل صيدله من وانا صغيره ولما مجموعى الحمد لله جه عالى اخترت انى ادخل صيدله
انا بحب المجال ده وكمان بابا صيدلى وفده ساعدنى اوى كمااان
انا بقى ما كنتش فاقرة معايا لا طب و لا صيدلة و لا اى كلية ......... انا كان حلم حياتى ادخل اقتصاد و علوم سياسية او حقوق english او حتى جامعة امريكية لكن لان بابايا مش وزير و لا ماما سفيرة فكل الناس اقنعتنى _افكنى_منها و كان طبعا يعنى الناس اللى اعرفهم عاوزين محمد يتقال عليه دكتور _ لقب حلو و الله_ و ابقى وسط الناس الدكتور محمد . لكن الحمد لله انى جعلتهم مبسوطين على الاقل ........... و على العموم انا هفضل مهتم بموضوع الاقتصاد و العلوم السياسية ده و يمكن بعد مخلص كليتى الجميلة ارجع اذاكر تانى و ادخلها ............ اما عن كلية الصيدلة مش عارف لسة هحبها و لا ايه ؟؟!!!
أنا بقى كان من صغرى بحلم إنى أدخل كلية إعلام
ولكن لما دخلت الثانوى عرفت إن الإعلام معدش بيقتصر على كلية الإعلام
عشااااااان كده قررت من أول ما دخلت الثانوى إنى أدخل صيدلة
عشااااان أساااااافر بره كندا أو إستراليا
والحمد لله حلمى إتحقق
ودخلت الكلية بإختيارى مش مجبر عليها