النتائج 1 إلى 5 من 5

الموضوع: اكتر موقف مش هتنسااه في الكلية "ذكريات"

  1. #1
    Pharma Student
    تاريخ التسجيل
    Apr 2007
    المشاركات
    189

    افتراضي اكتر موقف مش هتنسااه في الكلية "ذكريات"

    وبعد ما خلص أخر امتحان في الكلية الواحد طبعا قعد يفتكر معظم المواقف اللي حصلتله في الكلية بتمر قدامه زي شريط بيجري بسرعة وهوا ماشي بيلملم بقايا الادوات زي الموظف اللي طلع معاش وبيلم اوراقه من المكتب قبل ما يسيبه اكيد قعد يفتكر مواقف لاتنسي حصلتله في الكلية وقعد يضحك طبعا ياريت لو تقدر تشاركنا بموقف حصللك في الكلية مش هتنساه سواء كوميدي او لا



    وانا هحكي موقف ليا عمري ما هنساه في اعدادي ايام ما كنا بنحضر في المدرج


    زمان من حوالي 4 سنين خير اللهم اجعله كنا في اعدادي كان مدرجنا في الدور الرابع الواحد كان يفضل يطلع بلاد تشيله وبلاد تحطه لحد ما يوصل للمدرج بتاع اعدادي عشان المحاضرة
    في يوم من الايام كنت جاي احضر محاضرة فيزيائية ايام ماكنت بحضر وطالع السلالم في اول اسبوع ومش فاكر طلعت كام دور المهم قابلني باب مدرج رحت داخل طبعا بقالي اسبوع اشكال الطلبة لسه مطبعتش معايا بس يعني فيه ناس كنت عرفت اشكالهم دخلت المحاضرة الاقي ناس غير الناس بس تقريبا شبههم زي ما يكونوا قدنا المهم دخلت وامري لله ودخلت الدكتورة اللي كنت عادة لما بقعد ورا مبشوفهاش فكانو الدكاترة الستات كللهم بالنسبالي شبه بعض فمميزتش بصراحة شكلها خصوصا انه تاني محاضرة برضة المهم مطولش عليكوو قعدت وفتحت الكشكووول وبصيت عالسبورة
    أيام ماكنت ببص شفت ايه خير اللهم اجعله خير دكتورة لابسة ابيض في ابيض بتشرح كيميا ملهاش علاقة بالكيميا اللي في الاسبوع اللي قبله قلت زي بعضه اما اكتب قعدت اكتب وانا طبعا مش فاهم حاجة قلت زي بعضه جايز لسه مسخنتش
    المهم بعد 10 دقايق محاولات متتالية ومعاناة بحاول افهم استسلمت وقعدت اتفرج علي الناس في المدرج فببص لقيت واحد جارنا اكبر مننا صاحبي انا اعرفه قاعد في المدرج وبيبصلي وبيضحك انا استغربت قلت ايه اللي جايب الراجل دا هنا
    شوية وببص لقيت الصوت سكت والدكتورة بتقول اظن سؤال سهل مفيش حد في تانية ميعرفوووش
    " ثانية ؟ " يانهار ابيض رحت لاوح رقبتي سنة للي جمبي بقولله كابتن هوا انتوا سنة تانية ؟ بصلي وقاللي اه قلتله طب انا اعدادي ودخلت هنا غلط اعمل ايه ؟ ضحك وقاللي قوم امشي
    قلتله عادي كدة ؟ قاللي اه قوم واخرج قلتله مرفعش ايدي واستاذن حتي ؟ قاللي لا قوم امشي

    مكدبش عليكووو أنا لسه في اعدادي والواحد مشدود ومش عارف الميكانيزم بتاع الخلعون من المحاضرة فمش عارف اتعامل فالدكتورة مستنية حد يجاوب وها يللا مين عارف ؟
    اذا بيا برفع صباعي وبتقوللي ها جاوب وكلله مستني العبقري بقي اللي رفع صباعه وهيجاوب فقالتلي ايوة انتا اللي هناك
    قلتلها ممكن امشي ؟ ومخنوق كدة المهم قالتلي اتفضل بس تقريبا افتكرتني عاوز اروح الحمام وخرجت بعد عذاب
    كانت الساعة بقت 8.40 وعدي اكتر من نص ساعة من محاضرة الفيزيائية طلعت الحق المحاضرة ودخلت من هنا اذا بالنور يقطع وكل الناس خارجة فكان موقف بصراحة تجمعت فيه كل عوامل النحس في وقت واحد ويارب محدش يقع في الموقف دا تاني

  2. #2
    Pharma Student
    تاريخ التسجيل
    Sep 2007
    المشاركات
    46

    افتراضي


  3. #3
    Pharma Student
    تاريخ التسجيل
    Sep 2007
    المشاركات
    46

    Question ادخل وقلنا هتعمل ايه؟

    ايه اللى نوين تعملوه ان شاء الله؟فلاجازة

  4. #4
    Pharma Student
    تاريخ التسجيل
    Apr 2007
    المشاركات
    170

    افتراضي

    ههههههههههههههههههههه


    مش غريبة عليك يبو هشام


    بس اوحش ذكرى يا هشام

    اننا متصورناش مع بعض



    :d :d :d

  5. #5
    Pharma Student
    تاريخ التسجيل
    Sep 2007
    المشاركات
    2,797

    افتراضي

    ههههههههههههههه
    بس ده دليل ع انك سابق زمانك وعايز تخلص بسرعه
    بس اكتر موقف مش هنساه بحياتى هو شكلنا اليوم وكلنا متجمعين انا بفضلت ابص ع الناس كلها واقو لمعقول مش هشوف المنظر ده تانى
    واحساس غريب لا يوصف ع قد ما فرحت انى خلصت بس حاسه انى كبرت وخلاص خرجت لسوق البطاله قصدى لمجال العمل وفى حياه جديدة هتبدا مش متعودين عليها خلاص بقالى كتير طالبه
    ربنا ينجحنا كلنا ونرتاح بشغل ونشوفكو بخير

المواضيع المتشابهه

  1. مشاركات: 11
    آخر مشاركة: 08-09-2010, 05:11 AM
  2. " سر الجريمة" حلقة جديدة من راديو فى الكلية
    بواسطة mesery في المنتدى في الكليـه
    مشاركات: 11
    آخر مشاركة: 21-03-2010, 12:18 AM
  3. """ لو عندك انسان عزيز وغالى ياريت تتفضل تقرأ هذا الموضوع """
    بواسطة dr queen في المنتدى المنتـدى العـام
    مشاركات: 16
    آخر مشاركة: 22-11-2009, 10:16 PM
  4. أخبـــار....أهـــرام....جمهـــوريـــة... "كله على منتدى الكلية"
    بواسطة أمــ هـنـد ــة الله في المنتدى منتدى المناقشات
    مشاركات: 79
    آخر مشاركة: 11-02-2009, 10:43 AM
  5. الجمعية العلمية لطلاب صيدلة المنصورة " دليلك فى الكلية "
    بواسطة عامر إبراهيم في المنتدى الجمـعيه العلميـه
    مشاركات: 11
    آخر مشاركة: 24-08-2008, 02:58 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •