الموضوع: Simple OTC cases
عرض مشاركة واحدة
قديم 09-05-2011, 04:23 PM   #33
..::ciZar_Resala::..
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 396
تاريخ التسجيل: Aug 2007
الدولة: City Of Angels
المشاركات: 3,902
الفرقة : خريـج 2010
تواصل مع ..::ciZar_Resala::..:

male

..::ciZar_Resala::.. غير متواجد حالياً
افتراضي

اقتباس
مشاهدة المشاركة المشاركة الأصلية كتبت بواسطة سوزران
طيب يا جماعه بالنسبة لالام الاذن ايه هى الاسئله اللى ممكن اسألها للمريض او لو كان طفل اسال المرافق بتاعه عن ايه وايه هى العلاجات المقترحه؟

بالنسبة للأطفال ..

الطفل فى الغالب بيعيط و بس .. يا إما بيشاور على ودنه لو صغير أوى .. يا إما بيشدها لو كبير شوية

لو بيعرف يتكلم .. بيقول ..

بالنسبة للكبار .. فدى سهلة .. بيقول إنه ودنه وجعاه ..

و ممكن يكون فى إفرازات خارجة من الأذن ..

الهدف من العلاج .. هو راحة المريض من الألم .. نتجنب الـ complications اللى ممكن تحصل .. و نمنعها من إنها ترجع تانى ..

فى بعض الحالات بيبقى مصاحب بإفرازات خارج الأذن .. او إفرازات داخل الأذن ..

فى أى حالة تجيلك .. أول حاجة تعملها .. تتأكد إن الـ Tympanic membrane مش متتضرر ..

بأسئلة بسيطة + تمرين بسيط ..

وقعت على ودنك ؟

حد ضربك عليها ؟

سمعك قل بيها .. أو حاسس إنك مش سامع بيها ؟

لو الإجابة بأيوة .. أو بلأ .. تتأكد ..

خليه ياخد نفس و يقفل فمه و أنفه .. و يحاول يخرجه من ودنه ..

لو معرفش و محسش بأى حاجة .. كده طبلة الأذن سليمة ..

لو حس إن فى تفييص .. أو سامع صوت هوا خفيف ... دا معناه إن الطبلة متضررة و فى الحالة دى .. ---> Refer to E.N.T doctor .. دكتور أنف و أذن و حنجرة ..

لو حس إن فيها سائل .. أو منتفخة .. لو فى إمكان إن إنت تبص على طبلة الأذن ماشى شوفها حمرا و لا لآ .. لو مفيش إمكان .. فى الحالة دى برده يروح لدكتور عشان مش هيرتاح إلا لما السائل اللى موجود فى الأذن ده يتصفى .. و برده الدكتور بيوصفله مضاد حيوى .. عشان الحالة دى suppurative ..

لو مفيش اللى فات ده .. و طبلته سليمة .. تبدأ تعرف السبب .. عشان زى ما اتفقنا .. النصيحة قبل الدوا ..

هتسأله .. خد دور برد قريب ؟ .. طبعاً لو فى دور برد شغال هيبقى واضح على شكله و نفسه ..

الحالة دى بتبقى Otitis media secondary to upper respiratory tract infection

لو محصلش ..

لو كبير .. هتسأله إن كان فى حكة و لا لآ ..

لو فى حكة .. تديله حاجة زى الـ Garasone نقط .. مش عارفة لسة موجودة فى مصر و لا ناقصة كالعادة ..

مع قطرة مسكنة للأذن زى الـ Ear calm .. و الأفضل كمان لو فى حكة .. ينضف ودنه و يشيل الشمع اللى فيها بحاجة زى الـ waxol أو الريموواكس ..

لو مفيش حكة .. هتتابع ..

لو طفل .. تأكد على الأم .. إنه بعد ما ياخد رضعته .. أو يرضع .. متنيموش علطول .. لازم راسه بنص صدره يفضل مرفوع نص ساعة أو أكتر .. و كذلك لما ييجى يرضع لازم راسه و صدره يكونوا مرفوعين عن جسمه شوية .. فى وضع مائل 45 درجة .. عشان فى حالات الأطفال .. بيكون القناة الواصلة ما بين البلعوم و الأذن صغيرة .. و واسعة ..

مع الرضاعة .. و رجوع راس الطفل للخلف .. اللبن ممكن يدخل ودنه .. و ده media كويسة جداً لنمو الباكتيريا .. حاجة مسكرة .. و ف مكان مقفول .. و دافى .. و عيش بقى

نتابع مع الحالة .. بعد النصيحة ..

أفضل علاج للكبار و الأطفار ... و الفرست تشويس .. السيفاكلور Cefaclor ..

عاوز تنوع .. و يبقالك ترند .. خد عندك ..

penicillins
2nd & 3rd generation cephalosporins
macrolides
Gentamycin
co-amoxiclav

كل اللى فات ده مضادات حيوية تنفع .. و الأفضل .. السيفاكلور ..

و ده لو طبلة أذنه سليمة .. بتديله معاها نقط أذن مسكنة ...

و تدعيله بالشفاء .. و تديله بوسة ( الأطفال طبعاً ) .. و يروح ..

لو فى حد عنده إضافة .. او أنا نسيت حاجة يا ريت حد يفكرنى
  رد مع اقتباس