يا ترى تالتة هتبقى شكلها ايه

[Ahmed-Helmy]

يعنى ربنا يسترها معانا ونعدى تخيلوا بقى تالتة هتبقى أزاى مين اللى هيدينا مين هيحبنا مين هدينا على دمغنا يعنى عايزين نحلم أحلام وردية لتالتة لحد ماندخل ونتصدم بواقع الكلية الحلو أوى اوى أوى
اللى أنتم عارفينه فيتو مديسنال فارما بيو صيدلانيات وطبعا يا قلبى لا تحزن

[sweet nona]

متسبونى اشرب مج الشاى بروقان لازم تفكرونا
ع العموم ان كان ع البايو والمديسنال اناعاوزة العب مع الضفدعة بتاعتى ومش عاوزة فيران انا خوافة


بس انامتوقعة سكاشن تالتة هتبقااحلى سكاشن هنضحك لمانقول بس خاصة ع البنات لاننا خوافين الصراحة
انامتوقعة خير باذن الله

[Ahmed-Helmy]

البنات بس اللى خوافين على النعمة لو جالى فار لأسيبهلم وأمشى

[sweet nona]

ههههههههههه وماله كلنا وراك كل السكشن خارج يصوت الحقوووووونا فار مفترس عاااااااوز ياكولنااااااااا ولايمكن فار شارب حشيش ولاحاجة تبقا مهرجان

[dr_orchida]

نظرتي المستقبلية بتبقي حلوة ولطيفة
لحد اما بندخل السنة ونتصدم صدمة عمرناااااااااااااااا
بس ان شاء الله هتبقي كويسة برغم انها هتكون تقيلة جدااا علشان في التخصص بس هتبقي ممتعة باذن الله

التفاؤل حلو برده يا جماعة

[A.Elrayes]

سنه فله بإذن الله بس ميكنش فيها حد يعكنن عليا

[ELANDALEEB]

والله تقريبا دلوقتى ثالثة دى تعتبر حلم ، بس أملى فى ربنا كبير ان شاء الله
بس لو دخلت ثالثة ، هشترى فار وهسميه ( ربيع ) ، واخليه قدامى وانا بزاكر ، ومش هعطيه حقن ابدا
، هخليه فار مودرن

[Sincerity]

يا جماعه تالته دي أحلي وأسهل سنه كفايه انك هتحس انك صيدلي بجد وبتدرس حاجه ليها قيمتها ،عندكو مواد زي الفارما والأساي والمديسنال زي بعض يعني لو ذاكرتو الفارما كويس هتسهل عليكو الباقي ،بجد الفارما دي عشقي الأول والأخير ، الأساي هتلاقوها نفس كلام الفارما مع حبه تجارب علي الفران والضفادع والمديسنال نفس الكلام بس معاها حبه استراكشرات ،لسه البيو وهوا ماده لذيذه والله والصيدلانيات سهله جدا ،الفيتو بقي لو اتذاكرت هتبقي تمام وبما اني كنت بزاكرها قبل الامتحان فمكنتش بظبطها لأنها كبيره وعاوزه تركيز وفهم .المهم زاكروا انتو وربنا مش هيضيع تعبكو ان شاء الله

[مشمشة]

ايه ده ياجماعة .............

فران ايه وضفادع ايه اللى انتى بتتكلموا عنها

هو احنا فينا من كدة

كنت فاكرة ان الحاجات دى اتلغت خلاص

يعنى انا ياربى كل اجازة انوى انى اشتغل السنة الجاية بقى والتزم وابقى زى باقية الناس

تطلعلى حاجة كدة ..............

مع انى مسلكة نيتتى مش عارفة فى ايه

ع العموم هى المسالة لو فيها فران وحاجات كدة ............

يبقى ان شاء الله تالتة هتبقى زى اخواتها اللى فاتوا

بلا سكاشن ............واساسى بلا محاضرات

يلا جت منهم

اممممممممممممم

ولا اقولكو ...........ممكن بردة اجرب اشتغل هتبقى بردة حاجة جديدة

بس هيبقى ليا تصرف تانى مع الفيران

ربنا معانا

[Amira]

بالعكس بقى دا اكتر حاجه عجبانى هو موضوع الضفادع والفران ده "مع انى بخاف من الفران وبقرف منه"

اهم حاجه اذاكر من الاول