المشاركة الأصلية كتبت بواسطة chocolata
اليوميه الخامسه
كابتن فوزيه
الاحد 13/12/2011
قايمه من النوم بقول يا فتاح ياعليم
الناس بتصبح على ورد وفل وياسمن
وانا غيرهم صابحه على امتحانين
بسرعه لبست ونزلت مع سيكو
وشايله فى ايدى شنطتى و على كتفى ال
R.P.G
قلقانه ومتبته فيهم بسنانى وايديا
وبقول يارب يارب اوصل بيهم سلام الكليه
والحمد لله وصلنا بالسلامه
وطلعت على معملى فى الطوابق العليا
بنهج وكانى كنت فى مسابقه ماراثون عالميه
وابتدا وابتدا وابتدا الامتحااااااان
الميديسنال كان اول ما شافت عينيا
رصينا وظبطنا وابتدينا العمليه
وكله لغايه دلوقتى تمام واليسطه وميه ميه
فجاه حسيت بهزة ارضيه
فلاسكى ابن الذيكا
بيرقص رقصه شرقيه
قلبى وقع مترين بعيد عن رجليا
وجت سليمه
وتمت العمليه بنجااااااااااااح
والف مبروك ما جالك يا ابو انشراح
ومتابعه للامتحانات العمليه
نلزت وادام البار قعدت مستيه
والكل فى اجتماعات عائليه
حولين الشرايح اللى بتلخبطنا شويه
ودى تقول لدى بصى دى بتبقى مدورة وصفرا
لكن التانيه تلاقيها شفافه وبيضاويه
ودا كويز بديهولكم لو فاكرين
ترى ما هى الشرائح المعنيه؟
Chaaaaaaange بسرعه انت وهيا
والحمد لله عدت برده مع اصابه عميقه فى الشريحه الاولانيه
اشاعة فى الكليه
دكتور اسماعين هيدى النهاردة صناعيه
قلت اما اطلع احضر بدل ما درجه الغياب تروح عليا
واتفقت مع صاحباتى نقعد فى اخر بنش عشان
نريحلنا شويه
وبنات كتير قاعدين ورا
اللى بتذاكر توكسو واللى نايمه
وسيكو قعدت تكمل كتاب الصناعيه
بعد ما الدكتور اتصدمت
المدرج كله معليهوش نور والبنش بتاعنا الوحيد
اللى عليه اضاءة جامده وعاليه
مش عارفه انام والدكتورحاسه عينيا بس عليا
ومرت الساعه بطيييئه
لغايه لما الحمد لله
بص فى ساعته وقال نكمل المحاضرة الجايه
جعاااااااااااااانين دا اللى طالع علينا
انا ونيروز وسيكو وبيبو وجلاكسى ومطحونه وشوقيه
مكلناش لقمه من الصبحيه
وطلبت معانا النهاردة كشرى مصرى وجنبهم شويه تقليه
وعشان خاطر الحريه والروح الديموقرطيه
عملت استفتاء جماعى
عشان نختار ايه المحل اللى عليه العين والنيه
وفاز بالمسابقه المحليه
لهاليبو لهاليبو
رحنا واترصينا وقعدنا نتفاوض هنطلب ايه هنطلب
جه الجرسون لقانا محتارين
سابلنا الدفتر والقلم
وقالنا اكتبوا كله اللى انت عاوزينه
ولما تخلصوا نادولى بس وقولولى تعالى يا مهند
ضحكه مكتومه كلنا مش قادرين
مش مصدقين
وطلبنا
6 كشرى سوبر لهااااااليبو
واتنين حمص واتنين تقليه
وكتبتا الorder باسم فوزيه
وقلنا يا مهند
خد الطلب مننا
ضحك وقالى طيب ماشى ياكابتن فوزيه
من ساعتها ودا اللقب الرسمى بتاعى
ضحكنا واستنينا شويه
وكل شويه يا مهند
غير الصلصه ديه
لان ريحتها كانت شبه ريحه الملوخيه
مش طبيعيه
وهو على نغمه واحده
حاضر يا كابتن فوزيه
وعلى وشه ابتسامه غير عاديه
واانا بقول ارحمنى انا مش فوزيه
دا ايه يارب الوقعه ديه
وبدان ناكل والدقه بنصبها زى الميه
بس مفيش اى اعراض جانبيه
no flushing no hyper thermia ولا حتى تقلبات معويه
مش حاسينه
الكشرى مش مستطمعنيه
دا قبل ماتيجى الشطه المدويه
نيروز وبيبو حطوا منها وكانها صلصه عاديه
مساكين هم اللى خدوا الصدمه الاولانيه
بيبو احمرت ودمعت وسخنت وقالت الحقونى بالميه
قلتلها لو هيغمى عليكى انا مش قادرة اشيل رجليا
ونيروز حصلتها و جالها سخونيه
عشان تكمل بقى
حاله ضحك هستيريه
مبروك يا عيال دى حاله سطل علنيه
اتاخر طلب مطحوووووونه
قالولى يلا يا فوزيه
انتى ريسه الترابيزة ديا
وعلى طووووووول يا مهند
مفيش كلام الكابتن اتكلم
الكانز فى ثوانى ادام عينيا
تقلنا وقمنا دايخين ومصدعين ومشطشطين
وبجد اخر حاجه مهيسين
وخدنا صورة جماعيه ذكرى
يوم اخر جميل من ايام الكليه
وشكرا
شيكو
بجد يومية جنان ياشيكو واليوم كان هايل وميتفوتش معرفتش امسك نفسى من الضحك وانا بقراها وبفتكر اليوم بجد كان يوم جامد نكرره تانى ان شاء الله
شكرا كابتن فوزيه
رد مع اقتباس
.gif "Fop (18)")
.gif "Fop (39)")
(( عملى العضوية ))
.gif "Fop (7)")
.gif "Fop (29)")
.gif "Fop (41)")
.gif "Fop (9)")
