يوميات شبه شعريه

[محمد فهمي]

خلي بالك المرة الجاية بقه يادكتورة...اتبعي مبدأ " لتلحق لا متلحقش "

[chocolata]

السلام عليكم

كنت قولتلك يا شيكو انى ممكن افاجئك بمشاركة ليا اذا حصللى موقف يدعونى للتهيييس وكتابة يومية شبه شعرية فى موضوعك ,,,وعلى راى احمد حلمى حضر الموقف وكتبت تلك اليومية التى بين ايديكم واتمنى انها تعجبكم واسفة لو هى طويلة واسفة لان المقدمة دش شوية من غير سجع

**يوم فى معمل الفايتو**

اليوم الاحد 13/11/2011 كان احد الايام العجاب التى نقضيها فى كليتنا الموقرة كلية الصيدلة .......
يبدا يومنا (انا وصديقتى) كالعادة بعد عناء رحلة المواصلات اليومية , نسير وخطواتنا تتسارع طويا للطريق حتى نصل بشق الانفس الى الطابق الثالث من المبنى (أ) حيث سكشن الفايتو , ثم نتنفس الصعداء
بعد ان تطأ اقدامنا ارض المعمل قبل فوات المهلة المتروكة لنا فرضا وهى عشرة دقائق بعد الساعة الثامنة
ثم تدخل الدكتورة وتقوم بالشرح ,, وبعد الشرح نتوجه بهمة ونشاط
(مزعومين ) نحو اتمام مهمتنا ايا كانت ..

علينا اليوم تحديد النسبة المئوية ....
للمركب المدعو "cineol " ....
باعتباره جزءا من زيت يدعى " الكافور "....
كميته الاجمالية : عشرة ملليلترات تم تخفيضها الى خمسة فقط .....مراعاة لظروف الكلية....

"" الادوات المطلوبة "".. 1- دورقا يدعى ال "cassia flask ""
2- حمام ثلج "ice bath "

**تنبيه ** العمل يتم فى مجموعات ولا تسلم الادوات الا بعد ترك رهينة ولتكن " الكارنيهات "

الكل مضى نحو اتمام العملية واذا بحالة من الفوضى تعم وتعلو الاصوات ,,,والسبب فى ذلك انه:-
لا يوجد فى المعمل الا عدد ثلاث من ال ice bath
تجاهلت بدورى تلك الحالة وذهبت لاتسلم الدورق الميمون بين قوسين ال (cassia flask )
ومعى الرهينة فقال لى المسؤل : ((عفوا لقد نفذت الكمية ولم يعد يبق فى حوذتى من العهدة المعملية
الا مايكفى بالكاد معملكم المجاور الشقيق ))
عدت لصديقتى بخفى حنين ....وظللنا نحن الاثنين
نتنقل بين المجموعات ..نلقى النظرات.. نشاهد الخطوات
ونتبادل الضحكات لسخرية التعليقات
حتى تمكننا تقريبا من فهم كيف تتم العملية
وفجاة خلا المعمل من حولنا ولم يبق الانا , فقررنا الات ...
خوض تلك التجربة السحرية ....
مهما كانت عواقبها مؤذية..
وذهبت ثانية وانا راجية
الحصول على تلك القطعة الذهبية.. _بين قوسين_ ال (cassia flask)
فنظر الى المسؤل هذه المرة باستنكار..
وشجب وتعجب ....كاننى انا من اذنب....
ثم اهدانى اسفا احدى القطع كانه فرط فى احد ابنائه ..
موصيا اياى بها ...
لانها نادرة ولن يستطيعوا توفيرها ...
كظمت غيظى وعدت هذه المرة ..
ازف الى صديقتى البشرى ...
وشرعنا فى التنفيذ ...احضرنا ال "cineol " واضفنا له الفوسفوريك
وبدانا فى التقليب حتى يتكون ال adduct ....
حصلنا على المطلوب تمام
وبعدها قمنا بنقله على قطعة مناديل بامان
وبدانا بالضغط عليه مرة تلو المرة
حتى يصفى من اخر قطرة
وتبقى معنا قطعة mass مفرودة
قطعناها اربا اربا وقذفناها فى الفلاسك الموعودة
القينا عليها الماء الساخن حتى تذوب
ولاحظنا قطع ممزعة من المناديل فى القاع تتسكع
وشاهدنا قطرات الزيت تصعد نحو القمة وتتجمع
حتى صار حجمها اثنان من الملليلترات قابلة للزيادة والسبب انه:
قد عاندتنا احدى القطع الكروية من الmass الشقية
كلت ايدينا من الرج وهى ....
على موقفها ثابتة وابية
لن اذوب ولن اتفتت
ولن تاخذوا منى اى قطرة زيتية
ووصل بنا الحال الى ان حدثناها توسلا بان تذوب
ولكن لا حياة لمن تنادى فالقينا المحتويات ,,,
وحمدنا الله على اتمام المطلوب
وفى النهاية اسرعت لتسليم الامانة المتروكة فى عنقى بحمد الله سالمة
خالية من الاصابات والجروح وتمكنت من فك اسر رهينتى بسلام
ومضيت انا ورفيقتى بعد ان استمتعنا بتلك التجربة الشيقة وحدنا فى المعمل _بين قوسين_ (lab. Alone)

منورانى يا ايمى ياجااااااااامد
تسلمى ياجميل عل المشارؤكه الجميله
عجبنى فيها انها بالعربيه الفصحى
واستخدامك لكمه اربا اربا تحفه بجد
وانك عبرتى عن موضوع الادوات الذهبيه بطريقه واقعيه
امال لو كانت الادوات ذهبيه فعلا كانوا عاملونا ازاى
داحنا الطلبه
احنا اللى الحاجات دى موجوده عشانهم اشاسا
المهم اكيد استمتعتى
وشكرا لانك امتعتينى بمشاركتك ومنتظرين المزيد من يومياتك ياقمر

-----

خلي بالك المرة الجاية بقه يادكتورة...اتبعي مبدأ " لتلحق لا متلحقش "

عموما انا عارفه انى مكنتش هلحق بس حقيقى مكنش في جيدي لسه فى دماغى
وكنت عاوزة ابعتها يوم الاربع بس انشغلت فى عمل وطنى جليل
فى المطبخ


حظ سعيد المرة القادمه

[eeeman]

منورانى يا ايمى ياجااااااااامد

تسلمى ياجميل عل المشارؤكه الجميله
عجبنى فيها انها بالعربيه الفصحى
واستخدامك لكمه اربا اربا تحفه بجد
وانك عبرتى عن موضوع الادوات الذهبيه بطريقه واقعيه
لا واقعية واقعية انا لما رحت اخدها فعلا لقيته بيقوللى خلى بالك منها كان نفسى اقوله متخافش دى فى عينيا هههههه بس زى ما قولت كظمت غيظى و.............
امال لو كانت الادوات ذهبيه فعلا كانوا عاملونا ازاى
داحنا الطلبه
احنا اللى الحاجات دى موجوده عشانهم اشاسا
المهم اكيد استمتعتى
وشكرا لانك امتعتينى بمشاركتك ومنتظرين المزيد من يومياتك ياقمر

-----
ربنا يخليكى يا شيكولاتى ويارب تكون عجبتك بجد وتعجب باقى الاعضاء .....وبالنسبة لموضوع انى كاتباها بالفصحى سبحان الله جات معايا بالصدفة لانى كنت ناوية اكتبها بالعامية بس فى جزء معين لما جيت اكتبه كتبته بالفصحى وبعدين لاقيت الكلام كله جه معايا بالفصحى



[center]

عموما انا عارفه انى مكنتش هلحق بس حقيقى مكنش في جيدي لسه فى دماغى

وكنت عاوزة ابعتها يوم الاربع بس انشغلت فى عمل وطنى جليل
فى المطبخ

حظ سعيد المرة القادمه

خلي بالك المرة الجاية بقه يادكتورة...اتبعي مبدأ " لتلحق لا متلحقش "

حضرتك تقصد انى ملحقتش الفلاسك ولا ايه اصل رد شيكو على حضرتك لخبطنى عموما

[chocolata]

امبارح كان يوووووووم طويل بجد

نمت قبليه ساعتين تلاته عل القد

نزلت متاخر ورايحه كالعاده بجرى وبنط

وصلت لقيت معملى المتميز واقف بره بيهيص

ومعيدنا الحمد لله كان لسه بيجيب الدفتر

قلت ياريتنى قبل ما انزل كنت جبت حاجه عليها افطر

بدا السكشن بالمعيد بيسالنا عملتوا ايه فى الامتحان

قلت فى عقل بالى ماتسيب اللى فات عدى وبقى من زمان

بعض الناس اشتكت من العينات

مش واضحه مش باينه مش شايفين اى حاجات

وناس سالت عل الرسم ايه اخباره

وعليه اد ايه درجااااااات

رد عليهم متقلقوش

مفيش حد هيتظلم فى الدرجات

وبدا فى الشرح الجديد

عنوانه estiamtion of tannin

وطبعا كلكم عارفين

يعنى ايه كلمه tannin

وساد صمت عجيب لدقيقتين

اصل احنا سكشن اغلبه بنات خجولين ومؤدبين

ميلت عل اللى جنبى قلتها هو سكت ليه

قالتلى تقريبا شكله بيسال وعاوز حد يرد عليييييه


هو ايه هو ايييييييييه

خدناه بس دلوقتى انا مش فاكراه


قالنا ايه دا انتم فى تالته واخدينه

واكيد لسه عارفينه

سمعت صوت واحد بيقوله الاجابه

قلت الله اكبر فل عليكى يا فنانه

رجع يكمل شرح تانى

و يسالنا تانى طبعا عارفين ازاى بنعمله determination

خدتوها فى التحليليه فى تانيه

واحنا على نغمه واحدة مش فاكرينه

وازاى بنرسبه بالجيلاتيييييين

زى ما انتم اكيد فاكرين

test عملتوه فى اولى فى العقاقير

النغمه اتغيرت وبقت التتنيح الكبييييييير

قلت لنفسى يااااااااه

مرت سنين بقى يا دكتور

يامين يعيش ويتذكر

ماشاء الله المعيدين فاكرين من كل المواد فى كل السنين

واحنا طلبه رابعه نختلف عن الاخرين

تكبير دماغ وتهييس و فقدان ذاكرة مش مؤقتين

عاوزين الخلاصه فى احلى مصاصه

وياريت معاها حبايتين VITAMIN

المهم قال كل الكلام دا انتم المفروض عارفينه

ولازم قبل الشيت تكونوا مذاكرينه

بدانا الشغل الجميل ال titration

ورجعنا تانى لايام الfilteration

وانا بضحك على المنظر


ومعايا زمايلى من غير سحاحه وحامل اساسا

ازاى بقى هينسوا كل دا ويجيبوا ورق filter

اللى معهمش ادوات

عملوا مجموعات وقضوها شات

الدكتور نزل وقال مش عاوز اشوف قعدات

اتوزعوا مع باقى البنات

ورحنا نشفط ونشد

وجوه الفلاسكات نصب

ونزلنا الtitrant

وبينزل ومازال بينزل ويستمر ويتسمر

السحاحه نصها فضيت

وجارتى اللى قدامى زهقت

قالتلى شيكو ايه االاخبار

قلتلها الفلاسك لسه عل النار

ابص على اللى ورايا اقول ايه النظاااااااام

قالولى مش هنخاف ولا هنتقهقر

بعد ما وصلنا لللون الاخضر

اوعى تياسى او تطاطى

سيبى السحاحه مفتوحه عل الفاضى

اللى ادامنا ضحكت وقاالتلى بعدييييين معدش فى مكااااان

ملقيش عندك مكااااااااان

اصل جيراننا دول كانوا مجتهدين


شغالين بسحاحه مكسورة قبل العشرييييين


طبعا متخيلين

وصلنا وال E.P عند 23

وطلعنا حبه الوان


ايشى ازرق وبترولى واخضر واصفر كمااان

لو الاقى فيست بلون منهم هيبقى عليا جنااااان

نيجى بقى للfilteration

صاحبتى تطوعت للمهمه الطويله

قلت خلاص عليا بورق الفيلتر

وانتى اشتغلى واعمليلك منظر

انا شاركت بالادوات انتى بقى بمجهود الذات

رحت اشتريت ورقتين

وقلت للراجل هحاسبك بعدين

تخيلوا الورقه الواحده بخمسيين


رجعت لصاحبتى وقلتلها

سلم واستلم

قبى بالنص جنيه

والا مش عارفه هعمل فيكى ايه

صفيت فى الاخر انى بعت واحده وعملت بيزنس

كان لازم اعمل كده عشان ارجع احاسب الريس

طلع الfilterate بالسلامه

وخرجنا من الزنزانه

ساعه استراحه

وجرينا عل الصيدلانيات

والمعيدة قالت يلا نفس اللى فات

واتقسمنا تلاتااااااات

وبدانا نرقص الpowder

3 مرات

1 2 3
ياااااالا يا powder

وكل المعمل

طق طق طق طق

وفى مرة وانا بدقدق

ثارت البودرة وهبت برة الcylinder

واما جيت احسبها لقيت النتايج هتخسر

والجيش قالك متياسش واتصرف

بالspatula عوضنا اللى طار

وطلعنا نتايج جااامده فشار

وخرجنا على الساعه 12

واليكم اهم الاخبار

ضربتان جويتان فوق راس طلبه رابعه

شيت ميديسنال يوم تلات

شيت صيدلانيات يوم خميس

وهانياالاك يا عتريس

الاسبوع الجاى هتتهرى دبابيس


كان معكم اليوم
محدثتكم شيكو بنت لابوار

من فوق كنبه انتريه ام شيكو

[محمد فهمي]

هههههههههههههه كلام دمه خفييييييييف..
بس نسيتي ليه شيت التوكسو... وكمان البحث والرسم بتاع د. جلال....
دا فعلاً أسبوع مُكنْ.....
ربنا يعنّا ويقوينا...

[Nayroz]

وصف دقيق لليوم يا شيكو ...
بس اللى فاتت بامانة كانت اجمد ...
مش عيب فى الكاتبة طبعا ، العيب فاليوم نفسه ...
بس علفكرة ياشيكو الاند بوينت بتاعتك عالية اوى ...

[Mouri Ran]

جميل أوي يا شيكو ^_^


معلش هاخدكم بقى من سنة رابعة شوية

ودي أول مرة أكتب عامي فمحدش يدق لو سمحتوا



وخلاص خلص العيد ..

ورجعنا للكلية من جديد



أول يوم ليا الاتنين..

وتسع ساعات متواصلين



رجع الحد آخر كلام..

ولحد 3 الفجر معرفتش أنام



وكمان كان عندي معاد في رسالة..

وطار المعاد في المدرج .. وأنا بقاوم النوم ببسالة



أناتومي مورفولوجي ..

ودا بعد الزولوجي



4 ساعات مفيش فواصل..

ضهري اتقطم ولسا هواصل



أول مطر بجد في المنصورة..

معرفتش حتى ولو .. من بعيد آخدله صورة



ريحة المطر حتى مشميناهاش..

مدرج حقيقي جسِّد لنا معنى احتباس



من حسن الحظ علينا د هاني..

هنصحى شوية ونروَّق تاني



ادالنا الفيزيا وخلص بدري..

محاضرة لذيذة ودا جزاء صبري



خرج الجيش ولسالي فقرة أخيرة..

سكشن في علوم وفي الطريق نملى الذخيرة



يوم شاعري ومليان أحاسيس..

مروحين وخلاص بيبدأ التهييس



كان ايه عيب الثانوية العامة..

خروج ودروس وصحبة ولمة



بس صدق اللي قال

اللي تكرهه النهارده .. تحلم بيه بكرا



ايه رأيكوا في الحتة الأخيرة دي بقى حلوة جدًا صح ؟


يا رب مروري يكون خفيف عليكم وإن شاء الله سنة حلوة وتفتكرونا وتدعوا لنا لما تخلصوا

[chocolata]

جميل أوي يا شيكو ^_^


معلش هاخدكم بقى من سنة رابعة شوية

ودي أول مرة أكتب عامي فمحدش يدق لو سمحتوا



وخلاص خلص العيد ..

ورجعنا للكلية من جديد



أول يوم ليا الاتنين..

وتسع ساعات متواصلين



رجع الحد آخر كلام..

ولحد 3 الفجر معرفتش أنام



وكمان كان عندي معاد في رسالة..

وطار المعاد في المدرج .. وأنا بقاوم النوم ببسالة



أناتومي مورفولوجي ..

ودا بعد الزولوجي



4 ساعات مفيش فواصل..

ضهري اتقطم ولسا هواصل



أول مطر بجد في المنصورة..

معرفتش حتى ولو .. من بعيد آخدله صورة



ريحة المطر حتى مشميناهاش..

مدرج حقيقي جسِّد لنا معنى احتباس



من حسن الحظ علينا د هاني..

هنصحى شوية ونروَّق تاني



ادالنا الفيزيا وخلص بدري..

محاضرة لذيذة ودا جزاء صبري



خرج الجيش ولسالي فقرة أخيرة..

سكشن في علوم وفي الطريق نملى الذخيرة



يوم شاعري ومليان أحاسيس..

مروحين وخلاص بيبدأ التهييس



كان ايه عيب الثانوية العامة..

خروج ودروس وصحبة ولمة



بس صدق اللي قال

اللي تكرهه النهارده .. تحلم بيه بكرا



ايه رأيكوا في الحتة الأخيرة دي بقى حلوة جدًا صح ؟


يا رب مروري يكون خفيف عليكم وإن شاء الله سنة حلوة وتفتكرونا وتدعوا لنا لما تخلصوا

اييه دا كله ايييه دا كله؟

شكلنا هنقطع على بعضينا
تسلمى يامورى
جامده كيك بصراحه
والله بجد
حلوة حلاوة

جميله جدا جدا بالنسبه لاول مرة وفعلا الحته الاخيرة تحفه لانها فعلا واقعيه الى حد كبير
برافو عليكى
وشكرا لانك شرفتى الموضوع بمشاركتك

ايوه كده يا عيال


يارب تكون علينا جميعا دعواتك لينا بقى

-----
[quote=محمد فهمي;451558]

هههههههههههههه كلام دمه خفييييييييف..
بس نسيتي ليه شيت التوكسو... وكمان البحث والرسم بتاع د. جلال....
دا فعلاً أسبوع مُكنْ.....
ربنا يعنّا ويقوينا...

[/
quote]

نورتنى يادكتور محمد بجد ويارب دايما اشوف مشاركتك على طول فى الموضوع
انا منسيتوش بس مرضتش اكتبه لانه غير مؤكد قلت اتاكد من هذه الكارثه الجديدة الاول
بدل م البعض بتفاجىء بيه

اما الرسم فمحسبتوش زى الشيتات
ولان يوم الاحد دا اللى كنت عرفته جديد

الحمد لله انها عجبتك ويارب اقدر اقدم كل لذيذ و ممتع

وصف دقيق لليوم يا شيكو ...
بس اللى فاتت بامانة كانت اجمد ...
مش عيب فى الكاتبة طبعا ، العيب فاليوم نفسه ...
بس علفكرة ياشيكو الاند بوينت بتاعتك عالية اوى ...

ربنا يخليكى يانيروزتى كفايه انك دخلتى الموضوع بس
انا عارفه ان اليوم اللى فات كان فيه اثارة اكتر
ودا كان مخلينى كان صعب اكتب تانى
بس المشاركه دى لقيت بعض الحاجات فى اليوم اللى خلتنى اكتبها
والE.Pطالعه عندنا كده بجد
وفى ناس مطلعينها 22وشويه
انا طول عمرى بضرب فى العالى ياحبيبتى واخده بالك
نورتى ياباشا

[M.Hegazy]

ما شاء الله يا جماعة متألقين قوي اليومين دووول ..

يا ترى إيه السبب ؟؟ ..

و قال على رأي المثل .. إذا عرف السبب بطل العجب ..

---------------------------------------------------------------------------------

تم تجديد الفهرس في أول صفحة :

http://www.pharma-board.com/board/sh...ad.php?t=22716

[Mouri Ran]

شكرااا يا شيكو على كلامك الجميل دا

بس حاسبي لحسن أنا بصدق وبشبط ممكن تلاقيني ناطة لك هنا كل يوم