•:*¨`*:• .يــــــلا نطبـــــــــخ •:*¨`*:•

[أمــ هـنـد ــة الله]

الســـــــــــلام عليـــكم يـا بنــاااات

معلشـى اتـأخرت عليـكو بس المشكلـة عندى انـا ونور ان الصور مش راضيـه تترفع من امبـارح فلمـا تترفع هبقى انزل الحاجة اللى كنت عاملاها

لكن انا كنت عاملـه حاجة من الأجــازة اللى فـاتت وناسيـاهااا وصورهـا جاهـزة

يــارب تعجبكــم (محببه جدا للاطفـال ابن صاحب بابا مستلمنى لازم كل اسبوع اعمله منها )


------------

التــراميســــــــــــو

( ساعـات بيسموهـا كيكـة البسكوووت)

المقـاديـر

(كريم كراميـل - كريم شانتيـه - ميـه - لبن - بسكويت سـادة )

ا كـريم كراميـل (بفضـل دريـم)

كـريم شانيتة ( بصو حطو كتير يعنى انا مثلا بشتريه بالكيلو بجد جميل واوفر كتير ) حطيت من الكريم شانيه كوباية او كوباية ونص

1 كوب لبـن

1/2 كوب ميـة

بسكويت سـادة (كميتة بتكون حسب الحاجة اللى هتحضرى فيها يعنى انا استخدمت 4 باكو)

ملحوظة ممكن تزودوو المقادير بس لو هتزودى حاجة تزودى التانية

الطــــــــــــــــــريقـــة

بنحـط الكريم كراميـل البودرة فقط + الكريم شانتيـة + اللبن + الميـة

ونضربهم كويس فى الخلاط لحد ما تلاقى القوام متماسك ودا بفضل الكريم شانتية طبعاا

نجيب الوعاء اللى هنحط فيه انا حطيت فى بيركس نحط اول طبقة من البسكويت بالشكل دا كده

ونضيف شوية من الخليط فى جمب واحد من الطبق بالراحة خااالص وعن قرب مش من ارتفاع عالى عشان رصة البسكوت مش تتلخبط وبعدين نفرده بالراحـه

ونرجع نحط طبقة بسكوت وعليها خليط وهكذا بحيث اخر طبقة تكون من الخليط اللى عندك زى الشكل دا كده

وبعدين نجيب الكراميل اللى مع الكريم كراميل ونزوق بيه الطبق بأى شكل زى ما انتو عايزين

بس انا عشان فاشلة فى التزويق حطيت أى حاجة كده

وبعدين نحطهـا فى التلااااجة علطووول وتسيبيها هتلاقيها مسكت نفسها اكتر وجمدت كده وبقت حلوة

تقطعيها بقى وهتلاقيها بتتقطع وتخرج بسهولة لان اول طبقة بسكوت فهتتشال بسرعة جداا وتقدميها

شـويـه ملاحيـظ وافكــار

* بالنسبــة للبسكوووت ممكن قبل مـا تحطيـه تغمسيـه فى نسكافيـة دافى شوية
(بيقولو بيخليه احلى لكن انا لسه ماجربتوش)

* ممكن تزودى للخليط اثناء الخلط برده نسكافية بس مش كتير

* بالنسبة للشكل النهائى ممكن بعد ما نحط الكراميل على هيئة دواير تجيبى خلة من بتاعت السنان دى وتمشيهـا بالراحة على الكراميل بتدى شكل حلو انا شفتـه

انا كنت ناوية اعمل الافكار دى وانزلهااا من اول وجديد بس مش مشكلة

فـــــــــى أمــــــــــــــــــان الله

[N00R EL _SHAMS]

براافوو عليكى والله ياهنووووود

تسلم ايديك بجد

بجد والله بدون مجاملات انتى رائعه

والتراميسووووو اروع

والله شجعتينا ياهند

ايوه كده بنات مصر بخيـــــــــــــــــر

ان شاء الله اجربها

تسلمـــــــــــــــــــــــــــــــــــى
.....

وربنا يقدرنى اقدر انزل البتاعه دى

[dr emy.hassan]

ربنــا معاكــى

نصيحـة هعمـل بيهـا إن شاء الله لو فكرت اعمل بسبوسة الا وهى انك مش تقلبيها كتير مجرد ما المكونات تمتزج تفرديها فى الصنية لان كتر العجن والتقليب بيجمدهااااااااا
وده اللى حصل
وما شاء الله كانت جامدة بس والله لذيذة
شكراااااااااا
دكتورة هند المرة الجايه مش هقلبها كتير

[الجنة مرادى]

جميل أوى يا بنات انا بموووووووت فى الحلويات

ودى اللى جايبانى لورا.........

انا هحاول أجرب التراميسو وأقولكو عملت ايه ربنا يستر

[NoDy NoDa]

انا هاين عليه ادخل في الشاشه عشان اكل حته شكلك طباخه بريمو يا هنود انا هجربها اكيد
-----
انا مليش في جوز الهند مع اني اسمي هند وبحب هند اللي عامله الموضوع بس احلي حاجه الصور جزاكي الله خيرا يا نوده

[عاشقة الحرمين]

وده اللى حصل
وما شاء الله كانت جامدة بس والله لذيذة
شكراااااااااا
دكتورة هند المرة الجايه مش هقلبها كتير

ههههههههههههههه
يلا خير
معلش افتكرت نفسي
عموما
ولاول مره في تاريخي المشرف في الحلويات اعمل حاجه وتنفع
عملت بلح الشام لوحدي من طريقة نور والحمد لله كان جميل
شيدوا حيلكم يا بنات وفيدونا كده
واحنا هندعيلكم

التراميسو يا هنوده شكله تحفه
بس البسكويت مش هيكون طري اوي
ولا هيمسك لما احطه في التلاجه

[أمــ هـنـد ــة الله]

براافوو عليكى والله ياهنووووود

تسلم ايديك بجد

بجد والله بدون مجاملات انتى رائعه

والتراميسووووو اروع

والله شجعتينا ياهند

ايوه كده بنات مصر بخيـــــــــــــــــر

ان شاء الله اجربها

تسلمـــــــــــــــــــــــــــــــــــى
.....

وربنا يقدرنى اقدر انزل البتاعه دى

ايــه الكلام دا كلــه يا نيــرة بجد كتير اووووى

تسلميـلى يا حبيبتــى و كلامك دا غـالى عنـدى أوى والله وشهـادة اعتز بيهـا كمـان

وده اللى حصل
وما شاء الله كانت جامدة بس والله لذيذة
شكراااااااااا
دكتورة هند المرة الجايه مش هقلبها كتير

^^
طب الحمد لله حاليا اهم حاجة الطعم
تسلمـى يا قمـر

جميل أوى يا بنات انا بموووووووت فى الحلويات

ودى اللى جايبانى لورا.........

انا هحاول أجرب التراميسو وأقولكو عملت ايه ربنا يستر

ليـه بس لـورااا

إن شــاء الله تعمليـه ويطلـع احلـى كتيـر إن شـاء الله

بس لازم تعرفينـا بالنتيجـة

انا هاين عليه ادخل في الشاشه عشان اكل حته شكلك طباخه بريمو يا هنود انا هجربها اكيد

هنــودى حبيبـى مبـروك رجوع النت تـانى يا قمـر

وبعدين انـا اللى عايزة ادخل فى الشاشة ليكى عشان انتى وحشانى كتيييييييير

انا مليش في جوز الهند مع اني اسمي هند وبحب هند اللي عامله الموضوع بس احلي حاجه الصور جزاكي الله خيرا يا نوده

طب إيـه رايـك هجيبـلك منهـا وابقى ما تاكليش يا هنود

فى حد مش بيحب جوز الهند !!!

وجزاكى ربى مثلـه يا حبيبتى وعايز نشوف البيتـزا بتاعتـك بقى يا عثثثل

-----

ههههههههههههههه
يلا خير
معلش افتكرت نفسي
عموما
ولاول مره في تاريخي المشرف في الحلويات اعمل حاجه وتنفع
عملت بلح الشام لوحدي من طريقة نور والحمد لله كان جميل
شيدوا حيلكم يا بنات وفيدونا كده
واحنا هندعيلكم

التراميسو يا هنوده شكله تحفه
بس البسكويت مش هيكون طري اوي
ولا هيمسك لما احطه في التلاجه

على فكرة البسكوت بيكون ناشـف

لما بيدخل التلاجة ومعاه الخليط دا بيبدأ يطرى بعد شوية وبيكون متماسك معاااه

و الافضل يكون طرى عشان كده فى ناس بتحطه فى نسكافيه بدل ما تقعد تستناه يطرى

[N00R EL _SHAMS]

السلام عليكم يابنات

يارب تكونوا كويسين وتمام
واخيرا وبعد طوووول عناء
هنعمل ان شاء الله

شاورما الفراخ



المقادير :

صدور فراخ متقطعه مكعبات او شرايح "as u like"

قرفه بودر

بهار شاورما "من عند العطار جاهزه"

ملح وفلفل

شطـــــــــــــــــــــه "لو حابين "
بشر برتقال
بشر لمون"بيدوا الاتنين طعم جميل "
شرايح طماطم صغيره
فلفل شرايح الوان
بصل شرايح
توم

الطريقه بقى :

بسيطه اوى

اول حاجه هنجيب الفراخ ونحط عليها البهارات كلها "ملح ..فلفل ..شطه.. القرفه ..بهار الشاورما " تمام
وبعدين نحط عليها بشر البرتقال واللمون "بشر القشر يعنى تبشروه بالمبشره صغير جدا ومش تكتروا اوى م اللمون عشان مر " وبعدين نحط شوية زيت صغيرين ونقلبهم كويس ونسيبهم ساعه فى التتبيله دى فى التلاجه مثلا


بعد خلاص ما الساعه تعدى وتكون الفراخ شربت م الخلطه دى

هنجيب طاسه ونحط فيها التوم والبصل ونقلبهم لحد لما يدبلوا مش يحمروا...... تمام ؟

هنجيب الخلطه م التلاجه ونعمل لها shock فى الزيت ونقلبها باستمرار لحد لما تستوى.. يعنى نص نص

نجيب بقى الفلفل ونحطه عليها ونقلب شويه كمان

وبعدين اخر حاجه الطماطم ونقلب برده ونسيبها لحد لما تستوى

بس ياريت الطماطم نحطها واحنا متاكدين ان الفراخ استوت عشان لو الطماطم

سيبناها شويه هتنزل صوص
ودى م الاخطاء الى وقعت فيها



وبالف هنا وشفاااااا



وتحيــــــــــــــــــــا مصـــــــــــــــــر
........


اللحمه ممكن تتعمل بنفس الطريقه دى

انا كالعاده مش بعرف اصور وانا بشتغل ... احم احم

بس صورت اخر طبق يارب يكون حافز كويس انكم تجربوها

انا عملتها مرتين المره الاولى بيقولوا انها اطعم م التانيه مع ان المفروض العكس
المره الاولى

المره التانيه



كان ليكم عندى طبق كفته كنت قلت الطريقه ومنزلتش ولا صوره

فالطبق اهون



الصوره ممكن تكون مش تمام لكن الطعم بجد جميل
بلاش تريقه والا

يارب تعجبكم

وفـــــــ الاخر خالص كالعاده...منعا للمسائله القانونيه


يالا سلام



فى امـــــــ الله ــــــــــــــــان

[Al-Shaimaa]

ما شاء الله
انا تقريباً قرأت كل الوصفات اللي في الموضوع
وصفاتكم هايلة خااااااااااااااااالص
وبتجوعني خالص خالص
و جزاكم الله كل خير على الافادة
ان شاء الله لما اجرب حاجة منها هقولكم على النتيجة

تسلم الايادي

[طيور الجنه]

ماشاء الله يا بنات

التراميسو تحفة يا هنووود وبجد الصور حلوة اوى زى طعمه أكيييد
بحب جدااااا وصفاتك فى الحلويات
تسلم ايدك يارب


والشاورما يا نووور أكثر من رائعة ( أنا بمووووووت فيها اصلا )
والطريقة سهلة كمان
والصور تمام اوى وجوعتنى وشكلك هتبوظى الرجيم اللى أنا مش عاملاه

استمروا يا بنات
ماشاء الله عليكم