•:*¨`*:• .يــــــلا نطبـــــــــخ •:*¨`*:•

[Retag]

واستنونى بعد الفاصل مع الكفته العراقى بس بدون صور

تحفــــــــــــــــــــــه واسالوا مجرب

ههههههههههههه فعلا اسالوا مجرب
بجد انا جربتها طلعت تحفه اوى لازم كله يجربها (مع العلم انى عمرى ما جربت اعمل حاجه وطلعت حلوه الا دى عشان وصفه نيره )منتظرين المزيد يا نيره

[N00R EL _SHAMS]

ههههههههههههه فعلا اسالوا مجرب
بجد انا جربتها طلعت تحفه اوى لازم كله يجربها (مع العلم انى عمرى ما جربت اعمل حاجه وطلعت حلوه الا دى عشان وصفه نيره )منتظرين المزيد يا نيره

يختى عليكى يا هديل .....عسل ......عسل

هديل دى حقل التجارب بتاعتى بقولها ع الطرق وهى تجرب

بس الحمد لله لحد الان نجحت ....وعجبت باباها وهو ده المهم


هقولكم عليها الوقتى ان شاء الله

انتظرونابعد الفاصل مع .....كفته شو

[N00R EL _SHAMS]

يـا عينـى يـا نور ... عملتـى اللى عليـكى يـا حبيبتـى بس معلشـى لا تفقـدى الأمـل

ابقـى استخـدمى خميـرة من التـانية وعلى فكـرة ممكـن تكون الخميـرة الفـوريـة بايظة وكمـان انتى هتحطى معلقـة صغيـرة منهـا بث

يـلا بقـى مستنيـة الكفتـة العـراقـى عشـان نفسـى اعمـل كفتـة مختلفـة

انـا عملـت كفتـة الفـراخ وعجبتهـم هبقـى اقـولكم عليهـا

بس قوليلنـا بتـاعتك الأول

WaitinG

.....

ايه ده انتى رديتى امته

من عنى يا هنود هقولكم اهو حالا بس يارب النت ميفصلش

انا عارفه انكم عايزين تيجوا تخنقونى وترتاحوا عماله اقول هقولكم هقولكم

بس هقولكم

[N00R EL _SHAMS]

فلنبدا اذن الله...


الكفته العراقى

وهى اشبه بكتير اوى بكفتة الحاتى الى كيلو فيها بالشئ الفلانى وفى الاخر بتكون معفنه مش مستويه

انا استلفت الراجل ده من هند اصل عجبنى اوى بيفكرنى بنفسى وهتعرفوا فى الاخرمن كتر الك انه فعلا شبهى





الطبخه دى محتاجه حاجتين اول حاجه الكفته نفسها

تانى حاجه الجارنيه بتاعها او الخلطه بتاعتها
الطريقه :


مقادير الكفته 1-


1/2نص كيلو لحم مفروم

2 بصله حجم كبير مبشروين ناعم

بهارات الكفته " seven spicy" متقلقوش ليها بديل لو مش موجوده

2 ملعقه كبيره دقيق


بقدونس اخضر ناعم

بس من غير بيض ولا برغل ولا بقسماط خاالص

الطريــــــــــــــــــــقه
1-اول حاجه طبعا ان البصل لازم نبشره ناااااااعم جدا ومتقلقوش هتلاقوا فيه ميه لو عايزين تصفوها اوك

مش عايزين بلاش

2-نجيب اللحم المفروم ونعجنه مع البصل والبقدونس والبهارات كويس اوى

3-بعد كده نجيب الدقيق ونخلطه برده معاهم كويس جدا وهقولكم ليه احنا محتاجين دقيق فى الاخر

4-نسيب الخليط دوت شويه حوزالى ربع ساعه ولا حاجه فى التلاجه او بره

اوك ؟

كده تمام

ندخل بقى ع الجزء التانى وبعدين نرجع للاول

الجارنيه او الخلطه بتاع الكفته

المقادير

1-بصل متقطه شرايح صغيره "شراااااااااااايح "


2-طماطم نفس الحكايه

3-فلفل بانواعه برده متقطع شرايح بالطول رفيعه

4-بطاطس لو حبيبن بس تتقطع قطع صغيره اوىعشان تستوى

5-زعتر طبعا ده لكل المشويات "لو مش موجود عادى جدا "

6-بهارات "اما بتاع الكفته او الى انتم عايزينه اهم حاجه الكمون والفلفل مع الملح طبعا بيعطى طعم جنان

7-ولو بقى فيه قرن فلفل حراااااااق يبقى تحفه للناس الى بتحبها مولعه زيى كده

الطريقه

نجيب كل الحاجات دى بعد ما تقطعت بالطريقه الى قلت عليها "شرايح رفيعه بالطول "

وبعدين نحطهم فى طاسه ع النار طبعا فيها زيت بس قليل

وبعدين نهدى النار عليهم لحد لما يستوا حوالى كده 75% ونبقى نقلبهم

وهقولكم ليه مش 100%برده

المهم بعد خلاص ما يستوا كده نشيلهم من ع النار ونسيببهم على جنب


تماام اوى


نرجع بقى بذاكرتنا شويه لفوق للكفته الى كنا سبناها شويه مع نفسها


هنعمل فيها ايه ؟؟؟؟

طريقه السوى بقن

هنجيبها وبعدين نكببها "مش نهببها " وبعدين نقليها فـ النار

نص قلى ...فاهمين نص قلى او تلتع تربع كده "As u like "


وبعدين نطلعها م الزيت ونركنها على جنب


نجى بقى للمسات الاخيره

اخر خطوه


هنجيب صنيه وبعدين ندهنا بالزيت ونحط فيها نص الجاارنيه الى احنا عملناه "الخلطه يعنى "

وبعدين نجيب الكفته ونرصها ع الخلطه دى وبعدين نجيب باقى الخلطه ونحطها ع الكفته

وبعدين ندخلها الفرن على درجه حراره متوسطه

عرفتم ليه بقى انا مش سويت كل حاجه للاخر عشان لسه هتدخل الفرن


نسيبها شويه فى الفرن مش كتير لحد بس لما نلاقى وشها احمر وخاد لون

وبعدين نخرجها ا وبالف



ملاحظاااااااااات

-1-فيه حاجه عند العطار اكيد معظمكم يعرفها الا وهى الخلطات

فيه خلطه للكفته وخلطه للمحشى وخلطه للسمك وللشاورما كمان وحاجات تانيه كتير

خلطة الكفته بجد تحفه لو مش موجود عندكم الخلطه دى ممكن نستبدلها باى بهارات انتم عايزانها

-2ليه بقى احنا استخدمنا دقيق ؟؟

علشان يمسك الكفتايه ومتسيبش من بعضها واحنا بنقليها كبديل للبقسماط تقريبا



وبــــــــــــــــــــــــــــــــــ






بنااااااااااااااااااات متنسوش تغسلوا المواعين الى انتم بهدلتوها اوك ؟؟ يعنى مش لازم تاخدوا المنشط الى باخده من ماما


وفى الاخر بقول شكرا لحسن استماعكم لنا على موعد بلقاء قادم فى الحلقه القادمه باذن الله من برنامجكم المفضل " بنجرب فيكم "




---------------




بصراحه دى اكتر حاجه انا عملتها ونجحت جدا جدا وعملتها كتيييير اوى من رمضان الى فات حتى الان

ودى من طرق الشيف حسن الى نفسى اكون زيه فى الطبيخ

هديل جربتها وعجبتها وعجبت عيلتها جدااااااااااا



جربوها انتم كمان وادعولى واكيد ناس كتير ممكن تكون عارفاها

انا عارفه انا طولت جدا واحتمال تسيبوا الموضوع بسببى بس كان لازم اقول كل التفاصيل

ويالا يا هند جربيها بس اوعى تبوظى الدنيا زى ما عملت انا فى طرقك





وانتى كمان يا خوخه جربيها يالا ويارب كده تظهرى ع الشاشه بقن اصل زهقت منك



وقولى لى رايك يا مدام منى



وانتم يا بنات اريد ان اعرف اراءكم


بالنسبه للصور بقى انا افشل واحده فى التصوير اه والله



بس فيه صوره معفنه صورتها خدوها وامرى لله

[د///*مطحونة*\\\]

-----

كل دة اكل
قصدى كل دى وصفات
انتوا فاتحين المطبخ من امتى؟؟
وصفات جامدة جدا جدا يا بنات وفكرة فظيعة على فكرة وجديدة
وباذن الله اواظب معاكم واجيب وصفات غريبة كدة باعملها كنوع من التجديد
بس الصراحة انا جوعت

[Retag]

هايلــــــــه يا نيره منتظرين المزيد

[N00R EL _SHAMS]

هايلــــــــه يا نيره منتظرين المزيد

والله يا هديل انتى الاهيــــــــــــل "خلى بالك دى صيغة التفضيل من هايله اوعى تظنى فى ظن سوء "

رافعه راسى دايما يا هديل يا حبيبتى

بقولك ايه متيجى نسيبنا من اتش ان اتش ونفتح محل فول وطعميه ؟ايه رايك

وناخد البت خوخه تغسل المواعين


وهاله تلم الفلوس م الزباين


اوعوا يا جماعه تفتكروا ان "اتش ان اتش دى "حاجه تبع تنظيم القاعده ولا حاجه

ايون انا بوضح بس لتفهموا صح ولا حاجه

يالا يا هديل ونعمل دعايه هنا ونخلى المنتدى يشترى مننا

[Retag]

والله يا هديل انتى الاهيــــــــــــل "خلى بالك دى صيغة التفضيل من هايله اوعى تظنى فى ظن سوء "

رافعه راسى دايما يا هديل يا حبيبتى

بقولك ايه متيجى نسيبنا من اتش ان اتش ونفتح محل فول وطعميه ؟ايه رايك

وناخد البت خوخه تغسل المواعين


وهاله تلم الفلوس م الزباين


اوعوا يا جماعه تفتكروا ان "اتش ان اتش دى "حاجه تبع تنظيم القاعده ولا حاجه

ايون انا بوضح بس لتفهموا صح ولا حاجه

يالا يا هديل ونعمل دعايه هنا ونخلى المنتدى يشترى مننا

ههههههههههههههههههههههههههههههه لا طبعا اتش ان اتش احسن ولا ايه الدخل بتاعها طبعا مش هيتقارن لو فتحنا محل فول
هو فى البدايه طبعا فيه عوائق هتقابلنا بس دى اكيد عشان احنا لسه فى اول الطريق بس انتو تتجدعنوا انتى وهاله وترفعوا راسنا
اما عن خوخه ما احنا قولنا يا نيره انها تبع المنظمه انتى نسيتى دورها ده اهم من دورك انتى وهاله وانا وبالتوفيق

[N00R EL _SHAMS]

ههههههههههههههههههههههههههههههه لا طبعا اتش ان اتش احسن ولا ايه الدخل بتاعها طبعا مش هيتقارن لو فتحنا محل فول
هو فى البدايه طبعا فيه عوائق هتقابلنا بس دى اكيد عشان احنا لسه فى اول الطريق بس انتو تتجدعنوا انتى وهاله وترفعوا راسنا
اما عن خوخه ما احنا قولنا يا نيره انها تبع المنظمه انتى نسيتى دورها ده اهم من دورك انتى وهاله وانا وبالتوفيق

هههههههههههههههههههه صح عندك حق

محل فول وطعمية ايه هيكون زى موسوعه اتش ان اتش

ومتقلقيش العوائق دى انتى الى متخصصه فيها ...فاهمه طبعا

نحن فى ايد امينه يا اوختى

احم احم خلينا ف الطبيخ ...لننطرد

[د///*مطحونة*\\\]

يا جماعة نصيحة اخوية بحتة
بلاش تدردشوا اكتر من كدة وتخرجوا برا سياق الموضوع
عشان ال......ممكن يحصل .....ف ........
وبعدين يجرالكم زى اللى جرا ل.......

بس كدة