عرض مشاركة واحدة
قديم 15-07-2010, 06:42 PM   #9
عبدالله عبدالرحمن
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 528
تاريخ التسجيل: Aug 2007
الدولة: البيلا :)
المشاركات: 1,566
الفرقة : خريـج 2011
تواصل مع عبدالله عبدالرحمن:


عبدالله عبدالرحمن غير متواجد حالياً
افتراضي

السلام عليكم ورحمة الله وبركاته
حضرتك بالنسبة للابحاث
فأنا دائما افضل ان اجيب
مصادرى من الكتب
لأنها بتبقى موثوق فيها
والمصادر بتاعتها مكتوبة
والكتب ما شاء الله منتشرة على المنتدى
ولو حد احتاج اى كتاب
يطلب واحنا فى الخدمة
والكتاب طبعا مش بتضطر ان انت تقراه كله
لكن بتستخدم خاصية البحث
من خلال الضغط على
ctrl+f
وحاول تستخدم كلمة او كلمتين
ومتزودش عشان البحث يطلع بسرعة
اما لو حضرتك بتبحثى فى
موضوع جديد
الكتب ممكن متكونش غطته اوى
ففى مواقع موثوق فيها ممكن نستعملها
اى موقع بينتهى
بgov
or
org
or
edu
كلها مواقع تأخذ منها وانت مستريح
لأن مفيش حاجة بتتكتب عليها الا ولها مصادرها
مثال على المواقع دى
pubmed

here

using research utility in the site you will be able to find alot of articles about your subject
it is really very useful site when you have your own membership in other
world database
like science direct ,ovid, wiley,and springer
you can get your membership from faculty library
this is for final year student and third year student only

using these web sites you will have keys for the most recent articles and papers
published over all the world

so don not miss the chance and try to get your membership
soon

وبعدين جوجل مش وحش
انت بتستعمل حوجل ووكيبديا كقاعدة
ومن خلالهم بتقدر توصل لهدفك النهائى
يعنى انت تكتب الموضوع بتاعك
وتشوف النتائج وبعدين تختارم ن النتائج دى اللى انت شايف انه موثق
وممكن تلاقى نقطة او موضوع كويس بس مش له مصدر ابدا ابحث عن الموضوع لغاية ما تلاقى مصدره والتوثيق بتاعه
فانت لو دخلت مرة واحدة على المواقع العلمية هتلاقى النتائج محدودة وهتحس انك مضغوط
لكن جوجل ووكيبديا بيتيحوا لك انك تفهم
تشوف صورة او معلومة
وتنظر للموضوع بشكل اشمل واوسع
ومن كل الجهات
وده كفيل ان بحثك يكون متكامل وشامل النقاط اللى انت عايزها

بالنسبة لأزاى تكتب البحث
فافتكر ايام ما انت كنت بتعمل موضوع التعبير
كنا اول حاجة بنعمل النقاط والعناويين الرئيسية
وابدا بقى احط العناويين الفرعية تحت كل عنوان رئيسى
كده انا هحكم نفسى بالتالى
1- ان انا مخرجش خارج اطار الموضوع
2- اخلى البحث زى الخريطة الذهنية يسهل تتبع المعلومة واللى بيقراه ما يتعبش كثير

يعنى كمثال اناالبحث بتاعى عن الصرع واستحداث ادوية جديدة باستخدام برامج التصميم
اول حاجة عندى هتبقى
introduction
ده عنوان رئيسى تحت لعنوان الرئيسى
فى عناوبن فرعية
زى
etiology of disease
drugs used for t.t.t and major side effects
introduction to c.b.d.d
aim of the work
procedure and technique

كده العنوان الرئيسى بتاعى اتحدد واتحدد معاه ملامح البحث الأولية
ابدأ بعد كده فى العناوين الرئيسية الأخرى اللى هتحقق هدف البحث

خلال كتابتى للبحث احاول ادعم الموضوع بالصور والمخططات قدر المستطاع
عشان اخلى البحث بتاعى شيق ومش ممل
مش لاز المخطط يبقى موجود فى المصادر ممكن انت تحول الكلام لمخطط
او تجميعة او سكيم كما يحلو لك

بعد ما اخلص البحث ابدأ اعمل abstract
والخلاصة بتبقى سطور مركزة من البحث
بتوضح المعالم الرئيسية وغرض البحث والمعلومات اللى بيحتويها
وفى اخر الخلاص بعمل حاجة اسمها الكلمات الدلالية
key words
بتعبر عن اهم العناصر اللى هيتناولها البحث
او الحاجات المميزة
بالنسبة للبحث بتاعى
هبقى
epilepsy ,phenytoin,analogue,and c.b.d.d

وعلى هذا فقس

وفى النهاية بعمل الفهرس
فى اكثر من طريقة لعمل الفهرس
aفى ناس يحبوا يكتبوا العناوين الرئيسية
وخلاص
وفى ناس تكتب العنوان الرئيسى وتحته العناوين الفرعية
وانا بفضل الخيار الأخير لأنه بيسهل على اللى بيقرأ البحث انه يلاقى اللى هو عايزه
بسرعة

بالنسبة لطريقة كتابة المصدر
لو من كتاب تبقى كالتالى
author name if there are many authors you can write the main author followed by et al
which means and his team
i.e g.smith et al
/name of the book (article)
/editor and print name
/year of publishing
/no of page or volume

وطبعا ياريت تذكر اذا كان الكتاب نسخة الكترونية ولا نسخة مطبوعة لأن ترتيب الصفحات بيختلف احيانا

فى النهاية عايز اقول
اعتبر ان البحث بتاعك ده رسالة الماستر بتاعك
اهتم به وكن دقيقا فى كتابته
حاول تتعلم منه
ومتكتفيش
بنسخ والصاق الجمل دون اهتمام حقيقى بمعناه
لأن حقيقى
لو اجتهدت فى البحث عمرك ما هتنسى المعلومات دى تانى
البحث فى الأول ممكن يكون متعب
وممكن متلاقيش الحاجة اللى انت عايزها
وتلاقى نفسك دخلت فى لينكات انت مش عايزها
او قعدت تقرأ مقالة بس فى النهاية ملقتش هدفك
ده كله خبرات ايجابية لأنك
هتعرف بعد كده تبحث اسرع وأدق واكثر كفاءة
هتعرف المواقع اللى تجيبلك حاجتك فى ثوانى وبسرعة
هتقابل حاجات عمرك ما كنت هتعرفها الا بالبحث
والصدفة هى اللى خلتك تعرف الحاجة دى
وانت اصلا مكنتش بتبحث عنها
وبكده هتخرج من البحث بفكر اكثر تطورا
من حيث كيفية البحث وكم لا بأس به من المعلومات
يعنى انت الكسبان فى النهاية
فمحدش يزهق وينفخ لما يغلط ويقعد ساعات من غير ما يلاقى حاجة

وربنا يوفقكم وعايزين نشوف ابحاثكم الجميلة قريبا

اتمنى اكون قدرت افيدكم بحاجة من الكلام الكثير ده
واحنا فى الخدمة فى اى وقت ..



  رد مع اقتباس