صفحة 49 من 54 الأولىالأولى ... 394748495051 ... الأخيرةالأخيرة
النتائج 481 إلى 490 من 539

الموضوع: يوميات BoNbOoNa في الصيدلية !

  1. #481
    Pharma Student
    تاريخ التسجيل
    Jul 2009
    الدولة
    in my pharmacy
    المشاركات
    423

    افتراضي

    اولا احب اشكرك يادكتر ياسر كتير جدا على اجابة السوال بتاعى ولكن عوزة اعرف
    glucose5% للتغدية
    dextrose25% للتغدية ايه الفرق بين الاثنين يعنى ليه واحدة فيهم hyper tonic ,isotonic
    nacl .9% للجفاف
    nacl.9%+glucose للحفاف
    ringer للهبوط الدورة الدموية عقب عمليات الجراحية
    ringer lactate \\\\\\\\\\\\\\\\\\\\\\\\\\\\\\\\\\\\\\\\\\\\\\\\
    ارجو توضيح ماهو خطا

  2. #482
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    اقتباس المشاركة الأصلية كتبت بواسطة pharmachemist مشاهدة المشاركة
    اولا احب اشكرك يادكتر ياسر كتير جدا على اجابة السوال بتاعى ولكن عوزة اعرف
    glucose5% للتغدية
    dextrose25% للتغدية ايه الفرق بين الاثنين يعنى ليه واحدة فيهم hyper tonic ,isotonic
    nacl .9% للجفاف
    nacl.9%+glucose للحفاف
    ringer للهبوط الدورة الدموية عقب عمليات الجراحية
    ringer lactate \\\\\\\\\\\\\\\\\\\\\\\\\\\\\\\\\\\\\\\\\\\\\\\\
    ارجو توضيح ماهو خطا

    أسف .. لآن المشاركة كانت عامة إلى حد ما .. و موصلتش لدرجة التخصص للرد على سؤالك .. و إن شاء الله تلاقى إجابة عن أسئلتك ف السطور الجاية ،،

    ـــــــــــــــــــــــــــــــــــــــــــــ

    hypertonic glucose solution used mainly for hypoglycemic coma

    محلول الجلوكوز اللى تركيزه أعلى من 10% بيستخدم عادة فى علاج الغيبوبة الناتجة عن نقص السكر ف الدم .. و ده لو الحالة اتنقلت المستشفى و محدش لحقها بأى حاجة مسكّرة قبل الإغماء ..

    و كل ما زادت الـ severity بتاعة الحالة .. كل ما ممكن نزود تركيز المحلول عشان نفوقه من الغيبوبة بسرعة قبل ما يعمل قصور ف وظائف المخ .. لآن طبعاً زى ما كلنا عارفين الطاقة بتاعة المخ هى جلوكوز نقى ...

    يعنى ممكن الدكتور يدى تركيز 20% أو 25% أو 40% أو 50% حسب الـ severity بتاعة الحالة اللى قدامه .. و حسب السن و التاريخ المرضى ..

    بالنسبة للجلوكوز 5 % ..

    بيستخدم بعد العمليات الجراحية اللى تم التخدير فيها ببنج كلى أو نصفى .. لآن ف حالة البنج الكلى .. المفروض المريض بيبدأ ياخد سوائل بعد يوم من العملية .. فلازم الجلوكوز لمدة يوم .. و السوايل تكون سخنة ..

    أما ف حالة البنج النصفى فالمعدة بتكون تعبانة جداً و لو المريض أخد أى حاجة بيرجعها تانى .. بيستمر الجلوكوز لمدة 3 أيام .. بعدها بيتمنع عشان المريض يضطر ياكل .. " يعنى بياكل غصب عنه " .. و بيدوا حاجات عشان المعدة زى الكنترولوك و الكلام ده ..

    فـ كلتا الحالتين ..

    فالجلوكوز بيستخدم كمذيب للحقن اللى هتتاخد I.V .. لآن ف العادة بعد العمليات بيبقى فى كورس من المضادات الحيوية عشان الجرح يلتئم و يمنع الـ infection .. و ف الغالب الحقن دى بتبقى I.V و بتتاخد ف الجلوكوز .. و أشهر مضاد حيوى للحالات دى بيطلع ف العمليات هو الفلوموكس ..

    ــــــــــــــــــــــــــــــ

    نيجى للرينجرز ..

    الاستخدام الأهم ليه و هو volume expander بمعنى إنه بيزود حجم الدم .. طب إيه الفايدة ؟؟

    فى حالات الحوادث .. و حصل نزيف .. و المريض فقد دم كتير .. بياخد رينجرز عقبال ما ننقل له الدم عشان ميحصلش cirulatory collapse و يدخل ف shock .. و تقلب بـ coma و لو ملحقناهوش يبقى المصير الحتمى death .. عافانا الله و إياكم ،،

    كمان بستخدمه عشان يعمل electrolyte balance فـ الجسم و ده بالنسبة للحالات اللى فيها severe hypotension و برده داخلة على shock .. يقوم يرجع تركيز الأيونات ف الدم زى ما كان و يزود حجم الدم .. و بالتالى ميحصلش shock ..

    و برده ممكن أحط فيه الحقن اللى هتتاخد I.V .. عشان الحالات دى بتبقى life saving ..

    بالنسبة للفرق ..

    تقدرى تقولى إن الـ Ringer's هو هواه الـ Ringer lactate .. لكن الفرق إن استخدمت sodium bicarbonate فى محلول الرينجرز أما ف محلول الـ ringer lactate فاستخدمت بدالها sodium lactate ..

    كمان فى فرق تانى .. أنا قلته ف المشاركة بتاعتى اللى قبل دى .. إنى مقدرش أستخدمه فـ علاج الـ acidity الناتجة من حمض اللاكتيك .. و ده لأن فيه أصلاً حمض لاكتيك موجود كـ salt للصوديوم .. عشان كده لازم أستعمله بحذر مع مرضى السكر .. أو من الآحسن إنى مستخدموش .. كمان مقدرش أستخدمه مع الناس اللى عندهم قابلية للـ CHF أو ما يسمى بـ congestive heart failure .. و ده هتدرسوه بالتفصيل فـ فارما تالتة الترم التانى إن شاء الله مع الدكتور حسن الكاشف ..

    ــــــــــــــــــــــــــــــــــــــ

    محلول الملح .. saline ..

    و ده بيستخدم فى الـ rehydration و برده فى استرجاع الضغط بتاع الدورة الدموية فى حالة الـ hypovolemia .. يعنى فى نقص شديد ف السوائل ف الدم و ده أدى إلى انخفاض الضغط ف الدورة الدموية و كمية المية اللى واصلة للـ tissue ..

    و نقدر نقول ..

    بل بالفعل .. محلول رينجر .. و محلول رينجر لاكتيت هى عبارة عن نوع من أنواع الـ saline solution ..

    ــــــــــــــــــــــــــــــــــــــــ

    يا ريت أكون أفدتكم جميعاً ،،

    و هعتبر دى مشاركة .. و هأجل مشاركة روشتات المحاليل لبعد مشاركة بنبونة ،،

    فـ رعاية الله و أمنه ،،


  3. #483
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    اللهم سـلمنا لرمضان
    و سـلم رمضان لنا
    و تسـلمه منا متقبلا
    اللهم آمين ..

    ربنا يكرمك ياااارب و يرفعك و ينفع بيكي .. آمين ..

    حليت الـ Quiz الى حد ما ..

    مش عارفة بجد أشكرك ازاي على مجهودك في الموضوع الأكثر من رائع دة ..

    و كل الدكاترة اللي شاركوا بأي معلومة ربنا ما يحرمنا منكم جميعا ..

    أفضل ما يقال ( جزاكم الله خير الجزاء )



  4. #484
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    اقتباس المشاركة الأصلية كتبت بواسطة Dr/Asmaa مشاهدة المشاركة
    متابعين يا بنبونة الموضوع جميل جدا ومشجع استفدنا اكتر من الصيدلية بجد
    ربنا يكرمك يا اسماء .... جزاكي الله خيرا
    اقتباس المشاركة الأصلية كتبت بواسطة dr.noody مشاهدة المشاركة
    رائع يابنبونة


    اقتباس المشاركة الأصلية كتبت بواسطة dr.noody مشاهدة المشاركة

    بالتوفيق وجزاكى الله كل خير
    و اياكم يا نودي ... بارك الله فيكي و شكرا علي المتابعة


    اقتباس المشاركة الأصلية كتبت بواسطة pharmachemist مشاهدة المشاركة
    اولا احب اشكرك يادكتر ياسر كتير جدا على اجابة السوال بتاعى ولكن عوزة اعرف

    اقتباس المشاركة الأصلية كتبت بواسطة pharmachemist مشاهدة المشاركة

    glucose5% للتغدية

    dextrose25% للتغدية ايه الفرق بين الاثنين يعنى ليه واحدة فيهم hyper tonic ,isotonic
    nacl .9% للجفاف
    nacl.9%+glucose للحفاف
    ringer للهبوط الدورة الدموية عقب عمليات الجراحية
    ringer lactate \\\\\\\\\\\\\\\\\\\\\\\\\\\\\\\\\\\\\\\\\\\\\\\\
    ارجو توضيح ماهو خطا

    د\ياسر عمل الواجب و زيادة
    اقتباس المشاركة الأصلية كتبت بواسطة ..::ciZar::.. مشاهدة المشاركة

    و برده ممكن أحط فيه الحقن اللى هتتاخد I.V .. عشان الحالات دى بتبقى life saving ..



    life saving ... ربنا يكرمك يا د\ اسماعيل رمضان .. اكتر كلمة كان بيقولها في المحاضرة ... !!!
    اقتباس المشاركة الأصلية كتبت بواسطة ..::ciZar::.. مشاهدة المشاركة
    يا ريت أكون أفدتكم جميعاً ،،


    و هعتبر دى مشاركة .. و هأجل مشاركة روشتات المحاليل لبعد مشاركة بنبونة ،،

    فـ رعاية الله و أمنه ،،



    تمام ان شاء الله
    بارك الله فيكم

    اقتباس المشاركة الأصلية كتبت بواسطة pharmacistina مشاهدة المشاركة

    اللهم آمين ..

    ربنا يكرمك ياااارب و يرفعك و ينفع بيكي .. آمين ..

    حليت الـ Quiz الى حد ما ..

    مش عارفة بجد أشكرك ازاي على مجهودك في الموضوع الأكثر من رائع دة ..

    و كل الدكاترة اللي شاركوا بأي معلومة ربنا ما يحرمنا منكم جميعا ..

    أفضل ما يقال ( جزاكم الله خير الجزاء )

    اقتباس المشاركة الأصلية كتبت بواسطة pharmacistina مشاهدة المشاركة
    اللهم اميــن و جزاكي بالمثل يا رب ....ربنا يكرمك يا فارمسيستينا ...

    منورة يا أختي الغالية ... نلتقي مجددا علي خير ان شاء الله



  5. #485
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    اليكم هذه الاضافة .... بما اننا محور الكلام هو المحاليل ..

    Mannitol
    فيه منه تركيزين :
    10% و 20%
    يستخدم كـمدر للبول
    Osmotic Duretic
    =-=-=-=-=-=-=-=-=

    PAN AMIN G
    Essential amino acids + sorbitol
    للتغذية الوريدية
    بيحتاجه اللي عامل عملية ... او عنده مشاكل في القناة الهضمية .. او اي سبب اخر يمنعه من انه ياكل
    -----
    لاحظ القرص الزهري ... في حاجة زي patch كمان في الخلف
    دول " oxygen adsorbents "
    مكتوب علي العلبة:
    تحذير , يوجد داخل الكيس قرص و كيس ماص للاكسجين يرجي التخلص منهما فور اخراج قارورة المحلول من الكيس فهما ليسا للأكل او الحقن ..

    جديدة قارورة المحلول دي !
    معرفش ليه ده بالذات اللي فيه oxygen adsorbent ...
    =-=-=-=-=-=-=-=-=-=-=-=
    محلول الـ PANSOL
    NaCl
    KCl
    Na Lactate
    Anhydrous glucose
    يستخدم كـ Plasma substituent
    و لعلاج الجفاف في الاطفال غالبا ,,
    =-=-=-=-=-=-=-=-==-=-=
    باقي المحاليل د\ ياسر مشكورا قام بذكرها باستفاضة
    -----------------
    -----
    مرة من ذات المرارير !! كان فيه روشتة فيها 2 محلول جلوكوز 5% 500 مل
    هيكب منها 300 و بعدين ياخد ال200 يحل فيهم الدواء
    احنا عندنا جلوكوز 5 % 250 مل ... و طبعا ارخص
    طب ليه مياخدوش و يكب 50 مل بس و يحل الدواء في الباقي ..؟؟
    اظاهر اني كنت ساعتها بفكر بصوت عالي
    فالراجل سمعني
    انا سألته هو بيحل الدواء في ال500 و بعدين ياخد 200 ولا لأ؟
    قال بيستخدم 200 مل فقط لحل الدواء
    استغربت من اللي الدكتور كاتبه و وضحتله وجهة نظري ...
    هو اقتنع بس انا خفت الصراحة اعمل حاجة من دماغي
    فقلتله اني هجيب اللي الدكتور كاتبه ( 500 مل)
    و يبقي يسأله المرة الجاية اذا تكرر العلاج مرة اخري ...
    =-=-=-=-=-=-==-=-=-=-=-=-=-=-=
    فزورة ...
    الكراملة الحامية اللي بتدخل هواء في الزور !!!!
    بعد ما دورت كتير في كل الباستيلات و اقراص الاستحلاب
    طلع المطلوب HALLS بالنعناع !!

    فزورة تانية...
    طفلة جاية تطلب اللبوس بتاع السخونية اللي عليه نونو !!!



    هنام شوية و اكمل ان شاء الله
    في أمان الله

  6. #486
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    جزاكى الله كل خير بنبونة على المشاركة الحلوة دى ،،

    و بعد إزنك طبعاً .. هضيف شوية حاجات ..

    ــــــــــــــــــ

    بالنسبة للـ Pan Amin G .. ده عبارة عن amino acid combination فقط ..

    النوع التانى اللى فيه سوربيتول .. اسمه .. Pan Amin SG .. زودوا حرف الـ S عشان الـ Sorbitol ..

    ــــــــــــــــــ

    الـ Mannitol ..

    زى ما بنبونة قالت إن الدكاترة بيستخدموه كــ osmotic diuretic .. يعنى إيه ؟؟ و بيستخدم ف حالة إيه ؟؟

    المعنى: بيحتاج ميه عشان يعادل الـ osmotic pressure بتاعه .. فبيسحب المية دى من أنسجة الجسم اللى حواليه .. و الـ tissue اللى اتسحب منه المية .. بيسحبها من نسيج تانى جنبه و هكذا ...

    طب هو مش ممكن يسبب tissue dehydration .. ؟؟

    عشان كده سألت بيستخدم ف حالة إيه ..

    الاستخدام: فى حالات الـ oedema العالية .. و جميع حالات الـ oedema و بخاصة brain oedema .. و كمان الـ oedema اللى بتحصل مع الاستخدام المتكرر للكورتيزونات كما فى حالات بعض الأورام السرطانية ..

    إذاً هو بيساعد على العلاج .. أو بيعمل relief لمنطقة الـ oedema و يصفيها لآن لو زادت أوى .. بتسبب جفاف الجلد .. و تقيحه .. بالإضافة إلى التشققات ..

    طب يعنى إيه إيديما أصلاً ؟؟

    معنى oedema هو احتباس المية داخل نسيج أو مجموعة أنسجة من الجسم .. و ده ممكن يسبب ارتفاع ف الضغط .. و ممكن كمان لو وصل للعين بيسبب cataract أو مية بيضا .. بالإضافة لمشاكل الجلد الظاهرية اللى قلناها ،،


  7. #487

    افتراضي

    السلام عليكم ورحمة الله وبركاته
    بعد السلام والتحية
    أهديكي شكر مع وردة ندية
    علي يومياتك الهايلة
    ربنا يثبتك ورزقكي عيشة هنية
    وشكر لكل من ساهم في الموضوع

    كل رمضان وأنتم بخير أدامه الله علينا بالإيمان والطاعات والثبات

  8. #488
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    Day 30 . . . the final Episode



    مرة جاءنا رجلا و طلب hair vit و fast care
    ممم طيب انا عارفة اقراص الـ hair vit
    رحت جبتها و رجعت
    - اتفضل يا فندم ...للأسف " أقراص" الـ fast care مش موجودة
    ضحك الرجل ,,, و قال .. fast care ده "شامبو" !!
    قلت للعاملة تجيبله اللي هو عايزه و تحاسبه و انسحبت بهدوء من المكان ...
    احراج ....
    ****************************
    ******************
    *****

    جاء شابًا و معه روشتة مليئة بالفيتامينات و folic acid و حديد
    غالبا هذا النوع من الروشتات يوصف للسيدات
    فوجئت بإحدي مدرباتي تسأله تلقائيًا : هي حامل ؟؟
    قال الرجل : هي مين دي .. !
    - اللي هتاخد العلاج
    - احم احم ... انا اللي هاخد العلاج
    احراج تاني .....
    ****************************
    ******************
    *****


    ذات يوما ... بعد ان فتحنا باكرا و كنت اقوم بوضع بروشور توعية في كل كيس في الصيدلية ... كان عن الوقاية من الفطريات
    دخلت بنت لا يتجاوز عمرها 10 سنوات
    كانت تجري داخل الصيدلية ومعها طيارة ورقية !
    لم تكن تريد شيئا ... سوي بعض الفوضي
    اخذت تلقي بعلب السيريلاك و الجل علي الارض
    و معلماتي يصيحون فيها بأن تتوقف
    و هي لا تبالي لاحد
    ذهبت اليها لأسالها عن اسمها
    فأخرجت لسانها ثم اعطتني الطائرة الورقية
    و خرجت تركض و هي تغني بكلمات لا افهمها
    ثم عادت مرة اخري بعد ربع ساعة ... ظننت انها تريد طائرتها الورقية
    و لكنها لم تأخذها بل توجهت ناحية مدربتي الكبري و اخذت تستفزها و تضايقها
    فخرجت و امسكت بها و طردتها خارج الصيدلية
    فأخذت البنت تغني بكلام لم افهمه ايضا و لم اراها ثانية !!
    ****************************
    ******************
    *****


    مرة اخري ... في يوم اخر
    دخل ثلاثة اولاد في نفس عمر البنت تقريبا
    و قالوا في نفس واحد كأنهم متفقين علي كده :
    عاوزين الشريـط ده
    و اعطاني احدهم ورقة كتب عليها PURGATON
    احضرت الشريط و حاسبتهم
    ثم وضعت الشريط امامهم
    فاذا بمعركة قد شبت في ساحة الصيدلية
    كم اكره شجار الاولاد .... حاولت ان افض بينهم ولكن دون فائدة
    سبب الخناقة كان ان كل واحد فيهم عايز هو اللي يمسك الشريط
    فاخبرت مدربتي .... فقامت بتكرار نفس الحركة السابقة
    انتزعت الشريط منهم ثم امسكت بواحد منهم تلو الاخر من ظهر التي شيرت و القت بهم خارجا و عنفتهم
    و اعطت واحد منهم الشريط .. فساروا الي بيتهم دون ان ينظر اي منهم الي الاخر !
    ****************************
    ******************
    *****


    امبارح جاءت امرأة كبيرة جدا في السن .. تقريبا عاملة عملية في عينها فعينها مغطاة بكتلة كبيرة من الشاش
    كانت تتأوه مع كل خطوة تخطوها ... طلبت قطرة و أقراص لا اذكر اسمها
    فطلبت منها معلمتي ان تجلس ... كنت اقف علي كرسي لأضع دواء علي الرف اللي فوق ...
    فنزلت لكي تجلس هي ... ثم سألتها ان كانت تريد ان احضر لها ماءً ؟؟
    فقالت آآآآه ... اختلطت فيها " آه" الموافقة بـ " آه" الألم ...
    صعدت لأعلي لأحضر لها المياه ... أحضرت كوبا كبيرا و لكن لم اجعله باردا جدا عشان يرويــها
    نزلت و أعطيته لها .. فشربته كله دفعة واحد ... و كنت اري عظام فكيها و نبضات حلقها و هي تشرب ...
    ثم اعطتني الكوب و شكرتني و هي تنهج
    جاءت معلمتي و انا مازلت واقفة امام المرأة العجوز و اعطتها الاقراص
    و كانت ستأخذ قرصًا الآن ...
    رأيتها تنظر الي الكوب الفارغ في يدي بشدة
    فسألتها ان كانت تريد المزيد من الماء؟
    فأستحيت من ان تطلب ثانية و قالت لا..
    صعدت لأعلي و قد عزمت ان املأه لها مجددا
    و عندما هممت بالنزول وجدت أ\سمير ( المسئول عن المخزن)
    ينزل علي السلم إلي الصيدلية .. فطلبت منه ان يأخذ الكوب و يعطيه للمرأة العجوز اللي تحت لانه ستأخذ دواء الآن
    فوافق و اخذ الكوب...
    انتظرت علي السلم لبعض الوقت حتي لا تراني و هي تشرب فتحرج ... رغم انه مفيش احراج و لا حاجة
    ثم نزلت ... و كانت قد قامت و همت بالخروج و أ\ سمير يساندها الي الباب
    فركضت نحوهما و دعوت لها بالشفاء
    فربتت علي كتفي و ابتسمت و خرجت
    و تحركت بعض الخطوات دون ان تقول "آه" ... ففرحت
    ثم عاد أ\سمير بعد ان أركبها " تاكسي" و حاسب الرجل
    و انا كنت مسرورة من هذه الشهامة
    ثم فوجئت به يقول .... هذه المرأة هي أمي
    ****************************
    ******************
    *****

    منذ بضعة ايام ... جاء رجلا و طلب مقابلة الصيدلي
    كان يبدو عليه الاستياء... فهيأت نفسي لأخذ جرعة جديدة من الاهانة المعتادة ...
    ووقفت ... نظرت للارض و قلت ... مش موجود
    سارت رعشة خافتة في جسدي حين فتح الرجل فمه ليتحدث..
    ولكن الحمد لله لم يحدث ما توقعت !
    - سأل عن إماكنية حفظ دواء في ثلاجة الصيدلية
    - مش فاهمة ؟؟؟!
    - اصل انا هروح استلم حقنة RH من مصر دلوقتي و خايف احسن تبوظ
    دي جايالي من واحد معرفة و انا مقدرش علي تمنها ...
    ممكن لو سمحتي اعينها عند حضرتك لغاية ما نحتاجها ؟
    فقلت له عذرا انا تحت التدريب .. لحظة واحدة
    ناديت مدربتي.... أعاد الحكاية مرة اخري
    فرفضت و قالت له اننا لن نتحمل مسئولية كهذه
    فتوسل الرجل اليها ...
    قالت له : ضعها بالثلاجة في بيتك عادي
    الثلاجة هي الثلاجة
    فقال خلاص هحطها في الفريزر
    قاطعته : لا لا لا ... تبووووظ
    ضعها في الثلاجة عادي ...
    سأل في انهي رف ... ؟
    لم استطع الرد
    قالت له مدربتي : اي حاجة
    شكرنا الرجل و القي السلام و خرج يائسا ..
    ****************************
    ******************
    *****

    كل أسبوع تأتي احدي زميلاتنا من دفعة بكالوريوس لتتدرب يومًا في الصيدلية ...
    تحضر غالبا في الواحدة والنصف
    لا ادري ان كنت ذكرت هذا ام لا ... البحث بتاعها عن الانيميا
    و قد انهت البحث منذ فترة و اعطته لي لأقرأه ..
    اخذته معي بالبيت .. و حاولت قراءته ...
    اعدته لها الاسبوع التالي .. و طلبت مني ان اصعد معها الي مكتب الصيدلي
    و السبب كان انه يمضي لها الشهادة و يحط الدرجة
    صعدنا و قد اتفقنا ان ندخل معا ...
    و حين وصلنا للباب دفعتني للداخل أولا
    فأخبرته فطلب منها ان تدخل
    مضي لها و اكتشفنا بعد ان خرجنا انه نسي ان يضع لها الدرجة
    فطلبت مني ان ادخل و اخبره بأمر الدرجة
    ففعلت ... و طلبت منها ان يعطيها درجة حلوة
    - بس كده .... و اعطاها 25 من 25
    لو اي حد عنده ورق عايز يمضيه انا في الخدمة !!
    ****************************
    ******************
    *****

    منذ فترة قصيرة جائت أمرأة تريد النصيحة
    ابنها مصاب بفايروس سي " غير نشط "
    و فجأة ارتفعت درجة حرارته و اصابه انتفاخ و ترجيع مستمر ...
    ذهبت به الي المنصورة و ووصف لها الطبيب أقراص "BLUE GREEN "
    قالت انها اشترتها مرة واحدة ... ولم تجدها بعد ذلك
    و حين ذهبت بابنها الي اطباء باطنة آخرين وصفوا لها حقن
    و الدكتور الأول كان قد اخبرها ان ابنها حالته مش محتاجة حقن ...
    سألت ان كان هذا الدواء لدينا ام لا ...
    فكانت الاجابة : لا
    فأكملت كلامها بأن ابنها محجوز في مشفي الحميات و اخذت تبكي .. و تقول ان الممرضات لا تعينها حتي علي فك المحلول من يده ( اكيد تقصد من الكانيولا ) ... حتي يذهب لقضاء حاجته .. ولا يحضرن له شيئا ليخرج فيه ما في معدته ...
    بل يتركونه علي السرير و هي تصرخ فيهن ولا يبالي أحد
    فقالت لها معلمتي ان تستمر مع الطبيب و ان شاء الله خير
    انا كنت اسمع بصمت ... و اكتفيت بأن ادعو لها
    بعد ان مشت المرأة قالت لي معلمتي ....
    " متكشريش " .... هناك حالات اسوأ من هذه... ستعتادين علي هذا مع الوقت ...
    ****************************
    ******************
    *****


    اخر موقف.... هو اجمل موقف هذا الاسبوع
    معلمتي الوسطي .... و التي تبلغ من العمر 28 عاما كانت ستختم حفظ القرآن في ذلك اليوم ..
    آخر تسميع لها كان من سورة عبس للآخر
    كانت مضطربة طوال اليوم ... كأنه يوم عرسها
    وترتـنا كلنا معها و اصبنا جميعا بمغص شديد بسببها
    كانت علب الادوية تسقط منها و تخطأ في عد النقود
    و كلما اقتربت منها .... اسمع انفاسها تردد القرآن
    ففتحنا القرآن في الكومبيوتر علي جزء عمّ
    و ظللنا نردد معا ... فكلنا نحفظ هذا الجزء
    فأطمئنت بعض الشئ و استعادت ثقتها بنفسها
    و انصرفت باكرا .... لتراجع قبل التسميع
    عندما تقابلنا اليوم التالي باركت لها و قبلتها
    و اصبحت الآن انادي عليها بـ " ايمان حاملة القرآن "
    دائما اطلب منها ان تخبرني بأجمل شئ سمعته في درس الشيخ
    فأخبرتني ذلك اليوم بمقولة للإمام الشافعي رحمه الله
    اعجبتني فقمت بكتابتها ... و احببت ان اشاركها معكم

    سئل الشافعي عن واجب و أوجب ... و عجيب و أعجب ... و صعب و أصعب .. و قريب و أقرب فقال ,,

    - من واجب الناس أن يتوبوا ... و لكن ترك الذنوب أوجب

    - و الدهر في صرفه عجيب ... و غفلة الناس أجب

    - و الصبر علي النائبات صعب ... و لكن فوات الثواب اصعب

    - و كل ما يرتجي قريب ... و الموت من دون ذلك أقرب
    ****************************
    ******************
    *****

    الحمد لله الذي بنعمته تتم الصالحات

    كانت هذه اخر اليوميات

    إن أخطـأت فمـن نفسـي .. وإن أصبـت فبفضل من الله

    ...تذكر....

    ركز علي هدفك ... لا تلتفت عنه ابدا


    كن علي يقين أن الفتن و الابتلاءات و التحديات و المصاعب و العقبات كلها قد مزجت في كأس واحد نتجرعه كلنا ...

    و لكن الاختلاف ... في من يختار ان يعيش بطلا .... و من يختار ان يعيش عيشة الضحية
    ابتلع آلامك و دموعك ... و لا تتصرف و تتحدث بإنهزامية
    اجعل هذه المصاعب سلمًا للتقرب أكثر من الله
    فهي تمرين جيد للقلب
    اصبر علي مشقة التعلم .... و اعمل لدنياك كأنك تعيش ابدا
    و لا تضيع لحظة تتبع اخري في غفلة عن الله ... و اعمل لاخرتك كأنك تموت اليوم قبل غدا
    واعلم ان اهل الجنة لم يتحسروا الا علي ساعة لم يذكروا فيها اسم الله

    جدد النية في كل وقت و سبح بحمد الله كلما تذكرت وانت تمشي... و انت تضحك و ان كنت تبكي

    و عندما تفتح عينيك كل صباح ... قبل ان ترفع رأسك عن وسادتك و تشد غطائك و تقوم
    تذكر انك منحت يوما جديدا انت بطله فاحمد الله .. و تذكر ان الله مطلع عليك بعينه التي لا تنام..
    ابتسم قبل ان تنهض ... خذ نفسا عميـــقا و قل : " وعجلت اليك ربي لترضي"
    اذا أصابك اليأس يوما ... او حزنت ... لا بأس عليك..
    اسمح لنفسك ان تنثني قليلا ... ولكن لاتنكسر
    استعن بالله اولا و بالصحبة الصالحة التي تعينك و سرعان ما ستعود لك حماستك و عزمك
    وفقكم الله يا ابطال .... انا اثق بكم جميعا

    Remember ...
    Our Job is Not just to stop the pain or try to delay death
    BUT
    It's to Improve the quality of life
    ----
    Remembre....
    If you treat a disease ... you win or lose
    BUT
    If you treat a person ... I gaurantee you'll Win ... No matter what the outcome





    إلهي لا تعذبني فإني ** مقر بالذي قد كان مني
    وما لي حيلةٌ إلا رجائي ** لعفوك إن عفوت وحسن ظني
    وكم من زلة لي في الخطايا ** وأنتَ عليّ ذو فضلٍ ومنِ
    اذا فكرتُ في ندمي عليها ** عضضتُ أناملي وقرعتُ سني
    يظنُ الناسُ بي خيراً وإني ** لشرُ الخلق ، إن لم تعفُ عني
    لك العُتبى يا ربنا حتى ترضي
    لك العُتبى حتى ترضي
    لك العُتبى حتى ترضي
    .....
    ..





  9. #489
    Pharma Student
    تاريخ التسجيل
    Aug 2007
    الدولة
    mansoura
    المشاركات
    345

    افتراضي

    ماشاء الله عليكى يابونبونه ربنا يجازيكى كل خير

  10. #490
    Pharma Student
    تاريخ التسجيل
    Aug 2007
    الدولة
    City Of Angels
    المشاركات
    3,902

    افتراضي

    جزاك الله كل خير يا بنبونة ..

    مسك الختام إن شاء الله ،،

    لكن لم تنطوى الصفحات بعد ..

    و إن شاء الله تستكملى معانا برده .. و نتشارك المعلومات معاً حتى انتهاء الإجازة ..

    و ربنا يكرمك .. و يجازيكى كل خير .. و يجعل هذا العمل خالص لوجهه ،،

    ربنا يوفقك إن شاء الله ..

صفحة 49 من 54 الأولىالأولى ... 394748495051 ... الأخيرةالأخيرة

المواضيع المتشابهه

  1. يوميات صيدلي في سنة أولى شغل
    بواسطة pharmacistina في المنتدى قسـم الخريـجين
    مشاركات: 373
    آخر مشاركة: 26-11-2011, 06:34 AM
  2. يوميـات BoNbOoNa في الصيدلية Rx 2 !
    بواسطة BoNbOoNa في المنتدى منتدى الصحه
    مشاركات: 365
    آخر مشاركة: 27-03-2011, 07:50 AM
  3. يوميات صائم
    بواسطة نعمة في المنتدى المنتدى الاسلامى
    مشاركات: 2
    آخر مشاركة: 11-08-2010, 06:25 PM
  4. يوميات BoNbOoNa في الصيدلية !
    بواسطة BoNbOoNa في المنتدى أرشيف إكلنيكي 2010
    مشاركات: 555
    آخر مشاركة: 03-07-2010, 12:35 AM
  5. يوميات طالب فاشل
    بواسطة محبة الله في المنتدى المنتدي الترفيهي
    مشاركات: 11
    آخر مشاركة: 06-03-2010, 07:26 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •