يوميات BoNbOoNa في الصيدلية !

[dr*riri*]

بمناسبة الفوازير ..

عندى ليكوا فزورتين ..

كريم للتشققات .. يباع " أنبوبة " .. ملوش علبة .. ب 3 جنيه و نص .. ؟؟

الفوار بتاع الصداع ؟؟

انا اعتقد ان الاول كريم لونا للتشققات انبوبه لونها ابيض في ازرق بس مش عارفه هل ده السعر ولا لاعلشان كده مش متاكده اذا كان صح ولا غلط
لا التاني مش اعرفه خالص

[BoNbOoNa]

Day 25

أول حاجة عملتها المرة دي... رحت اشوف رائحة الـ buscamol
و طلعت فعلا رائحة بطاطس مسلوقة ...

باينة جدا بالذات من ظهر الشريط

=-=-=-=-=-=-=-=-=-=-=-=

امبارح وأنا فى الصيدلية لقيت مستحضر اسمه Healosol وبيستخدم for wounds healing

ولما سألت قالوا لى ان ده من ال recent use لل phenytoin

شفت الـ healosol اللي monosh ( جزاها الله كل خير) قالت عليه ....... بالصدفة و انا برص الطلبية

**********************
*****************************
***************
******

دول حقن IV > > > مضادات حيوية
تستخدم بعد احلالها ... " reconsituted by 20 mls of sterile water for injection"
بعد كده بيتخفف تاني قبل الاستعمال بإننا نضيفه لمحلول وريدي
" Must be further diluted before use "
-------
الاتنين نفس المادة الفعالة الـ Vancomycin HCl لكن التركيزات مختلفة
اللي علي اليمين مستورد من ايطاليا و اللي علي الشمال مصري من شركة sigma-tec

في المستورد ... الـVial موجودة جوه العلبة مباشرة
....
........
أما المصري ...

الـvial نايمة في سرير ! . . و بعدين تعبأ في العلبة
............
....
فرق تاني

المصري اكبر في حجم العلبة و في تركيز الدواء " 1 gm " ... و الـ powder لونه باهت شوية ...
المستورد علبته اصغر و تركيزه اقل" 500 mg "...والـ powder لونه ابيض ناصع ..
----------------
الفرق الغريب اللي بينهم بقي..
ان الـvanomix المصري صالح لمدة 14 يوم بشرط انه يتحفظ في التلاجة - مش مكتوب في درجة حرارة كام ! -
الـvancomycine المستورد صالح لمدة 24 ساعة بس .. و كمان بشرط يتحفظ عند درجة حرارة 4 ْ c
=-=-=-=-=-=-=-=-=-=

- في دوائين انا كاتباهم مش موجودين علي الارفف ( علي الاقل انا عندي كده) .. يا تري هما ايه و فين ..؟؟

[
الدوائين هما الـvials بتاعة الـ ampicillin و الـ amoxil

مكانهم مش الرف ... موجودين عندنا في احد الادراج

السبب انهم بيتباعوا بالواحدة و بييجوا في علب كبيرة زي انتم شايفين ... فصعب نحطهم علي الارفف
( في أقراص برده بتتعامل بنفس الطريقة و موجودة في الادراج)
***************
*********************
فيه بقي دواء موجود علي الارفف مع الحقن ... بس هو مش " بيتحقن "...بيستنشق باستخدام جهاز الاستنشاق ( بخاخة)

Atrovent . . . . بيستخدم كـموسع للشعب الهوائية ..Broncho dilator
**************************
*****************
آخر دواء عاوزة اكلمكم عنه هو مضاد للتجلط "anticoagulant"... اسمه clexane
كنت بدور عليه عشان سبب معين ... و مش عارفة ليه كنت فاكراه اقراص
طبعا ملقيتهوش ... فدورت علي الكومبيوتر لاقيته حقن و صنف تلاجة كمان ....
اخدت بعضي و طلعت و فتحت التلاجة لاقيت منه تركيزات كتير .. اخترت واحد عشوائيا و تفحصته

1- الحقنة معبأة جاهز ... مش مطلوب منك غير انك تشيل الغطاء و تحقنها و بس
2-بتتحقن تحت الجلد مش في العضل ... بندخل السن كله عامودي في ثنية من جلد البطن تُمسَك بين الابهام و السبابة
3- لو هتاخد اكتر من حقنة ...بتعطي بالتناوب .. مرة من جهة اليمين و مرة من جهة الشمال ... و زي ما قلنا في حَقن الانسولين ..حذاري نقرب من السرة
4- الجرعة بتعطي كما هي غالبا ... احيانا بنحتاج نعدلها زي في حالات قصور وظائف الكلي
بس مهما كان ممنوع نسحب هواء لجوه السيرنجة ..
5- ممنوع تستخدمه مع الاسبرين او الـNSAID او اي مادة مانعة للتجلط الا لو الدكتور اوصي بكده ,,, الحاجات دي ممكن تستخدم بالتناوب مع الـClexane لكن مينفعش ناخدهم مع بعض في نفس الوقت ...
---------------
انا اصلا شفت الدواء ده عشان اعرف: ليه بتستخدمه المرأة الحامل ..؟
و بعدين ملاقيتش في الـpamphlet اي حاجة عن الموضوع ده الا انه تم اثبات ان الـClexane مش بيمر من الـplacenta و بالتالي مش هيوصل للجنين ...
طبعا كده مستفدتش حاجة ..
رحت عند الصيدلي و سألته : لو واحدة حامل هتستخدم الدواء ده ليه ؟
قال لي انه مضاد للتجلط ... يستخدمه الحامل لو عندها قابلية لحدوث جلطات ... لانه ممكن لا قدر الله تحصل جلطة في الحبل السري اللي موصلها بالجنين ... فيتسد و ميوصلش للجنين الدم اللي فيه هواه و اكله و شربه ... فطبعا هيموت
عشان كده بيقولوا انه بيستخدم لتثبيت الحمل ... لانه يعتبر وقاية من جلطات الحبل السري ...
طب اشمعني الدواء ده دونا عن سائر الـanticoagulants
الاجابة انا قلتها خلاص ... وهي انه صحيح هيمر في الحبل السري بس هيخبط في جدار الplacenta و يلف و يرجع تاني و مش هيعدي و يوصل للطفل... لان طبعا احنا مش عايزين ندخل للبيبي الدواء ده ....
جزاكم الله خيرا د\ ياسر (CiZar) لان حضرتك لفت نظري الي هذا الدواء
=-=-=-=-=-=-=-=-=-=-=-=
-=-=-=-=-=-
فيه سؤال بقي كان شاغل تفكيري ...
فاكرين الدواء اللي قلت انه الدواء الشرب الوحيد اللي لاقيته في التلاجة .... كان اسمه Gaptin ..

ده بيستخدم لعلاج امراض ليها علاقة بالاعصاب .. Neuropathy
ما علينا يعني ...
وجدت من هذا الدواء كبسولات في احد الرفوف في الصيدلية مش في التلاجة ...

طب ليه الشرب في التلاجة و الكبسولات تحت ؟ مع ان الاتنين نفس المادة الفعالة و نفس الاستخدام ...
لما سألت الصيدلي .. قال لي ان الفرق يكمن في طريقة التصنيع
...كل واحد منهم مصنوع بطريقة مختلفة عن التاني فده بيتأثر بدرجة الحرارة بشكل كبير و لازم نحطه في التلاجة ... التاني يقدر يتحمل درجة حرارة اعلي من غير ما يحصله حاجة
سألت نفسي .. مش المادة اللي هنا هي نفس المادة اللي هنا "Gabapentin"....ايه المشكلة بقي ؟!
فرديت علي نفسي .. ما هو المضاد الحيوي الـpowder موجود تحت و لما بنحله بالماء بيوضع في التلاجة
و الحقن لما بنحلها نفس الكلام لازم تتحط في التلاجة...
اكيد الموضوع ليه علاقة بالماء و الجفاف .. بس مش عارفة ايه بالظبط !!
=-=-=-=-=-=-=
المجموعة اللي مطلوب البحث عنها هي الحقن المسكنة ... مش كتير خالص علي فكرة

خير ختام هو الصلاة والسلام علي خير الانام ... سيدنا محمد صلي الله عليه و سلم
لا تنسوني من صالح دعائكم
اللهم بارك لنا في شعبان و بلغنا رمضان و ارزقنا العتق من النيران يا رحمن
سبحانك اللهم و بحمدك...أشهد ان لا اله الا انت ...أستغفرك و أتوب اليك

~تم بحمد الله~

[Mahmoud_Seif]

ربنا يكرمك...... وجزاك الله كل خير.........

[..::ciZar_Resala::..]

جزاكى الله كل خير بنبونة .. يوم جميل كعادتك .. و فوايد كتيرة ..

هسيب الفزورة لوقت أطول .. يمكن حد له رأى تانى ...

ال clexane شكراً جداً على ردك على استفسارى .. و هضيف لقايمة المهام بتاعتك تدورى ف التلاجة برده على حقن cal heparin .. أنا بايع منها امبارح 4 و تستخدم مع المرأة الحامل لنفس الغرض و فى منها تركيزات .. و برده بتتاخد S.C .. بحقن الأنسولين ..

أما بقى بالنسبة للسؤال اللى سألتيه لنفسك .. و هو ليه الحقن و المضادات الحيوية و الحاجات دى بتتحفظ فى التلاجة بعد ما نعملها reconstitution .. و ليه ال Gaptin ال syrup كان ف التلاجة ..

تقدرى تجاوبى على السؤال ده بسهولة جداً .. لكن محتاجة little concentration ..

و الإجابة طبعاً بسيطة و سهلة .. و هى إن ال aqueous medium بيبقى مناسب جداً لنمو ال M.O .. " micro-organisms " .. و بالتالى الحفظ ف التلاجة بيمنع أو يقلل تكاثرها لآطول فترة ممكنة .. و لكن مش بيمنع وجودها و خصوصاً لو الحاجة دى اللى أنا حطتها ف التلاجة اتفتحت .. و بتستخدم كــ multi-dose theraby ..

يا ريت أكون أفدتك ,,

[rose_pharm]

جزاكم الله خيرااااااا

متابعين

[white light]

جزاكم الله خيرا

[the phenome]

/

الدوائين هما الـvials بتاعة الـ ampicillin و الـ amoxil

يااااااااااااه يابنبونه انا مفهمتش كده خالص

انا فهمت ان فيه 2 مش موجودين خالص

فعلا دول موجودين فى درج لواحدهم

ماشاء الله عليكى يابنبونه

فعلا بستفيد منك حاجات كتير

ربنا يجازيكى خير وان شاء الله فى تقدم دايما

[dr soooma]

بالتوفيق يا بنبونه

أعانك الله وجزاكى كل خير
استمرى انا فعلا بستفيد كتييير منك ومن مشاركات بعض الزمله طبعا

وفقكم الله

[Amira]

Day 25

أول حاجة عملتها المرة دي... رحت اشوف رائحة الـ buscamol
و طلعت فعلا رائحة بطاطس مسلوقة ...

باينة جدا بالذات من ظهر الشريط

=-=-=-=-=-=-=-=-=-=-=-=

ايوووه صح ...... هو ده الدوا

ماشاء الله الناس بيعلموا الادويه بشويه حاجات

ربنا يكرمك يا بنبونه .........كملى متابعه معاكى ان شاء الله

[shimoaa]

ربنا يكرمك ويزيدك من علمه
مشكووووووووووووووووووووووووووووووووورة