Day 19
الاسبوع لم ينتهي بعد و لكن .... اليومين اللي فاتوا كانوا مليانين مواقف غريبة و مضحكة و أفلام هندي !!
اليكم هذه الباقة المتواضعة و نتمني لكم قراءة ممتعة
.gif "Fop (2)")
... مريض بــيكاكي...
اقدم لكم اغرب مريض قابلته في حياتي ...
.
.
.
.
.
.
.
.
.
دخل الصيدلية بنتين ... شكلهم في ابتدائي ... ده لو كانوا بيروحوا المدرسة يعني ...
المهم
طلب مني احداهما "برشام 500 "
فهمت ان قصدها مضاد حيوي...ده اول حاجة تخطر علي بالك لما يتذكر تركيز في اسم الدواء
(طبعا انا اتخنقت من حكاية قرص مضاد حيوي دي .. هنتكلم عن الموضوع ده باستفاضة بعدين)
فقلتلها .. قرص واحد مش هيعمل حاجة هو اللي تعبان بيشتكي من ايه؟
قالتلي
"البطة" دايخة و بتلف حوالين نفسها و شكلها عيانة
في الاول مفهمتش ... افتكرت واحدة بيدلعوها يقولولها بطة ولا حاجة
بس لاقيت مدربتي بتقولها .. لازم تودوها لطبيب بيطري
فهمت ساعتها انها ..... بطة = duck ! 
طلبت مني معلمتي اني اجيبلها قرص المضاد الحيوي
مقدرتش امسك نفسي طبعا و استغرقت في الضحك لدرجة انه قلب بنتيجة عكسية و سالت دموعي ..
الحمد لله ان مكانش في حد في الصيدلية ساعتها حتي صاحبها
ربنا يديم علينا نعمة الستر ..
قلتلها .. طب اجيب ايه بقي ان شاء الله
ماشاء الله احنا بنبيع مضاد حيوي للبط كمان؟؟
ضحكت ثم قالت : هاتي قرص ampicillin من اللي في الدرج
رحت جبته و اديته للبنتين
و قلتلها البطة دي مينفعش تنام في البيت ..لازم تودوها المستشفي...قبل ان اكمل كلامي.... لاقيتهم بيجروا ورا بعض و مشوا .gif "Fop (34)")
!!
انا متأكده ان حتي لو قلتلها ان ممكن يبقي عندها انفلونزا الطيور .. هتقول لي هاتيلي قرص Decongess و علبة مناديل بالمرة
---------
بعد نص ساعة لاقيت البنتين جايين تاني
" انا عاوزة برشامتين كيتوفان و واحد كمان من المضاد " الحنوي " ده "
راح مدربتي تجيبه ... فأنا استغليت فرصة لان المرة دي البنت مش هتهرب مني
سألتها ... انتوا بتدوا الاقراص دي للبطة ازاي ؟؟ بتزغطوها يعني؟
قالت لأ ..بندوبهالها في ماء الشرب
و بعدين اخدت الاقراص و طلعت تجري
كنت هروح وراها بس معلمتي اوقفتني
و قالت عادي يا بونبونة متقلقيش اوي كده...
احنا بنربي فراخ في السطح و زي الفل
و في كتكوت سميته يوسف و بينام جنبي
ساعتها عرفت اني مهما قلت محدش هيقتنع ...فأغلقت فمي و التزمت الصمت....gif "Fop (39)")
*************************
**************
******
**
...شَكَل للبيع ...
كانت دي المرة الاولي و الاخيرة اللي اقف فيها ع الكاشير اللي في اول الصيدلية 
.....
دخل علينا رجلا ... ليس ضخما ابدا بل كان نحيل الجسد و لكنه كان غاضبا جدا جدا ...
طبعا ... انا اللي كنت عند الكاشير اللي في اول الصيدلية كما ذكرت
فهو اول ما دخل ..... نَشِّن عليا علي طول
انا كنت قاعدة ببحث في ادوية الحساسية علي الكومبيوتر في أمانة الله
فوجدت وجها يشبه هذا واقفا امامي
_________
_
تركت ما في يدي و وقفت و كلي آذان صاغية
(طبعا لم يخطر علي بالي انه هيعمل اللي عمله..انا قلت في حادث او مشكلة طارئة.... و هو جاي يستنجد بينا مثلا لاننا كنا يدوب لسه فاتحين من ربع ساعة)
.......
وجدته يصرخ في وجهي بصوت لم اتخيل انه قد يخرج من هذا الجسد ابدا ...
فين صاحب الصيدلية .... حسبي الله ونعم الوكيل
حسبي الله ونعم الوكيل
روحي اندهي لصاحب الصيدلية حالا .gif "Fop (14)")
قلت بصوت خاااااافت من شدة الرعب
" لسه مجاش"
اشتد في الصراخ في وجهي ..
امبارح يا "ست الضكتورة" جيت بالليل و طلبت مخدر
و كان فيه باشا هنا قالي انه مش موجود
و انا اصلا مراتي عاملة عملية و و و و و ....
و جاي من بورسعيد مخصوص عشان عارف ان الدواء ده عندكم
و بعدين بعد ما لفيت البلد كلها
مراتي جت هنا و قالولها مش بيطلع من غير روشتة
طب مش تقولوا من الاول بدل البهدلة دي...بالذمة دي أخلاق مسلمين
حسبي الله ونعم الوكيل
و بعدين توقف عن الصراخ ليلتقط انفاسه ..
لم اجرؤ حتي علي ان انظر لوجه مدربتي اللي كانت في الجهة الاخري من الصيدلية
... ادار الرجل وجهه ثم عاد ينظر لي مرة اخري
عاملين فيها محترمين ... ده انتو بتبيعوا برشامة " الترامال " عيني عينك !!
و خرج من الصيدلية مندفعا و مازال يردد
حسبي الله و نعم الوكيل ....حسبي الله و نعم الوكيل !!
.
.
ركضت الي معلمتي و لكن لم انطق بكلمة
صدمني هذا الرجل بكلامه
و هي فهمت ما اريد
فذهبت ووقفت ناحية الكاشير اللي جنب الباب
ووقفت انا عند الكاشير التانية اللي في وش الصيدلية
و لم اجرؤ علي الاقتراب من الاخري مرة تانية ...
و لم اتحدث بهذا الامر مع احد حتي صاحب الصيدلية
...... ربنا يهدي الجميع .....
الايثار شئ جميل .. ولكن انا لا اسمح لاحد بأن يهينني بهذه الطريقة
و خاصة بأنني " لا ذنب لي" ولا أعلم حتي الرجل الذي قال له هذا الكلام
حتي انه لم يخبرني باسم المخدر
*********************
*************
********
***
...خبير الادراج...
هذه المرة ... كنت واقفة بجانب معلمتي عند الكاشير الشهير " اللي في مقدمة الصيدلية ".gif "Fop (6)")
كنا لسه فاتحين من دقائق ... و لم يحضر احد سوي نحن الاثنين
هي اكبر مني بـ 6 سنوات ..اي في ال24 من عمرها
المهم
جاءنا رجلا ... ليس مريبا و لا يدعو للشك
ولكنه جاء بالامس و كان الصيدلي واقف معنا
و طلب منه calmepam ذو تركيز عالي ..
كان الدواء موجودا بالفعل و لكن الصيدلي قال انه ليس متوفر
و قال له " بكرة الصبح ان شاء الله ..."
الرجل كان مصمم علي اخذ الدواء
طلبه منا ولكن مدربتي قالت له انه مش موجود
قطب جبينه و ...سبحان مغير الاحوال
وجدناه يصرخ : اريد الدوااااااااااااء حالا
الدكتور محمد قال انه هيبقي هنا الصبح
قالت له مدربتي,,, ليس موجودا للاسف ...gif "Fop (32)")
و قلت له .. احنا لسه فاتحين و لسة الطلبية مجتش
...ثم وجدناه ينظر الي درج المخدرات
و اذا به ينحني علي الزجاج امامنا و يمد يديه ليفتح الدرج من بيني و بين معلمتي
في الاول ظننت انه سيضربنا فابتعدنا كـreflex action ..
ولكن استعدنا توازننا مرة اخري و الحمد لله لم يستطع ان يفتح الدرج ...لانه بلا مقبض ( هنا بقي فهمت هو ملوش مقبض ليه )
قال لنا: افتحوا الدرج يا عرايس و سموا بالله و ان شاء الله تلاقوا الدواء
لم تجد معلمتي حلا اخر...ففتحت الدرج و حرصت علي الا يستطيع الرجل ان يري ما بداخله
فقمت باحضار شريط بسرعة و لكن من التركيز الاقل و اغلقنا الدرج
...قلت له عفوا هذا هو الوحيد المتوفر الآن
فانتزع الشريط من يدي و رمي نقودا في وجهي و انصرف
....ولا حول ولا و قوة الا بالله العلي العظيم ...
حين جاء الصيدلي ...اخبرته بما حدث
فقال ان تصرفي كان خاطئا
و المفروض كنت مديهوش حاجة...
قالي كنتي قوليله : زعق من هنا للصبح محدش هيديك حاجة
و قال لازم ابقي اشجع من كده
ولكن كيف لي ان اقوم بذلك ....لا سني ولا حجمي ولا شخصيتي تساعدني علي ذلك ...
.............
يا رب اصرف عنا برحمتك شر ما قضيت
*********************
*************
*****
**
... هي النتيجة ظهرت ؟؟؟ ...
منذ ثلاثة ايام ... جاءت بنت من دفعة اولي سابقا (تانية حاليا)
من كليتنا الحبيبة لتتدرب معي ... لا داعي لذكر الاسم و لكنها لم تكن تعرف المنتدي
الشيفت بتاعها يبدأ من الرابعة عصرا حتي الثامنة علي ما اعتقد
المهم انا اراها لمدة ساعة يوميا
فامبارح لما جت ركضت اليها و احتضنتها و سألتها عن النتيجة
لانها ظهرت اليوم اللي قبله بالليل
بس طلعت متعرفش حاجة و اتخضت و كادت ان تبكي
والله زعلت من نفسي... بس مكنتش اقصد
طبعا مقدرتش تركز في اي حاجة بسببي
بس انا قمت معاها بالواجب و اديتها المنتدي و قولتلها نبذة سريعة عنه و عرفتها انها ممكن تجيب النتيجة من عليه
لكن المشكلة انها لا تحب النت ... فمش عارفة هتعمل ايه
هروح اطمن عليها انهاردة ان شاء الله
************************
***************
*********
***
... << ما ودعك ربك و ما قلي >>...
في ظل الضغوط التي كنت امر بها هذه الايام ... و كان اخرها مرض ام صديقتي ( ادام الله عليها و علينا نعمة الصحة و العافية)
كنت حزينة جدا... و نفسيتي كانت " في الحضيض "
ولكن كنت كلما شعرت باليأس يتسرب الي قلبي... قرأت سورة الضحي
معرفش ايه علاقتها بالموضوع
لكن ... هي من اعز قصار السور علي قلبي
و ذات يوم لما ذهبت الي الصيدلية كالمعتاد
جاءت طالبة معنا في الكلية برضه
و برضه مش بتدخل علي المنتدي بس عارفاه
هي في دفعة تالتة سابقا ..رابعة حاليا
طبعا انا كنت في قمة السعادة
لان كده هستفيد من خبرة صيدلي اخيرا
اعدت الاول استعيد منها الذكريات و الكلية و الدكاترة و المعيدين و ....
و بدأنا الجد و اخذت تشرح لي عن الضغط و الانيميا
لان البحث بتاعها عن الانيميا
علمتها كيف تعمل علي برنامج الكومبيوتر و طلعنا جميع ادوية الانيميا و بحثنا عنها معا
المفروض انها ستأتي 2 -3 في الاسبوع لمدة 4 ساعات
متشوقة للقائها ثانية ......... 
**************************
*****************
***********
***
... حامل القرآن ...
بعد ان قمنا امس برص الطلبية ... جلست لارتاح قليلا
اسندت ذراعاي علي الزجاج امامي و احضرت المصحف من الشنطة ... و اخذت اقرأ سورة فصلت
و حين بدأت في سورة الشوري دخل شابا معه شريط يريد شراء واحد مثله
انا كنت ارتاح فاستكملت القراءة و ذهبت مدربتي لتحضر له الدواء
فوجدته يقترب مني ... ثم سألني مبتسما
كم عدد آيات القرآن الكريم ؟
ادهشني السؤال و توترت لانني لم اتوقع ان يكلمني !!
بقيت متسمرة علي الكرسي و انا اقبض بشدة علي المصحف حتي لا يظهر عليا التوتر ...
و لكنه اعاد السؤال مرة اخري و ظل ينظر الي
قلت : لا ادري....
قال : 6236 ... اولها 6 و اخرها 6 و في النصف 23
فأومأت برأسي و نظرت للمصحف مرة أخري
فسألني مجددا !!
طب كم عدد السور ؟؟
قلت: 114 سورة
فابتسم و اخذ المصحف مني قائلا:
سأريكي "معجزة" علي السريع ... انا الحمد لله حامل للقرآن الكريم 
اخذ يقلب في الصفحات حتي جاء الي آية (143) في صورة البقرة
ادار المصحف جهتي و وضعه امامي و قال.. اقرأي هذه الاية
حاولت ولكن لم ينفتح فمي ...رغم انني حاولت !!
هنا جاء فرج الله ...فقد عادت معلمتي بعد ان احضرت الدواء (حمد الله علي سلامة )
فتشجعت و قرأت الاية و قرأتها معي معلمتي
كانت تبدأ بــ {وَكَذَلِكَ جَعَلْنَاكُمْ أُمَّةً وَسَطًا}
فأخذ الشاب المصحف و قلب سريعا في الصفحات الي اخر آيات البقرة ... و طلب مني ان اقرأ رقم آخر آية
لم اخف هذه المرة فقرأته عادي...286
قال : اذا قسمناه علي اثنين نحصل علي 143 ... وسط السورة تماما ... و تتحدث في نفس الوقت عن " وكذلك جعلناكم أمة وسطا... "
ثم قال بارك الله فيكم و اعطاني المصحف و ذهب ..
موقف غريب .gif "Fop (1)")
!!!
ولكنني علي الاقل تعلمت شيئا جديدا ..... الحمد لله
***********************
***************
*******
**
..آخر موقف ...
و كان ممكن يكون آخر موقف في حياتي ..
منذ يومين تقريبا... شعرت بانني لن اقدر علي الذهاب الي الصيدلية في الصباح .... فبقيت بالمنزل
و عندما ذهبت في اليوم التالي
اكتشفت انه قد حدثت جريمة قتل بجانب الصيدلية
قام رجل بقتل زوجته و ابنته و حماته بمسدس و اصاب رجلا اخر ما يزال في المشفي ....
تلك الجريمة حدثت في مكان قريب جدا من الصيدلية ... و امر عليه كل يوم و انا ذاهبة هناك
لو افترضنا انني ذهبت ... ربما ما كنت سأتمكن من كتابة هذه الكلمات الان ... ربما كنتم ستدخلون تترحمون عليا ...
ربما ... عندما دعوتم لي بان يحفظني الله استجاب لكم و لم اصب باذي
و قد اكرمني الله فلم اري الحادثة اصلا لانني كنت في بيتي
************
اللهم لك الحمد كما ينبغي لجلال وجهك و عظيم سلطانك
حمدا كثيرا طيبا مباركا فيه
ملئ السماوات و ملئ الارض
و ملئ مــــــــ بينهما ــــــا
و ملئ ما شئت من شئٍ بعد
لك الحمد يا رب حتي ترضي... ولك الحمد اذ رضيت و لك الحمد بعد الرضي
-------------
اشهدكم أني " نبذت زمـــام امـــــــرى لمن تدبيره فينا عجيب "
" قُلْ لَنْ يُصِيبَنَا إِلَّا مَا كَتَبَ اللَّهُ لَنَا " [التوبة:51]
.........صدقت يا رب
لا تنسوني من صالح دعائكم 
سبحاااانك اللهم و بحمدك...أشهد ان لا اله الا انت ...أستغفرك و أتوب اليك
~تم بحمد الله~
.gif "Fop (38)")
.gif "Fop (37)")
.gif "Fop (30)")
.gif "Fop (9)")
ضوابط المشاركة
