منتدى كلية الصيدلة - جامعة المنصورة

منتدى كلية الصيدلة - جامعة المنصورة (http://www.pharma-board.com/board/index.php)
-   الفرقة الاولى 2010 (http://www.pharma-board.com/board/forumdisplay.php?f=114)
-   -   Icdl (http://www.pharma-board.com/board/showthread.php?t=16337)

Voltron 04-07-2010 03:42 PM

Icdl
 
يا جماعة دلوقتى انا عايز اعرف الاى سى دى ال دى بتتحسب عندنا نص مادة ولا مادة
يعنى فيها نجاح ورسوب ولا لاء
ولو معملتهاش ممكن اعيد السنة لو انا شايل مادتين ونص

muna7assan 04-07-2010 04:06 PM

اقتباس:

خلاصه الكلام فى موضوع ال icdl.,

علشان انا عارفه ان دا موضوع غريب طلع فى وقت اغرب

اولا مش منطقى نهائيا انى يتحدد لى معاد خلال شهرين امتحن فيهم فى حاجه حوالى 80 % من الدفعه ما سمعتش حاجه عنها

انا رحت لد.حسن الكاشف وسألت فى السكرتاريه لانه كان مشغول

والكلام بصراحه كان مقنع جدا

والسبب فى المشكله والقلق دا هو مركز الحاسب الالى
:surfop:
فى سكرتاريه د.حسن قالولى ان مركز الحاسب الالى بيشتغل فى مقابل مادى

وعملوا الخدمه دى للطالب (اللى هيا امتحانات ال icdl ) فى مقابل رمزى

والامتحانات هتكون خلال الشهرين دول

يعنى اللى اخد الدوره دى فى الصيف اللى فات ولسه ما امتحنش يروح يمتحن مش مشكله

طيب واللى ما اخدهاش خااالص!

عادى جدا ولا اى حاجه هاتاثر.. ياخدها فى الصيف ان شاء الله ويمتحنها فى الصيف (هأعمل كده ان شاء الله )

طيب ايه حكايه راسب icdl دى؟

فيه قرار فى السكرتاريه هناك بينص على

1- الغاااء ماده الحاسب الالى من منهج اولى صيدله

يعنى راسب icdl دى مش هاتاثر فى اى حاجه خالص لأن انا اصلا مفيش عندى ماده اسمها كده

2-اعتبار شهاده ال icdl متطلب جامعى

يعنى علشان آخد شهاده التخرج بتاعتى ان شاء الله لازم اسلم لهم شهاده ال icdl

اخدها الناهرده, بكره, فى الصيف, فى الشتا ,عادى مش هاتفرق.,
:fopl00l:
بس طبعا يستحسن فى الصيف الجاى ان شاء الله علشان بعد كده هيكون فيه عندنا تدريب فى الصيدليه ومش هانكون فاضيين

اتمنى ان الكلام دا يكون غطى جميع استفساراتكم ولو فيه اى سؤال تانى اتفضلوا.
http://www.pharma-board.com/board/im...fop%20(29).gif

اقتباس:


مركز الحساب العملى بالتعاون مع شركه الاتصالات عملوا منحه للطلاب كالأتى
اسمع شرح ال icdl فى أى مكان وتعالى امتحن هنا بمبلغ رمزى ... هيوفروا على الطلبه يعنى القيمه الكبيره اللى بتتكلفها الدوره دى... علشان تاخدى المنحه دى يبقى تسجلى على الرابط دا

http://www.icdlegypt.gov.eg/

وتختارى الاماكن اللى هاتمتحنى فيها حسب محافظتك

وانتى بتسجلى استنى على الموقعه شويه لان الحاجات والأماكن هتاخد وقت على ما تظهر وتختارى منها

بس برضو انتى المسئوله انك تسمعى الشرح...
عن نفسى أنا مش هأسمع شروحات خالص., هأذاكرها من الورق اللى ماما ذاكرت منه وخلاص..
تقريبا الورق دا عباره عن طباعه اسطوانه من مراكز الكمبيوتر الكبيره.

طيب فرضا انا مش عايزه اخد المنحه وظروفها مش مناسبانى . أعمل ايه؟؟

ولا أى حاجه كل واحد ياخد ال icdl من المكان اللى يريحه
المهم فى الأخر يجيب شهاده معتمده من اليونسكو يقدمها للكليه علشان لما يتخرج ان شاء الله ياخد شهادته على طول وما تتحجبش لحد ما ياخدها بعدين.,

لو فيه أى حاجه تانيه اسألى فيها وهأحاول افيدك ان شاء الله
http://www.pharma-board.com/board/im...fop%20(29).gif


:fop (29): :fop (29):

Voltron 04-07-2010 04:35 PM

يعني هي بتسقط ولا لأ
ممكن تخليني اعيد السنه ولا لأ
ده الي يهمني

Messi 04-07-2010 05:57 PM

اسئله + اجابات icdl (مهم جدا)

muna7assan 04-07-2010 08:13 PM

لأ ان شاء الله ما اعتقدش انها ممكن تسقط حد لانها حسب كلام سكرتاريه د.حسن هيا مش ماده اصلا هيا متطلب جامعى :fop (29):


الساعة الآن 03:00 PM.

Powered by vBulletin® Version 3.8.7
Copyright ©2000 - 2018, vBulletin Solutions, Inc. Trans by