هام جدا بخصوص امتحان الميكرو ..

بسم الله الرحمن الرحيم ..

اخوتى واخواتي من طلاب وطالبات الفرقة الثانية ..

عقب امتحان الميكرو .. والذى خرجنا منه جميعا غير سعداء .. توجهت إلى الدكتور محمود بكر عميد الكليه وتحدثت معه حول الامتحان ونقلت له وجهة نظر الدفعه فى الامتحان وبعض المشاكل والصعاب التى واجهتنا ..

اقتباس:

---

المشاركة الأصلية كتبت بواسطة Gohary

بس اللى ريحني ان اكلمت مع الدكتور محمود بكر .. والدكتور حسن الكاشف .. ونقلت لهم وجهة نظرنا كلها ..

---

واليوم ذهبت إليه ثانيا بعد ان دخل على المنتدى وقرا تعليقاتنا جميعا حول الامتحان .. وطمئنني جداً وقال انه تحدث إلى الدكتور رمضان .. ونقل له كل ما قلناه على المنتدى .. وكل الصعاب التى واجهتنا .. وقال ان دكتور رمضان وعده بان كل شيء سيراعى فى التصحيح ..

بعدها قابلت الدكتور رمضان وتحدثت معه طويلا حول الامتحان .. والحقيقه يا جماعه الشهاده لله .. انا بعد كلامى معاه مطمن جدا جدا جدا جدا عن الميكرو .. وخلاص كل القلق اللى كان عندي طول اليومين اللى فاتوا خلاص راح .. من كلام دكتور رمضان الكتير جدا .. واللى انا بحتفظ بتفاصيله ..
الحاجه الوحيده اللى هقدر اقولهالكم .. .. ان درجات العملي كانت عاليه وكويسه ..
وبما انى واحد من الدفعه .. وواحد امتحن نفس الامتحان وتعرض لنفس الصعاب والمشاكل .. احب اطمنكم جدا جدا جدا ..

ورساله من الدكتور محمود الى كل ابناءه من طلاب الفرقة الثانية : اقروا التوبيك ده وذاكروا العضوية وركزوا فى الجاى ومتقلقوش من اللى فات ..

مش عارف انا اوصلت لكم اللى انا حاسس بيه اكتر من اللى انا عاوز اقوله ولا لأ .. لكن بجد اطمنوا لانى فعلا بقيت مطمن جدا .. سواء من كلام الدكتور محمود او كلام الدكتور رمضان ..


================================================== =========


كلام تانى مبشر جدا من الدكتور محمود بس بعيد عن الميكرو :

بالنسبه للموضوع اللى تم فتحه فى وقت سابق .. بخصوص موضوع ان دكتور يشرح جزء واللى يحط امتحانه دكتور تانى ..

اقتباس:

---

http://www.pharma-board.com/board/showthread.php?p=154117#post154117

---

فالدكتور محمود قال انه انه حوله للدكتور حسن الكاشف وكيل الكلية لشئون التعليم والطلاب .. لاتخاذ اللازم ومناقشة هذا الموضوع لمصلحة الطالب والعمليه التعليميه ..


- الدكتور محمود قال ان القادم فى التطوير والاصلاح هو المعامل ان شاء الله .. بعد ما بقت المدرجات فله شمعه منوره .. تكييف وداتا شو وكل حاجه تمام ..

- برضه الدكتور محمود قال لى ان فيه اخبار ساره جدا عن موضوع الدواليب .. وان من السنه الجايه هيبقى فيه نظام مختلف لموضوع الدواليب .. وهيبقى منظم جدا وعلى اعلى مستوى .. وهتبقى دواليب رسميه من الكليه ..

- الدكتوره ماجده نصر واللى التقيت بيها برضه ؛ طمنتنى جدا لامتحان العضويه .. وخاصة انه بعد امتحان الميكرو .. وقالت ان شاء الله يبقى ختامه مسك جدا ..




طيب الوقتي التوبيك مغلق .. طب ليه !!

عشان اللى مطلوب منك انك تقرا التوبيك ده >>> تطمن جدا جدا للميكرو ان شاء الله >>> تركز وتذاكر عضويه عشان ربنا يوفقنا فى اخر ماده ...

وده اللى طالبه الدكتور محمود بكر من طلاب الفرقة التانيه كلهم ..


أرجو أن أكون قد احسنت تمثيلكم والكلام بلسانكم .. واكون قد وفقت فى التوفيق بينكم وبين الدكتور محمود والدكتور رمضان ..


:fop (28):