السياسه الاعتصاميه والاضرابيه

السلام عليكم ورحمه الله وبركاته

حاجه غريبه جدا نفسي اتناقش فيها واسمع آراءكم

السياسه الاعتصاميه والاضرابيه اللي بيتخذها الشعب المصري اليومين دول

بجد الموضوع ده عاد ممل جدا
كل يوم مع اخبار الصبح
اضرب فلان
واعتصم علان
بقت عامله زي المسلسل التركي اللي مش بيخلص

يا تري ليه قبل كده الناس معترضتش؟
وفجأه ظهرت مشاكل الدنيا وبدأنا نتكلم

اكيد حد هيقولي حد اتكلم فغيره اتشجع
طيب ليه اصلا الشجاعه دي مش كانت موجوده من زمان؟؟

للاسف الاعتصامات والاضرابات بقت شيئ ممل جدا
لان اكتر الناس فبل ما تحاول تحل المشكله بهدوء
لازم تعمل مشكله

وده بيسئ لينا جدا كشعب مصري

اللي سيرته بقت عامله زي اللبانه

مستنيه آراءكم

أنا مش معاكي يا دكتورة في الكلام ده

الناس بدأت تعمل اعتصامات لما حست ان حقها مهضوم ولما لاقت إن الدولة بتستجيب للاعتصامات دي

والاعتصامات مظهر حضاري في الاعتراض على أسلوب ما أو سياسة معينة

وده من وجهة نظري الحل الهادئ للمشاكل

الناس مش بتعمل مظاهرات وبتنزل تكسر في البلد

هم بس بيعترضوا ...في صمت

اقتباس:

---

يا تري ليه قبل كده الناس معترضتش؟

---

عشان كانوا فاكرين انهم لما هيعترضوا مش هياخدوا حقهم
لا وكمان هيتهانوا
بس لما لاقوا ان العملية مش كده
وان اللي بيعترض بياخد حقه إلى حد ما
فشافوا إن البلد بقى فيها مساحة أكبر من الحرية والديمقراطية
وبالتالي الاعتصام بقى بيوضح آراءهم واعتراضاتهم وبيجيبلهم حقهم

إذن المحصلة في النهاية
الاعتصام= شكل من حرية إبداء الرأي
إذن الحرية موجودة...الديمقراطية موجودة...البلد أكثر تحضر

اقتباس:

---

للاسف الاعتصامات والاضرابات بقت شيئ ممل جدا
لان اكتر الناس فبل ما تحاول تحل المشكله بهدوء
لازم تعمل مشكله

---

فين المشكلة المنبعثة من الاعتصام السلمي؟
تعطيل المصالح...؟؟؟
أعتقد إن أكبر مثال على الاعتصام السلمي مع عدم تعطيل مصالح الشعب كان اعتصام الصيادلة
منسيوش وهم مضربين حق الشعب عليهم

بس يا دكتوره اكيد انتي معايا ان فيه ناس كتير بدأت تدلع
وتنادي بما في مصلحتها
بمعني انهم عايزين الشهره وبس
يعني اسبابهم مش بتكون مقنعه
وكمان بيفتروا الاكاذيب
وده شايفينه جامد علي القنوات اليومين دول

انا مع الدكتورة ايه في كلامها ده
والموضوع ده مهم جدا علي فكرة يا جماعة
بس فعلا أي مشكلة لابد من حل لها
ولكن الظاهرة الحديثة ان الكل بيستخدم الأضراب من ساعة موضوع غزل المحلة
وعلي فكرة



في أي دولة أوربية متقدمة بيستخدمو الأعتصام دوت للحصول علي حقهم
وأهوه يا جماعة ادينا بنقلد وخلاص
وربنا يستر في الأيام اللي جاية