بسم الله الرحمن الرحيم
الحمد لله والصلاة والسلام على رسول الله (صلى الله عليه وسلم)
يسعدني أن أتلقى أسئلتكم واستفساراتكم حول عملي التحليلية في هذه الصفحة
أسأل الله أن تكون مفيدة ونافعة لكل الطلاب
د. محمد العوضي
بسم الله الرحمن الرحيم
الحمد لله والصلاة والسلام على رسول الله (صلى الله عليه وسلم)
يسعدني أن أتلقى أسئلتكم واستفساراتكم حول عملي التحليلية في هذه الصفحة
أسأل الله أن تكون مفيدة ونافعة لكل الطلاب
د. محمد العوضي
برحب بحضرتك بمناسبة الترم التانى وشكرااااااااااااااااااااااااا جدا عاى مجهوداتك الجميله
ربنا يجعل مجهوداتك الكبيرة فى ميزان حسانتك إن شاء الله
وأدعوه أن يوفقك الى ما تتمناه............
ربنا يكرمك يا دكتور انا عمري ماشفت دكتور بشرح بخلاص زي حضرتك
سؤالي هو الورق هينزل امتى ~~~؟؟
وفي حاجة كمان يا دكتور احنا عندنا السكشين الساعه 4.30 وبنخلص محاضرتنا تقريبا الساعه 1.15 وينفعش المعاد يتغير!!لان بيبقى في فرق كتير بين المحاضرة والسكشين وفي مننا كتير بيسافر
بسم الله الرحمن الرحيم
عودة الى زمن العلم و التعلم الجميل ............................... شكرا لحضرتك و اتمنى اننا نستحق انك تتعب عشاننا و ربنا يجعله فى ميزان حسناتك و يرزقك الاخلاص .
بصراحه يا د انا بشكرك وهذه الشكر ليس مني فقط ولكن من كل الدفعه ويارت تعتبرني اخوك الصغير
ألف شكر يا دكتور على تعبك معانا
وكان عندي سؤال : هو إحنا هنشتغل كام تجربة السكشن الجاي؟
أولا متشكر جدا وجزاكم الله خيرا على الكلام الجميل ده وأتمنى أن أكون مستحقا لذلك عند الله
و أستعير قول الامام علي (رضي الله عنه):
اللهم لاتؤاخذني بما يقولون واجعلني خيرا مما يظنون و اغفر لي ما لا يعلمون
اقتباس:
المشاركة الأصلية كتبت بواسطة دقة قلب
اقتباس:
المشاركة الأصلية كتبت بواسطة دقة قلب
الورق نزل فعلا و موجود منه نسخة على المنتدى بقسم المحاضرات وكمان موجود صور الألوان في ملف powerpoint بقسم المحاضرات أيضا
بالنسبة لمواعيد السكاشن: زي ما هو واضح ليكم أن السكاشن شغالة متصل من الساعة 9ص-7م ولذلك مش هنقدر نغير في أي ميعاد وكمان بعد انتهاء محاضرات مجموعة (أ) فيه معمل بيبدأ هو الأرقام من 1-250 وده مش اختيارنا ولكن ده حسب جدول الكلية
على العموم لو عندك مشكلة كبيرة في السفر ممكن تيجي للدكتورة منال وتوضحي لها البلد اللي بتسافري لها وظروف المواصلات ولو كانت هناك مشكلة ممكن تسمح ليكي بالحضور في مجموعة أخرى يكون بها مكان فاضي والأحسن لو قدرتي تتـفقي مع حد من زمايلك من المجموعات البدري بحيث تبدلوا أماكنكم في المعامل باذن من الدكتورة منال.
فعلا أنا باشعر أن كلكم اخواتي وده هو الاحساس اللي بيحركني دايمااقتباس:
المشاركة الأصلية كتبت بواسطة ABDO MOHSEN
هنشتغل تجربتيناقتباس:
المشاركة الأصلية كتبت بواسطة morsy1220
Determination of NaCl by Mohr' method & Determination of NaBr by Mohr's method
وهناك تجربتين Fajan هتكون demonstration
Best Wishes
جزاك الله خيرا يا دكتور
بجد احنا مهما قولنا مش كفاية على المجهود اللى حضرتك بتبذله وعلى اخلاصك معانا
ربنا يجعله فى ميزان حسناتك
ألف شكر لحضرتك يا دكتور على تفاعلك معانا و ربنا يجعله فى ميزان حسناتك
شكرا يا دكتور على مجهد حضرتك الكبير معانا وربنا يجعله فى ميزان حسناتك ان شاء الله
النهارده كان يوم غريب من دون ما حضرتك تكون علينا فى السكشن بجد كنت افضل الدكاتره علينا فى العملى واتمنى ان احنا نعرف ناقلم نفسنا على الوضع الجديد
وبجد جزاك الله خيرا وحضرتك يا ريت تعمل لنا ندوه تحفزنا فيها عن المذاكرة يا ريت يادكتور
انا اشتغلت النهاردة وحاسس انا ما استفدش
اقتباس:
المشاركة الأصلية كتبت بواسطة حياتى كلها لله
:D :D
انا بأة بالعكس .. النهاردة كان سكشن رائع
حاسة انى مكنتش باخد سكاشن تحليلية قبل كدا
يا ريت يعملوا لحضرتك استنساخ
بس حضرتك الأصلى تدي للسيكشن بتاعى
:ag:
شكرا بجد يا دكتور
بسم الله الرحمن الرحيم
شكرآ دكتور على مجهود حضرتك الرائع
أنا كان عندى سؤال فى المحاضرة
حضرتك كنت قلت أن AgCl بيترسب الأول قبل Ag2Cro4
السبب Ag2Cro4 more soluble than AgCl
صح كده ؟؟؟ مظبوط ان شاء الله
بس احنا خدنا فى محاضرة الدكتورة منال أن
k.sp لسيلفر كرومات =10 اس 12-
بينما
K.sp للسيلفر كلوريد = 10اس 10-
ونظرآ لأن الأس بالسالب يبقى العكس
يعنى 10 أس 10-> من 10 اس 12-
يعنى الsolubility بتاعت السيلفر كلوريد أعلى من الsolubity بتاعت السيلفر كرومات
كده حصل لخبطة فى مخى
أكيد أنا اللى مش فاهمة كويس
ارجو من حضرتك التوضيح
مع جزيل الشكر
انا بجد والله حبيت الكليه اكتر بسبب حضرتك لان فعلا اسلوب حضرتك معانا بيحسننا ان احنا بجد دكاتره وانا اصلا كنت بحب التحليليه بس حبتها اكتر وحبيت شغلها العملي بسبب حضرتك فبجد الف شكر
بسم الله الرحمن الرحيم
الحمد الله السكشن كان كويس بس المشكلة ان الالوان صعب اننا نحددها . و عموما كررت التجارب مرتين علشان اتعود و ربنا يسهلها و نتعود عليها المرة الجاية .
و فعلمك يا اولى الطريقة الى الدكتور محمد قال نمسك بيها الماصة اسهل طريقة لانى جربتها طول السكشن و سهلت عليا كتير و علشان كده ياريت كلنا نتعود عليها ....................................
شكرا لحضرتك .
اقتباس:
أولا متشكر جدا وجزاكم الله خيرا على الكلام الجميل ده وأتمنى أن أكون مستحقا لذلك عند الله
و أستعير قول الامام علي (رضي الله عنه):
اللهم لاتؤاخذني بما يقولون واجعلني خيرا مما يظنون و اغفر لي ما لا يعلمون
دا إحنا المفروض إللي نشكر حضرتك على حجات كتير أوي..أولاً إخلاص حضرتك في الشرح
وثانياً..تواصل حضرتك معانا..وطول بال حضرتك علينا...وحجات تانيه كتير
السلام عليكم ورحمة الله وبركاته
بجد يا يا دكتور وبدون مجاملات حضرتك تستحق الحصول علي اعلي المناصب في الدنيا وفالاخرة انا كنت ابتديت اكره كلية صيدلة اصل وفصل والله بسبب اللي انا بشوفه ........بس بفضل ربنا علينا انه منحنا دكتور مخلص في عمله زي حضرتك يارب للامام دايما ويحقق لحضرتك كل ماتتمناه.......معلش يا دكتور كنت بس عاوزة اعرف اخبار درجات الامتحان النظري الترم الاول هو في ناس كتير شايلين تحليلية وشالوها ليه؟؟؟؟؟؟؟؟؟يعني تاثير فالاجابة ولا تدقيق تصحيح ولا ايه بالظبط؟؟وجزاك الله خيرا
لا انتي فاهمة كويس ...صحيح أن العلاقة بين الK sp & solubility بتقول أن لما ال K sp تزيد يبقى ال solubility تزيد .... لكن الرد على سؤالك هو:اقتباس:
المشاركة الأصلية كتبت بواسطة عاشقة الجهاد
The relation between solubility & K sp is not always obeyed in case of non-symmetrical salts (i.e. salts in which the valence of the cation differs from the anion).
بمعنى أن القاعدة اللي انتي قولتيها صحيحة لكنها لا تنطبق دائما في حالة الرواسب اللي فيها تكافؤ الcation لا يساوي تكافؤ الanion لأن القاعدة بتشذ هنا .... و مثال لهذه الحالة هو silver chromate لأنه non-symmetrical salt ولا تنطبق عليه هذه القاعدة بمعنى أنه ممكن نلاقيه more soluble أكثر من أملاح تانية الK sp بتاعتها أكبر زي الـ AgCl.
أرجو أن الاجابة تكون واضحة.
درجات نظري التحليلية التيرم الأول أكثر من ممتازة لدرجة أن في ورقة جايبة 80/80 و ورقة تانية 79.5/80 ........ان شاء الله كلكم تطمنوا على النتيجة و ربنا يحقق لكم كل اللي تتمنوه.,اقتباس:
المشاركة الأصلية كتبت بواسطة moslma
Best Wishes
يارب يادكتور يارباقتباس:
درجات نظري التحليلية التيرم الأول أكثر من ممتازة لدرجة أن في ورقة جايبة 80/80 و ورقة تانية 79.5/80 ........ان شاء الله كلكم تطمنوا على النتيجة و ربنا يحقق لكم كل اللي تتمنوه.,
ربنا يكرمنا فى النتيجة باءذن الله
بس هيا تظهر واحنا نرتاح بقى >..
الف شكر بجد يادكتور بجد على مجهود حضرتك معانا الله يكرمك بس فيه سؤال تجارب ال demonstrationممكن تنزل فى الامتحان ؟ والdilutionلsample بيتعمل ازاى
اقتباس:
المشاركة الأصلية كتبت بواسطة Dr/Asmaa
تجارب الdemonstration مش بتنزل في الامتحان
الsample dilution في تجربة fajan بيكون بالتقريب اعتمادا على تدريج الفلاسك لكن في تجارب أخرى بيكون ليه طريقة معينة هنعرفها في وقتها ان شاء الله
Best Wishes
لو سمحت يا دكتور لو حضرتك تعرف النتيجة هتظهر امته ممكن تقولنا
اقتباس:
المشاركة الأصلية كتبت بواسطة زهرة الإسلام
على حد علمي الحاسب والفسيولوجي اتسلموا و لسه سيتم مراجعتهم غدا السبت
يعني أعتقد يومين ولا حاجة
أنا مش كنترول أولى بس دي المعلومات اللي عندي
Best Wishes
:fop (43):
ربنا يكرمك يا دكتور يا رب و يوفقك و يحققلك كل اللي حضرتك بتتمناه بحق اخلاصك في عملك و مجهودك معانا
بصراحه بعد الشرح من حضرتك مبحتجشي اي مجهود في مذاكره السكشن غير مراجعه بسيطه و دا بفضل شرحك السلس الجميل ..
ربنا يجزيك خيييييير يا رب
السلام عليكم.جزاك الله خيرا يادكتور محمد.كنت عايزة اسأل حضرتك هل ينفع حد خريج صيدلة ازهر ياخد دبلومة التحليلية فى كليتنا
الدراسات العليا بالكلية مفتوحة لأي خريج كلية صيدلة أخرىاقتباس:
المشاركة الأصلية كتبت بواسطة Hope1
بس هناك أوقات معينة كل سنة للتقديم للدراسات العليا
تفاصيل هذه المواعيد ممكن تتعرف من مكتب شئون الدراسات العليا بالدور الثاني بالمبنى الادراي....مدام/زينب
Best Wishes
شكرا لحضرتك يا دكتور بجد مفيش كلام يتقال بجد غير جزاك الله كل الخير وادام عليك هذا الاخلاص .ودرجات التحليليه الحمد لله حلوه جدا اكثر مما توقعنا وده بفضل مجهود حضرتك معانا في العملي اللي ساعدنا في النظري جامد جدااااااااااااااااااااااااااااااااااا.
وده طبعا بعد فضل ربنا
جزاك الله خيرا دكتور محمد ع مجهوداتك العظيمة معانا وأثقل الله بها ميزان حسناتك ونفع الله بك وجعلك زخرا لنا وارفع لحضرتك قبعتي تقديرا واحتراما:hi:
بصراحه يادكتور انا حاسه اني تايهه في عملي التحليليه
وخاصه الترم التاني
ومش عارفه افرق بين الالوان وبعضها
يا ريت لوحضرتك تنصحنا بعض النصايح عشان
نقدر نفرق الالوان
جزاك الله خيرا ىا دكتور فحضرتك والدكتورة منال بتبذلوا معانا جهد جامد
ادعو الله ان تكونوا من رفقاء النبى فى الجنة
:fop (36): السلام عليكم لو سمحت يا دكتور في السكشن الثانى صفحة 15 حضرتك كاتب
for ppt of AgClto be formed in solution(Ag)(Cl)mustbe>KspOF AgCl
وتحتها كاتب
increase Solubility Product(Ksp)=solubility
ازاى ان مبحصلش ترسيب الا اذا كانت حاصل ضرب الأيونات اكبر من ksp
يعنى عند pptهيكون Kspكبيرة يعنى مفروض ان الملح يكون more solubleالحتة دى ملخبطانى جدا وحاولت اسأل حضرتك فى الكلية لكن مبلقيش حضرتك موجود دايما أرجو الرد سريعا
ادعو الله سبحانه وتعالى ان يرزقكم الاخلاص فى القول والعمل وان يجعل ما تقدمه فى ميزان حسناتك ويارب يا دكتور محمد تاخد الدكتوراه من بره مصر وخاصة من البلد اللى حضرتك بتتمناها وان يرزقك الذرية الصالحة اللهم امين ...لو سمحت يا دكتور ممكن حضرتك تشرح الحاجات المهمه فى السكشن التانى ........وجزاكم الله كل خير
اقتباس:
المشاركة الأصلية كتبت بواسطة نورهان 2009
اقتباس:
المشاركة الأصلية كتبت بواسطة نورهان 2009
الموضوع بسيط مش مستاهل قلق..احنا لحد دلوقتي مخدناش الا تجربة واحدة Mohr's (تجربة Fajan مطلوب للشيت فقط) وعشان نميز لون الend point بتاع Mohr من أول مرة صعبة على أي حد لذلك لازم نعمل الطريقة اللي قولتها في الشرح ومكتوبة في الورق وهي ان احنا نسجل القراءة اللي واقفين عندها و اللي احتمال تكون الend point ثم نضيف عليها نقطتين تلاتة من السحاحة لو لقينا اللون اغمق وبقى لون شبه لون المشمش أو قمر الدين تقريبا....يبقى اللون الأول كان صح
اقتباس:
المشاركة الأصلية كتبت بواسطة sakora
اقتباس:
المشاركة الأصلية كتبت بواسطة sakora
شكرا على السؤال
أولا أحب أذكر اللي مكتوب في الشرح بالضبط:
Ksp is calculated only for sparingly soluble salts (ex.: AgCl) and it is constant for a certain salt at a specified temperature.
For the ppt of AgCl (for example) to be formed in a solution:
x# [Ag+][Cl-] must be > Ksp of AgCl
x# ↑ Solubilityproduct (Ksp) ≡ ↑ Solubility ……… & vice versa
النقطة الأولى في سؤالك
Ksp ثابت لكل ملح لا يتغير مع تغير تركيز الأيونات
وأي ملح عشان يترسب لازم يكون حاصل ضرب التركيز المولاري لأيوناته في المحلول أكبر من الKsp بتاعته اللي هي رقم ثابت موجود في الكتب
النقطة الثانية في سؤالك
لما يكون عندنا أكثر من ملح ولكل واحد منهم Ksp خاصة به
فالملح اللي الKsp بتاعته اكبر بيكون more soluble والعكس صحيح
يعني النقطتين منفصلين في فهمهم عن بعض
أرجو ان تكون الاجابة واضحة ولو لسه يا ريت تسأل بدون أي تردد
أرجو توضيح السؤال أو تحديد نقطة معينة فيها مشكلةاقتباس:
المشاركة الأصلية كتبت بواسطة dr.safroOota
Best Wishes
لو سمحت يا دكتور صفحة 13 من( جزء 2 -سكشن 1 ) مكررة في( جزء1 -سكشن 2 ) بس مش نفس الكلام فيا ريت حضرتك توضحلي النقطة دي
لوسمحت يادكتور note no 2 فى صفحة 18 انا مش فهماها
strongly shaking near E.P is requiredto prevent adsorptionof Ag ions on freashly ppted AgSCN
ولو مش هتقل على حضرتك فى اخر صفحة رقم 2 برده اللى بتقول
iodide solutionmust be diluted suitably to minimize the adsorption effect on ppt
الصفحة الموجودة مع شرح المعمل الثاني هي المطلوبةاقتباس:
المشاركة الأصلية كتبت بواسطة morsy1220
(و انا وضحت الكلام ده في الشرح)...و على فكرة هي هي الصفحة القديمة بس أنا حبيت أضيف ليها سطر زيادة اتذكر قبل كده في أول الشرح بس حبيت اكرره عشان الكلام يكون مرتب و متكامل
اجابة السؤالين واحدة:اقتباس:
المشاركة الأصلية كتبت بواسطة sakora
المشكلة ان أثناء ال
titr. of the remaining Ag ions against Amm.SCN
بيترسب AgSCN أثناء الtitration و ده مشكلته انه بيعمل adsorption لأيونات Ag اللي حوله في المحلول وبيخبيها عن الtitrant وبالتالي الtitrant هيتفاعل مع الindicator لأنه مش لاقي الAg ion وبالتالي هتظهر الE.P بدري عن الصح..
المشكلة دي كلها بتتحل لو عملنا رج جامد لأن
strongly shaking near E.P prevent adsorption of Ag ions on freshly ppted AgSCN
في حالة الiodide (على فكرة أنا لسه ما شرحتهاش) المشكلة بتكون أكبر لأن الadsorption بيكون أقوى وبالتالي بنعمل تخفيف شوية بالماء بجانب الرج الشديد عشان نقلل الadsorption ونحل المشكلة
Best Wishes