دقيقة التليفون الأرضى فى مصر.......

التليفون الأرضى يتراجع......


قاطعوا التليفون الأرضى.....


دقيقة التليفون الأرضى عشان غزة....


كل دى عناوين ومنشيتات كتيرة تحتها كلام اكتر واكبر.....

تخيلوا ان دقيقة التليفون الأرضى فى مصر وصلت ل 3 جنيه ....او تقريبا 5 ...

ما علينا....;)

المهم.....


سمعت ان الحكومة خصصت يوم من كل أسبوع تكون فيه دقيقة التليفون الأرضى بالسعر ده ....

تعاطفا مع غزة.....

ومحدش يعرف اليوم ده ....هيكون يوم ايه....

طبعا لو عرفنا ....محدش هيتكلم....

بس فى رأيكم هل ده منطقى؟؟؟!!!!

احنا كلنا متأكدين ان اخوانا فى غزة فى أمس الحاجة للمساعدة المادية قبل المعنوية...

ومش مختلفين...

بس يا ترى هل هى دى الطريقة.....

اللى يساعد حد يساعده برضاه ومش غصب عنه.....

انتم شايفين ايه يا جماعة.....عايزة اعرف آرائكم.

لكى الله يا غزة....

تحياتى للجميع.....

والله هو كلنا مع غزه

بس انا شايفه انها فكره مش كويسه لان فيه ناس فى مصر بيفرق معاها الجنيه او اقل كمان

وكمان مصر دلوقتى متهيالى فى اوحش ظروف ليها


وكله بقى بيحاسب على الفلوس لان كل حاجه بقت اغلى بكتير من الاول وغليت مره واحده


فالموضوع ده ممكن ميفرقش مع ناس بس هيفرق مع ناس تانيه


وانا سمعت ان الدقيقه هتكون بجنيه و ب 4 وب8 ومش عارفه بالظبط هتبقى بايه


بس كلنا مع غزه بس الطريقه بصراحه مش عاجبانى

هو الكلام ده طلع حقيقى ؟؟؟؟؟!!!!!!!!

ده أخويا قاللى ع الحكاية دى وفكرته بيهذر والله ..

طبعا الكلام ده ما ينفعش إطلاقا ،

كلنا معترفين ان غزة محتاجة لمساعدتنا كلنا ،
وكل اللى بيقدر بيساعد بأى حاجة لكن طبعا برضاه ،

ما ينفعش يكون بالطريقه دى أبداااااا ،
ده يعبر خداع للناس ، ولا شرع ولا قانون يسمحوا بكده ..
ومش كل الناس اللى عندها تليفون أرضى وبتتكلم منه تقدر على كده ..

الحكاية دى لو حقيقيه تبقى بجد مهزله ، والمفروض لا الناس ولا الحكومة يسكتوا ..

وشكرا ؛

يا سلام لو واحد بقي ما يعرفشي عن الموضوع ده حاجه بقي واتنفز الكلام ده تفتكروا يدفع كام في اليوم

طبعا مش هيصدق نفسه لما يشوف الفاتوره ويقول دانا بتكلم كتيري اووي ساعه مثلا في اليوم هههههههههههه

بس والله ده حرام

اه احنا مع غزه بس مش بالطريقه دي

أنا كده مش هقرب من التليفون الارضى خالص ....ده من غير الموضوع ده والفاتوره ماشاء الله عليها بتيجى كبيره ...ان شاء الله بعد كده هندفع فيها كام ؟؟؟
احنا صحيح مع غزه وبندعهم بس باللى نقدر عليه وبيتهيألى الحكايه دى تبقى سرقه وحرام عليهم ...كده ممكن يتخرب بيوت لان فى ناس بتتكلم كتير وبتعتمد ف شغلها على التليفون الارضى ...
أنا شكلى كده هقضيها كلام ف الموبيل أوفر

اقتباس:

---

المشاركة الأصلية كتبت بواسطة Sincerity

أنا شكلى كده هقضيها كلام ف الموبيل أوفر

---

والله أنا حسيتها فى الآول إشاعات اللى مطلعها شركات المحمول عشان يكسبوا أكتر ،

وحتى الآن لسه مش مصدقه انها حقيقه ..

المشكله كمان ان الواحد حتى ميضمنش ان الفلوس دى هتروح لغزه

لان كل يوم تلاقى الحكومه عامله حاجه جديده متعلقه بالفلوس بالضرايب باى حاجه فيها فلوس


فالواحد مبقاش يستبعد اى حاجه

انتوا لسة عارفين الحكاية دى
انا عارفة كدة من اكتر من 10 ايام بياخدوا مننا تبرعات اجبارى بلوى الدراع هما اساسا مش لاقيين حاجة يقصصوا بيها فلوسنا فقالوا خلاص تبقى غزة دا مهزله والله
لا والراجل فى الاعلان يطلع يقول اتكلم من الارضى ومترحموش دى دقيقة المحلى بتلات قروش
لا وكمان جايين ع الحاجة اللى مفيش اى بيت يستغنى عنها يللا هنقول اية حسبى الله ونعم الوكيل وخلاص

هههههههههههههههههههههه احنا محدش عندنا كان يعرف والتليفون شغااااااااال

ماعلينا المهم كلنامع غزه طبعا بس فعلا مش بالطريقه دى كده سرقه
والله ده استهبال

ايه يا جماعه انا اول مره اسمع عن الموضوع ده
ده لو حصل فعلا تبقي سرقه كده عيني عينك لو هما عايزين فعلا يلموا تبرع لغزه يبقي لازم يعرفوا الناس ايه اليوم ده من الاسبوع واللي يقدر علي حاجه يبقي يتكلم علي اد مقدرته
يعني الناس الغلبانين خالص ومش قادرين ياكلوا ولادهم عيش حاف يتبرعوا بمبلغ وقدره دا والله حرام
وبعدين ايه الدليل ان الفلوس دي بتروح غزه فعلا!!!!!!!!! ده احنا كنا نقدر نعمل حاجات تانيه اكتر من كده ومعملنهاش
هي الفلوس الوقتي هتفيد غزه ازاي؟؟؟؟؟؟؟؟؟؟؟وهما محاصرين اقتصاديا؟؟؟؟؟؟؟؟؟الفلوس دي مش هيبان اثرها حالا دا هيبان بعد فتره
يبقي الاولي نسيب المؤن والطعام والادويه تدخل لغزه وده اضعف الايمان
وبعدين كل واحد فينا لو راح الوقتي يجيب فاتوره تليفون بتاعتك هتلاقيك ما تكلمتش الا حاجات بسييييييييييطه جدااااااااا والباقي خدمه .........زوضريبه.........ز وخدمه صوتيه..............واكتر من كده بس انا مش فكرة
وبالتالي يبقي الموضوع ما لوش دعوة بغزه اصلا دا ضريييييييييييبه جديده ومفروضه علينا
وحسبي الله ونعم الوكيل

اشاعة حرام عليكو

عاملين زى بتوع التبرع بالدم اللى بيدخلوا الابره فى دراعك غصب عنك ..

لا مش اشاعة كبعا الكلام جايلنا من اكتر من مصدر وهما مشغلين مخهم حلو اوى عارفين ان محدش هيستغنى عن التليفون الارضى
عايز تتكلم طيب ادفع بقة يا حلو مش هقول غير حسبى الله ونعم الوكيل من هنا لحد ما اقوم انام ههههههههههه

نعم !!!!!!!!!!

مش إشاااااااااااااااعه ؟؟؟؟

عينى عليك يا بابا وعلى الفلوس اللى هتدفعها ..

:sad: :sad: :sad: :sad: :sad:

ده أنا عامله كام مكاملة الايام دى مية مية ..

والله لو مش كانت اشاعه كانو قالو للناس

هيا سايبه والله كنت تلاقي بتوع مجلس الشعب مبهدلين الدنيا برضو لسه في خير في البلد

اقتباس:

---

المشاركة الأصلية كتبت بواسطة drsherbiny

والله لو مش كانت اشاعه كانو قالو للناس

هيا سايبه والله كنت تلاقي بتوع مجلس الشعب مبهدلين الدنيا برضو لسه في خير في البلد

---

لا اطمن بقت سايبه والحمد لله
وبتوع مجلس الشعب مش هيقدروا يقولوا حاجه بدل الحمله باسم غزه

والله انا متاكد انها اشاعه وبكره نعرف خمسه جنيه يا دوكتورة معناها لرو اتكلم شاعه تلتميه جنيه

والله انا بحسدك علي ثقتك في الناس دي
انا بصراحه خلااااااااااااااص ثقتي اتمحت اصلا
انا شايفه انهم عشان ينهبوا فلوسنا يعملوا كده واكتر

اصل بصي البلد بايظه وكل حاجة بس برضو في خير لسه صغير

اساسا لو مفيش خير خالص يبقي دي من علامات الساعه واحنا لسه مش وصلنا


وبعدين منطقيا كده مش يغلو الدقيقه كل ده مرة واحده

والله انا عارفه ان لسه في خير لكنه مقيد بسلاسل من حديد
و بقي اللي عايز يرفع البلد هو اللي محاصر و اللي ينهب ويسرق هو ده اللي بيتحكم في حياتنا
و الشعب محتار مش عارف يعمل ايه مين معاه ومين ضده
ولو عرف الحقيقه واعترض يبقي عليه السلام

الدقيقه ب خمسه جنيه تبرع لغزه

يا سلام كريم من جيب غيرك

اقتباس:

---

و بقي اللي عايز يرفع البلد هو اللي محاصر و اللي ينهب ويسرق هو ده اللي بيتحكم في حياتنا
و الشعب محتار مش عارف يعمل ايه مين معاه ومين ضده

---

شكلك مشربتيش من نيلها ؟ طب جربتي تغنيلها ؟


شامم ريحة امن دولة هنا

والله لو حقيقه دى تبقى مهزله ويبقى بابا لقى عزر قوى عشان يشيل التليفون ربنا يستر
ادينا بنتكلم عن بابا اهه يا د\شربينى مش عن حد تانى
ربنا يجعل كلامنا خفيف عليهم:er

لا تعليق

مفيش كلام يتقااااااال بعد الاستهبااااااااال


حسبنا الله

مش ممكن يا جماعه وبعدين الواحد على كده ممكن يتابع فاتورته على النت على موقع 140on line ويعرف اليوم اللي الفاتورة بتزيد فيه اوي فيكتشف وميكلمش فيه اليوم ولا هو كل اسبوع يوم معين ؟؟؟؟؟ اما اللي عايز يجرب ويعرف ويتاكد من الفاتورة كل اسبوع يتاكد منها وخلاص

حكومه زي العسل ........... وشعب زي الفل (كلمه توديه والتانيه تجيبه :be: )

برافو برافو ........

أنا عايزة التوبيك يبقى 5 صفحات......

المشكلة مازالت قائمة يا جماعة...

ومش عارفين دى إشاعة ولا ايه....

وحتى لو إيه.....اليوم ده هيكون يوم إيه....
:cd:

لدرجة ان الناس اللى بيشتغلوا فى مجال الإتصالات ومراكزهم جااامدة مش عارفين....

ياااااااااااااارب احمنا برحمة تغيننا بها عن رحمة من سواك....

الحمد لله .. إحنا فاصلين التليفون الأرضى دلوقت ..


و كلنا موبايلات ..

و أولاً و أخيراً .. دعم غزة مش منتظر وزارة الاتصالات ..

الناس بتشتكى لما فاتورة التليفون توصل 100 جنيه

بالنظام ده هتوصل 300 جنيه !!

و مع النت (ما هو بسعر المكالمة المحلية ) .. هتوصل 1000 جنيه ..

و تبقى الحكومة تدفع عن الشعب ... لعدم كفاية الأدلة !!!

المشكلة إن حسابات المصرية للاتصالات بيبقى فيها حساب اشتراك و حساب استهلاك ..

يعنى اللى الناس بتستهلكه دلوقت .. تفريباً بتدفعه بعد 3 شهور ..