عرض للطباعة
لماذا أنت فى كلية صيدلة ؟؟
تنسيق ؟؟
رغيه ؟؟
رغبة الأهل ؟؟
والدك صيدلى ؟؟
اهه اللى جابه ربنا ؟؟
كنت فى طب وحولت ؟؟
ياريت كل واحد فينا يقول ليه هو اختار كلية الصيدله بالذات علشان ينهى فيها مشواره الدراسى ؟؟
وهل هو حاسس ان اختياره كان صح ؟؟ ولا حاسس انه ندم ؟؟
يعنى لو الزمن رجع للوراء تانى أيام التنسيق .. برضه هتختار كلية صيدله ؟؟
أرجو أن أسمع أرائكم جميعاً ...
تحياتى جوهرى ..
بصراحه انا اللى اختارت كلية صيدله كنت جايبه مجموع طب واهلى اتمنوا ادخل طب لكن من صغرى ونفسى ابق صيدلانيه لانى كنت باعشق الكيمياء مع العلم ان اللى فى الثانوى ده حاجه مختلفه تماما عن اللى فى الكليه هنا
بس عايزه اقول ان لو دكاترتنا بيتعاملوا معنا كاننا اولادهم بجد ويتبعوا معنا اسلوب التبسيط والتسهيل هيحببونا اكتر فى الكليه يعنى مثلا فى بعض الدكاتره يحبوا اوى انهم يعقدوا الطلبه سواء فى اسلوب الشرح او فى الامتحانات اللى تعقد طيب ليه كده المهم من التعليم اننا نفهم المعلومه ونعرف نطبقها مش نلف وندور حولين بعضنا ونجيب امتحانات تعقد الطالب
لكن فى الاخر هاقول لو لم اكن صيدلى لوددت ان اكون صيدلى
كنت تمني دخول كلية الطب وبالفعل قبلت بها ولكن بعد التفكير قررت التحويل لكلية الصيدلة وجدتها مناسبة لي اكثر وبالفعل الحمدلله لم اندم علي التحاقي بها بل بالعكس انا سعيدة جدا والحمدلله
شكرا لكما على المشاركه .. وانتظر مشاركات اكثر ...
دخلت كليه الصيدله رغبه منى ان اكون صيدلانيه ناجحه تفيد الناس بعلمها ورغبه منى فى معرفه كل شئ يتعلق بالدواء هذا كان حلمى وامنيتى ولكن بعد اول اسبوع من الدراسه اكتشفت ان كل احلامى مجرد شعارات وتخليت عن حلمى
هو فى الأول و الآخر اختيارى ؛ بجد أنا بحمد ربنا أنى دخلت الكلية دى & لو أنا ما اتعلمتش علم كتير
يخص شغلى بعد كدة فيها فالحمد لله اتعرفت على ناس كتير فى الكلية بحبهم واتعلمت حاجات كتير
و عرفت أن مش كل حاجة دراسة و بس و مفيش حاجة مستاهلة أعقد نفسى بسببها ودة هيفيدنى
أكتر فى حياتى العملية الحمد لله بس برده أتمنى من ربنا إن العلم اللى خدته ما يفدنيش أنا بس
يارب قدرنى على أنى أفيد بيه غيرى و اجعله فى ميزان حسناتى ............. بس هرجع و أقول ربنا
يصبرنا على المر ؛ فات الكتير ما باقى إلا القليل
انا كمان كنت ممكن ادخل كلية الطب بس انا مبحبش الحفظ الكتير ودخلت كلية الصيدله لانى كنت فكرها انها معتمده على الفهم اكتر من الحفظ وطبعا الفكره اتغيرت بعد ما دخلت الكليه بس انا والله بدات اتاقلم مع الكليه وسعات والله بحس انى بحبها وممكن احقق ذاتى فيها واحقق بعد ما اتخرج شى يفيد المجتمع بس مش عرفها ليها كليتنا ومهنة الصيدله بصفه عامه عليها هجوم كتير وان احنا ما بنفهمش حاجه ونفسى اننا احنا نحاول نغير الفكره دى ونرفع من شاءن مهنتنا لان احنا بجد بتعب فى الكليه ومش معقول بعد كده يتقال علينا ((بقالين))
لو اني اعرف ان البحر عميق جدا :confused: ....... ما ابحرت :(
شكرا يا محمد على الموضوع
كنت ناوية اعمله بس يلا سبقتني
المهم
انا كنت في الاول مترددة بين طب ولا صيدلة لاني كنت في ثانوي بحب الأحياء والكيمياء
طبعا مع انهم تقريبا ملهومش اي علاقة بالكليتين دول
وبعد الاستخارة الحمد لله قررت ادخل صيدلة
انا نفسي اكون صيدلانية مفيدة للاسلام واعمل حاجة اكبر من مجرد الوقوف في صيدلية
انا دخلت لانى كنت باحب الكيمياء لكن الكليه غيرتى فكرتى عن الكيمياء 180 درجة و اكيد اللى وصل سنة 3 عارف انا باقول ايه و حاسس بيا
أنا بصراحة دخلت الكلية عن رغبة فيها ...
و مازلت متمسكة بيها ،
حقيقى العم قمة فى الروعة ،
صحيح حاسين بضغط هائل ، و حاسين إن مافيش لزمة للى بندرسة ..
بس السنة دى بالذات ،
بدأت أحس بقيمتنا و قيمة العلم اللى بندرسه ..
و يا جماعة مش كل الدكاترة وحشين صدقونى ..
و أعتقد معظم دكاترتنا السنة دى ما شاء الله عليهم
دون ذكر أسماء
لكن بجد حاسة إن السنة دى غير أى سنة ،
و نصيحة دكتور قالهالى :
اللى عاوز بيدور لحد ما يوصل ..
لكن اللى بيستنى مش بيوصل لحاجة ..
و كل واحد و همته .
فعلا اللى يوصل ثالثة هتتغير فكرتة عن الكيمياء
اللى بيقول انة دخل صيدلة وما دخلشى طب عشان الحفظ دة اكيد بيضحك على نفسة
انا ما كنت عايز صيدلة كنت عايز اعلام بس القدر ثم ضغط الاهل
بسم الله الرحمن الرحيم
صراحة انا كنت جايبة مجموع طب بس انا كنت عاوزة صيدلة مع ان والدتى كان نفسها انى اكون طبيبة
بس الحمد لله انى دخلت كلية الصيدلة هى صعبة بالنسبة ليا جامد بس حاسة ان شاء الله انى لما اكبر شوية واتعمق اكتر فى المواد بتاعت صيدلة اللى بجد مش بتاعت اعدادى دى ربنا هيسهل الحال واحبها اكتر ان شاء الله وربنا يوفقنا جميعا فيها ان شاء الله
اه معلش نسيت اضيف حاجة احنا كلنا قولنا دخلنا الكلية ليه مع ان دكتور محمد صاحب الموضوع ما قالش هو دخل ليه وازاى . يا ريت يقولنا دخلها ليه....... بس
انا في الاول مكنتش عايزة ادخل صيدلة ولا كنت بحبها كنت عايزة طب بس اللي حصل((((التنسيق)))) بس دلوقتى بجد بحمد ربنا اوي انى دخلت الكلية دى وبقيت بحب المجال الصيدلي اوي بالرغم من بعض الصعوبة اللي بواجهها في مذاكرة بعض المواد بس يمكن عشان لسه في اعدادي واول سنة بتبقى كده في اي كلية واتمنى ان بعض الدكاترة يغيرو طريقة تعاملهم معانا.
الحقيقة المؤسفة ان مشكلة الكلية عندنا ليست خاصة بها ولكن خاصة بكل الكليات فى كل الجامعات بمصرنا الحبيبة
وتلك المشاكل التى تتلخص فى التالى:
1-ما ندرسه لا يتم ربطه بالواقع الا فى القلة القليلة من مواد الكلية وفى فروع معينة على حسب الدكتور
2-الامتحانات والتى تعتمد على اكبر قدر من الحفظ
3-اعتماد الدكاترة على الاسلوب القديم فى التفرقة بين من حضر المحاضرة ومن لم يحضرها بان يضع اسئلة لا قيمة لها سوى التفرقة "ويا ليتها تفرق فعلا"
4-التشتيت بان يترك الدكتور اجزاء هامة من المنهج لها تطبيق عملى ويهتم بأجزاء اخرى ليس لها اهميها[COLOR="Red"]
5-والاهم من ذلك كله انه لا أحد يخبرنا اهمية ما ندرسه فيفقدنا الحماس لدراسة المنهج
6-العدد الكبير للطلبة والذى يعوق مشاركة الطلبة فى المحاضرة[/
COLOR]
لذا يجب علينا بذل مجهود مضاعف للنهوض بأنفسنا وأن نتوقف عن القاء اللوم على الظروف او على آخرين
[COLOR="Red"]والان نعود للموضوع الرئسى وهو لماذا انا فى كلية الصيدلة
فلقد كنت اود دخول كلية حاسبات ومعلومات ولكن ما عرفته من ان النظام فيها سئ جدا فلا التزام بمواعيد المحاضرات والجدول يتغير بصفة مستمرة"احنا فى نعمة" جعلنى الغى هذه الفكرة فوافقت على الصيدلة لانها قريبة من الطب ومشوارها اقصر واسهل [/COLOR]
انا دخلتها رغبة يا محمد
والحمد لله مقتنعة بيها جدا
وانت عارف كويس ;)
وزى ما سألت الدكتورة لميا
ياريت تقول انت كمان دخلتها ليه
واتمنى تجاوب بكل صراحة ها فاهمنى :cool: ؟؟؟
بصراحه تنسيق بس انا فرحت جدا وحبيت المجال لما دخلت الكليه
اولا شكرا عزيزي علي اثاره النقطه دي.......
ثانيا....
انا الحمدلله دخلت الكليه باختياري وعن اقتناع كامل بانها كليه رائعه......
وطبعا لو الزمن عاد لو مليون مره مش هاغير رائي.....زز
وشكرا مجددا............
دخلت الكليه رغبه وحب لقيمتها واهميتها في حياتنا بالرغم ان الكثير يحاولوا يقللوا منها ويقولوا علينا بقالين ----- بالرغم انا تعبانه اوي فيها -------لكن بحبها كمايقال (ضرب الحبيب زى اكل الزبيب) -------مع ان ضربه جامد اوى
أنا عن نفسي كنت جايب مجموع طب بس من وانا صغير وانا مخطط على صيدلة
حاسس انها كلية عالية كده وكلاسيك
وعجبتني جداااا وعمري ما هندم ان شاء الله اني دخلتها
وفي رأيي هي أحسن من طب
قلنا بأه يا ميدو انت دخلتها ليه ؟
--مع ان ضربه جامد اوى
بس برده بنحبه على الرغم انى كنت داخله صيدله لانها كليه قمه واقل من طب فى عدد سنين الدراسه بس دلوقتى لو رجع الزمن وكانت صيدله عشر سنين هدخلها برده
انا صراحه كنت عايز هندسه قسم الكترونيات..او على الاقل حاسبات ومعلومات...بس العيله بقى طب طب طب..فانا فلت منهم واتنين من اخواتي دخلوا طب ..ههههههه...وانا الحمدلله يعني متاقلم نوعا ما ..مع ان دماغي في البزنس...يعني كان داخل الصيدله كان بها ..برا صيدله مفيش مانع..
وطبعا مع الاراء الي بتقول ..ننهض ونغير من تفكير الناس عننا ..ونغير من اسلوب المهنه او طريقه التعامل على الاقل
انا اخترت كليه الصيدله بناءا على رغبتى اولا وثانيا رغبه والدى
وبصراحه هيا كليه لذيذه وطعمها حلة اوى بصراحه
وربنا يسهل انشاء الله ونأكلها كلها من غير ...... لا قدر الله
شكرا على التوبيك ده
اسف يا جماعه عن عدم الرد عليكم فى التوبيك الفتره الماضيه .. وهقو لكم انا دخلت صيدله ليه وازاى ..
بصراحه اول ما دخلت تانيه ثانوى .. كانت فى تجربه سابقه فاشله مع علمى علوم فى ى البيت فزى ما تقولوا كده كان فيه عقده .. فخدت كيميا فى تانيه .. وكنت ناوى اكمل رياضه واخشن هندسه .. بس لما جبت 97.6 فى تانيه كله قال خساره المجموع ده فى رياضه .. ففكرت واستخرت ربنا .. وربنا هدانى برسايل كتيره لانى اكمل علمى علوم .. وكان فيه عوامل مساعده كتير على كده .. ماشى يا SeverePain .. ودخلت احياء وربنا كرمنى .. ومن ساعتها وانا عاوز صيدله وكنت ساعات بتردد واقول لا انا هخش اسنان .. لحد ما النتيجه طلعت وجبت 99% فى السنتين .. فكله قال طبعا هيخش طب ... وانا رفضت .. ونفس العوامل المساعده برضه جت هنا ولعبت دورها .. لحد ما دخلت صيدله .. وبرضه واجهت اللى الكل واجهه ان اللى كان فى دماغنها عن الدراسه فى الكليه وجدنا غيره تماما على ارض الواقع ..
بس برضه انا سعيد جدا فى صيدله .. ولو الزمان رجع بيا تانى لورا هختار صيدله ..
السلام عليكم يا شباب .... موضوع اختيارى صيدله ده موضوع كبير اوى ..
بس هقول بس سبب واحد بس من الأسباب .. اولا انا جايب أعلى من مجموع طب والحمد لله ... بس انا قولت بدل منا ادخل طب واخدها فى 10 او 14 سنه ...
يبقى ادخل صيدله واخدها فى 7 او 8 سنين ... ويادوب الواحد يوفر شويه
ايه التفاؤل ده كله يا دوكتور ..
بسم الله الرحمن الرحيم
دخلت صيدلة الحمد لله لان كان نفسي ادخلها
لو رجع بيا الزمن احتمال كنت افكر في هندسه عمارة أو فنون تطبيقية - دا احتمال-
بس بجد بحب صيدلة وبحمد ربنا اني دخلتها
الحمـــــــــــــــد لله
أنا داخل كلية صيدلة برغبتى والحمد لله
ومجموعى كان مساعدنى يعنى الرغبة الأولى وبس والباقى كان سد خانة يعنى
انا عمرى ماحلمت انى أكون صيدلانية دايما كنت شايفة نفسى طبيبة بس انا مجموعى دخلنى صيدلة غصب عنى بصراحة ماكنتش طايقة الكلية بس دلوقت بحمد ربنا انى دخلتها الكلام دا عن اقتناع دلوقت ولو الزمن رجع تانى ............. هاختار صيدلة فعلا الخيرة فيما اختاره الله.
كانت رغبتي من ثانوي
كنت بحلم بيها من تالته اعدادى... والحمد لله دخلتها ومش هندم على اختيارى ابدا ان شاء الله
شكرا على ردودكم .. ومستنى تفاعل اكتر .. وياسلام لو حد من اعضاء هيئة التدريس شاركنا ..
عشان دة نصيب كل واحد مكتوبلة كلية فى السما نصيب زيها زى اى حاجة
الحمد لله كانت رغبة وتوفيق من ربنا
هو نصيب ومكتوووووووووووووب والله
وطبعا هو رغبة الأهل
وممكن تقول بدأت احب الكلية
رغبتي أنا من زمااااااااااان .. من أول حصة كيمياء ( وحدة العلوم في اعدادي ) أخدتها
كنت زمان زي أي طفلة تتسأل ( عايزة تبقي ايه ؟ ) الجواب طبعا ( عايزة أبقى دكتورة ) .. لكن لما كبرت و عرفت يعني ايه كيمياء و يعني ايه فيزياء و يعني ايه أحياء قررت أدخل الكلية اللي بتدرس الكيمياء .. و بما أن كلية الصيدلة كلية مرموقة ( من كليات القمة ) و فيها المجال اللي أنا بحبه قررت و اتمنيت و دعيت ربنا من زماااان اني أدخل صيدلة . و الحمد لله ربنا استجاب .. مش ندمانة أبداااا على دخول الكلية دي بالعكس بشوف في كليتنا من العلم و المستوى الراقي من الفهم ما يحببني في البقاء فيها طول العمر ( بعد الشر يعني ) .. لكن بحب الكلية ..
انا اخترت هذه الكلية علشان بحب العلاج بالاعشاب .
انا الحمد لله دلوقتى مش ندمانه على دخولى الكلية.
الله اعلم اذا كنت هندم بعد كده و للا لأ.
انا يعتبر ما شوفتش فى الكلية اللى انتم شوفتوه.
انا لسه راحة اولى .
والله انا لاني كنت شهاده معادلة فكان قدامي طب وهندسة وصيدلة كنت اتمنى من زمان اني ادخل هندسة لاني كنت بحب الرياضة اوي بس علشان بابايا مهندس قالي هتتبهدلي فيها وهتتعبي فيها جامد فقلت انا مليش في الطب مفيش قدامي غير صيدلة واسنان اخترت صيدلة لاني كنت بحب الكيميا بس بعد مدخلت الكلية حبيت الكيميا اوي طبعا فاهمين قصدي:d
انا بردو بما إني شهادة معادلة كنت ناوي علي هندسة بس كان في سابق قلق مع الكلية دي فلما قدمت للتنسيق قم راصص الرغبات كلو ورا بعضو : طب - و أنا ملياش فيها ولا كنت هسلك - , طب اسنان - بردو مش قوي - , صيدلية و بعدين هندســه
و الصراحة هــــندســـــة كانت أنسبلي - و يا سلام لو كان قسم ميكانيكا - بس قدر الله و ما شاء فعل و أنا مبسوط في صيدلة و الحمد لله