جدول اعمال الجمعيه العلميه(مرحبا بالاعضاء الجدد)

http://pic.alfrasha.com/data/media/51/1016.gif

http://pic.alfrasha.com/data/media/51/s777.gif

إزيكم ياجماعة إيه أخباركم وأخبار الأجازة معاكم إيه؟

يارب نكون كلنا استمتعنا بيها كويس علشان خلاص الدراسة علي الأبواب .

http://smileys.smileycentral.com/cat/3/3_3_21.gif

الحمد لله ربنا وفقنا في الجمعية العلمية وقدرنا نحقق الكتير من الإنجازات علي مدار عام كامل حاولنا فيه إننا نفيدكم بكل ما نملك ويارب نكون وفقنا في هذا .

وبنشكر كل الأعضاء اللي كانوا معانا وساهموا في كل الإنجازات دي

http://smileys.smileycentral.com/cat/23/23_30_126.gif
و بنبارك للي اتخرج منهم ونتمني له التوفيق في حياته العملية صحيح إحنا زعلنا لأنهم هيسيبونا ويمشوا بس هم معانا بشغلهم .

http://smileys.smileycentral.com/cat/3/3_3_30.gif

وننتظر من الأعضاء الموجودين المزيد من الجهد من أجل الرقي بالطالب الصيدلي و إمداده بالخبرات اللازمة لمواجهة تحديات سوق العمل.

وكلنا أمل إننا نعوض الأعضاء اللي اتخرجوا بأعضاء جدد يحملون معنا اللواء ويساهموا معنا.
http://smileys.smileycentral.com/cat/26/26_16_1.gif

ومع اقتراب الدراسة وبداية نشاط الجمعية العلمية للعام الجديد فإنه يسعدنا أن نعلن عن:

اجتماع الجمعية العلمية لتحديد جدول أعمال الجمعية للعام القادم

وذلك إن شاء الله يوم الاحد الموافق 2/9/2007 الساعه 6,00في نقابة الصيادلة بطلخا

وطبعا الدعوة مفتوحة لكل اللي يحبوا ينضموا لينا ويشاركونا بآرائهم وأكيد هنسمع لهم

والمشاريب علينا كمان
http://smileys.smileycentral.com/cat/7/7_4_33.gif
:) :) :)
مع تحيات أعضاء الجمعية العلمية لطلاب صيدلة المنصورة

SAMPS

NOUS PRENONS SOIN DE VOUS

We do care

رأيك يهمنا

ما شاء الله يا جماعة انا بحسدكم واتمنى اكون عضوة معاكم وحاسه ان انتم متبعين روح الجماعة مع بعض
ربنا يوفقكم كمان وكمان
وانا ان شاء الله من السنة الجاية هكون معاكم لو سمحتولى يعنى واتمنى اشارك معاكم
وربنا يوفقنى واقدر افيد معاكم بحاجة

السلام عليكم ورحمة الله وبركاته,

إزيك يا دكتور أحمد؟

أولآ أحب أشكرك على كورس الإسعافات وطبعآ الدكتورة مي"الجندى المجهول" :) ,

إن شاء الله ررت أنضم للجمعية العلمية مع بداية العام الدراسى.

سؤالى,

ممكن أحضر الإجتماع إن شاء الله ولا لأ؟

ومعلش يا جماعة هو اللى مش هيقدر يحضر الاجتماع ده معاكم
ما ينفعش تبقوا تعرضوا اللى حدث فى الاجتماع ده علشان نعرف ايه اللى حصل فيه
لو ينفع يعنى علشان كلنا نستفيد

اولا ربنا يوفقنا ونقدر نقدم احسن ما عندنا للجمعيه :str: لانها بجد كيان عظيم ولها مكانه كبيره يارب نقدر نحافظ عليها ثانيا انت مقلتش ميعاد الاجتماع الساعه كام:confused:

:) السلام عليكم ورحمة الله وبركاته :)

:yeah: اولا احب اشكركم علي ردودكم الجميلة اوي دي:yeah:

وطبعا مرحبا بكم جميعا معانا في الجمعية العلمية
واحنا هنكون سعداء جدا بوجودكم معانا :)

ونتمني إن كلكم تحضروا معانا الاجتماع ده والدعوة مفتوحة لكل اللي يحب انه يشاركنا برأيه وينضم لينا:str:

وميعاد الاجتماع إن شاء الله هيكون:

يوم الاحد الموافق 2\9\2007 الساعة السادسة 6,00 في نقابة الصيدلة بطلخا :wow:

وطبعا نتمني ان كلكم تقدروا تيجوا الاجتماع علشان تكونوا معانا من البدايه في شغل الجمعيه وتشاركونا برأيكم

واحنا في انتظركم ان شاء الله

والسلام عليكم ورحمه الله
:slam: :slam: :slam:

طيب ممكن سؤال

هي نقابة الصيادلة جوه نادي الصيادلة ولا ليها مقر خاص ؟

السلام عليكم
ازيك يا د/شيكو
نقابة الصيادله موجوده جوه نادي الصيدله
يعني الاتنين واحد ان شاء الله
:slam:

ميرسي يا دكتور وان شاء الله هحضر وليا الشرف اني انضم ليكوا

ازيكم يا دكاترة كلكم
انا كان نفسى احضر والله بس مفيش نصيب مش مشكلة خير ان شاء الله
وعلى العموم انا هنتظر اللى حصل فيه ان شاء الله

ممكن احضر ولاااا........:cry: :cry:

وبالنسبة للمشاريب:smo ...الساعة 6 دا وقت غدا يا باشا:yeah: مينفعش يبقى مشاريب بس:p

:) السلام عليكم:)

مرحبا بيك معانا يا دكتور شيكو واحنا سعداء جدا بإنضمامك لينا:yeah:

يادكتوره لمياء كنا نتمني انك تحضري الاجتماع معانا بس اكيد انت معانا بعد كده وخيرها في غيرها ان شاء الله

يا عبد الحميد باشا انت تنورنا وبالنسبه للغداء فدي فكره حلوة وأحنا هنقبل ان الغداء يكون عليك المره دي
وشكرا علي العزومه دي :)

:slam: :slam:

ان شاء الله فعلا خيرها فى غيرها
وربنا يوفقكم وشكرا على الاهتمام والرد

:) السلام عليكم و رحمة الله و بركاته :)

إزيكم يا جماعة عاملين إيه وحشتونى جداااااااااااااااااااااااااااااا http://smileys.smileycentral.com/cat/36/36_3_16.gif.

أنا بجد مش عارفة أشكرك إزاى يا أحمد ...الإعلان ما شاء جميل جدا و مكتوب بطريقة رائعة ......أنا بجد كنت فى غاية السعادة و أنا بقرأ الإعلان و الردود....... علشان تعرف إن الجمعية ما تقدرش تستغنى عنك :) و إن مش أى حد يقدر يقوم بدورك...... ربنا يكرمك يارب و يجعل شغلك كله فى ميزان حسناتك.

و الجمعية طبعا بترحب بكل الأعضاء اللى عايزين يشاركوا فيها :) و كل الناس اللى ردت أنا بجد واثقة فيهم واحد واحد أنهم هيقدروا يعملوا حاجة تفيد الجمعية و تفيد زمايلهم إن شاء الله.

بس أنا ليا رجاء عندكم ...... ياريت كل واحد جاى الاجتماع بإذن الله يفكر قبلها أنا عايز أدخل الجمعية ليه هل علشان ربنا و لا حاجة تانية ... ياريت يا جماعة كل واحد فينا يوحد نيته لربنا قبل ماييجى علشان كل كلمة نقولها و كل شغل نعمله يكون فى ميزان حسناتنا إن شاء الله .:slam:

:) السلام عليكم :)

:yeah: شكرا يا ايمان علي الثقة الغالية دي :yeah:

وانا مقدرش استغني عن الجمعية العلمية
:wow: ده هيه وش الخير علي:wow:

وفيها بجد اكتشفت نفسي:str: :str:

واتعلمت حاجات مكنش ممكن اتعلمها في اي حته تانيه :wow:
والحمد لله اني عضو فيها

واحنا مستنينكم ياجماعه النهارده ان شاء الله
:slam: :slam: :slam:

اتمنى ان اكون عضو فى الجمعية العلمية ولكن كيف؟؟؟؟؟؟ارجو الرد؟؟؟؟؟

:) السلام عليكم و رحمة الله و بركاته :)

أهلا بيك يا د/ محمد..... هو الاشتراك فى الجمعية ببساطة ؛ تيجى فى أى يوم فى الدراسة إن شاء الله تقولنا أنك عايز تشترك و إحنا هنعملك كارنيه و أى عضو نشط جوة الجمعية هيكلمك شوية على الشغل و أنت عليك أنك تختار اللجنة أو الشغل اللى انت عايزه و لو احتاجت أى حاجة متقلقش هنساعدك..... بس ياريت تبعتلنا نمرة تليفونك أو اميلك علشان نبقى نبلغك لو فيه أى شغل إن شاء الله..... أهلا بيك قريبا إن شاء الله فى الجمعية :slam:

ازيكم يا جماعة على ما اعتقد الاجتماع تم بحمد الله
احنا بقى مستنين اللى حصل بسرعة ومتشوقين ليه
يلا منتظراكم.......................................... ..........

ممكن انضم للجماعة العلمية حاليا ولا انا متاخر فى السؤال

وازاى اشترك
وما هى اهم ميزاتها

http://smileys.smileycentral.com/cat/16/16_14_29.gifالسلام عليكم و رحمة الله و بركاتهhttp://smileys.smileycentral.com/cat/16/16_14_29.gif

أهلا بيك يا دكتور معانا فى الكلية و فى المنتدى و كمان فى الجمعية إن شاء الله قريب :) ... بس ياريت تقولنا على اسمك الحقيقى :qi: .

طبعا موضوع الاشتراك دة لأى حد ..... مفيش شروط لدخول أى حد جوة الجمعية.

**بالنسبة للاشتراك فى الجمعية موضوع بسيط جدا ..... هتيجى الجمعية هتقول لأى حد هناك أنك عايز تشترك كل الناس هترحب بيك:hi: ..تيجى تملى application ( استمارة اشتراك) فيها شوية بيانات عنك .... و بعدين نكلمك عن الشغل شوية و أنت تختار اللى عايز تشتغل فيه براحتك.

**بالنسبة لمميزات الجمعية العلمية:

أولا:الجمعية العلمية فريق جميل ؛ لأنها ناس بتخاف على بعضها و الحمد لله بتحب بعضها و كمان قلبها على الشغل.... اللى حب الجمعية و حب ناسها هو دة بس اللى قدر يديها و قدر ينجح أنه يعمل حاجة .

ثانيا: شغلها عمل تطوعى مش بالإجبار ؛ عايز تشتغل تشتغل مش عايز دة براحتك ( مش شغل حكومى يعنى :D ) ... و أنت ممكن تيجى فى أى وقت تحبه و تمشى فى أى وقت تحبه ..

ثالثا : أنت ممكن تقدم أى فكرة تخطر على بالك و تشتغل فيها و تكون مسؤول عنها.

رابعا : الجمعية هتعلمك حاجات كتير ... هتتعلم تبقى مسؤول... هتتعلم إزاى تشتغل فى فريق عمل ( team work ) ...... هتتعلم دايما تقول رأيك دون خجل ... شخصيتك هتبأى أقوى ...هتعرف ناس كتيييييييير من كل الفرق و ممكن من برة الكلية و ممكن دكاترة ... ممكن تقدر تعمل حاجات كتييييييير بقلب جامد .... هتلاقى صحبة صالحة إن شاء الله تسأل عليك و تعينك سواء فى الدراسة أو غيرها...

خامسا: ليك فرصة أكبر فى حاجات كتير .. دورات .. رحلات .. تدريب شركات أدوية بس بعد كدة و دة غير إن ليك تخفيض فى كل دورة تشترك فيها أو أى رحلة تروحها.

سادسا : ممكن تشد حيلك شوية و تبقى رئيس الجمعية العلمية ، و دة منصب مش قليل.

سابعا :هتبقى مفيد لكليتك و هتحس أن الكلية ليها طعم تانى .. بجد هتبقى أحلى أيام حياتك.

و أخيرا يارب يارب تكون الجمعية سبب رضا ربنا علينا كلنا و دى أهم حاجة.

إحنا مستنيينك كلنا إن شاء الله :) و مستعدين تبقى أخ لينا و بجد هتلاقى إن شاء الله اللى هيساعدك ... بس بشرط ياريت قبل ما تيجى إن شاء الله تفكر فى النية .... يا ترى أنت جاى ليييييييييه؟؟؟؟ :) .... علشان عملك دة يكون كله كله كله فى ميزان حسناتك إن شاء الله ..:slam:

يا ريت يا جماعه
اما يبقى فى نشاطات تبع الجمعيه
تقولو هنا
علشان نعرف