ورجعنا تاني .....................
للدراسة وراجعين وامرنا لله مسلمين
والهدف قدام العين ... علي النجاح ومصممين
علي السكاشن صابرين ... وكمان علي المعيدين
هنقول يارب عين ... عين يا معين
نفسي أجيب امتياز ... وأكون من الفالحين
ونفسي أقول لبلدي ... جميلك رديته مرتين
ومهما عملت وكنت فين .... مش هرده ولو لحين
الدراسة عايزة ايه .... عايزة شوية كفاح
الدراسة هي ايه ... هي الصبر والفلاح
كل واحد فينا ينوي ... هيقوم يلاقي الفلاح
يلا شدو الحزام .... واطلعو لقدام
يلا يلا للأمام .... من غير ما ناخد تمام
يلا نجري يلا نسبق ... ونشوف مين اللي هيلحق
يلحق يكون معيد ؟ .... ولا حتي العميد؟
لا يلحق يكون بجهده ... بني هو نفسه
وبايده وبكفاحه ... جاب هو نجاحه
جاب هو الأماني .... وملي الكون أغاني
ويقول يوم نجاحه ... وحياة قلبي وأفراحه
ده جزاء اللي قال ... الدراسة مش هزار
دي هدف واصرار
وراح للدراسة وقال ... عيني يا جبار
علي المواد الكتار ... والمذاكرة باصرار
وعاد للدراسة وقال
للدراسة وراجعين ... وأمرنا لله مسلمين
وراية العزيمة ورافعين... وعلي النجاح ومصممين
يارب وفقنا آمين ... واجعلنا من الممتازين
وبجنتك وفايزين ...... وبتقديرك وطالعين
يارب ما تقولو آمين
