بـــــدء الدراســـة 20 رمضان .... ايه رايك

السلام عليكم ورحمة الله وبركاته
ازيكم جميعا
طبعا كلنا عرفنا ان الدراسة هتبدأ ف يوم 20/9/2008 الموافق 20 رمضان
ايييييييييييه رأيكم ف الموعد ده ؟؟
مش كان المفروض يستنو لما رمضان والعيد يخلص
ماجيناش يعنى ف عشر ايام :5:
مستنية اعرف رأيكم ايه ؟؟؟:slam:

بالنسبة لينا احنا .. معتقدش ان الوضع هيختلف كتير .. معتقدش ان فيه سكاشن هتبدا .. او شغل بجد .. يعنى ممكن محاضرات وكده .. لكن السكاشن اعتقد انها هتبدا بعد العيد ..

دول العشرة الاواخر من رمضان يا جماعه اللى بيبقى فيهم الشغل كله ..

اقتباس:

---

المشاركة الأصلية كتبت بواسطة Gohary

بالنسبة لينا احنا .. معتقدش ان الوضع هيختلف كتير .. معتقدش ان فيه سكاشن هتبدا .. او شغل بجد .. يعنى ممكن محاضرات وكده .. لكن السكاشن اعتقد انها هتبدا بعد العيد ..

دول العشرة الاواخر من رمضان يا جماعه اللى بيبقى فيهم الشغل كله ..

---

لأ يا دكتور السكاشن هتبدأ عادي خالص

وخد بالك اللي عنده سكشن ميكرو أول يوم هياخد عادي خالص :bj:

ماشى ياعم لما الجدول ينزل بس .. بس بجد عمة السكاشن فى السنين اللى فاتت مكنتش بتبدأ من أول اسبوع ..

مشكورين يا دكاترة وفعلا لما الجدول ينزل ونروح اول يوم هنعرف امتى الساكشن

لازم تعرفوا الجدول قبل بدء الدراسه لان فيه ناس بيكون عندها سكاشن ميكرو اول يوم الساعه 8 وبتاخد السكشن ده
بس فى رمضان اكيد هتبقى 9 يعنى

والله احسن انهم هيبدأوا الدراسه فى رمضان (هى طبعا متعبه شويه:bj: بس كده احسن) قبل العيد حتى لو هنشتغل سكاشن ومحاضرات
لان الاجازه ممله اصلا :( ولو كانو يخلونا نبدأ قبل كده مكان كان يبقى احسن

والله مش فارقه كتير
وما عنديش اي مشكلة
لانى بحب الدراسة عن الاجازة
وعلى رأى amira
لو يبدأوها قبل كده انا موافقة.

هو ايه حكاية الميكرو ؟؟ :5:

يا حلاوة ميكرو من اول يوم ديه حاجه حلوة خااااااالص عالعموم ربنا يستر وانا راى ان الميزه الوحيده فى بدء الدراسه20/9انهم مش هيبقى عندهم حاجه يضغطونا ايام الامتحاناتواهو اسبوع هيفوت ولا حد يموت

اللي بيقول انهم يأخروها لبعد العيد و مجتش في عشر أيام ...
دي حكومة يعني مش سايبة
و بعدين العشر أيام دول هيجيبو وراهم 3 أيام عيد و يوم جمعة
و يبقى كل سنة و انتو طيبين

و بالنسبة للسكاشن أول أسبوع فالكلية مفيش عندها أدنى مشكلة ... هناخد هناخد

والله يا جماعة عن نفسى انا كنت اتمنى تبقى الدرااسة بعد العيد
ايوة فترة الامتحانات هنبقى مضغوطين جدا...بس برضه كنا هنقتنع بالامر الواقع وهنذاكر برضه فى الفترة دى..
يلا قدر الله وما شاء فعل..ربنا يعينا جميعا

يارب احسن انا حاسه ان تانيه شكلها كده صعبه شويه ربنا يستر وما تبقاش شويتين

بجد أنا أتخنقت >>>> من الزحمة يعنى علشان ماحدش يفكر إنى قصدى الحكومة..

ده منظر ميعاد.

على فكرة أنا نويت مش هنزل الجامعة إلا بعد رمضان إن شاء الله..

ربنا يرزقنا أولياء أمور صالحين ويصلح حالنا يارب قبلهم.

والله انا راى عادى
مش فارقة بالعكس انا مبسوطة انها مش بعد العيد
وفعلا لو كانت كمان قبل كده ياريت
هى فعلا المشكلة بس انها هتبقى فى العشر الاواخر
يلا الى فيه الخير اكيد هيكون باذن الله

مشكورين يا جماعه على المشاركات بس فعلا المشكلة انه هيبقى ف العشر الاواخر
بس يلا خييير نستحمل وعشان ميبقاش فيه حجه ويضغطونا ايام الامتحانات

اه يا يشباب الميكرو والصيدلانيات بيشغلوا سكاشن من اول يوم غتاته يعنى

انا راى فى الدراسه اللى بداه فى اخر عشر ايام اللى المفروض بنركز فيهم شويه فى العباده اكتر من رمضان كله فدى غلاسه اصل مش عشر ايم هما اللى هيفرقوا اوى كده

مش فارقه خلصنا خلاص وياريت يوم من ايام الكليه والسكاشن

خدوا بالكم يا جماعة يا اللي رايحين سنة تانية .. صحيح أنا فاكرة أول يوم في السنة اتاخدنا كلنا غياب في سكشن الميكرو .. صحيح حضرناه بس الدكتور مشرف العملي كان رفض ياخد لأي حد الغياب .. طبعا الصيدلانيات نفس النظام و انتو عارفين ..

انا من يوم ما دخلت الكلية دى و انا مؤمنة بالشعار :
مع صيدلة ..... مش هتقدر تغمض عنيك

اقتباس:

---

اه يا يشباب الميكرو والصيدلانيات بيشغلوا سكاشن من اول يوم غتاته يعنى

---

سيبيهم يا دوك معظمهم لسه غلابه و مضحوك عيهم و ما دخلوش تانيه و معرفوش ان تانيه و تالته تاديب و تهذيب و اصلاح و ان قسم الميكرو متولى الحكايه دى فى السكاشن عادى
يعنى ممكن اول يوم اللى هو السبت تلاقى عندك سكشن ميكرو الساعه 9 الصبح و بعد العيد تاخد كمان تلاته و انت لسه مفوقتش من صدمة العيد لسه و .........
هوب ... تلاقى امتحان العملى فوق دماغك و انت لسه متعرفش الميكرو دى بتتكلم عن ايه :D ...
كانت طبعا افضل انها تكون بعد العيد بدل العكننه دى و تضيع وقت مهم و الله و خصوصا بالنسبة لطلبة تالته و تانيه ....
شكرا على الموضوع ...

أنا رأيي في الموضوع ان كدة كويس و أحسن ان الدراسة تبدأ يوم 20 سبتمبر .. يدوبك
لأن لو انتظروا بعد العيد هيكون راح وقت كتير من الترم واحنا اللي هنعاني في ( كروتة ) المحاضرات .. و هناخد كميات كبيرة و دة هيأثر علينا سلبا .. خصوصا الطلبة و الطالبات اللي رايحين سنة تالتة الحمد لله سمعنا ان السنة دي صعبة و أي تقصير نتيجته معروفة .. خلي الدكاترة يشرحوا على مهلهم أحسن لينا ..

انا قلقانة اوى صراحه

اقتباس:

---

المشاركة الأصلية كتبت بواسطة Pharmcist_girl

انا قلقانة اوى صراحه

---

ليه ؟؟؟؟ سنة تانية ان شاء الله كويسة بس الناس هي اللي بتخوف بعضها .. هحاول أكتب نصايح في قسم الطلاب الجدد في الفرقة الثانية ..

اقتباس:

---

هحاول أكتب نصايح في قسم الطلاب الجدد في الفرقة الثانية ..

---

ياريت يكون فى التوبيك ده .. وشاكرين جدا لحضرتك

انا عايزة اعرف الخبر ده مؤكد ولا سمعتوه فين

ايوه مؤكد .. الدكتور احمد نظيف قاله فى التليفيزيون .. واتنشر على معظم المواقع وجه فى الجرايد ..

أنا بصراحة بحب أوي الدراسة في رمضان
لأن المحاضرات والسكاشن بيكون وقتها قليل وبتخلص بسرعة
:) :) :)
بس المشكلة فعلا ان العشرة الأواخر من رمضان هيضيعوا

أحب أوضح حاجة بس للدكاترة
د/أحمد نظيف أعلن ان بداية العام الدراسى للتعليم الأساسى بس 20/9
والتعليم العالى متروك للمجلس الأعلى للجامعات يعنى لسه باب الأمل مفتوح

يا جماعة انا حاسة ان الموضوع اتقلب وبقى اسمه (تحذير الفرقة التانية من سكاشن الميكرو بيولوجى)............انا عارفة والله: انكو بتنصحونا ودة شى طبعا انتو مشكورين عليه:hi: ........بس اكيد يعنى المواد التانية مش هتبقى تافهة......اما عن راى فهو احسن تكون الدراسة فى رمضان علشان ما نضغطش فى الاخر.....واحنا كدة كدة اساسا بنضغط.......بس هو هيبقى مجهود طبعا للى بيسافروا...ربنا معاهم

والله يا جماعه ده امر الله ولا مرد لقضاء الله :qi: :qi: :qi: :qi: ربنا يسترها معانا وخلاص وان شاء الله خير ومش فارقه بقه يعملوها قبل ولابعد العيد بس انا نفسى حد يطمنى شويه من مواد تانيه ده مفيش بنى ادم على وجه الكره الارضيه بيقول انها سنه كويسه:mad: :mad: :mad: :at: :at: :at:

قلقتونا يا جماعة من الميكرو


عندي فكرة كويسة

ممكن اي حد اكبر مننا تالتة ورابعة يكتبوا لينا نصايح

واحنا نكتب نصايح لاولي واعدادي

والخريجين يكتبوا لينا كلنا

وربنا يستر بقي عااااااااااااا اهيء اهيء اهيء

وجزاكم الله خيرا ومش فارقة بقي اسبوع

يا جماعة الميكرو مش وحش أوى كده
بس هو محتاج مذاكرة شوية يعنى ابدأوا فى مذاكرته بدرى
وان شاء الله هيعدى زى ما كل حاجة بتعدى
ومتقلقوش خالص وابدأوا تانيه بأعصاب هاديه شويه و بلاش التوتر ده

هو طبعا مش كويس نبدأ الدراسة فى الميعاد ده بس خلاص احنا اتعودنا على كده هما يقولوا واحنا ننفذ المهم السنة تعدى على خير...

الميكرو ده ماده خنيقة مش بتتذاكر عادى بس قبل الامتحان بتخلص وتتراجع وتجيب تقدير كمان يعنى ماده سهلة بس غلسة فى المذاكرة

اه من غلسه ديه ربنا يستر:rec:

علي فكرة يا دكاترة انا مش شايفة ان في مشكلة من بدء الدراسة في الميعاد ده لان المفروض ان رمضان شهر عبادة والعمل عبادة ومش محتاجة افكركم ان اعظم الانتصارات كانت في شهر رمضان فطبعا مش منطق ناجل الدراسة اما من ناحية العشر الاواخر انا معاكم انها مشقة شوية بس معلش ممكن نيجي علي نفسنا شوية وبقدر المشقة هيكون الثواب مش كدة ولا ايه ؟؟

انا كان نفسي الدراسه تبد ا يعد العيد وخصوصا عشان العشره الاواخر

بس قد الله وما شاء فعل وكليه صيدله ما شاء الله بتبدا من اول يوم سكاشن ومحاضرات

ربنا يسهل

أنا رأيي ان الدراسه تبتدي بعد العيد عشان الواحد يكون فاضي في العشرة الاواخر يعني الواحد يصلي التهجد ؛ يعد للصبح في الايام الفرديه انتو عرفين ياجماعه ليله القدر وفي دول كتير عملت الدراسه بعد العيد زي السعوديه والكويت

ماجتش في 10 ايام كدة كدة هيعدو ا واللى عايز يقضيهم في البيت مش هيخسر حاجة