ساحة حوار لطلبه تانيه الجدد

ايه رايكم يا جماعه لو عملنا شات لطلبه تانيه الجدد

فكره جميله و ياريت حد من تانيه يتكلم معانا ويعطنا فكره عن المواد و كيفية مذكرتها

ايه رايكم نتكلم عن احلامنا وطموحتنا ومشاكلنا والمواد اللى تعبانا وكمان نستفيد بخبره الناس اللى اكبر مننا واظن ان كل طلبه صيدله بيحبوا يساعدوا بعضوجايز سوا نقدر نحقق املنا ونتغلب على مشاكلنا;)

يلا كل واحد يدخل يبدا يعرفنا بنفسه

:confused: ;) ايه يا جماعه محدش ناوى يشترك معانا فى الشات ولا ايه

بسم الله الرحمن الرحيم
حلوة اوى فكرة الشات ياريت كل طلبة تانية الجدد يحاولوا يشتركوا
انا اسماء الفرقة التانية

هاي يادكاتره انا ساره احب اشارك معاكم

انا بوسى يلا عايزين نختار موضوع جميل نتكلم فيه مستنيه مقترحاتكم

انا احمد واعتقد ان اول موضوع هو بعد عامين فى الكلية ما هو الانطباع الان ؟

بصراحه كليه صيدله كليه محترمه والانتماء ليها شرف هو فى بعض العيوب فعلا بس ككل الكليه محترمهواجمل حاجه انك على قد ما تشتغل فيها على قد ما تحصد ولحد كبير بتاخد حقك بغض النظر عن بعض الدكاتره

:)

فعلا انا ليا نفس الرأى ومع بداية دخول الكلية كان هناك فكرة ان جامعة المنصورة عامة صعبة والدكاترة مفيش حد بياخد حقه .. بس بعد سنتين الفكرة تغيرت تماما وفعلا لى الشرف انى سأكون متخرج من جامعة المنصورة

يشرفنى يا جماعة اننا اشارك معاكم
لأنى بصراحة بأحب الكلية بتاعتنا اوى وبأحب الدفعة بتاعتنا أكثر

ان شاء الله يا جماعة انا رايحة دورة اسعافات اولية
هاتبدأ من يوم السبت ان شاء الله
ياريت لو حد منكم خدها يقوللى انطباعه عنها
متشكرة سلااااااااااااااااااام

طب يا سندريلا انا بوسى من الدفعه وحابه اتعرف عليكى وبالنسبه لدوره لاسعافات فهى مفيده وهتتعلمى منها حاجات كتير وسعيده بمشاركتك معانا

أهلا بيكى يا دكتورة بوسى
يشرفنى انى اتعرف عليكى

:str:

ايه يا جماعه فين انطباعتكم عن الكليه بعد سنتين وياريت حد من تالته او رابعه يدخل ويقول لنا نظام الدراسه السنادى عندنا ايه يعرفنا المواد وطريقه المذاكره ويكلمنا كمان عن الدكاتره السنادى

انا اسماء ممكن انضم لكم

علي فكره سنه تانيه مش صعبه زى ما الكل متخيل

انا دلوقتى رايحه تالته

ميرسى جدا على تعاونك معانا يا دكتوره اسماء ونبقى سعداء جدا بانضمامك لينا بس ياريت تدينا بعض الخطوط العريضه عن سنه تانيه واهم مشاكلها

بسم الله الرحمن الرحيم
احب اهنيكم علي فكره الشات الجميله دي واللي ان شاء الله تفيدكم واتمني ان زمايلنا في الفرقه التالته اللي ان شاء الله هيبقوا في رابعه السنه دي يعملوها واهو نستفيد كلنا من خبره بعض باذن الله
انا اسمي سامح في سنه تالته ان شاء الله
بالنسبه لمواد تالته اللي هتقابلكم السنه اللي جايه فاحب اقولكم ان تالته مش هتبقي صعبه علي قد ما هتبقي مناهجها طويله
يعني باختصار هيا محتاجه نفس طويل ومتابعه من البدايه ان شاء الله
المشكله مش هتبقي في طول المناهج وبس المشكله في تالته هي بعض الدكاتره ومش كلهم لا بعضهم
الموضوع فعلا هيطول لان الموضوع محتاج اننا نمسكها ماده ماده لكن انا هحاول اختصر
1)لازم غصب عننا نهتم بالعملي شويه علشان هو اللي بيخلي الواحد يضمن النجاح
2)بالنسبه للفيتو جزء الدكتور جلال معتوق في التيرم الاول وجزء الدكتور فريد بدريه في التيرم التاني هيبقوا صعب جدا في الامتحان لانهم غالبا بيجو من بره المنهج من ابحاث وكلام كده غريب فلازم يبقي في متابعه في المحاضرات بتاعتهم وفي نفس الوقت متابعه ورق الدروس اللي مبينزلش الا في اخر يوم قبل الامتحان
3)بالنسبه للكيميا الحيويه والطبيه فهما ان شاء الله اسهل حاجه هتقابلكم لكن المنهج طويل بس
4)المعايرات ان شاء الله مفيش فيها مشكله هي منهجها دايما صغير بس هي ماده جديده قوي علشان كده هتحتاج شويه مجهود لكن هي ماده صغيره جدا وامتحاناتها سهله جدا فيما عدا امتحانات العملي بتاعتها في التيرمين بيبقوا صعب شويه لكن الورقه والشفوي ان شاء الله مفيش فيهم مشكله
5)الفارما بقي الذ ماده ان شاء الله واسهلهم كمان لكن اطولهم بس ان شاء الله مش هتلاقوا مشكله في مذاكرتها لانها ماده لذيذه قوي والتيرم التاني فيها اجمل
باختصار تالته محتاجه ان الواحد بس يركز ويعتبر نفسه صيدلي بجد ويهتم بعقله شويه وينسي بقي العضويه والتحليليه اللي كانوا بيخلوا الواحد يلغي عقله ويستعمل اليه الحفظ
خلوا بالكم انشاء الله هتقابلوا دكتور نادر اللي بيدي معظم دروس تالته واعتقد انه سبب كبير ان لم يكن وحيد في الدرجات اللي بتضيع من الواحد فياريت اللي مش بياخد دروس انه يتابع معاه من الكتاب اول باول او من محاضرات لانه بيعمل حركات خبيثه قوي وبيشيل كلام مهم من الورق ومش بينزله الا ايام الامتحانات بس
ربنا يوفقنا جميعا ان شاء الله
اه نسيت اهم حاجه علي قد ما الواحد بيكتب في الورقه علي قد ما بياخد درجات وعلي فكره تالته اكتر سنه فيها تقديرات عاليه في الكليه

جزاك الله خيرا يا دكتور سامح على المساعده الجميله دى وسعداء جدا بمشاركتك معانا

الشات لسه كتير علشان يبقى احسن من كده بس هو مش شات لتانية الدفعة الجديدة لان لقيت مواد ثالثة فى الشرح

لا هو دكتور سامح من تاتلته حب يشاركنا واحنا سعدء بالمشاركه دى ولى حد يحب يشاركنا اهلا بيه حتى لو فى حد فى اولى او اعدادى عايز يسال فى حاجه اهلا بيه وبالنسبه للشات فانا مستيا افكار حضرتك معانا علشان يكون الشات افضل من كده

هو ياجماعة اللى بيدخل لدكتور : ولش فى اولى بيفضل يدخلة على طول فى الشفوى
احسن بجد انا هانتحر لو دخلتلة تانى
وضعنا خلاص

لا متخافش مش للدرجادى يا دكتوروبعدين الشفوى ده مقياس لحاجات كتير وممكن ناس تقولك الدكتور ده فظيعويطلع طيب جدا ويديلك درجه جميله متقلقش بس اعمل اللى عليك والباقى على ربنا ان الله لايضيع اجر من احسن عملا

لا انا ماليش دعوة ...................................... مش عاوز ادخلة تانى
looooooooooooooooooooooooolz

http://smileys.smileycentral.com/cat/10/10_12_9.gif
ياخبر ابيض يا دكتور911_ok
غالبا اسمك احمد,صح؟
هو في الغالب فعلا انت هتدخل لدكتور ولش تاني
انا عن نفسي دخلتله 3مرات من اصل 4 مرات امتحنا فيهم تحليليه شفوي
انا معاك انه صعب بس مش للدرجه دي
هو الشفوي اصلا نصيب وتوفيق من ربنا
ومادم انت عامل اللي عليك خش لاي حد ميهمكش
ان الله لا يضيع اجر من احسن عملا
وعلي فكره ان تقديراتي كانت في التحليليه كويسه
الحمد لله

شكرا dr gemy انا احمد فعلا بس للاسف برضة مش عاوز ادخلة كفاية عليا مرتين

انا اقتبست دى من موضوع على المنتدى بس علشان حسيت ان هنا ممكن الناس تقراها وياريت اى حد كان فى ثانيه السنادى يدخل وبرضه يقولنا عن تجربته مع سنه تانيه خصوصا اننا بنسمع انها اصعب سنه

من الآخر وده في أي سنة مش في تانية بس... ذاكر تجيب تقدير
مواد تانية مش فيها مواد جديدة غير الميكرو

العضوية أغلبها بيعتمد على الأساس بتاع اعدادي وأولى بس بجد أظرف مادة عندنا
أهم حاجة فهم الاساس والباقي كله هيكون سهل خالص
العملي الترم الاول هو نفس عملي اولى بس بدل unknown واحد بيكون mixture of two unknowns
الترم التاني يكون تجارب مختلفة شوية والامتحان هو التجربة مع شفوي في المعمل وشيت علشان كده اهم حاجة تبدأوا مذاكرة العضوية بدري خصوصا الترم التاني علشان متتعبوش أيام امتحانات العملي

الصيدلانيات مختلفة شوية عن أولى خالص بس برضه من المواد الخفيفة والممتعة
والمنهج خصوصا الترم التاني اصغر من باقي المواد
والعملي بتاعها مش صعب بالمرة بس المشكلة ان الواحد بيخرج منه مش عارف هو صح ولا غلط ومفيش أي طريقة يتأكد بيها

العقاقير نفس النظام.... النباتات وال origin, description, active constitients, use بتاعتها زي نظام أولى بس اكبر شوية
الترم الاول والتاني زي بعض بس مع اختلاف جزء narcotics الترم التاني لأنه أظرف جزء في العقاقير وهتستمتعوا جدا وانتم بتخدوه
العملي برضه زي أولى, الpowder هينزل في المعمل وتشتغلوا عليه وامتحاننا كان spots بس مش powder

التحليلية من المواد اللي عايزة فهم مع تركيز خصوصا في العملي
المنهج مختلف نوعا ما عن أولى بس العملي تقريبا نفس الاساسيات وأهم حاجة التركيز والدقة في الشغل

الميكرو هو مشكلته بس انه مادة جديدة وبناخدها مرة واحدة في سنة واحدة فبنحس انها تقيلة شوية
عايز برضه شوية حفظ مع شوية فهم ومذاكرة من أول السنة علشان الميكرو بالذات كل الناس بتتزنق فيه أيام الامتحانات وعلشان مادة مش واخدين عليها فبنتعب فيها اوي والتقدير ميطلعش أد كده علشان مش بنذاكرها من الاول
العملي بتاعه الترم الاول احنا اشتغلنا في المعمل التجارب عادي بس الامتحان جالنا spots بس
والترم التاني أظرف حاجة في الميكرو علشان العملي بتاعه
أظرف عملي عندنا او عندي على الاقل بعد التحليلية هو عملي الميكرو الترم التاني

اهم حاجة ذاكروا من اول السنة بالذات الميكرو والعقاقير علشان مواد كبيرة شوية
واللي بيذاكر بيجيب تقدير ان شاء الله
ولو بدأتم جد هتستمتعوا بالسنة وتحسوا انها سنة ظريفة جدا ان شاء الله

كلام مهم جدا بس ع العموم تانية اطول من اولى بكتير علشان كده محتاجة شغل من أول السنة

هو اكيد محتاجين شغل من الاول وربنا يعينكم بس انا عند كلامي, هتذاكروا من اول السنة هتجيبوا تقديرات ان شاء الله وربنا معاكم
واي حاجة عايزين تسألوا عنها احنا موجودين :)

اولا احيكم على فكرة الشات لانها فكرة جمييييييلة
ثانيا احب اشكر كل اللى قال لنا معلومات عن سنة تانية

:)

ميرسى جدا ليكى يا دكتوره[HTML][/HTML] دعاء على مشاركتك وافادتك لينا وجزاك الله خيرا ونحب نشوف ارائك معانا على طول فى الشات بتاعنا

السلام عليكم و رحمة الله و بركاته

أحبائى فى الله ......
الحمد لله مواعيد دورة الإسعافات الأولية بكلية تمريض اتحددت هتبقى إن شاء الله من يوم 28 أغسطس لحد 30 أغسطس ؛ يعنى يوم الثلاثاء و الأربعاء و الخميس من هذا الأسبوع .. الساعة ال9 صباحا بإذن الله ... اللى مش هيعرف يوصل لوحده ممكن ييجى الجمعية قبلها إن شاء الله نروح كلنا مع بعض .......اللى عنده أى استفسار .... خدمة 24 ساعة على المنتدى أو على الرقم دة 0102211791


و السلام عليكم و رحمة الله و بركاته.....

السلام عليكم ورحمة الله وبركاته

انا حبيت بس اقولكم انها فكرة حلوة جدا
ومعلش دخلت عندكم بقى كده تطفل
بس موضوعكم كان حلو فحبيت اقرائه

وربنا يوفقنا جميعا ان شاء الله

يسلام دا انتى تنورى يا دكتوره لمياء وياريت لو احتجتى تسالى عن اى حاجه بخصوص سنه اولى تدخلى وتكتبلنا ونحبك تشاركينا على طول:yeah: :yeah:

ربنا يكرمك يا دكتورة بوسى
مش الاسم صح برده
وده من زوق حضرتك وان شاء الله لو احتجت حاجة هسال فى الحال

وشكرا مرة تانية على ترحيبك العسول ده

ياريت حد يجاوب لصديقتنا على السوال ده عايزين حد يقول ازاي هنقضي رمضان في بداية الدراسه بجانب المذاكره مع العلم ان تانيه اصعب كتير من اولي وحد يتكرم ويقول ليه اصعب المواد وازاي نجمع بين المواد وبعضها وخصوصا التحليله

ازيكو يا دكاتره ......
ان شاء الله يكون عام دراسي جميل
انا سمعت ان تانية فعلا صعبة جدا والناس كلها بتشتكي منها
وبيقولو ان العضوية تقيلة حبتين :)