عرض للطباعة
من الاقوال الماثورة ""ان العلم اذا اعطيته كللك اعطاك بعضة"
و الله يقول فى كتابة الكريم"و ما أوتيتم من العلم الا قليلا"
اللى انا عاوز اقولة اذا كنت انت لما هتكرس حياتك كلها للعلم مش هتحصل منه الا بعضة فما بالك اذا كنت انت مش بتكرس لطلب العلم الا جزء من وقتك ....تفتكر بعد كدة العلم هيعطيللك حاجة؟...طبعا لأ.
مش كدة و لا اية؟........منتظر ارائكم
سلام
شكرا لحضرتك يادكتر على المواضيع المميزة اللي حضرتك بتفتحلنا فيها باب النقاش
موضوع طلب العلم دلوقتي انا شايفة انو بقا نادر اوي اوي اوي
يعني لو هنجي نبص لدفعتي مثلا ولا لأي دفعة فالكلية ....فيها كام واحد جاي يطلب العلم ؟!
فيها كام واحد بيزاكر عشان يستفيد بالعلم !
الناس كلها بتزاكر عشان بس تنجح وتعدي وتخلص وتشتغل
حتى الاوائل معظمهم كدا ....الهدف الرئيسي للكل انهم ينجحو بمجموع وتقدير
محدش في دماغو خالص انو يبحث عن المعلومة او يستفيد منها
كلنا بنقعد نزاكر وندخل الامتحان نحط الي احنا حافظينه وانسى اي حاجة بقا
وبيتهيالي من اسباب المشكلة دي :
1- نظام التعليم في مصر : من اولى ابتدائي وهما بيعتمدوا على نظام التلقين والحفظ ابدا مش الفهم والاستنتاج
2- نظام الثانوية العامة والتنسيق: كتير جدا الطالب بيكون ليه امنية او هدف في كلية معينة يتمنى يدخلها ...عشان حاسس انو هيلاقي نفسو فيها بس لما ميدخلهاش لاي سبب (مجموع-رغبة اهل- ظروف) هيبقى مش فارقة معاه الكلية الي هوا فيها بقا ....اعدي وخلاص
3- محدش بقا كدا : لو انا مثلا قررت اوك انا خلاص بقا هدفي اني اتعلم بس واستفيد بالمعلومة الي بخدها وكوني طالب هبحث وادور وانمي ثقافتي وخلفيتي عن الموضوع دا
يوم..اتنين....اسبوع دا لو كملو , مش هيكمل اللي بعدو ليه ؟ لانه هيبقى لوحدو مش هيلاقي حد معاه.... الناس هتبصلو نظرة ايه الهبل دا ؟ ياعم انجح وخلاص؟ كلو بيحصل بعضو
الكلام والسلبيات اللي هيلاقيها عليه...هتخليه يتراجع عن اي خطوة او قرار اتخذوه
(الذن على الودان أمر من السحر )
مثلا انا عارفة قيمة العلم جدا ..وقيمة الدكاترة والمحاضرات الي بيقولها واي دكتور عندنا فالكلية ماشاء الله عليه عنده معلومات كبيرة جدا ودماغو اكيد حاجة تانية والناس كلها بتبصلو على انو دكتور جامعة ....ليه مكانته الاجتماعية وسط الناس اللي هوا عايش فيهم
بس في نفس الوقت ....لو عرضو عليا اني ابقى كدا او اتخصص في مجال البحث العلمي مش هوافق.....ليه بقا ؟ لاسباب كتيييييييييييييييييييييييييييييييييييرة جدا
واكيد هيا نفس الاسباب عند اغلبية الناس
وللحديث بقية....;)
وشكرا يادكتر على فتح باب النقاش :hi:
شكرا على مشاركة حضرتك المميزة
و انا متفق مع حضرتك تماما
و عاوز اقول ان طلب العلم مش بس الشرعى انما برضو العلم الصيدلى
العلم بمجريات الامور حوللك
العلم ب ازاى تتعامل مع اللى حواليك العلم ازاى تحافظ على صحتك
و خلافة
هذا الكلام صحيح ولكن لم يعد هناك من الدوافع مايجذب للعلم
بصوا هو الموضوع على رأى يحيى الفخرانى فى فيلم الكيف لما كان قاعد يعزى فى الصوان وعمال يضحك والراجل بيقول له انتا جاى تعزى ولا جاى تهزر قال له لا أنا جاى اهزرررررررررررررررررررر
واحنا بقا جايين نهزررررررررررررررررررررررررررررررررررررررررررررر
سلام عليكم
لو تسمحلى أقول رأيى
.......
""ان العلم اذا اعطيته كللك اعطاك بعضة"
ما يمكن بعضه كفاية
عمر ما حد هيوصل لأخر حاجة فى العلم لأن فوق كل علم عليم زى ما ربنا قال
بس نيه المتعلم و إخلاصه لربنا أو حتى إخلاصه لعلمه .. لأن الله لا يضيع أجر من أحسن عملا
ممكن توصله لحاجة مكنش متخيلها
و نحمد ربنا أن طلب العلم فى دينا فريضة و نيتنا بس عليها ثواب إن شاء الله
حتى لو الظروف قدامنا صعبه .. بس ممكن يجى يوم نحتاج فيه علماء بجد أو بمعنى تانى رجاله
و مينعش نرجع ساعتها ندور مين متعين بواسطة و مين كان مضغوط عليه علشان يدخل الكلية
بس هنكون عايزين مين قد المسئولية و يعرف يحل المشكلة
وممكن ناخد الموضوع من ناحيه تانية
من اجتهد و أخطأ فله أجر و من اجتهد و أصاب فله أجران
شكرا على الموضوع .....
جزاك الله خيرا يا دكتور على طرح مثل هذه المواضيع
و بالنسبة لعنوان الموضع ...... طبعا اوافق ...... بس آخد البعض ده فعلا
و يبقى أنا الكسبان .... لان العلم و طلبة العلم لهم مكانة كبيرة سواء فى الدنيا بين الناس
أو فى الآخرة أمام الله سبحانه و تعالى
أما بالنسبة للموضوع اللى فرض نفسه ولازم نتكلم فيه و ان كان افضل بصورة مستقلة
هو طلب العلم فى الوقت الحالى .......... لا الجو العام يساعد و لا فى صديق يشجع و لا نظام دراسه يحفز ..........
و مع كده برضه بنلاقى ناس ربنا بيوفقها و يقدرو يتغلبو على الظروف اللى زى دى و يمكن اصعب منها كمان " اذا كانت ظروف مادية أو أسرية "
و ده يثبت ان الانسان مهما كانت العقبات قدامه بالعزيمة و توفيق من الله سبحانه و تعالى بيقدر يكمل ويوصل للهدف اللى هو عاوزه
و جزاكم الله خيرا مرة أخرى
شكرا يا دكتور علي طرح الموضوع
وفي الحقيقه اري لن العلم والثقافه قد اختفت من حياتنا لسببين
اولهما هي طريقه الدراسه الخاطئه والتي اشرت اليها في العديد من المواضيع السابقه
وثانيهما العادات والتقاليد التي تجبر الانسان علي ان يتعلم ما لا يحبه او ان يعلمه اكثر مما يحبه
وهذا من اكثر المشكلات التي اواجهها في حياتي
وبصاحه اكتر ماده العقاقير بالذات علي قد ما هي سهله بلاقي انها اصعب ماده عندي وده بسبب انها سواء في الامتحانات او اي حاجه بحس انها مادهحفظوبس
تحياتي
شكرا على مشارماتك المميزة يا د/اية
و لكن عاوزك تعرفى او تتذكرى..
1-دايما الواحد يعمل الصح بغض النظر عن اللى حوالية بيعمل اية....مثال.....انتى بتقولى ان ان طريقة الدراسة خاطئة.......طيب لية مش بتدرسى انتى صح....اقصد لما تيجى تذاكرى او فى محاضرة لية ما تفترضيش انك فى وسط بيدرس صح و تشوفى اية اللى المفروض تعملية ...و تعملية
2-علشان فى يوم من الايام تعملى اللى انتى بتحبية ..لازم تحبى اللى بتعملية
3-ما تسمحيش لحاجة فى الدنيا مهما كانت انها تغلبك انتى اكبر من اى حاجة بس المهم تشغلى عقلك اللى انتى مميزة بية عن اى شى فى الكون
(انما ينكسر قلب من عق امة و اباة وعصى ربة و مولاة)
سلام
الموضوع مفيد جدا يا دكتور
ا نا مثلا كنت دخله الكليه وكلي نشاط وامل ان اجتهد واذاكر واتابع المحاضرات والكتب
بس للاسف وجد ورق المكتبات هو الاساس وهو ممكن اذاكر منه عشان اجييب تقدير
والكتب مينفعش اذاكر منها غير ان المنهج يعتمد اعتماد كلي علي الحفظ لا الفهم ذي منا كنت متوقعه في كليه علميه ذي كليه الصيدله
مين اللي قال اني مش بذاكر بطريقتياقتباس:
دايما الواحد يعمل الصح بغض النظر عن اللى حوالية بيعمل اية....مثال.....انتى بتقولى ان ان طريقة الدراسة خاطئة.......طيب لية مش بتدرسى انتى صح....اقصد لما تيجى تذاكرى او فى محاضرة لية ما تفترضيش انك فى وسط بيدرس صح و تشوفى اية اللى المفروض تعملية ...و تعملية
واللي انا عيزاه
يعني اللي شايفه ان اللي بيفيدني في الفتره دي بذاكره
واللي شيفاه محتاج تأجيل بأجله لان موضوع التقدير مش بيفرق معايا خالص
المهم اني منظمه دماغي عشان اكون تمام علي الاقل بالنسبه لنفسي
-اقتباس:
علشان فى يوم من الايام تعملى اللى انتى بتحبية ..لازم تحبى اللى بتعملية
الكلام ده عن المجال اللي بحبه
يعني مثلا انا بحب المجال ده فبكون افضل واحده للعمل فيه
واكيد الانسان يقدر يعمل ما لا يحبه
ولكن الدمارات النفسيه تواجهه دائما
هي دي ميزتي ومشكلتي في نفس الوقتاقتباس:
ما تسمحيش لحاجة فى الدنيا مهما كانت انها تغلبك انتى اكبر من اى حاجة بس المهم تشغلى عقلك اللى انتى مميزة بية عن اى شى فى الكون
بكره الضعف احب اشوف نفسي دايما قويه ومن افضل الناس
واللي فعلا كنت بتكلم مع نس فيها النهارده وقالولي ان السبب هو الحريه اللي اهلي اعطوها لي في معظم النشاطات الحياتيه
طبعا مش كلها لان عاداتهم الشرقيه غلبت عليهم برضه
شكرا يا دكتور علي اهتمامك والرد
تحياتي
الموضوع جميل جدا يا دكتور واحسن حاجه فيه ان حضرتك دكتور في هيئه التدريس يعني ممكن تفيدنا من تجربتك
بس يا دكتور محدش فينا ممكن ينكر ان كليتنا فيها حفظ كتير جدا واحيان كتير الحفظ بيغلب على الفهم انا مثلا احب
افهم قوي وبحس بمتعه حقيقيه في فهم الماده بس في المقابل يادكتور بلاقي زميلاتي بيصموا الصفح صم زي لما
يكونو طبعوها في مخهم وفي الاخر بندخل نمتحن سوا ونجيب زي بعض فهل ده طبيعي بسبب ان كل واحد وله طريقته
ولا انا غلط ولا الحفظ غلط ولا ايه وكمان يادكتور انا نفسي احيانا بلجا للحفظ في بعض المواد من غير مكون فهماها
واحيان تانيه قعد اجيب الكتاب والمحاضره وكل حاجه علشان افهم واضيع ساعتين تلاته وفي الاخر زي مدخلت زي
مطلعت وده بيحبطني قوووووووووووووووي قووووووووووي قلي يادكتور ايه رايك وهل في نصيحه تديهالنا من واقع
تجربتك وخصوصا ان احنا داخلين على سنه تالته ومرعوبين منها قبل ماندخلها شكرا يادكتور واسفه اذا طولت عليك
قبل ما نقول ازاى تذاكر يا ريت الاول تعرفولنا معنى الفهم و الحفظ
يعني يادكتور لما المعلومه تبقى صعبه ومكلكعه ساعتها الطلبه بينقسموا الى 3 فرق :
فريق يقعد يشغل مخه ويدقق ويحاول انه يفهمها ويرجع للمحاضره والكتاب ويسال اصحابه وغيره
فريق مبيحبش وجع الراس ويقول بناقص المعلومه دي ويسيبها خالص
فريق يقوم حافظها بالظبط زي مهي مكتوبه كانها منقوله بورقه كربون واللي بيساعدهم على كده
قدرتهم العاليه على الحفظ