عرض للطباعة
السلام عليكم ورحمه الله وبركاتهطيب احنا هنعمل ايه وياترى العيب فينا ولا فى المناهج الللى بندرسها وولا العيب فى الناس اللى بتفتكر ان اى واحد دخل اى كليه من المجموعه الطبيه لازم يبقى دكتور وعارف كل حاجه يلا مستنيه مشاركتكم
- موضوع كتير اوى مننا بتعرض له وبيسبب احراج كبير جدا هو ان الناس بتبقى متصوره انك دكتور يبقى المفروض تبقى عارف كل حاجه وتعرف ازاى على الاقل تعالج اى حاله ولو معرفتش:qi: يقولولك امال دكتور ازاى يبقى انت اكيد مش شاطر :rofl:
بصي هوا المفروض اننا نعالج دي كبيرة علينا شويا
يعني على اللاقل يكون عندنا خلفية عن الامراض الاساشية وازاي نتصرف فيها
نكتسب الخبرة دي بقا من الصيدلة او القراءة او الندوات وغيرو وغيرو
بس فعلا بتبقى عيبة اوي اوي لما أتسأل على حاجة ومعرفش اجاوب ويقولولي
يافرحتي بيك ولا الكلية الي انتي فيها دي لزمتها ايه
ولا اي كلمة من الكلام دا......الناس مش عارفة اللي فيها التحليلة والعضوية والفيزيا والنبات
وشكرا ياpretty على الموضوع الحلو دا
موضوع جميل يا دوك
والله انا كمان مش عارفه العيب فينا ولا فى طريقه التعليم عندناااااا
انا حصلى موقف كده وانا فى اعدادى السنه الى فاتت يعنى
حد معرفه كان مريض شويه وانا كنت موجوده
وسألونى فى حاجات كده ولا حته طالب طب يعرف يجاوبها
واحرجونى جامد جداااا وقالوا ليه امال دكتوره ايه ؟؟؟؟!!!!
انا بقى ارد اقول ايه ؟؟
بس على فكره الناس معزوره لما تقول كده هما صحيح مش يعرفوا احنا بندرس ايه بس
احنا المفروض اننا نعرف خلفيه عن الامراض الشائعه وطريقه علاجها وكده
بس دى مش هتيجى الا لما الشخص نفسه يكون عاوز يتعلمها ويحاول يبحث ويعرف بنفسه
ويقرا ويتثقف نفسه بنفسه.
ده رأيى الشخصى
شكرا للموضوع الجميل
و الله انا عن نفسي مليش علاقة بكل الكلام اللي الناس بتقوله ده .. لان أساسا كتير من الناس بتتكلم و هي مش فاهمة حاجة..... مع احترامي ع اللي بيقول علينا دكاترة ايه ...
أولا الكلية 5 سنين مش سنة واحدة و لا 2 ... يعني لا يمكن يكون حد ع الاقل قبل تالتة عارف كل حاجة عن الامراض و عن العلاج و الا كانوا خلو الكلية سنتين او 3 و انتهينا ...
ثانيا مش عيب ابدا لما الواحد يقول انه معندوش فكرة عن موضوع معين أو مرض معين ... و بعدين ما هو معلش لو انا عايز اشتغل اللي ادامي و اعمل فيها فاهم .. هقوم رازع له بقين م اللي بيعجبوا الناس و اروح قايله
" ايه اللي انت عامله ده .. مين الحمار اللي كاتب لك الدوا ده .. انت مش عارف ان ال active constituent اللي موجودة ف الدوا ده هي سابع امينات الكلورومفينيكول "
اللي ادامي هيندهش و هيقول ماشاء الله .. ايه الراجل العالم ده( و طبعا كل اللي انا قلته تخريف و كلام ملوش معنى) .. لكن طبعا انا كدة انسان غير امين لاني عمال اخرف و اقول كلام مش فاهم فيه حاجة .. و ممكن أذي بيه اللي ادامي
ثالث نقطة .. لو حد عايز يحاسبني يبقى يحاسبني على حاجة درستها و مش عارف عنها حاجة خااالص .. انما ميجيش يسالني عن حاجة لسه متعرضلهاش و لما معرفش ارد عليه يقول عليا انا مش فاهم ...
ده رأيي .. ممكن يعجب ناس او ميعجبش ناس تانية... و اسف للاطالة ..
و شكرا dr/pretty على موضوعك المهم
ميرسى ليكم كلكم يا جماعه على مشاركتكم وارائكم الجميله
هو نفسه الموقف البايخ اللي بيحصلي علي طوووووووووووووولاقتباس:
المشاركة الأصلية كتبت بواسطة dr/amany
واقولهم يا جماعة أنا مخدتش أي حاجة في الكلية ليها علاقة بالأدوية
ولا حياااااااااااااة لمن تنااااااادي :rofl::rofl:
شكرا ليكي يا دكتورة علي موضوعك الرائع
والله كل المشاكل دى بتتحل لما تتدربى فى صيدليه انا كنت كده ولما اتكسفت من نفسى قولت ابدء تدريب على الرغم ان المفروض التدريب بعد السنه دى بس بعد اما اتدربت بدءت اعرف ومعدش حد بيحرجنى يعنى تقريبا بقيت اعرف الحاجات المشهوره
يارب بس فعلا بيكون شىء محرج جدا
اكيد بس بكره لما تتدربى وتدرسى فارما وتتخرجى وتعرفى هتبقى حاجه عاديه وبعدين من قال لاادرى فقد افتى وياريت لو تقرأى فى مواضيع otc drugs وكمان الcontra indication
الموقف ده بتعرض له كتير
والناس فاكرة إن الدكتور ده فاهم كل حاجة وفاهم كل التخصصات
طبعآ إحنا درسنا كل شىء لكن كل واحد بعد كدة إتجه لتخصص معين
الناس بقى مش فاهمة كدة
حاجة تجنن
مشكورة يادوك
وتقبلى تحياتى
العيب فينا احنا لأن جانب مهم من الدراسة هو الثقافة ....... لازم تثقف نفسك عشان تعرف تتعامل مع المجتمع
شكرا
هههههههههه
دكتور اييييييييييه
انا والله ماعرف حاه لسه عن اللى بيسموها دكتور دى!!! احنا حفظنا شوه حاجات وامتحنا فيها ومتهيأى مش تفدنى دكتوووور لسه ...يمكن عشان انا فى اعدادى ...يمكن؟؟ لن دكتور دى نا مستحقهاش لسه؟؟
انا بردو معاكو بس من رايى ان الدراسه شئ والعمل والتدريب شئ تانى يعنى احنا مش هنكون دكاتره بجد ونقدر نفيد المرضى ونرد على اى سؤال الا بعد التدريب والعمل
يارب يوفقنا كلنا :rec: :rec: :rec:
ميرسى لكل المشاركات