موضوع مستفز .... لو عصبي متدخلش "طلاب فقط" ممنوع دخول" اعضاء هيئة التدريس"
بسم الله الرحمن الرحيم
اعزائي زملائي في الفرقه التالته او ما يسبقها:
_علشان رابعه و اعضاء هيئة التدريس مبنفهمش فيهم_.
انا من اكثر المواضيع اللي قابلتني مستفزه في الكليه حواااااااااالي كذه حاجه هسردههم ليكوا مع شرح كل نقطه تمام زي ورق الدروس زي ما كلنا بنحب:-
1- بمناسبة ورق الدروس يبقي دي رقم واحد الدكتور بيقول المحاضره بتنزل بالكحه :eek: في ورق الدرس يبقي اتعب نفسي ليه و احضر و اصحي بدري و كده يبقي اعيش بقي :cool: و اذاكر الكلمتين.
2- المعيدين و المعامله بتاعهم انا عاوز اسأل سؤال ايه لزمت غياب السكشن و الله بتحرج لما دكتور واقف و مكلف نفسه و ياخد في الغياب نصف ساعه و ينطق ميت اسم و والله لما بنحب نضحك عليهم بنضحك عليهم vcool: يا جماعه التعليم مش بالعافيه اللي عاوز يحضر يحضر و اللي عاوز ميحضرش ميحضرش براحته.
3-قفل باب المدرج بعد نصف دقيقه:lock: من دخول الدكتور في حين ان الدروس بره الباب مفتوح علي طول و بنفهم منهم احلي فهم و بقعد اتناقش معاه عادي و اسلوب بسيط _قال يعني بنفهم من المحاضره قووووي _.
4- زمن المحاضرات ساعتين بالتمام و الكمال و بعدين الدكتور بيسلما للدكتور اللي بعده و بيمضي انه استلمنا يبقي حوالي لو عندنا 3 محاضرات يبقي 6 ساعات دماغك شغال يبقي ازاي؟؟:wow: و بعدين لو ينزلوا مشاريب :rec: و يكون فيه تكييف كده و العيال تبعد عن بعضها _طبعا لما يكون المكان واسع_ يبقي احضر.
5- السكشن و الادوات بتقهر لما بكسر اداه من ادواتي او اداه من المعمل لأن خلاص اهلي ندموا علي اليوم اللي دخلت فيه صيدله و الادوات اساسا مش دقيقه و اهم حاجه في المعامل يقولك البالطو و نظف قدامك و اوعي تنسي النظاره و مش بيهتموا بشغلك قد اهتمامهم بالحاجات دي.
6-وقت السكشن اولا بحمد ربنا اني ولد لأن السكاشن بتاعي متأخر يعني علشان اروح فيها للساعه 10 بالليل ده لو لقيت مواصلات و ليه السكشن 6 ساعات و مفيش فيه و لا كرسي اقعد اريح رجلي .يا جماعه العيال واقفه تلعب في موبيلها و سيبك من السكشن و البلوتوث شغال ميه ميه.
7-الدواليب و ما ادراك ما الدواليب ينفع يا حضرات في عصر الذره اركن ادواتي في دولاب و الاقي الاتحاد شاله قال ايه يكهنه و انا مالي ما هو مرمي طول عمره ينفع اشتري الادوات و تختفي و اعمل زي اسماعيل يس بدور علي دولاب و الناس تضحك عليا .
8-الكتب دي بقي ميزه جميله جدا ليه بقي ؟؟؟؟؟ لان الدكاتره مخليانا محافظين عليها و مش بتتفتح و الله بنسي اروح اجيب كتاب النظري لان الدكتور قال المحاضره هي الامتحان يبقي ادور علي كتاب ؟؟؟ دا انا ابقي غبي جدا:er
9-العمال يا جماعه انا بشحت سامبل منه الاقيه يرميلي شوية ميه و لا بدره و يقولي نصيبك كده يا دكطوووور زي ما يكون بقسم ورك فرخه علي 100 شخص شوف بقي كل شخص ياخد ريشه منه _ملحوظه_بعد ما تتحمر طبعاََ . و قال ايه الفلتر بابر بنصف جنيه و بعد الامتحان ميسيبكش "كل سنه و انت طيب يا دكطووووووور " نفسي افهم عيد ايه لحد دلوقت .اقولك وحضرتك طيب يشاور علي بيكر احمر مضلع بس بلاستيك و يجيلك قدام الشفوي بنفس البيكر و انتو عارفين ربنا بيكون عالم بينا و يقولك كل سنه و انت طيب اقوله بمناسبة ايه يقولي كل سنه و انت طيب يا دكطووووووور.
10-الشفوي هل ممكن لأي شخص انه يمتحن 60 طالب لكل طالب دقيقه و يعرف مستواه في الماده ؟ و بعدين هما بيختبروا حضور محاضره و لا علم الاقيه يقولي سؤال غريب اجاوبه يقولي : الله انت بتاخد درس .
اقوله: لأ طبعا بس بقعد في مكتبة الكليه كتيرر.
_انتو طبعا فاهمين اني عمري ما دخلتها غير مره كنت بسأل عن السيبر قالولي في الاوضه اللي جنبنا.
11_المدرج و طرائفه تلاقي المدرج مليان طلبه و لما يدخل الدكتور الاقيهم يخرجوا بسرعه طيب ليه ؟ بتستفزوه مثلا .
و تلاقي ورق الاعلانات في عينك _الحمد لله انا بنظاره فتعتبر عامل دفاع قووووي و اخيرا اكتشفت استخدام تاني للنظاره.:yeah:
الاعلانات بقي فيه ايه ؟محدش سألني اقولكم:-
*مواعيد كورسات.
*مكتبات ورق دروس جديده.
*فصيلة دم z .
* واحد عايز سماعة"صم وبكم" ويطلع بيحب فى كلية تجارة وعاوز فلوس.
*واحد ضاع منه كتاب العملي.
*واحد عاوز شرح عملي علشان مش يطرد من السكشن.
*اعلان مظاهره او مسرحيه.
*اعلان بالانجليزي كله اخطاء املائيه مش بفهم فيه اي حاجه.
و في الختام مش لاقي كلام اقوله احلي من البيتين دول:-
لقد اسمعت لو ناديت حيا........ و لكن لا حياة لمن تنادي.
لقد اشعلت لو نفخت نارا........و لكن ما نفخت الا في رماد.
:hi: كاتب ساخر :hi:
