ممكن حد يجاوبنى عن نظام الكليه فى تقبل طلبه لم يكونوا من اوائل الدفعه للالتحاق بالدراسات العليا بالكليه لكن حاصلين على جيد جدا
عرض للطباعة
ممكن حد يجاوبنى عن نظام الكليه فى تقبل طلبه لم يكونوا من اوائل الدفعه للالتحاق بالدراسات العليا بالكليه لكن حاصلين على جيد جدا
السلام عليكم ورحمة الله وبركاته
ما أعلمه ان كل قسم يعلن ان كان يقبل التسجيل فى الماجستير من الخارج-اى من غير الاوائل-ام لا ويحدد العدد الذى يقبله وأعتقد ان الافضلية للتقدير الاعلى
وهناك أقسام أخرى تعلن عن فتحها لباب التسجيل من الخارج للحصول على الدبلومة كالكيمياء الحيوية والعقاقير
ويفضل ان تسألى فى شئون الدراسات العليا حتى تحصلى على معلومات أكيدة وتعرفى طلبات الاقسام ومصاريف التسجيل وشروطه وما إلى ذلك
الكلية فيها تسجيل فى 7 دبلومات ويكون التسجيل فى شهر 9 تقريبا
والدبلوم بيكون مدته سنه (12 شهر)
وممكن لاى خريج حاصل على اقل تقدير جيد يقدم فى اى دبلوم
و المتقدم بيكتب 3 رغبات ل3 دبلومات وحسب عدد المتقدمين و التقدير فى الماده دى بيتم توزيع الطلاب على الأقسام
بس دا بيكون مصاريفه حوالى 850 جنية للدبلوم الواحد
واى استفسار آخر انا ممكن اسأل لحضرتك
السلام عليكم
التسجيل فى الدبلومات الموجوده فى الجامعه مفتوح للجميع
والدبلومات المتاحه فى جامعه المنصوره هى
1- دبلومه الرقابه والتحليل الدوائى
2-دبلومه صيدله المستشفيات والصيدله الاكلينيكيه
3-دبولمه التكنولوجيا الصيدليه
4-دبلومه النباتات الطبيه
5- دبلومه التصميم والتشيد الكيميائى للأدويه
6-دبلومه الميكروبيولوجيا
دبلومه التحليل الكيميائى الحيوى
الاوراق المطلوبه للتسجيل
2 صوره شخصيه
2 شهاده بكالوريوس
1 شهاده تقديرات 4 سنوات
مستخرج رسمى شهاده ميلاد
صوره البطاقه
الموقف من التجنيد
موافقه جهه العمل
2 ملف بلاستيك
2 جنيه دمغه
ملحوظه مهمه جدا
التقديم للدبلومات مفتوح من نص شهر سبع لحد يوم الخميس القادم 2/8
يعنى لو فى رغبه فى التقديم ياريت تتوجه فورا خلال اليومين الجايين لمكتب الدراسات العليا والبحوث فى كليه الصيدله الجديده المبنى الادارى
______________________________
اما بالنسبه للماجيستير والدكتوراه فكل قسم بيعلن عن العدد المطلوب للتسجيل
وانا ما عنديش فكره كافيه بميعاد التسجيل
فللأستفسار اكتر ممكن تتوجه لمكتب الدراسات العليا
بس المهم دلوقتى ان ميعاد التقديم مفتوح ليوم الخميس القادم 2/8 فياريت تسارعوا بالتسجيل
ولو عاوز تستفسر اكتر اذا كان موعد التسجيل مفتوح لبعد كده فممكن تتوجه لمكتب الدراسات العليا
بس الافضل تتضمن وقتك او وقت اللى عاوز يقدم قبل يوم 2/8
السلام عليكم ورحمه الله وبركاته
انا فعلا قدمت بس مش عارفه ايه اخبار النتيجه
يااريت لو حد يعرف يقولنا
يا جماعه هو ايه موقف اللى عايز يعمل دبلومه مثلا هربل وعنده جيش أيه الحل هل ممكن الجيش يسهل لى الموضوع ده مع العلم انى عايز اخدها دلوقتى لانى الراجل اخد جيش 3 سنين فلو طلع لو طلع من الجيش هيبقى 26 سنه هيعمل ايه ساعتها هيدور على عروسه ولا شقه ولا شغلانه ولا هيروح يعمل دبلومه
ارجو الافاده
أعتقد الديلومات بالنسبة للشباب لازم بعد الجيش .. للناس اللي عايزة و دة أكيد بيكون صعب جداااا ..
بس السؤال بالنسبة ليا .. هل لو أنا عملت دبلومة في المجال اللي أنا بحبه و بفهم كويس فيه ممكن دة يحقق طموحي بشغل كويس أو طموح أعلى شوية طول عمري بتمناه و هو التعيين في الجامعة ( جامعات الخليج بتاخد أي حد )
ولا هعمل الدبلومة و في الفاضي .. و بعدين هل عمل الدبلومة ممكن يخليني أهرب من قعدة الصيدلية مع بتوع الدبلومات لأن دة شيء بيحطم طموحي ..:cry:
بجد يا د/ فارمسيستيانا بتقري اللي في دماغي
ممكن حد يوضح اكتر لو سمحتم ايه فايدة الدبلومات هنا في مصر يعني للشباب اللي عايزين يحصلوا علي دبلومات ايه المجالات اللي ممكن تتفتح ليهم لو اخدوا الدبلومات دي ؟؟؟
وشكراً
ممكن الواحد يعمل دبلومة ميكروبيولوجى او كيمياء حيوية عشان لو عايز يتخصص فى التحاليل الطبيه ويشتغل فى هذا المجالاقتباس:
المشاركة الأصلية كتبت بواسطة HuSSeiN
والبعض الاخر يتجه لتحضير دبلومات فى مستحضرات التجميل ورقابة الجودة عليها ودى دبلومة موجودة فى صيدلة القاهرة وعين شمس عشان يشتغل فى هذا المجال (دول نسبة قليلة من الصيادلة)
وممكن مجال السموم والطب الشرعى نظرا لان الاولوية او الافضلية فى التعيين فى هذا المجال بتكون للحاصلين على دراسات عليا فى السموم والمخدرات
وايضا هناك دبلومة رقابة الجودة الدوائية ودى للناس اللى عاوزة تشتغل فى المصانع (وان كان الشغل هناك فى بعض الاحيان يتطلب ك......ة)
وطبعا اكثر الدبلومات التى يتجه اليها الصيادلة -بعد دبلومات التحاليل الطبية- دبلومة الصيدلة الاكلينيكية عشان لو حب يسافر يشتغل فى احدى مستشفيات دول الخليج لانها بتشترط الحصول على دراسات عليا فى هذا المجال وان كان حاليا بيفضلوا الحاصلين على الماجستير
وفى دبلومة الصيدلة النووية وهى مازالت قيد الدراسة يعنى بيدرسوا بروتوكول تطبيقها فى مصر والهيئات اللى هتتولى الاشراف عليها كهيئة الطاقة الذرية والمركز القومى للبحوث وغيرها من الهيئات وبالنسبة للدبلومة دى عشان يتم تفعليلها فى مصر فقدامها حوالى من خمس الى ست سنوات وده رغبة من وزارة الصحة وهيئة الطاقة الذرية فى تفعيل دور الصيدلى فى هذا المجال (ويارب يطلع كلامهم بجد )
ده اللى اعرفه عن الدبلومات وفايدتها او المجالات اللى ممكن تتفتح بعد الحصول عليها
السلام عليكم و رحمة الله و بركاته
ممكن تشوفوا اللينك دا
فيه اعلان عن الدبلومات والماجيستير والدكتوراه
من 1-5 حتي 30-5
http://www.mans.edu.eg/facphar/
هو مش المفروض ان التقديم فى الدبلومات بيكون فى شهر 7 !!!!!!
يعنى كده اللى هيتخرج السنة دى وعايز يعمل دبلومة هيستنى للسنة اللى جايه علشان التقديم اخره 31/5 ؟؟؟؟؟؟؟؟؟؟؟؟؟؟؟؟؟؟؟؟
ممكن اعرف فيه دبلومة فارما فى المنصورة ولا لأ
كنت سمعت انها بقت فى المنصورة
ولو فيه ميعاد الحجز بيكون فى نص 7 برضه؟؟؟؟؟
تعلن إدارة الكلية عن فتح باب التقدم للدراسات العليا في الدكتوراه - الماجستير - الدبلومات وذلك اعتباراً من 1/ 6/ 2010 حتى 31/7/2010 على أن تعلن نتائج القبول في 15/ 8 /2010
ايوة فيه بس نصيحة منى يا جماعة لا لدبلومات جامعة المنصورة
يعنى احنا الدكاترة مطلعة عنينا فى الامتحانات واحنا فى السنين الاجبارية ما هنصدق ننفد بجلدنا
دا لوفضل فينا حاجة وعن تجربة فى ناس نصحونى من جامعة الزقازيق احسن بكتير
الناس دى حضروا فى الكلية عندنا وفى الزقازيق وعرفوا الفرق فعلا
-----
كلية صيدلة جامعة المنصورة
http://www.mans.edu.eg/Facphar/arabic/pgs/Diplomas.htm
كلية صيدلة جامعة الزقازيق
http://www.pharmacy.zu.edu.eg/new_page_15.htm
السلام عليكم
طب لو سمحتوا اللى عاوز يعمل دبلومة اكلينيكى يقدم عليها برده ولا ايه
السلام عليكم
دبلوم الصيدلة الاكلينكية في صيدلة عين شمس الافضل علي الاطلاق بالنسبة لنا خريجي الصيدلة
ولان الدبلومة الموجودة في صيدلة المنصورة يشرف عليها اساتذة عير متخصصين في الصيدلة الاكلينكية حتي الدكتور الوحيد الذي حصل علي الدكتوراة في الصيدلة الاكلينيكية لا يدرس بها من هو ؟؟؟
والدليل انه لايوجد ماجستير صيدلة اكلينكية في المنصورة
بالتوفيق
السلام عليكم ورحمه الله وبركاته
ياريت حد يفهمني الدبلومه بتاعت الاكلينكي في عين شمس والقاهره سنتين ولا سنه واحده
ولو سنتين بالنسبه لينا دفعه السنه دي هيعملوا ايه في التكليف اللي هيجي بعد سنه من التخرج ودا واذا كان هيحصل تعارض مع الدبلومه او لا
الدراسه في عين شمس والقاهره زي المنصورة نظريه بس ولا فيه تطبيق عملي بنزول مستشفيات؟؟؟
الدراسه هناك الاسبوع كله وهتحتاج التفرغ الكامل ولا هنقدر نشتغل شغل حر جنب الدبلومه؟؟
التسجيل هنا في جامعه المنصورة سمحوا ان الورق يتقدم ناقص شهاده التخرج ...طيب هناك في جامعه عين شمس والقاهره ياتري التسجيل هيفضل مفتوح لغايه لما نستلم شهاده تخرجنا في الاسبوع التاني من تمانيه ؟؟
ياريت ياجماعه اللي عندوا اي معلومه يفيدنا بيها لان الوقت ضيق جدا ولكم جزيل الشكر
الاعلان ده من جامعة عين شمش فى المرفقات
http://pharm.shams.edu.eg/
جزاكي الله كل خير يا دكتورة
السلام عليكم ورحمه الله وبركاته
ياتري يا جماعه حد فيكم سأل عن التمهيدي والماجستير ونظام الدراسه فيها وإذا كان يشترط التفرغ اثناء الدراسه او لا ؟؟؟؟؟؟؟
وياتري ايه ماستر الصيدله الاكلينكيه وهو دا ماجستير عادي عندنا في الكليه او لا؟؟
إذا كان لازم اننا نحدد القسم اللي ناويين بعد كدا نحضر فيه من قبل سنه التمهيدي وإذا كانت سنه التمهيدي بتختلف موادها من قسم لقسم تاني؟؟
مصاريف التمهيدي اد ايه؟؟؟؟؟؟
ياريت لو حد فاهم حاجه في حكايه التحضير يفهمني وشكرا ليكم
اقتباس:
المشاركة الأصلية كتبت بواسطة الحالمه
بالنسبه للتمهيدي يا جماعه او الدبلومات اخر ميعاد يوم الخميس الجاي ياريت اللي عاوز يقدم السنه دي يلحق يقدم
ثانيا التمهيدي سنه ومصاريف التقديم ليها 1200 جنيه وكل سنه بتدفع الف جنيه
مفيش حاجه اسمها ماستر صيدله اكلينكي ..فيه دبلومه بس في المجال دا
لازم تحدد القسم اللي هتلتحق بيه من البدايه لان فيه ماده تخصص عليك في التمهيدي
طب كنت عاوزه اعرف هوه كل اللي بيقدم للماجيستير بيتقبل ولا لأ ؟؟؟
اقتباس:
المشاركة الأصلية كتبت بواسطة tota_88
حسب عدد المتقدمين
لو كان عددهم اكبر من احتياجات القسم
فالأعلى فى التقدير عادة هو اللى بيتقبل
اقتباس:
بالنسبه للتمهيدي يا جماعه او الدبلومات اخر ميعاد يوم الخميس الجاي ياريت اللي عاوز يقدم السنه دي يلحق يقدم
الخميس ده اللي هوة النهاردة..
ولا الأسبوع الجاي..
ياريت حد يرد عليا بسرعة..
وهوة لازم أنا اللي أروح أقدم بنفسي..
ولا ممكن حد يقدم لي..
أعتقد الخميس ده يا دكتورة ،اقتباس:
المشاركة الأصلية كتبت بواسطة همسة عتاب
http://www.pharma-board.com/board/sh...5&postcount=14
mt-
الحمد لله على كل حال...
لو ربنا كاتب أقدم السنة دي أكيد هيسهلها..
شكراا يا دكتور على ردك..
السلام عليكم
لو سمحتم انا عايزة رد سرييييييييييييييع
غن كل معلومات دبلومة الرقابة
ايه اهميتها وفرص العمل المتاحة وهل هى افيد من باقى الدبلومات ولا اقل اهمية
وياريت اعرف ايه المواد اللى بتدرس فيها
وشكرااااااااااااااااااااااااا
هيا النتيجة بانت اصلا .لو سمحتو ا اذا حد عنده اخبار عنها يعرفنا
اقتباس:
المشاركة الأصلية كتبت بواسطة صلى على الحبيب
السؤال كان على بالى النهاردة .. و كنت هقوله للدكتور أحمد عوض .. بس نسيت خالص ..
أنا نازل تانى الحد إن شاء الله .. يا رب أفتكر أسأل .. عشان أنا مقدم فيها ..
اقتباس:
المشاركة الأصلية كتبت بواسطة dalia 2007
تسألى باسمك .. و اسم الدبلومة فى المكان اللى قدمتى فيه .. و هم هيشوفوهالك على الكمبيوتر فى أقل من دقيقة .. :)
ياريت لو سمحت حد يكون عند خبر عن نتيجة المقبولين في دبلومة كلينيكال عين شمس
شكرا فارماسيست لكن اريد ان اعرف هل توجد دبلومات تؤهل للعمل بشركات الادويه فى مجال التسويق ويا ليت لو حد يكلمنا عن الmpa و
شكراااااا