ايهما تفضل قلمك ام لسانك؟؟

http://upload.anamasry.com/files/ztb...eg7bx0pb1e.gif
ســؤااال ..؟
هل يشعر البعض منكم أنه يكتب أفضل مما يتكلم!
أو أن مواجهته للمواقف أو للناس تجعله أكثر قدرة على التعبير ..؟
أو لربما أنت تجيد الإثنين معاً....
هناك الكثيرون ممن يجيدون التعبير عن أنفسهم في الرسائل مثلاً...
ولا يجيدون ذلك عند مواجهة ما عليهم مواجهته...
وفي عالم النت فهناك الكثيرون أيضا يجيدون الكلام بالكيبورد بينما هم أنفسهم يعرفون
أنهم لا يستطيعون ذلك بنفس الجودة في مواجهة العالم الواقعي
ربما يسمّي البعض ذلك نقصا في الشخصية...أو تناقضاً فيها...
ولكن شخصياً اعتقد أنه أمر طبيعي الى حد معين...
فنحن بالكتابة نستطيع التحكم في أنفسنا وانفعالاتنا بصورة أفضل...
ونحن بالكتابة ليس هناك من يرانا...أو يراقبنا...
وربما هذا ما يجعلنا نفرغ ما بداخلنا أو نواجه مواقفنا بشكل مختلف
ويبقــــــــى السؤال
أيهمــــــــــا تفضـــل قلمك ام لســـانك ...؟
:) وانا في انتظار ردودكم :)

اممممممممممم
بصى هو عامة انا عن نفسى افضل قلمى بعبر بيه اكتر وسبحان الله هو بيعرف يكتب وبساعدنى على كده اكتر من لسانى
شكرا هنودة على موضوعك ومستنية باقى المشاركات من الاعضاء

انا عن نفسى شايفه انهم مكملين بعض بس فى الكتابه الواحد بيفكر فى الكلام اللى هيكتبه وبالتالى هيتأنى وده شىء كويس
لكن لما بيكون بيتكلم مع حد ممكن كلمه تخرج بلا رجعه وبدون تفكير
بس فى النهايه لازم نوازن بين الاستخدام للقلم واللسان مش لازم نفقد اى واحده فيهم لان احيانا يكون القلم اكثر قدره على التعبير وربما العكس
بس اكيد احنا عندنا تفاوت بين الاتنين يعنى انا مثلا الكتابه عندى احسن شويه من الاكلام
:slam:

عندك حق ياهند والله لازم الاتنين يكملوا بعض برده اصل مش ينفع نعتمد على حاجة
واحدة بس
بس مهما ان كان انا برده افضل قلمى

اقتباس:

---

المشاركة الأصلية كتبت بواسطة lamiaa

اممممممممممم
بصى هو عامة انا عن نفسى افضل قلمى بعبر بيه اكتر وسبحان الله هو بيعرف يكتب وبساعدنى على كده اكتر من لسانى
شكرا هنودة على موضوعك ومستنية باقى المشاركات من الاعضاء

---

شكرررررا على مرورك يا لمياء وعلى رأيك ومنتظرين بقيت الاعضاء
وانا برده زيك بس شويه

أنا أفضل الكلام المباشر بس اللى يكون قليل"علشان الغلطات" و يوصل المعنى

أعتقد إني أفضل الاتنين

إنني أفضل قلمي لأنه يشاركني كل أحوالي سواء خير أو شر بس للتعبير مع نفسي وسعات مع الناس وطبعاً الكلام مباشرة مهم وغالباً هو ده اللي بنعبر عنه أثناء تعاملتنا مع الناس

انا عن نفسى بفضل لساااااااااانى فى التعامل مع النااااااااااس لانه قد يعجز القلم ان يعبر مثلما يعبر اللسان

ولكن قلمى يظل لغة حواااااااااار خاصة لى مع نفسى وليس مع الاخرين

يا جماعة الاتنين بيكملوا بعض طبعا وما تنسوش ان الانسان اتكلم وعبر عن رايه بالكلام قبا ما يعرف الكتابة

بجد حضرتك طرحتى سؤال جميل يا د / هند
وزى م حضرتك قولتى ان القلم واللسان مكملين لبعض ... انا اتفق معاكى

واتفق برضو مع سماحه وهوه بيقول

اقتباس:

---

لانه قد يعجز القلم ان يعبر مثلما يعبر اللسان

---

ولكن انا شايف ان هوه تبع مهاره الإنسان ده فى التعامل بأنه ممكن يتعامل بقلمه يعنى يكون

بيأثر على الناس بكتاباته اكتر من كلامه ... ودى فى الأول والأخر مهاره


وميرسى على الموضوع


:)

جزاكم الله خيرا على المرور واراكم واعتقد ان كل وسيله لها وقتها اللى بنستخدمها فيه
يعنى مثلا لما تكون بتتكلم مع حد وجها لوجه لازم تعبر بلسانك حتى لو كنت تجيد التعبير بالقلم
وكمان لو بتكتب يبقى لازم توصل كل ما يدور ف ذهنك با لكتابه
بس نرجع ونقول دى برده مهارات عند الاشخاص وتختلف من شخص لشخص
ومشكوووووووووووورين ع المرور:slam:

انا عن نفسى ان القلم بالنسبه لى افضل من الكلام بكثيييييييير
وعلى فكره حكايه الربط بين القلم والكلام فكره كويسه جدا
وشكرا يا DR|Hanoda

افضل القلم مع من لا أعرفهم عشان بتحكم فى انفعالى رغم انى نادرا لما انفعل

لكن بحب اتكلم مع اصحابى (اللسان)

قلمى طبعا
لان الانسان احيانا مبيعرفش يعبرعن اللى جواه باللسان
غير كده اللى بكتبه دايما بيبقى عن اقتناع ........
لكن اللى لسانى ينطقه ممكن يبقى نتيجة تسرع لغضب او تعصب
يخلينى اندم بعدين:rec:

لو حوار ومناقشه بيبقى لسانى .. لكن لو تعبير عن النفس يبقى قلمى ..

انا بفضل لسانى طبعا عشان الكلام المباشر مؤثر اكتر وبيدخل القلب علطول
شكرا يا هنودتى انتى فين من زمان؟

مشكورييييييييييييين جميعا على مروكم وردودكم
وانا هنا اهوه يا سمسمتى انتى عارفه بقى الواحد بيبقى راجع من المصيف مهدود والبرد بقى شغال
وميرسى على سؤالك:)