عرض للطباعة
السلام عليكم يا شباب , كنت عايزة اخد رايكم فى الغش فى الامتحانات...ليه الطلبه بيعملوا كده؟ لفقدان الهدف؟ أم لعدم توفر فرص عمل علشان كده المذاكره مش مهمة و بالتالى يصبح الغش حاجة طبيعية؟ أم ان درجة التزام أى واحد جزء من شخصيته مهما كانت ظروفه؟ على فكرة الغش بيحصل من أول اعدادى لحد رابعة بس الحمد لله الغالبيه ملتزمين يعنى و أنا براقب اللجنة كلها ملتزمين ماعدا واحد أو اتنين مش مضبوطين ...................يا ترى ليه؟؟
وعليكم السلام ورحمه الله وبركاته...منوره حضرتك في المنتدى..لولا الامتحانات كنا فرشنا الارض رمل..مع انه اعتقد انه غلا كمان مع الاسمنت والحديد وخلافه...مش موضوعنا....نمسك نقطه نقطه
لفقدان الهدف؟
ماهو بيغش ليه...علشان هدفه ينجح..يعني هدفه النجاح..سيبك بقى من الهدف الي بعد النجاح لان نظرته بتبقى قصيره..زي المجرم..بيفكر في جريمته..لكن مش بيفكر في العقاب بعدين
فرص العمل؟
اعتقد اننا الحمدلله المهنه الوحيده الي مش فيها عاطلين..والشغل متوفر وكتير..بس بيفرق في الراتب والمكان وخلافه
الالتزام؟
ده قضيه كبيره..تتضمن انك اصلا مفترض ملتزم انك تزاكر...انك ترمي الزباله في مكانها..ترعي الدكاتره...حجاااات كتير..مبدا..ضمير..يعني منهج حياه
والغش بيبقى طبع او زي ماتقول حسب مااتعود..يعني اكيد بيبقى غش في ثانوي ويامكتر الغش فيه وخلافه يعني
بس احب اضيف ان كليتنا تعتبر من اقل الكليات في الغش..يعني قليل جدا لو حد غش..ده في النظري..مش هتكلم على امتحان الشيتات او العملي..لان الغش بيبقى نسبته اعلى من النظري بكتييير...وده بيبقى نتيجه تقصير او اهمال وبالتالي بيلجأ للحل السهل في نظره وهو الغش..في محاوله لتحصيل مايمكن تحصيله والخروج باقل الخساير..بالاضافه انه عايز ينجح وبس.اي طريقه اي وسيله المهم يخلص..وممكن بيشجعه على كده انه يقول الحياه العمليه غير النظريه وبالتالي يلزمني النجاح وبس
ودمتم شاكرين غانيمvcool:
شكرا يا ريان على مرورك ........أنا فعلا عايزة أعرف لو فى أى أسباب تانية ؟ و عايزين نوصل مع بعض للحل ...مع السلامة
بسم الله الرحمن الرحيم
اولا الانسان اللى بيغش - عامة - بيكون عنده نقص ما فى اى حاجة
فى ضميره .... فى شخصيته ... أو فى حالتنا دى فى مذاكرته
دايما اللى بيحصل ان نسبة كبيرة جدا من الطلبة - احيانا انا كمان - بيغشوا فى امتحانات الشيتات و العملى
و ده غالبا بيرجع لعدم المذاكرة نتيجة لضيق الوقت او لتداخل المواد مع ان ده مش عذر يبرر الغش
انما فى امتحانات النظرى نادرا جدا جدا لما الواحد يفكر لمجرد التفكير انه يغش
لانه مش هيلاقى حد يغششه الا اذا كانو متفقين على حاجة معينة
و جزاكم الله خيرا
حقيقة تقال .. لم أشاهد اى حالة غش واحده فى الامتحانات التحريريه فى الكلية منذ ان دخلتها ..
قال رسولنا (ص): من غشنا فليسمنا
طبعا كلنا حافظين الحديث ده وبرضه مفيش فايدة المهم الغش ممكن يؤدي إلى نجاح بس مش تفوق حتى لو تفوق هيبقى فاشل في حياته المستقبلية وأكيد عنده ضعف في شخصيته لأنه بيعرض نفسه للإهانة سواء من المراقب أو أمام نفسه
ده ممكن يبقى بسبب:
1.نقص المذاكرة زي ما الدكتور أنس قال
2.انه بيستسهل أو بيكسل يفتكر أوحتى يفكر ويكتب كل اللي عنده بس أصلا الوقت مبيكفيش نحل كل الأسئلة وعلشان ايه نعرض كرامتنا للإهانة؟؟؟
3.الغريبة إنه ممكن يغش علشان يعطل زميله
4.ممكن كمان علشان يتأكد من اجابته ودي قمة الأنانية
أولا:أحب أشكرك يا دكتور على الموضوع ده:co:
ثانيا:الحمد لله ان كلية صيدلة والحمد لله تقريبا مفهاش غش "ده اللى أنا شايفه وبسمعه"
أما الطالب اللى بيغش:mad: فده لأسباب كتيره منها
عيب فى التربيه
أو عدم الثقة بالنفس
أو حتى انعدام الهدف" طبعا النجاح فى الامتحان ميعتبرش هدف"
وشكررررررررررررررا:hi:
i think this topic is interesting and iam with you in every thing you had said
زي ما الدكاترة قالوا .. الضمير بيكون فيه مشكلة ..
الانسان اللي ضميره حي مش ممكن يغش , و لو أخطأ بأي شكل سواء غش أو غيره ضميره بيقتله من الحزن
أصعب حاجة و الله في الدنيا عذاب الضمير .. الضمير دة صوت جوانا و هو اللي بيوجهنا .. لو خالفناه ممكن الواحد يحتقر نفسه و يكرهها ..
بس عشان الضمير يكون عادل لازم احنا اللي نربيه , و نعلمه ان دة حرام و ان دة عيب .. عشان هو اللي بعد كدة هيحمينا من شر نفسنا ..
ايه ده هو فى غش ف صيدله
اول مره اسمع عن الحكايه دى والله:fop9:
اولا الموضوع مثير للنقاش وبشكرك على طرحه
ثانيا انا اعتقدان الغش بيبقى
عاده وتعود فمن سمحت له نفسه وسمح له ضميره بكده
فهيتكرر سواء فى الكليه او غيرها
ممكن تكون قلة مذاكره فى اول مره بس قدام الشخص
اتجرأ عليها لمره حتى لو غصب عنه
فهيعتقد الموضوع سهل ..واسهل من المذاكره
بصراحة يا دكتور أنا عمرى ما أتخيل إن يكون فى غش فى صيدلة ... صحيح سمعت فى كليات تانية كتير زى تجارة و حقوق .. و حتى هندسة .. لكن أول مرة أسمع صيدلة دى .. غير عشان مكنش كداب واحد من بلدنا من كذا سنة .. و قفشوه و خد فيها سنتين .. و دلوقتى إتخرج و بيشتغل و ربنا كرمه .
لكن ده ميمنعش فعلا إنه ممكن يكون موجود .. لكن هقول لحضرتك حاجة .. التربية السليمة هى البذرة .. و المجتمع هو التربة .. و الظروف هى التضاريس .
بمعنى إن كل الحاجات دى مهمة فى تربية شخصية الإنسان .. و الدين أساسى و جزء لا يتجزأ من حياتنا الشخصية و العامة .. لكن معظم الحاجات اللى بناخدها و اللى بنعرفها .. كتير منا مش بياخدها بمحمل الجد .. و كأنه لا اتعلم .. و لا شاف .. و لا سمع .. و لا حتى قرأ
أقصد إن زمان فى الابتدائى .. أذكر درس كنا خدناه عن عمر بن الخطاب و بائعة اللبن و خدنا فيه " من غشنا فليس منا " أى مش من المسلمين .. لكن ما فى حد من اللى بيغش بفتكرها ..
يعنى الناس شايفة إن معصية الله دى شىء عادى جدا .. و مش بيتكسفوا منها .. و ده اللى بنواجهه يوميا فى مجتمعنا .. بسبب غياب التربية السليمة و الإعلام الهادف .. و مع تواجد النت و الدش و اللذى منه بقى كل شىء بالنسبالنا عادى
زى ما شبهت لحضرتك قبل كده الحالة دى بالزرع .. ميقدرش ينمو إلا فى التربة الخصبة الى بتساعده على كده .. يعنى فات الميعاد إنك تقدر تعالج مشكلة بعينها فى مجتمعنا .. لا زم تعالج المجتمع ككل أولا .. و بعد كده تتدور ع الإعلام الموجه .
لما تلاقى واحد مش بيصلى و يقولك أنا مسلم .. و لما تلاقى واحدة ماشية فى الشارع و يكاد نصف جسمها عارى و تقولك أنا مسلمة .. يبقى أكيد الناس لازم تغش و تقول إحنا مسلمين .. إلا من رحم ربى
المشكلة إنها إتأصلت فى مجتمعنا .. و عشان نشيلها .. حاجتين ... "تركت فيكم ما إن تمسكتم به لن تضلوا بعدى أبدا .. كتاب الله و سنتى " صدقت يا حبيبى يا رسول الله
يا ريت الناس تفكر شوية فى اللى هى بتعملوا .. عشان يقدروا يتحمللوا العاقبة بعد كده
و ختاما .. كل سنة و إنتوا طيبين .. و يعود علينا رمضان و إنتوا و إحنا بالصحة و السلامة .. و يتقبل منا منكم
http://www5.0zz0.com/2008/08/31/13/726551465.gif
====================================
http://img177.imageshack.us/img177/5990/logo2pb1.jpg
Gohary
موضوع مهم فعلا يادكتوره وبشكر حضرتك على طرحه واما عن وجهه نظري فانا شايفه ان السبب الرئيسي في الغش هو غياب الوازع الديني لان الطالب فعلا لو متخلق بخلق الاسلام عمره ماهيقبل على نفسه انه يغش وياخد درجه او حتى نص درجه مش من حقه وعلى فكره انا مره سمعت فتوى في التلفزيون عن الغش ورعبتني وكان مضمونها ان اللي بينجح بالغش (حاجه حرام طبعا) ويشتغل بعد كده ويجيب فلوس بناء على الشهاده اللي هو حاصل عليها بالغش دي تبقى فلوسه حرام ولو اكل ولاده منها يبقى بياكلهم من حرام يعني المساله خطيره جدا ومهياش سهله خصوصا اذا تذكرنا حديث المصطفى صلى الله عليه وسلم اللي بيقول فيما معناه (كل جسم نبت من سحت فالنار اولى به)والسحت هو المال الحرام دي نقطه تاني نقطه بقى هي غياب القيم واخلاقيات المجتمع يعني دلوقتي الاهل هما اللي بيشجعوا اولادهم ويعينوهم على الغش زي ماسمعنا في مهزله تسريب امتحانات الثانويه العامه ان الاهالي بتدفع فلوس للمدرسين علشان الاولاد يدخلوا يغشوا بالموبايلات ويكلموا بعض اضافه بقى لحكايه الوسايط والقرايب وهنكلملك معيد في الكليه كان زميل اخوك علشان يوصي عليك في امتحان العملي وياخد باله منك يعني الكلام اللي تقريبا محدش فينا مسمعهوش ده غير طبعا نظره المجتمع للطالب اللي بيعرف يغش على انه فهلوي وفكيك وولد مفيش منه اتنين على حين الانسان الملتزم بمبادؤه يهاجم ويقابل بالسخريه ويتقاله متبقاش حنبلي قوي كده فكها حبتين ماكل الناس بتعمل كده وللاسف انه ممكن يسمع الكلام ده من اقرب الاقربين ليه بباه او مامته اوحد من عيلته
ناهيك طبعا عن تريقه الصحاب ودي حاجه تانيه خالص انا مره كنت بتكلم مع بابا في حكايه الغش دي قلي زمان ايامينا في ابتدائي واعدادي الطالب اللي كان يتمسك وهو بيغش كان اول عقوبه ليه قبل مايقوله المدرس انت محروم من الامتحان او هتاخد صفر او اي حاجه يقوله انا هقول لباباك وطبعا دي كانت بتبقى اسوا حاجه ممكن التلميذ يتعرضلها لانها زي وصمه عار كده عليه قدام عيلته وكمان وصمه عار على العيله قدام المدرسين في المدرسه هي دي القيم اللي طلعت ناس متعلمه بجد اما دلوقتي في الزمن الذي اندثرت فيه هذه القيم والاخلاقيات كانت النتيجه جيل مشوه يعني طالب في ثانويه عامه مش بيعرف يكتب اسمه صح !!!!!!!!!!!!
بشكرك يادكتوره على اتاحه الفرصه ليا لعرض وجهه نظري واسفه اذا كنت طولت بس الموضوع بجد من الافات اللي انتشرت في المجتمع بشكل فظيع ولازم لها فعلا وقفه ولعل الراي ده يغير من فكر انسان او على الاقل يخليه يعيد النظر في اللي فات تقبلي مروري وخالص شكري وتقديري
===========================================
http://img177.imageshack.us/img177/5990/logo2pb1.jpg
Gohary
انا عمرى ما شفت غش فى النظرى
عملى شتات ممكن
وانا لا احب اغش لان اولا الرسول عليه الصلاة والسلام قال:من غشنا فليس منا
ثانيا احساسى انك بتسرررق من طبق صاحبك وهو شايفك وهو على اخره بس خايف على زعلك
احساس بالمهانه لنفسك بجد
ولا احب اغشش
لان لو ده صاحبى وخايف على زعله فاولى ان اخاف عليه نفسه عشان ما سهمش فى جزء فى شخخصيته ويخلى مستقبله مبنى على غش وما هو مبنى على باطل فهو باطل
اما لو كان مجرد زميل فعشان بلدى مصر ليه اشارك فى جريمه زى ديه ليه ابنى شخص غشاش ممكن يغشك فى اكل او دوا يوصل ليك او اسرتك بعد كده متساعدوش انشالله يسقط هيذاكر السنه اللى بعدها لو قل تقديره عيعوض بجد
لان الانسان اللى بيغش فى حرف قدامك هيغش بعد كده فى اى حاجه من وراك ومن ورا الناس
يارب اللهم ابعدنا عن اللى بيغشوا واللى بيغششوا
ويارب اكون وصلت راى باسلوبى ديه ليكم
والسلام عليكم ورحمة الله وبركاته