اقتباس:
المشاركة الأصلية كتبت بواسطة DR.BIBO
تعرف حضرتك يا دكتور رامى فى ناس كتير من الشهود العيان قالو ان معظم الناس اللى كانت هناك كانو بلطجيه وان مكانش فى هناك حد من التيار السلفى بس للاسف ده برده مش فى صالح التيار السلفى لانهم طالبو بمطالب شايفينها صح من وجهة نظرهم فى الوقت الغلط
أتفق مع حضرتك في المبدأ ده تماما
لكن إسقاط الكلام ده على الواقع اللي حاصل حاليا مش مضبوط من وجهة نظري
اقتباس:
وفى فيديوهات لشيوخ متعصبين منهم قالو لو مرجعتش كاميليا هنقتحم الاديرة وفى حاجات كتير من هذا القبيل حصلت من الطرفين فى وقت البلد فيه مش مستحمله والاقتصاد واقع وفى اعتصامات واضرابات والمصانع بتقفل جه حد من بره واستغل اللى حصل وراح ضرب النار صحيح التيار السلفى ملوش علاقة بالموضوع ( ده اللى فهمته لحد دلوقتى )
الدولة بتاعتنا دولة قانون
ومافيش إنسان يقر بهذا الكلام وأيا كان قائله فهو قوله الشخصي ولا يعبر به عن إلا عن فهمه القليل
من امتى أي حد أخد المنهج السلفي منهج له وكان بيكسر أو يقتحم أو يحرق أو يهدم مهما كانت الظروف ؟
أي حد عمل كدة وإن كان بيدعي النسب للمنهج ده فأكيد تصرفه فردي ويعبر عن جهله هو فقط
والإسلام بريء تماما من مثل هذه التصرفات
وإلا ليه احنا بنزعل لما واحد مسلم يسرق في ألمانيا مثلا ويطلعوا في الصحف يقولوا شوفوا المسلمين بيسرقوا !
المنهج واضح ومعروف للجميع وكل أهل العلم بيصرحوا بيه ليلا ونهارا في الدروس والخطب والندوات وعلى الفضائيات
زي بالضبط لما واحد مسيحي يغلط ، هل من العدل والإنصاف إني أعمم الغلط على الجميع ؟
كل إنسان يتحمل غلطه الشخصي ولا يعبر بطبيعة الحال عن عقيدة أو منهج أو جماعة أو حزب
اقتباس:
بس الاخطاء اللى عملها فى الوقت الغلط خلت الناس تصدق عليهم اى حاجة لانهم عملو زى الشاب اللى كل يوم يجى يقول انا بغرق انا بغرق ويطلع مبيغرقش فى يوم ما هيغرق بجد محدش هيصدقه
أي أخطاء ؟
اقتباس:
وفى سؤال اخير فى ناس كتير دلوقتى بيتكلمو عن فقه الاولويات ياترى انهى اولى لمصر دلوقتى واحده تزيد فى الاسلام ونخسر البلد ولا العكس وبيتهيالى ان لو حد مسلم فعلا ربنا هيجازيه على نيته ونحافظ على البلد
حضرتك اسمعي كلام وزير الداخلية بتدقيق وهيتضح منه معاني تانية
الوزير أقر في كلامه وتقريره إن زوج البنت المسلمة ماكنش يعرف مكانها
( هل كانت في نزهة مثلا ؟ ولا كانت بتتسوق ؟ )
واستطاعت إنها تتصل بجوزها وتبلغها بمكانها عشان ياخدها
( هل الراجل يقول فقه الأولويات ويسيب مراته ؟ )
الراجل راح لمسجد ( يقال إنه تابع للسلفيين ) وقالهم القصة
( هل هما راحوا واخدين المسدسات والآلي والأربي جي وراحوا يولعوا المنطقة كلها ؟؟ )
راحوا لمديرية الأمن وانتقل معاهم الحكمندار " على حد تعبير الوزير "
وراحوا بقوة من مديرية الأمن عشان يدخلوا يحلوا الموضوع
ساعتها بدأ ضرب النار وبدأت المشكلة زي ما وضح الوزير وزي ما كل شهود العيان على معظم القنوات والصحف وضحوا اللي حصل بالضبط
وإن معظم اللي كانوا موجودين كانوا ناس عاديين من عموم أهالي المنطقة
اللهم آمين :)
