عرض للطباعة
السلام عليكم ورحمة الله وبركاته
-----------------------------------
هدخل فى الموضوع علطول واحب اشوف فعلا مشاركاتكم و أرائكم ...
ليه يا جماعة بقى الحوار بين البنات و الاولاد بلا حدود وبلا داع ؟!
ليه معدش فيه حياء ؟
ولا خدود بتحمر ولا النظرفى الارض من الخجل ؟!
ليه معدش فيه احترام فى التعامل ؟؟
وياترى السبب من البنت ولا الولد ؟
فكرتيني بموضوع كنت عملته من فتره
و الحمد لله كان في تفاعل من الاعضاء و اعتقد ان في ناس كتير منهم الوقتي بقت الامور اكثر وضوحا بالنسبالهم عن وقتها
http://www.pharma-board.com/board/showthread.php?t=9743
ربنا يوفقك و رسالتك تلقي اذان صاغيه:fop (29):
نقدر نقول تساهل من البنت في البدايةاقتباس:
ليه يا جماعة بقى الحوار بين البنات و الاولاد بلا حدود وبلا داع ؟!
ان تسمح لاي حد يكلمها في اي حاجة
مش عملت حدود لنفسها تجبر اللي قدامها على الالتزام بيها
هو انعدام الحياء ظاهر في كده بس؟؟؟؟؟؟؟!!!!!!!!!!اقتباس:
ليه معدش فيه حياء ؟
ده انا والله ببقا مكسوفة وانا ماشية في الجامعة او الكلية وبشوف مناظر بتكسف من اني شوفتها
مش عارفة والله ازاي بيقبلوا على نفسهم كده
:fop (17)::fop (17)::fop (17)::fop (17)::fop (17):اقتباس:
ولا خدود بتحمر ولا النظرفى الارض من الخجل ؟!
عشان ما بقاش فيه حدوداقتباس:
ليه معدش فيه احترام فى التعامل ؟؟
ضاعت المعاني والمفاهيم في ظل مواكبة زائفة لظروف مصتنعة
السبب الرئيسي من وجهة نظر البنتاقتباس:
وياترى السبب من البنت ولا الولد ؟
هي لو ردت على اللي قدامها في نطاق السؤال والاجابة تكون كلمة ونص - مع عدم الخضوع في القول طبعآ -
والاحتفاظ بالالقاب وعدم التساهل فيها وتعرف تحدد معنى كل علاقة اجتماعية وحدودها ايه مش هيكون فيه المناظر اللي بنتأذى منها دي
ومش هعفي الولد من المسئولية افرض ان اختك في الله غلطت او تساهلت او نقول - تجاوزآ - مش عاوزة تحرجك في الكلام
تقبل انت ان اختك يبقا حد بيكلمها بالطريقة دي؟
او ان زوجتك اللي في علم الغيب تكون بتتعامل مع الناس بطريقتك؟
لازم نتذكر انه كما تدين تدان
السلام عليكم
اولا اشكرك جدا على الموضوع الجميل ده
من وجهة نظرى ان المسؤل الرئيسى
فيما يحدث هو البيت والاسرة والتربية .
المفروض ان البيت دايما فى نصايح مع البنت والولد
وخصوصا مع بداية المرحلة الجامعيه
طبيعى ان يكون فيه تعامل لانها جامعه تجمع الجنسين
بس يكون فى الحدود وبصراحة يجماعة احنا عندنا
فى كلية الصيدلة بحس بالتزام بين الطلبة فى التعامل
على عكس الكليات الاخرى
بس انا برده بقول لكل بنت انتى المسؤلة
عن طريقة تعامل اى شخص لكى
بس ما انكرش برده ان فيه طلبه ..... بيحبو يستظرفو
او مثلا واخدها تهريج .... هههه طبعا ده بيبان
والبنت هنا ملهاش ذنب .
ربنا يهدينا جميعا لما فيه الخير
طبعـا الغلـط على البنت فى المقـام الاول
احيـانا الاسـرة بتعلـم وبتـربى بس البنت بتخرج لجو الجـامعة شـايفه الاختلاط بتتعرف على بنات قدرا ممكن يكونو مش كويسين
مع انها فى البداية كانت كويسة ودا شفته بعينى تغيير 360 درجة اول ما دخلو الجامعـة
ثـانيـا الولد بقـى مفروض يسأل نفسه السؤال المشهور اللى دايما يعمل عكسه
الا وهو ترضى لاختك تقف مع واحد وتهزر ويبقو اصحاب او حتى بينهم علاقة مش معروف مصيرها ايه
وطبعـا بيكون الرد الشهير اصلى واثق من نفسى بس مش هبقى واثق فى اى حد تانى
وطبعـا دا غلط لان المبـدأ نفسه مرفوووض
بس فى النهـاية البنت اللى بتدفع كل دا ازااى ؟؟
اولا لو حد شافهاا واقفه هيزيد الكلام ويتنقل ويطلع عليها انها مش مؤدبة
ثانيا فرضا الولد اتسلى بيها وسابها هتتعب نفسيا
ثالثا لو ارتبط بيها رسمى هيفضل حاطط ف دماغه انها عرفته من ورا اهلها وخانتهم يعنى هيفقد الثقة فيها
ودى حاجات بسمع عنها كتير
يبقـى ليه يحصـل كل داا لمـا ممكن ان كل بنت تحافظ على نفسهـا وعلى قلبهـا
ليه تدخل حد من الشباك لما ممكن يدخل من الباب
-----
اخيرا ليه انا برغى كتير فى الكلام لما ممكن اقول سلام ^^
تسلمى على الموضوع اللى بجد ممكن يغير فكر اى بنت وتلتزم بالصح ان شاء الله
جزاكم الله خيرا
ايوة طبعا البيت له دور كبير جدا زي ما حضرتك بتقولياقتباس:
من وجهة نظرى ان المسؤل الرئيسى
فيما يحدث هو البيت والاسرة والتربية .
وكمان البنت لها دور وهي وقفتها مع نفسها وثقتها بنفسها
البيت مش هيقعد يقول للبنت لو حصل كذا .....اعملي كذا
انا اعتقد ان البيت بيكون شخصية البنت وبعد سن 14 سنة البيت مش بيكون قادر انه يغير حاجة من شخصية البنت
البنت هي اللي لازم تغير نفسها بنفسها
كل انسان فيه حاجات غلط لكن المفروض يتغلب عليها
انا عن نفسي كانت فيه حاجات مضيقاني في نفسي وعايزة اغيرها ومكنشي البيت لو قعد سنة هيقدر يغيرها
لكن صممت انها تتغير ومش اتحققت الا لما اخدت الموضوع بجد ودعيت ربنا بصدق _لازم الدعاء .........اسأل مجرب:fopl00l: _
وفعلا الحمد لله كل انسان يقدر يغير حياته تماما حتي لو كانت البيئة اللي عاش فيها مليئة بالسلبيات لكن
اهم حاجة......... اللجوء لله والثقة الشديدة جدا بالنفس والصحبة اللي تعين الواحد علي الخير
طبعا الغلطان هي البنت والولداقتباس:
طبعـا الغلـط على البنت فى المقـام الاول
ربنا هو اللي بيحاسب ...........وهو هيحاسب الاتنين مش هيحاسب البنت بس
اقتباس:
اولا لو حد شافهاا واقفه هيزيد الكلام ويتنقل ويطلع عليها انها مش مؤدبة
لو الواحد اخد في اعتباره كلام الناس ورضاهم مش هيخلص
يا ما الناس اتهمت الشرفاء ..........ورحمت المجرمين
واخيرا
جزاكم الله خيرا علي الموضوع الرائع
لكن انا شايفة المسئول هنا هو التربية عند الصغر _زي ما أ/موظفة طموحة قالت_ وتكوين شخصية للطفل واحترامها في نفس الوقت من قبل الابوين مش تجاهلها
وبذلك تنشأ ثقة الفرد بنفسه ويكبر علي هذه الشخصية
وساعتها يبقي هو المسئول الاول والاخير عن افعاله مش يلوم البيت او الزمن
اسفة جدا علي الاطالة
وتقبلوا مروري
طيب كويس انى مش انا بس اللى واخد بالى خصوصا الفتره بتاع الاتحاد الاخيره دى
الموضوع كان مستفز كنت بدات اكره الكليه بس لسه فى ناس محترمه
ربنا يهدينا جميعا يااااااااااااااااااااااارب
-----
[QUOTE]
اقتباس:
ليه يا جماعة بقى الحوار بين البنات و الاولاد بلا حدود وبلا داع ؟!
ليه معدش فيه حياء ؟
ولا خدود بتحمر ولا النظرفى الارض من الخجل ؟!
ليه معدش فيه احترام فى التعامل ؟؟
وياترى السبب من البنت ولا الولد ؟
اكيد السبب هو البجاحة من الطرفين:fop (29):
المفروض فعلا البيت يكون ليه دور اكبر من كدهاقتباس:
وخصوصا مع بداية المرحلة الجامعيه
مينفعش ابدا المناظر اللى بقت فى الشوارع
والانهيار اللى بقى موجود من طلبة لسه فى المرحلة الاعدادية:290:
اقتباس:
المشاركة الأصلية كتبت بواسطة dr.AMMD
ودااا اللى انا اقصده ممكن البيت يعمل اللى يقدر عليه ويربى صح وكل حاجة بس البنت ممكن متكونشى مقتنعة او بتسمع ومش بتنفذ ودا مش فى كل الحالات
تيجى البنت لما تخرج لحياة الجامعة مفروض تطبق اللى اتعلمته مايحصلش
لكن دا مايلغيش برده دور البيت اللى لازم يتابع البنت ويتابع سلوكهاا ويشوف اصحابها ودور الام انها تتكلم مع بنتها بصدر رحب مش تخويف وعقاب بالذات فى مرحلة الجامعة
اقتباس:
المشاركة الأصلية كتبت بواسطة dr.AMMD
اكيـد طبعـا ربنـا هيحاسب الاتنين نفـس الحساب
لكن احنا بنقول مين ابتدى بالغلط ,الولد لو فرضا هوا اللى راح وكلمها
طيب مين سمح للغلط انه يحصل ويتفتح له سكة هى البنت يعنى كان بإيدها تمنعه لكن دا ماحصلش
يبقى هى اللى فى ايدها كل حاجة لانه مش هيجبرهاااا تكلمه يبقى إذن هى اللى عليها الغلط فى الاساس ... وصلت ؟؟
اقتباس:
المشاركة الأصلية كتبت بواسطة dr.AMMD
يـادكتور فى حـاجة اسمهـا سمعـة البنت
لمـا واحـد يعوز يخطب بنت مش بيروح يسأل عنهـا النـاس وبياخد كلام الناس وحكمهم عليهـا فى عين الاعتبـار
ومعروف البنت لو حد شافهـا مع واحد تبقى اجرمـت لكن الولد عااااادى يعمل اللى هو عايزه
ودا غلط لان كده فيه تشجيع للولـد
بصراحه معنديش الرد على اسئلتك بس محبتش اخرج بدون تعليق
انا كل علاقتى بالكليه ان احضر السكاشن وبعض المحاضرات (ده يعنى لو حضرت:fopl00l: )
كل اصحابي فى الكليه بنات... اصل الولاد فى دفعتنا انقرضت :smo
الحمد لله انا دخلت الكلية وهاخرج منها ان شاء الله وعمرى ما كلمت ولد
انا معاكي يا د.هند
ان للبنت سمعتها ......طبعا لا جدل في ذلك
لكن الغلط علي الاتنين البنت والولد من حيث كلمة غلط وحرام
لكن ممكن نقول ان البنت هي اللي بتضع حدود للكلام
ولو هي شالت الحدود دي تبقي هي اللي غلطانة طبعا وهي تتحمل نتيجة افعالها مش حد تاني
وفعلا انا لاحظت تجاوزات كتيرة اوي في انتخابات الاتحاد الاخيرة للاسف
بس برده محدش بيكلم التاني الا لو كانوا الاتنين قابلين لذلك
وانا شايفة ان اي بنت تقدر تضع لنفسها حدودها وبذلك تجبر الاخر علي احترامها والالتزام بالحدود دي
واخيرا حفظ الله بنات وشباب مصر والمسلمين
لسه يادكتوره الحمد لله الحياء الموجود:fop (29):
ماتحكميش على الناس من قله موجوده ومش تعتبري القله دي قاعده
موضوع حلو ومهم
عجبتنى ردودكم جدا ومتفقه معاكم
وخاصه دور البيت
البيت له الدور الرئيسى طبعا لو ان البنات والولاد اتربوا صح مش هنشوف المهازل الى بنشوفها دى
والله مناظر مقززه ..وطبعا الجامعه لها النصيب الاكبر :fop7:
فيه بعض الامهات بتلوم بناتها لو مش اتكلموا مع الولاد بحجه انها تجيبلها عريس ولا حاجه
وهما مش بيكونوا قصدهم انهم يربوا ولادهم غلط بس يمكن يكون ده بسبب العنوسه
بس مهما كانت الاسباب متفعش ابدا التربيه دى
لو جينا نشوف الغلط انا من رايى ان الغلط على البنت والولد... بس البنت بنسبه 90%
هى الى فـ ايدها تكلمه او لا
بمعنى لو ان البنت لبسها محترم واخلاقها كويسه مفيش حد هيحاول انه يتكلم معاها
ولو افترضنا انه اخلاقه مش تمام وحاول مثلا انه يتعرف عليها او كده
هنا البنت معلهاش غلط بس تصرفها الى هيحكم عليها
يعنى المفروض انها تصده ومش تديله فرصه
هو لما هيلاقى منها المعامله دى هيتجنبها
ولو انه بقى معدوم الاخلاق خالص وحاول تانى يضايقها المفروض انها متضعفش وتصمم اكتر ومش تديله اى فرصه
هنا بقى هيزهق ويشوف غيرها
يعنى عايزه اقول ان مفيش بنت بتكلم ولد وتقف معاه غصب عنها لو هى مش تكلمه مش هتتكلم
اكيد يعنى هو مش هيجبرها ..المفروض انها تاخد موقف حازم ومتضعفش ابدا ادام كلمه واحده من كلامهم
مش معنى كده ان البنات شياطين والولاد ملايكه بصراحه بعض الشباب بقى فظيع اوى
معتش لا اخلاق ولا قيم ولا مبادئ ولا ...ولا ...ولا..الخ...
بس طبعا دا مايمعنش ان فيه شباب كويس اوى ومتربى كويس واخلاقه عاليه ......ربنا يكتر منهم يارب
وبردو البنات منهم ملتزمات كتيــــــــــــــــر اوى والحمد لله انا ملاحظه ان الالتزام بيزيد عند بنات كتير ربنا يجعلنا منهم يارب
ربنا يحفظنا جميعااا
جزاكم الله خيرا
واسفه اوى ع الاطاله
من الاخر واللى انا شيفاه ان البنت هى اللى فى ايدها كل شى
وهى اللى فى ايدها الاختيار فى انها تكون جوهره غاليه مش اى حد يمتلكها
او انها تكون سلعه رخيصه متاحه لاى حد
اسفه لو كلامى قاسى شويه بس انا والله بزعل على البنات اللى مش عارفين الصح فين والاسلام والدين بيفرضوا عليها ايه.
الاسلام كرم المراه وجعلها ملكه متوجه فليه اى بنت ترضى على نفسها انها تكون اقل من كده؟
وربنا يهدى الجميع...