اضحي ب 8 صفحات مطالب -- من اجل اقاله العميده ؟!

السلام عليكم ورحمه الله وبركاته

طبعا من عنوان الموضوع

واحب انوه قبل مكتب ,, اللي هكبته دا مش رأيي انا بس

دا رأي كتير من زمايلنا اللي فكروا زيي

-***********-

في ناس بيقولوا عليا انا واصحابي من الثوره المضاده :):)

بقولهم (( شكرا سيدي المواطن ))

-*********************-

كلامي يا شباب عن ليه مطلوب مننا اننا نضحي ب 8 ورقات مطالب وحقوق لينا مقابل نتمسك بطلب واحد وهو اقاله العميده

الكليه عملتني ان كل حاجه وليها ميكانيزم

لما شباب الثوره خرجوا يوم 25 ينظاهروا وحانا كنا قاعدين نزاكر .. مخرجوش علشان يقيلوا رئيس شركه قابضه ,, ولا محافظ ولا رئيس تحرير

لا دول خرجوا لاقاله رئيس الجمهوريه

طب ليه نشتغل بالعكس

طب ليه منركزش في اقاله رئيس الجامعه الاول وبعد كدا نتكلم في اقاله العميده

اغلب الناس بتتفق علي حسن خلق الاداره وحسن معاملتهم وانهم مش مختلفين مع شخصهم ولكن مختلفين مع الطريقه اللي جم بيها

طيب طالما الموضوع مش شخصي ,, نشيل رئيس الجامعهة الاول اللي بدوره هو اللي هيجيب العميد الجديد

ونركز احنا في 8 ورقات مطالب وحقوق لينا

بدأنا بالفعل نشوف حجات منها كتير بتتحقق

واخره طبعا الدكتوره دينا والدكتوره منار يعتذروا عن التدريس للفرقه الثالثه

يعني احنا ماشيين صح مش ماشيين غلط

خرج علينا وزير التعليم العالي وقال ان امر اقاله رؤساء الجاماعات والعمداء مش بايده وانه في ايد الجيش فقط

وان الجيش قال انه مش هيبت في الموضوع دا الوقتي

طيب منهدي ونركز في اصلاح حال كليتنا بدل منشتت نفسنا

بدل مقاعدين نكتل نفسنا ونضيع جهدنا في ازاي نجمع توقيعات نقيل العميده

طيب منوجه اهتمامنا في تجميع المطالب ومباشره تنفيذها

وخصوصا ان مطالبنا كتير وبتتنفذ

منشوف الصح فين ومصلحتنا فين كطلبه نعمل

منرتب اوراقنا ونشوف عايزين ايه وايه وايه بدل منلاقي ناس ماشيين يمين نمشي معاهم ونلاقي ناس تانيه راجعه شمال نرجع معاهم

واهو اسمنا ماشيين وخلاص

انا خرجت اكتر من مره للمطالبه باقله رئيس الجامعه ومحاكمته

واول متيعين رئيس جامعه جديد هخرج مع كل زمايلنا للبت في موقف عميده الكليه

وانا قولت للعميده كدا وبكل احترام وكل زوق

بس ساعتها هيكون لينا شرعيه ويكون لينا حق

هيكون عندنا اتحاد طلبه اتكون لانه هو الممثل الوحيد للطلبه في عمليه اختيار عميد

زيه بالظبط زي مجلس الشعب وانتخاب رئيس جمهوريه جديد

ليه بنعامل العميده كانها عدوتنا مع انها والله والله وربنا يشهد علي كدا من اكتر الناس اللي اكتشفت فعلا انها بتشتغل في الكليه

خصوصا الايام دي

والله بمشي من الكليه يوميا الساعه 8 بليل وهي بتكون لسا في الكليه لواحدها وبتخلص شغل

-***************-

اتكلمت مع ناس من الائتلاف

اقتباس:

---

وتنويه بسيط يا جماعه ,, مع ان الاخوان مش حاجه كخه يعني ولا حاجه وحشه ومش عارف يعني لما يلصق ليهم كلمه اخوان تبقي عيبه ولا ايه

بس مش كلهم اخوان ,, فيهم بعض الاخوان وبعض الطلبه العادي الغير منتمين للاخوان

---

المهم لما اتكلمت معاهم وشرحتهلم موقفي وموقف ناس كتير زيي واننا يهمنا الوقتي المطالب اللي عايزنها علشان حالنا كطلبه يمشي ويستقر ,, وان مطلب اقاله العميده دا هيجي في وقته

تفهموا كلامنا واقتنعوا بيه

وانهم وسيله ضغط ايجابيه لتنفيذ مطالبنا


-****************-

انا كنت قولت بلاش اكتب الموضوع دا

بس بعد ملقيت اكتر من واحد بيقولوا عليا انا وجماعه معايا اننا ثوره مضاده وكلام ملوش لازمه كدا

ورديت عليهم (( لاني ما شاء الله بربنط ومبعرفش اسكت )))

قولت برضه لازم الكل يعرف موقف التاني

لان اللي باين ان ناس كتير عايزه اقاله العميده


بس في ناس اكتر اوي اوي عايزه ان العميده تكمل معانا الفتره دي وتباشر تنفيذ مطالبنا


ودليل علي كدا وجودهم في المدرج في اللقاء الطلابي يوم الخميس اللي فات


بس

اكتر حاجة بتدايقنى كلمة الثورة المضادة او مع مبارك اوتبع امن الدولة حتى لو كان الكلام بهزار سورى مش ينفع يتقال
بعدين المفروض فى نقاش وفى الا خر كل واحد له حرية الراى
مش عشان مش وافقت على طلب حد ابقى وحشة وثورة مضادة
امال فين حرية الراى يا ناس لما هنبدا براى واحد من الاول ياجمااااااااااااااااااااااااااااااااااااااااااعةيا هو يابلاش
دا حتى لو كان الواحد قدامه فرصة انه يفكر فى الراى التانى مش هيفكر عشان الكلام اللى اتقال له ده

متفق معاك جدا في رأيك ده يا سماحي ...
الثائر الحق هو الذي لا يظل ثائرا ... و انما يثور ليهدم الفساد ... ثم يهدأ ليبني الامجاد ... من اقوال الشيخ الشعراوي رحمه الله

:fop (29):

كلام جميل جدا وهو دا فعلا المفروض فى الفترة الحالية دى
ربنا يوفقك

وربنا يهديهم

بصراحة انا حاسة انها اهانة لان مش اسمح لحد انه يشكك فى نزاهتى مهما كان ولو حتى على سبيل الهزار

انا مش عارف مشكلة الناس مع العميدة ايه بالظبط
اولا امن الدولةكان يقترح عليه عدة اسماء للعمادة يختار منهم الاسماء التى لاتتصل بجماعة الاخوان او السلفيين او من المعارضين للرئيس ثم رئيس الجامعة يختار من الاسماء المنقحة من امن الدولة وده معناه ان مش امن الدولة هو اللى بيفرض العميد ولكن بيشيل بعض الاسماء حسب رؤيتهم
ثانيا حتى لو العميدة اللى ولاها منصبها امن الدولة فده لايعنى انها من الفاسدين او انها ليست مع الثورة ولكن امن الدولة ولاها العمادة لانها ليس ورائها اغراض سياسية
بل على العكس العميدة انسانة محترمة جدا ومتفهمة وتسعى للنهوض بالكلية وتتقبل النقض بهدوء وسعة صدر
واظن مش معنى الثورة ان كل من كان له منصب حتى لو هو شريف اننا نهاجمه لمجرد انه مسئول
وطالما العميدة كويسة جدا وبتنفذ اللى بتقدر عليه من المطالب فى استطاعتها ليه نشوه صورتها ونهاجمها طالما ليس هناك دليل ملموس يدل على عدم كفائتها او غير ذلك

ووفقنا الله الى الطريق الحق وجعلنا من الذين يستمعون الى القول فيتبعون احسنه
:fop (29):

انا ليا وجهه نظرى فى الموضوع دا .. وتقريبا انا وضحتها قبل كده
بإن صلاحيات الإقاله دى مش فى ايد حتى الوزير ذات نفسو ..
زى م احمد قال المجلس الأعلى للقوات المسلحه ..

طب لحظه .. هو احنا ليه لما مارست الشرطه هجماتها الضاريه ضد الثوار فى اول يومين
سقف المطالب اترفع .. لإسقاط نظام مبارك وخلع مبارك نفسو من السطله
دا لأننا كشعب لينا الشرعيه اننا نعمل كده لأن احنا اللى بنصوتلو اصلا ..
لكن .. اى لايحه .. بتدى الشرعيه لمجلس اداره الكليه فقط .. هو اللى بيصوت للإداره ..
مش الطلبه ...
يعنى الطالب يعرف حدودو ...

وكده كده .. فتره بسيطه وكل القيادات الجامعيه .. هتتحل من الجيش عشان
يتعمل انتخابات جديده بقى ..
فبلاش نستبق الأحداث بس .. ونخلى نغمه التمرد والعصيان هي اللى تسيطر علينا ..
لما الجيش يقيل رئيس الجامعه الأول يبقى اللى عاوز يتحرك يتحرك .
لكن بلاش شخصنه فى الحاجات اللى زى دى .. فى شخص د. ماجده ..
وبلاش عشان خاطرى موضوع الثوره المضاده دى .. احنا مش اعضاء فى امن الدوله ولا فى الحزب ولا كنا نواب فى البرلمان .. خلينا عقلاء عشان مفيش حد يخسر التانى على تفاهات !
دى وصلت وحياتك يا عم احمد للتعديلات الدستوريه .. حد تقولو
نعم للتعديلات يقولك انت خاين يبنى .
واحد تقولو لا يقولك انت من الناس اللى بيقولو هيحصل فراغ ادارى :fop7:
.......
بالنسبه للمطالب بتاعتنا , هم قالو هيردو عليها كلها ..
ومش هيحطوها فى الأدراج .. وانا واثق انهم هيردو .. وده لأن بابهم مفتوح لأى حد .
ومفيش التفاف على حاجه .

" ياريت يا جماعه نقفل على الموضوع ده .. والطلبه تبتدى تشوف شغلها ..
الشباب مش استشهدو فى التحرير عشان يحصل الجدل اللى بين الناس دا
وموضه التخوين "

كلام جمييييييييييييييييييل جداااااااااااااااااااااااااااااااااااااااااااااااا ااااااااااااااااا

عين العقل والله

اقتباس:

---

اكتر حاجة بتدايقنى كلمة الثورة المضادة او مع مبارك اوتبع امن الدولة حتى لو كان الكلام بهزار سورى مش ينفع يتقال
بعدين المفروض فى نقاش وفى الا خر كل واحد له حرية الراى
مش عشان مش وافقت على طلب حد ابقى وحشة وثورة مضادة
امال فين حرية الراى يا ناس لما هنبدا براى واحد من الاول ياجمااااااااااااااااااااااااااااااااااااااااااعةيا هو يابلاش
دا حتى لو كان الواحد قدامه فرصة انه يفكر فى الراى التانى مش هيفكر عشان الكلام اللى اتقال له ده

---

تمام التمام

-*************-

اقتباس:

---

الثائر الحق هو الذي لا يظل ثائرا ... و انما يثور ليهدم الفساد ... ثم يهدأ ليبني الامجاد ... من اقوال الشيخ الشعراوي رحمه الله

---

-************-

اقتباس:

---

كلام جميل جدا وهو دا فعلا المفروض فى الفترة الحالية دى
ربنا يوفقك

وربنا يهديهم

---

امين يااااااارب

-**********-

اقتباس:

---

انا مش عارف مشكلة الناس مع العميدة ايه بالظبط
اولا امن الدولةكان يقترح عليه عدة اسماء للعمادة يختار منهم الاسماء التى لاتتصل بجماعة الاخوان او السلفيين او من المعارضين للرئيس ثم رئيس الجامعة يختار من الاسماء المنقحة من امن الدولة وده معناه ان مش امن الدولة هو اللى بيفرض العميد ولكن بيشيل بعض الاسماء حسب رؤيتهم
ثانيا حتى لو العميدة اللى ولاها منصبها امن الدولة فده لايعنى انها من الفاسدين او انها ليست مع الثورة ولكن امن الدولة ولاها العمادة لانها ليس ورائها اغراض سياسية
بل على العكس العميدة انسانة محترمة جدا ومتفهمة وتسعى للنهوض بالكلية وتتقبل النقض بهدوء وسعة صدر
واظن مش معنى الثورة ان كل من كان له منصب حتى لو هو شريف اننا نهاجمه لمجرد انه مسئول
وطالما العميدة كويسة جدا وبتنفذ اللى بتقدر عليه من المطالب فى استطاعتها ليه نشوه صورتها ونهاجمها طالما ليس هناك دليل ملموس يدل على عدم كفائتها او غير ذلك

ووفقنا الله الى الطريق الحق وجعلنا من الذين يستمعون الى القول فيتبعون احسنه

---

كلام مظبوط يا دكتور وياريت كل الناس تفهم كدا

-***************-

اقتباس:

---

وبلاش عشان خاطرى موضوع الثوره المضاده دى .. احنا مش اعضاء فى امن الدوله ولا فى الحزب ولا كنا نواب فى البرلمان .. خلينا عقلاء عشان مفيش حد يخسر التانى على تفاهات !
دى وصلت وحياتك يا عم احمد للتعديلات الدستوريه .. حد تقولو
نعم للتعديلات يقولك انت خاين يبنى .
واحد تقولو لا يقولك انت من الناس اللى بيقولو هيحصل فراغ ادارى

---

هههههههههههههه

بالله عليك ياحمد تقولهم ,, لان انا مسعت الكلام دا من اكتر من واحد وميعرفوش بعض

ونفس الكلمه ,, حاجه اخر حاجه :)

اقتباس:

---

بالنسبه للمطالب بتاعتنا , هم قالو هيردو عليها كلها ..
ومش هيحطوها فى الأدراج .. وانا واثق انهم هيردو .. وده لأن بابهم مفتوح لأى حد .
ومفيش التفاف على حاجه .

---

تمام يا احمد ومش علشان بابهم مفتوح بس

انت قولتلي انك وانتوا رايحين تقابلوا العميده والدكتور حسن النهارده ,, انهم كانوا مجتمعين بالدكتوره دينا والدكتوره منار

وبلغوكم بقرار اعتذارهم عن التدريس ,,,,,

يعني دي ناس بتنفذ مش بتسمع بس

ودا المهم في الشهرين دول ........

كلام جيد

وانا فى رأى ان لو العميده استجابت بسرعه وكما قيل وضعت خطه زمنيه واضحه محدده يبقى ده معناه اننا ف الطريق الصحيح


لكن ........ لو حدث تأخير او شبه مماطله يبقى ده ممكن يخلى فى الموضوع ...كلام

بصراحه(انا من اللى بيتقال عليه من الثوره المضاده )...... انت قولت اللى انا بحاول اقنع بيه ناس كتيره بحاول اتكلم مع ناس كتير اووى اوووي ف الموضوع ده واللى بتكلم معاه ف خصوص العميده يقولى انا مش معترض على شخصها انا معترض على الطريقه اللى جت بيها ....!
احب انوه واقول على حاجه لو قلنا على كل حاجه لا عشان كان جزء من النظام السابق يبقى مش هنلاقى حاجه هنقول عليها اه ....انت تعرف ان انت كنت جزء من النظام السابق وانا كنت جزء من النظام السابق وكلنا ...[س فى ناس مشت مع الننظام السابق وفى ناس فضلت عشان كفاءتها واحب اقول للناس اللى بتقول ان الدكتوره ماجده انت اتعاملت معاها ...طلبت منها طلب خاص بفرقتك او خاص باسرتك اللى ف الكليه ...طيب لو كنت طلبت كان ردها ايه
انا عن نفسي انا ومجموعه من زمايلى وبيتهيالى كل اللى ف دفعه ثالثه واغلب الكليه عرفت قرار العميده بشان اول طلب للفرقه الثالثه ....بخصوص دكتوره دينا ومنار
طيب هتقولى ماهيا خايفه على منصبها وعاوزه ترضى الطلبه
هقولك معلش ياعزيزى الطالب لو هيا خايفه على منصبها زي ماانت بتقول كده مكنتش تروح كل يوم من الكليه اخر واحده ف الدكاتره ....وكل يوم من بدايه الدراسه وقبل الدراسه بفتره كل وقتها ف اجتماعات مع طلبه ومع رؤساء اقسام ومع مجلس كليه ومع اداره الجامعه
ياريت مش عشان حصل ثوره ف بلدنا نمسك ف كلمه واحده ونقول التغيير ...طيب انت هتغير اي حاجه غلط وخلاص ......!!!!


اسف على الاطاله
انا ده مجرد راي شخصى ليا ومن حقى اقوله ومش من حق اي انسان انه يصدر حكم على واحد من غير ما يبقى متاكد من اللى بيقوله ....

اقتباس:

---

كلام جيد

وانا فى رأى ان لو العميده استجابت بسرعه وكما قيل وضعت خطه زمنيه واضحه محدده يبقى ده معناه اننا ف الطريق الصحيح


لكن ........ لو حدث تأخير او شبه مماطله يبقى ده ممكن يخلى فى الموضوع ...كلام

---

تمام ,, بس صدقني يا دكتور حوار خطه زمنيه دي مش هتنفعنا ,, لحاجه واحده ,, ان الدراسه شهرين بس

يعني قبل الشهرين كل اللي احنا عايزينه لازم يكون متنفذ دي المطالب اللي تخص العمليه التعليميه

اما المطالب اللي فيها ان شائات زي استراحه والحجات دي فهي قالت من السنه الجايه هتكون موجوده تقريبا


-*************-

اقتباس:

---

انا ده مجرد راي شخصى ليا ومن حقى اقوله ومش من حق اي انسان انه يصدر حكم على واحد من غير ما يبقى متاكد من اللى بيقوله ....

---

تسلم يا هادي

هو دا المفيد

مش فارقة المهم بس نشوف همة وتعاون حقيقى من ادارة الكلية

يعنى بصراحة امبارح دكتور حسن الكاشف كان بيقول اننا كطلبة المسئولين عن الواسطة فى الشفوى:290:

بداعى اننا اللى بنجيب ناس تتوسط لنا عند الدكاترة:ai:

يعنى مثلا احنا كطلبة ايه بقى المطلوب مننا اذا كنا احنا من وجهة نظر وكيل الكلية اصحاب الخطأ فى سرقة حق اكتر من 800 طالب انهم ضاع حقهم فى امتحانات الشفوى او العملى؟؟؟؟؟

انا مكنتش مهتم باقالة العميدة او اى حد من ادارة الكلية غير بعد مارئيس الجامعة يمشى

لكن مفيش مبادرة حقيقية من الادارة لحد دلوقتى مع ان بقالنا اكتر من شهر مخلصين الثورة؟؟؟

بالنسبة مثلا لبعض المطالب السهلة
منها استراحة للطلبة فيه اماكن تنفع مؤقتا منها المظلة اللى فيها سيارات الادارة:smo (كمبادرة يعنى)

بس برده فى نفس الوقت من اهم التغييرات هى انها استريحنا من 5 ساعات اسبوعيا تحت مسمى شرح العملى اللى كان بدون فايدة نهائى

دى كده حاجة قدام حاجة عشان لسه صاحى:fop (29):

تمام يا دكتور

في حجات كتير اتنفذت ولسا في حجااااااااااات اكتر بكتير متنفذتش

بس مش في يوم وليله

يعني في موضوع معمول الوقتي من طالبه في اولي عن ان مفيش كراسي في السكاشن وان الكتب متمش فصلها وان الجو حر في المدرجات وكدا

احنا مبنقولش ان كل حاجه اتنفذت ,, داحنا مقدمين 8 صفحات مطالب

وفي مطالب فعلا بتتحقق وبنلمسها بنفسنا

اقل مافيها معتش المعامله الجافه من كل المعيدين وان مثلا خلصت السيكشن تفضل واقف لحد موقت السيكشن يخلص وبعد كدا تمشي
,, لا خلصت شغلك تمشي علي طول


-******************-


المهم الجديد النهارده ان بعد مكان بيتقال علينا امبارح ثوره مضاده

النهارده بيتقال علينا اننا بنتاجر بدم الشهداء ,, ودا ليه علشان بنعمل حفله لتكريم الشهداء

وللاسف الكلام دا مش علي لسان طلبه ,,

وللاسف موقف حضرتك جه مخيب جداااااااا للامال

زمن الكلام عن الاجندات وكنتاكي رجع تاني للاسف

انا كده كده مش هتفرق التغيرات معايا لانى ان شاء الله كلها نص ظلطه واطلع بره ولكن مش شرط خطه زمنيه تخلص فى شهرين اقصد خطه واضحه على الطريق حتى لو هطول (بس مطولش اوى يعنى:fopl00l:)

اقتباس:

---

انا كده كده مش هتفرق التغيرات معايا لانى ان شاء الله كلها نص ظلطه واطلع بره ولكن مش شرط خطه زمنيه تخلص فى شهرين اقصد خطه واضحه على الطريق حتى لو هطول (بس مطولش اوى يعنى:fopl00l:)

---

يارب بالنجاح يا دكتره وعقبالنا احنا كمان لما يبقالنا نص الزلطه دي

-*********-

للاسف اللي عنده رأي معين بيحارب اللي عنده رأي مخالف ,, مش بيحترم رأيه

معاك جدا وربنا يعمل الخير لنا جميعا

انا مع حضرتك يا د.سماحي في كل حرف
انا كنت أؤيد المعتصمين للاطاحة بمبارك وكنت معاهم للاطاحة بشفيق وكنت معاهم لحل جهاز امن الدولة
يعني باختصار رؤوس الفساد ولكني بعترض عن اللي عايز يشيل مدير او عميد المفروض نصبر شوية
انا شايفة ان كلام حضرتك هو الصح 100%وليست الثورة المضادة ولكن مثل حضرتك ومن يتفق معاك هو الثائر الحق كما قال الشعراوي رحمه الله يهدأ ليبني الامجاد
ولكنهم لم يهدأوا بعد.................. ربنا معاهم
انا لست مع اقالة العميدة ولست مع تكريم العميدة
انا مع العمل والاستقرار
حفظ الله مصر واهلها

اقتباس:

---

المشاركة الأصلية كتبت بواسطة ABO El-DAHAB

متفق معاك جدا في رأيك ده يا سماحي ...

الثائر الحق هو الذي لا يظل ثائرا ... و انما يثور ليهدم الفساد ... ثم يهدأ ليبني الامجاد ... من اقوال الشيخ الشعراوي رحمه الله

:fop (29):

---

اللهم وفقنا لصالح الاعمال ولما تحبه وترضاه:hi:

اقتباس:

---

حفظ الله مصر واهلها
اللهم وفقنا لصالح الاعمال ولما تحبه وترضاه:hi:

---

امين يارب العالمين