اقتباس:
وكمان المفروض اننا نقرا قران ولا نرمى السلام وندعى بدعاء زيارة المقابر وخلاص ؟؟
القرءان لا ينفعه واحنا نقشنا مسئلة الحجات الى بتنفع الميت فوق فلا ينفعه سوى الدعاء
( وأن ليس للانسان إلا ما سعى )
بل ان تعمد قراءة القرءان على الميت او استأجر أحد ليقرأ سورة يس مثلا عليه او كدا فدى من المحدثات التى لم ترد ... فلا تفعل ...
اقتباس:
ولو انا مجرد انى عديت بس ع المقابر ومثلا رميت السلام ودعيت لهم ده يعتبر زيارة للمقابر ولا لازم انى ادخل جواها ؟؟
بمجرد رؤية المقابر حتى وانت راكب المايكروباص وعديت عليهم قول الدعاء وان شاء الله نأجر عليه
اقتباس:
"لولا ان اشق على المؤمنين لامرتهم بتاخير العشاء "
المفروض لحد امته ؟؟ يعنى لو قبل الفجر بساعه مثلا ينفع عادى ؟
أى صلاة ليها تلت اوقات وسعات اربعة
1- وقت الدخول
2- وقت فضيلة
3- وقت كراهة
4- وقت قضاء
بالنسبة لصلاة العشاء
وقت الدخول ... اول لما المؤذن يأذن
وقت الفضيلة ... هو التأخير الى ثلث الليل الاول حتى قبل منتصف الليل
( يعنى جدلوقت مثلا من 10 لقبل 12 )
الاختلاف بقى بين اهل العلم
بعد منتصف الليل هل هو وقت قضاء أم لا وانها مفتوحه لغايط الفجر ؟؟؟
رأى الجمهور على ان أخر الوقت منتصف الليل وبعده يعتبر قضاء ( وتأريبا الشيخ حسان بيفتى بكدا بس مش متأكد )
الشيخ مصطفى العدوى بيقول حتى صلاة الفجر وان من المنتصف الى اذان الفجر يكره لوقوعه فى قوله تعالى ( فويل للمصلين الذين هم عن صلاتهم ساهون )
واالله أعلم
ولكن
قد يكون أول الوقت هو وقت الفضيلة وليس الى ثلث الليل الاول
أمتى ؟؟؟
1-لو مثلا هتفتنى صلاة الجماعة مع جماعة المسلمين الجماعة الكبيرة
( يعنى محدث يقوم بقى اعد فى البيت ويسيب الجماعة وفى الاخر يصليها لوحده او حتى يجيب اخوه بعد ما يخلصوا فرجة على الماتش ويصلوا جماعة مع بعض )
2- مخافة الكسل أو عدم إعطاء الصلاة حقها
هنفترض ان مثلا فى جماعة متأخرة وكبيرة او بلاش نفترض لو بنت ومش مفروض عليها الجماعة
بس لو أخرتها النوم بيكون غالب او الخشوع لن يكون مثل او الوقت او اى شئ مشابه
فتتصلى فى أول الوقت .....
اقتباس:
انا لما اخر اى صلاه بقلق اوى انما العشا بالذات بحب انى اخرها ومش بحس بحاجه
المفروض انى اصليها فى موعدها عشان الانسان مش ضامن عمره ولا ممكن ناخرها ولا حرج ؟؟"لانى تناقشت فى الحديث دوت مره مع استاذى وقال الافضل تصليها فى موعدها "
أعتقد كدا بقت واضحة
ونصيحة حاولى حضرتك ما تأخريش أى صلاة عن وقتها عموما
ويسلام لو حضرتك تكونى متوضأه قبل الاذان وبعدين تردددى الاذان ولو فى سنة يبقى كويس اوى وبعدين تصلى
وربنا يكرم حضرتك بكدا ....
اقتباس:
بعض البنات فى المواصلات يقولوا اننا مضطرين اننا نركب جنب رجاله "
للاسف مفيش اضطرار
ومن يتق الله يجعل له مخرجا
اذكر ان الشيخ مصطفى كان فى السعودية
وطبعا عارفين ان اقل سفر من بلد للتانية مش اقل من تلت ساعات
السواق شغل اغانى
والشيخ فى نص الطريق
وصحرا
( مفيش اضطرار اكتر من كدا )
الشيخ نزل :)
( ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه إن الله بالغ أمره قد جعل الله لكل شئ قدرا )
ولكن
أهم حاجة الصدق
يعنى لما تفوت المايكروباص علشان مفيش مكان او فى اغانى يكون فى صدق مع الله فانك فعلت ده لله
مش علشان تثبت لنفسك انك حاجة
وربنا بيكرم
واكيد لكل صادق منكم فى اشياء من دى مواقف كتييييييييييييير جدا ممكن تكون اكتر من موقف الشيخ مصطفى
( على فكرة الشيخ وصل قبل المواصلة الى كان راكبها :) )..
اقتباس:
بس ايه الحكم فى كده ينفع مثلا لو واحده مضطره زى ما بتقول تقعد جنب شاب او حتى راجل سنه كبير ؟؟
لا يجوز
واقل ما يقال
لو مفيش حاجة هتحصل دا تزيين للضعفاء انهم يعملوا كدا
وربنا ييسر لكل واحد أموره
اقتباس:
بالنسبه للصور"الكارتونيه برده" الى بتكون موجوده ع الملابس او المفروشات بشكل عام تاخد نفس حكم الصور المتعلقه ولا دى عادى لانها بتتهان فى اللبس والغسيل وكده ؟؟
نفس الحكم لانها صور
اقتباس:
وبالنسبه مثلا لو انا اشتريت لطفلـ/ـة عروسه او اى لعبه تمثل مثلا حيوان او كده ده يبقى حرام ؟؟ لو حتى لكبار مش اطفال وطمسوا عينهم حرام برده ؟؟
دى لها حكم لوحدها
نقلا عن الشيخ مصطفى العدوى
أجاب بالجواز
لان النبى كان يرى السيدة عائشة وقريناتها وهم يلعبن بأمثال تلك فلم ينهاهم عنها وكانت شبه العروسة بتاعت زمان
الى كانت بتتعمل من قماش دى وكانت بتبقى مليانة برمل او قطع قماش من جوة اكيد تعرفوها
لكن مش عارف الصراحة دا على طل اللعب ولا لا
الله أعلم
وجزاكم الله مثله
