عرض للطباعة
بسم الله الرحمن الرحيم
الحمد لله دخلنا كعساكر فى الجيش لمدة سنة ان شاء الله
المهم بخصوص الصيدلى الثانى
هل ينفع ان اسجل فى صيدلية وانا فى الجيش
اذا كان ينفع مالمدة والاوراق التى نحتاجها
بالنسبة لتكليف هل سنتسلمه ونحن فى الجيش
وهل ستحسب لنا مدة الست شهور ام لا
ارجو الاجابة
ومعلش كمان استفسار
هو ازاى انا هعمل الورق بتاع الصيدلى التانى
يعنى هى ورقة ابليكاشن
ولو كده مين اللى هيملاها
انا ولا الصيدلية اللى مسجلة فيها
اقتباس:
المشاركة الأصلية كتبت بواسطة K_LYCAN
بالنسبه للتكليف
فهو بيكون بعد سنه
بعنى هتكون على وشك تخلص الجيش
بالنسيه لباقى الاستفسار هسأل لسه واشوف
اقتباس:
المشاركة الأصلية كتبت بواسطة صلى على الحبيب
بصى يادكتوره
بعد ما تستلمي الكارنيه بتاعك الخاص بالنقابة العامة وكارنيه النقابة الفرعية
هتصوري الاتنين دول ومعاهم ورقة من أي صيدلية تقول فيها إنك شغالة هناك
وتحددي تاريخ استلام الشغل في الصيدلية (ويكون من بعد تاريخ التصريح بتاعك المكتوب في كارنيه النقابة)
هتسلمي الكلام دا كله في الإدارة الصحية فى المركز اللى حضرتك منه
وتقوليلهم هناك في التفتيش الصيدلي
"عايزة أسجل صيدلي تاني"
هيسجلوكى عندهم ويبدأوا يحسبوا سنة
بعد السنة دي بتروحي هناك تاني تخلي طرفك من عندهم كصيدلي تاني
وبكدا تبقي صيدلي أول
الصيدلي الأول هو اللي من حقه إنه يرخص ويدير صيدلية
والورقه اللى هنقدمها هنكتب فيها كده
بسم الله الرحمن الرحيم
السيد مدير التفتيش الصيدلي بإدارة .... الصحية (مثلا..حسب الإدارة بتاعتك)
تحية طيبة وبعد
نحيط علم سيادتكم أن الصيدلي/الصيدلانية: كذا قد استلم/استلمت العمل كصيدلي تاني بالصيدلية ابتداء من يوم كذا (مثلا.. اللي هو تاني يوم صدور تصريحك) ولا يزال/تزال مستمرا/مستمرة بها..
هذا للعلم واتخاذ اللازم
مقدمة لسيادتكم
د كذا
صاحب ومدير صيدلية كذا بـ........ (عنوان الصيدلية)
وتحت توقيع صاحب ومدير الصيدليه و ختم الصيدلية
يقوم هو/هي ياخد/تاخد الورقة ومعاها صورة كارنيه النقابة العامة وكارنيه النقابة الفرعية ويطلع الإدارة الصحية اللي هو تبعها يروح التفتيش الصيدلي يقدم الورق دا ويقول لهم
عاوز أسجل صيدلي تاني...
وهم هيخلصولك كل حاجة
جزاكم الله كل خييييييييييييييييييير يا دكتور على الرد والاهتمام
يعني كل المطلوب صورة كارنيه النقابة العامة والفرعية بس؟؟؟
مش محتاجين صور شخصية او اي اوراق تانية؟؟
وجزاكم الله كل خير
اقتباس:
المشاركة الأصلية كتبت بواسطة صلى على الحبيب
وجزاكم الله مثله
اى خدمه
اقتباس:
المشاركة الأصلية كتبت بواسطة همسة عتاب
هو ده المطلوب ان شاء الله
وخلى معاكى صوره شخصيه احتياطى برضه
وجزاكم الله مثله
انا سمعت ان لازم ناخد معانا صور شخصية مختومة بختم الكلية
يا ترى الكلام ده صحيح؟؟
اقتباس:
المشاركة الأصلية كتبت بواسطة همسة عتاب
لا أبدا انتي بس بتروحي الادارة ومعاكي صور الكارنيهات وصورة من الترخيص وشهادة الصيدلية
جزاكم الله خيرا...
بس معلش سؤال كمان...
هوة ممكن اي حد يعملهولي... ولا لازم انا اللي اروح بنفسي؟؟
يعنى بدايه حساب السنه بالتاريخ اللى كاتبه فى الورقه ولا بتاريخ التقديم فى الاداره؟
اقتباس:
المشاركة الأصلية كتبت بواسطة Ahmed Mashaly
و الله أعلم
التاريخ اللى انت كاتبه فى ورقة الصيدلية
اقتباس:
المشاركة الأصلية كتبت بواسطة Ahmed Mashaly
هو بيكون على حسب الاداره
يعنى فى ادارات بتحسبلك السنه من تانى يوم تاريخ صدورتصريح النقابه
وادرات تانيه بتحسبلك السنه من اليوم اللى رحت فيه تسجل
اقتباس:
المشاركة الأصلية كتبت بواسطة همسة عتاب
عادي جدا ممكن اي حد يعملهولك