هل تفضل السفر ولا العيشه في مصر ؟
بسم الله الرحمن الرحيم
موضوع يؤرق الشباب حاليا
هل تفضل السفر ولا العيشه في مصر ؟
دا موضوعنا يا شباب اللي عايزين نتكلم فيه مع بعض طبعا معظمنا السؤال ده بيدور في أفكاره وبالذات في فترة الجامعه وتحديداً في سنه رابعه لما بتحس انك خلاص بتودع الحياه الدراسية وداخل علي حياه جديدة وهي الحياه العمليه اللي فيها بتبدأ تحدد ملامح حياتك ومستقبلك في مننا اللي بيبدأ يدور علي فرصة سفر ويبدأ حياته خارج مصر وفي مننا اللي بيحاول يحصل علي وظيفه في مصر حتي لو راتبها او العائد منها أقل من العائد اللي ممكن يحصل عليه لو سافر الخارج ويفضل انه يعيش وسط أهله .
فياترى انت من النوع اللي يفضل السفر ولا العيشه في مصر ؟ ولو فضلتها تعرفنا أسبابها ؟ وإذا رافض فكرة السفر تعرفنا بردو الأسباب ؟ وإيه مميزات السفر وعيوبه ؟
أعتقد ان السؤال ده مفيش بنت هتعرف تجاوب عليه لان البنت بالطبع بتبقي مرتبطه بالشخص اللي هيبقي زوجها ولذلك هنسأل البنات سؤال بردو بنفس المعني .
باترى تفضلي الارتباط من شاب يعمل خارج مصر ؟ ولا تفضلي المقيم في مصر ؟ والاسباب في حاله الرفض أو القبول ؟
