هو ليه مش بنذاكر............

بسم الله الرحمن الرحيم

ازيكوا ياعضاء المنتدى وانا معاكم ويارب نكون كويسين

دى اهم حاجة المهم الصحة الباقى عبارة عن شكليات

لازم برده نهتم بيها:smo

طبعا ومن الشكليات دى حاجة منكدة علينا كل يوم

تقريبا كل يوم لازم ننطرق ليها طبعا انتو عرفتوها من العنوان:winfop:

ايوه هى دى بالظبط انا سمعت اللى قالها

المذاكرة:fop (14):

ايوه ياعم ليك حق تضايق وتولع كمان دا عن نفسى هربان منها

وقاعد اكتب فى الموضوع

هو مين فينا اساسا بيطيق حاجة اسمها كتاب:fop (36):

بس معلش ياريت نكمل فى الموضوع ونستحمل شوية الكلمة التقيلة دى:fop (39):

دلوقتى السؤال اللى مضايق ناس كتير وانا كمان نفسى الاقيله حل

هو احنا ليه مش بنذاكر؟؟؟؟؟؟؟؟؟؟؟؟؟

او بالاخص ليه بيجيلنا شعور بالضيق واحنا بنذاكر:fop (17):

على فكرة دا موضوع للمناقشة لان انا معنديش حلول:bj:

يعنى مثلا احد الحاجت اللى بتخلينى مش عاوز اذاكر انى بأجل كل مذاكرة الاسبوع لايام الريست

ولما ييجى الريست اجيب كل المواد واقعد اجمع فى ورقها ومذكراتها

واظبط نفسى انى هذاكر الاول فارما بعدين ميديسنال بعد كده فايتو......الخ

فلاقى نفسى تعبت من اول صفحة فى الجرنان (اصلى بقرأ جرايد)

فأقوم من على الكتب او الترابيزة حسب ماانا قاعد وافتح الكمبيوتر:fop (18):

ودى برده احد المشاكل اللى انا شايفها بتعيقنى عن المذاكرة

وهى انى ببقى عاوز اعمل كل حاجة فى نفس الوقت

ولأن ده عمره ماهيحصل:fop (44): فبيئس واقوم اعمل اى حاجة تانية:smo

ياريت نتناقش فى الحكاية دى عشان وكل واحد يقول رأيه عشان ممكن حاجات توضح منكنش واخدين بالنا منها:fop (28):

اه حاجة مهمة ياريت بقى نسيبنا من اخبار الكلية اللى تجيب اكتئاب ونفكر فى نفسنا شوية

يعنى انا هبطل اتدخل فى اى حاجة تخص الكلية(على الاقل اليومين دول لحد الامتحانات)

عشان اعرف اركز شوية واخرج من حالة الاحباط اللى بنشوفها كل يوم دى وبتخلى الواحد ملوش نفس لأى حاجة

سلام بقى اقوم اذاكر عشان شيت الفايتو والميديسنال

هذاكرهم مع بعض :bj: (طول عمر ريمة ماسكة فى عادتها القديمة)

خلاص بأذن الله هذاكر فايتو الاول ولما اخلصه ابقى اشوف حكاية شيت المديسنال دى ايه:fop (28):

كويس اني هكون اول حد يرد على الموضوع دا
بس مش عارفة هقول ايه انا وصاحبتي نفسنا نذاكر من زمان
ومش عارفين نبدأ مفيش نفس لحاجة
دا المفروض آخر ترم لينا في الكلية لازم نستنزف كل طاقتنا ( لو لسه فينا حيل يعني)
بس مش عارفين الشهر اللي بيقولوا عليه دا مش هيكفي الواحد يخلص فرع من مادة
بس احنا مش لازم نيأس أبدا
لازم نستعين بالله.... ونتوكل عليه سبحانه هو الأعلم بأحوالنا

والله موضوع جامد ...........
بس هو ايه الى هيفتح نفسنا على المذاكره يعنى ؟؟
ماشاء الله اى حاجه بتحلها فى ورقة الامتحان بتاخد عليها درجات وتلاقى تقديرك علا فجاه http://www.kazamiza.com/vb/images/ic...rka/icon30.gif
وماشاء الله الدكاتره مش نسينا خالص وبيقولوا لينا هنجحكم مش هتقعدوا معانا للسنه الجايه خالص http://www.kazamiza.com/vb/images/ic...rka/icon30.gif
وماشاء الله الجدول جميل جدا وهنبقى نذاكر فى الايام الكتير الى قبل كل ماده http://www.kazamiza.com/vb/images/ic...rka/icon30.gif
وماشاء الله كل الناس الى اتخرجت مش عارفه تعمل ايه من كتر الشغل والعروض الرائعه(على فكره دى اكتر حاجه بتسد نفسى عن المذاكره ...ان مفيش امل )



انسواكل الكلام الى انا قلته ده ........لكن المفروض بجد اننا نشجع بعض على المذاكره لان خلاص ازف الوقت .....
ياريت حد كده من الناس الى اكبر مننا ولا الى اصغر مننا يعطينا شوية نصايح لفتح الشهيه على المذاكره .....ونعتبرهادوا مر بس لازم ناخده .....
بالتوفيق للجميع باذن الله .............

اقتباس:

---

المشاركة الأصلية كتبت بواسطة Dr/HULK

هو احنا ليه مش بنذاكر؟؟؟؟؟؟؟؟

---

ده سؤال منطقي وجيه ينطوي علي وجهة نظر فلسفية متعمقة
:hi: :hi:
احنا و الله معذورين عندنا حاجات تانية كتييييييييير ليها اولوية عندنا قبل المذاكرة زي لعبة الحياة و عيش ايامك و الاتجاه المعاكس و الشيخ سيد حمدي ده غير النت و الكتب اللي تحت المخدة
انا الحمد لله قررت امبارح مش هتفرج علي لعبة الحياة و ممتش و لا حاجة و ان شاء الله هكمل المسيرة
المشكلة كمان انا معندناش هدف (يعني بجد و الله لو الواحد مات دلوقتي مش عارف هيقابل ربنا يقوله ايه)
احنا كلنا اتصدمنا بوفاة الدكتورة صاحبتنا الي في سنة رابعة ربنا يرحمها يا رب مع ان كلنا معرضين يحصلنا كده و اه بقي لو ادام التلفزيون و بنشوف حاجة هايفة ............
قصدي اقول الي هيخلينا نذاكر ان شاء الله و انا معاكم لو حطينا كلنا في دماغنا انا هنتسأل عن عمرنا فيما افنيناه و شبابنا فيما ابليناه
اللهم ثبتنا عند السؤال يارب
كمان الحمد لله في حاجات ماللي بناخدها في الكلية علم ينتفع به (هدف تاني بردو)
و كمان رغم ازمة البطالة مازال الصيادلة اكتر ناس بيشتغلوا و اكتر ناس ليهم عقود بره
معلشي طولت عليكم انا اسفة
يلا دلوقتي مع السلامة عشان راحة الكلية ادعولي الحق المحاضرة

احنا مش بنحب نذاكر عشان احنا مش عارفين احنا بنذاكر ليه.......

طبعا المشكله اننا بنقول ......(انا عايز اذاكر عشان انجح) ........وده غلط...

لكن لو الواحد حط امامه اهداف اخري اسمي ........ هتخليه يحب المذاكره

وانا في اعدادي كنت من ال3 الاوائل علي مدرستنا
وبجد كنت بحس ان المذاكره جميله ومش بزهق منها خالص.....
لاني كنت حاطط هدف امامي وهوه اني اكون احسن واحد في المدرسه......

حتي في ثانوي ........كنت بلاقي للمذاكره طعم
لاني كنت حاطط هدف ليا اني ادخل طب .....
وانا ربنا لم يوفقني في 3 درجات.......
لكن فعلا كنت بحب المذاكره في ثانوي....

اما الجامعه.............
فالاسف .....انا وجدت نفسي في عالم منعزل عن الاخرين
ولا عارف اذاكر ازاي؟؟؟؟؟
ولا عارف احضر محاضرات ولا لأ؟؟؟؟
ولا عارف اخد كورسات ولا لأ؟؟؟؟؟؟؟
ولما اجيب ورق اجيب لمين؟؟؟؟

برجع من الكليه مرهق جدا و مش قادر.........فبدخل انام ......واصحي بليل ...فاليوم بالتالي بيضيع مني..
مش عارف احط هدف لنفسي معين
و مضحكش علي نفسي و اقول اني ممكن اتعين معيد.......
ولو اتعينت ......مش هكون اول ولا اخر واحد يتعين معيد...وان كنت ارجح السفر الي الخارج افضل من التعيين بالجامعه....

حتي الان وانا ابحث عن هدف سامي و مش لاقي....
واصحابي زيي زيهم .....
ودي المشكله....

انا عن نفسى متعوده على كده

التيرم الاول بأبقى نشيطه جدا وبأذاكر جدا:fop (13):

التيرم التانى مش بأفتح كتاب .... يعنى العكس تماما:fop6:

كل الناس من اول ما بدأنا مسيره التعليم يقولوا انهم زادوا كتير فى التيرم التانى

انا بقى لأ... بأضيع اللى عملته فى التيرم الاول باللى بأعمله فى التيرم التانى:fop (44):

فمش مستغربه قوى يعنى حالتى دى.,

سؤال مهم يطرح نفسه

وكل الطلاب بتقول نفس الكلام ده هو الواحد مش بيزاكر لاسباب

اننا فى كليه عمليه وبنقضى معظم وقتنا فى الكليه فى المحاضرات ونرجع البيت همدانين من شايفين ادامنا فطبعا مفيش وقت للذاكره

نجى بقا ليوم الريست كل مره اعد ابص للمواد والورق الكتير اللى اشتراتيه واللى لسه ابيض يا ورد اصلى

انا اجدع واحده اشترى ورق ومفتحوش يجلى اكتئاب لو معدتش على بابير

وطبعا افضل اظبط فى الورق واحتار اذاكر بايه الاول وفى الاخر الاقى اليوم عدى ومحصلتش حاجه

ده غير الشيطان اللى يعقد يوسوس انتى هتذاكرى واخواتك بره بيتفرجوا على التليفزيزن لا بلا ماكره بلا نيله

الواحد اصلا مش بيذاكر الا لما يتزنق فى الامتحانات ذى كده ان شاء الله الاسبوع الجاى عندى 3 امتحانات

عملى ورا بعض سبت واتنين وثلاثاء حاجه جميله خالص ده غير الميكرو يوم الخميس ربنا يستر

وادعولى يا جماعه الحق اخلص حاجه فى الليله دى

السلام عليكم

اذيكو يا دكاترة
بصراحة انا بقى عارفانى لما باجى اذاكر وده طبع من وانا صوغيرة .......افضل ادلع ...
..لحد قبل الامتحان واجى بقى وقت الامتحان ابدا ازاكر واظبط وببقى فاهمة كويس وعارفة كل حاجة بس هو ده طبع ووالله كنت ناوية اغيره ف الكلية بس نووووووو وااااااااااى مفيش فايدة والحمد لله بحاول افتح من وقت للتانى
والحمد لله ربنا بيبقى ميسرلى امورى وبيبقى الموضوع سهل نوعا ما رغم ان امى وبابايا اصلا بيتغربو وبيقولو ......البت دى اصلا جابت مجموع ازاى .........وبتذاكر امتى
وكمان ده جايز لان انا activeجدا ومش بقعد هادية خالص ف البيت ولا بره وببقى علطوووول مركزة ف حاجات تانية غير المذاكرة

وربنا يعدلها لنا ونطيق الكتب شوية
:fop (28): :fop (28): :fop (28):

و ذلك لان الممنوع مرغوب و المرغوب ممنوع

:smo والله كل ما انوى اذاكر زى الناس الشيطان يضحك عليا ويقولى لسه بدرى واجل الى كنت هذاكره وهكذا تتراكم عليا المذاكره .:hit: ........
وثانيا الكسل :fop7: انا كسوله اوى( من الاخرراحتى فى المقام الاول ثم المذاكره:fopl00l: :smo )
يلا ربنا يهدينا ونذاكر :fop (29):
شكرا لطرح الموضوع:fop (29):

انا مشاكلي في المذاكرة بسيطة قوي وهي اني عايز اذاكر وكل يوم اقول هذاكر جزء كذا وبالفعل ابتدي ويحصل حاجة من اتنين
اما اني مفهمش حاجة وبالتالي اقفل المادة واشوف غيرها
واما ان يحصل حاجة غريبة جدا وهي اني الاقي الجزء اللي بذاكرة بسيط (بيبانلي انه بسيط بس مش بيبقي كده)فأقول انا هفضل اذاكر في الحتة التافهة دي دة انا ممكن اذاكرها وانا رايح الامتحان الصبح وبالتالي اطنشها ومش عارف ازاي كل مرة بقنع نفسي بكدة مع اني متأكد اني مش هلحق اذاكرها

المهم بوصل لاني افتح كل مادة شوية اقرأ العنوان واقفلها وينتهي اليوم باني حاسس اني عملت مجهود جبار وذاكرت مذاكرة دمار واكتشف اني مذاكرتش حاجة غير عناوين

يعني من الاخر ماشي بمبدأ (ما اجمل ان لا تفعل شئ ثم تأخد استراحة )

السلام عليكم .........شكرا ع الموضوع يا د/هالك لانه فعلا جاى ع الجرح وفى وقته:hi: انا بقى تقريبا كل الاسباب اللى اتقالت انا بعانى متها والمشكلة انى مبتعلمش
يعنى ف اعدادى طبعا عدى الترم الاول من غير ما اعمل حاجة والشهر الاخير كله كان شيتات وامتحانات عملى وطبعا مذاكرتش نظرى غير فى الايام اللى قبل الامتحان والمهم طول مانا مضغوطة اعد اقول ازاى انا سبت نفسى كدة ومذاكرتش م الاول ان شاء الله هبدا الترم التانى واذاكر اول باول ويييجى الترم التانى وبقى الحال كما هو عليه
وكذلك ف اولى وبرده قعدت اقول الترم التانى هنظم نفسى واذاكر لانى زعلت ع تقدير الترم الاول اكتر من اعدادى وحسيت فعلا ان انا فاشلة وبالذات لما بفتكر ان فى ايام الاعدادى والثانوى كنت دايما اطلع الاولى او بالكتير التانية ولكن لا حياة لمن تنادى ولسة جاية اخد بالى ان الترم عدى وامتحانات العملى اتحددت وطبعا خايفة جدا من المصير اللى منتظرنى والمعركة والصراع المنتظر لالمام ما استطيع المامه من المنهج:fop (39):
وانا شايفة اكبر سبب بالنسبة لى مبيخلينيش اذاكر غير طبعا ان الوقت بيروح ف الكلية ولما بنروح مبيبقاش فى نفس تبص ف كتاب........... هو انى مش عارفة هدفى ومش عارفة لما اتخرج عايزة اشتغل ايه مع انى داخلة صيدلة بمحط ارادتى بس للا سف كرهت الوقوف فى الصيدلية من اول اسبوع رحت فيه الصيدلية بس عندى امل احبب نفسى فيها وربنا يوفقنا ويحببنا ف المذاكرة جميعا اااامين واسفة جدا ع الاطالة

النت
ثم النت
ثم النت
ثم النت
من هنا لبكرة
بيضيع وقت كبير جدااااااااااااااااااااا قدام النت

دا غير اننا بنرجع مهدودين من الكلية ومفيش حاجة بتتفتح
وكمان علشان احنا اتعودنا ان لازم حد يقولنا ذاكروا او يكون فى امتحان علشان نذاكر

بس ارجع واقول النت هو السبب برضة

هو لو جينا فكرنا منطقيا
هو أكيد السبب داخلى .. و داخلى يعنى يا اما مخ يا اما قلب يا اما الاتنين ( معظمنا )

من ناحية عقلنا ..
فى ناس كتير أصلا مش شايفة ان دى حاجة مهمة انو يجتهد
لأنو مش هييقدر .. أو لأنو لو قدر مش هيعمل حاجة بالتقدير
أو هو أصلا مش عايز يقدر .. مخو مبيقللوش انت هدفك كزا

..

م الاخر الدماغ مفيش فيها حاجة معينة أو خريطة من ضمنها المزاكرة

من ناحية القلب ..
طبعا دى الأزمة :fop7:

كلنا مشغولين بحاجات تانية كتييييييييير
بتخلينا طول الوقت مكتئبين أو قرفانين أو خايفين أو تعبانين نفسيا

طبعا شخص بالأحاسيس دى استحالة هيعرف يزاكر

كل واحد فينا عايش فى عالم مع نفسه .. و بيتمنى حاجات كتير فى حياته
طبعا كلها ملهاش علاقة بالدراسة أساسا
( معظمها يتعلق بالمرحلة العمرية اللطيفة اللى احنا فيها )


بالإضافة لكل اللخبطة اللى فينا دى
فى معوقات جامدة جدا .. بتوقف الحياة فينا كلنا
و تخلينا متنحييين :ai:
و الغريب اننا بندمنها و بنروحلها بنفسنا

الكمبيوتر , النت , التليفزيون ، ....

يا ريتهم بيضيعوا الوقت و بس

انا متأكدة ملوين ف المية انهم بيأثروا على المخ و نفسية البنى ادم
أكيد كلنا عارفين قعدة النت دى بتأثر علينا ازاى
و تقريبا بيعمللنا ( نوع من أنواع التوحد ) :be:

و فعلا فى فكرة أثارت تفكيرى كدة

هو ليه فى ابتدائى كنت برجع من المدرسة أقعد ازااااااكر و ازاااااكر و لوحدى
و مكنتش بشتكى أبدا
و لحد اعدادى كدة .. المزاكرة مكنش فيها أى مشكلة ....

ايه اللى حصل بأة بعد كدة ..
يعنى معنى كدة ان دى حاجة مش ف شخصية البنى ادم
فى حاجات تانية

ع العموم مع كل الاسباب دى ,, الحل مش عندى
احيانا الواحد بيحس انو مش عارف حتى يساعد نفسو :297:

الحل انى مليش دعوة بغيرى وخلينى ف حالى واحط انا تعبت ف ثانوية ودخلت كلية مرموقة لية لان مشوارى لسة مخلصشى واحط ف بالى حاجة مش هستفيد منها يبقى اية الفايدة اضيع وقتى معاها وف حاجة
من يعمل ليس لدية وقت للدموع
هتقولولى احسن سنين سنين الجامعة ومالة مقلناشى حاجة بس مش ع حسابى
ربنا معانا ويوفقنا جميعا
يارب اعمل باللى بقولة
بالتوفيق:fop (29):

اقتباس:

---

المشاركة الأصلية كتبت بواسطة NonY

هو أكيد السبب داخلى .. و داخلى يعنى يا اما مخ يا اما قلب يا اما الاتنين ( معظمنا )

---

كلام حضرتك مظبووووط يا د.nony دايما الغلط مننا احنا مش من اي حد تاني ......و المشكله ان ده بيأدي لحاله من الشعور بالفشل و يصاحبه اكتئاب مزمن ..علي فترات متباعده.....
بعد كده الواحد يحاول مسح اثار الاكتئاب و هو لا يعلم انه سيزيد في المستقبل العاجل ......

اقتباس:

---

المشاركة الأصلية كتبت بواسطة ambitious pharmacist

الحل انى مليش دعوة بغيرى وخلينى ف حالى واحط انا تعبت ف ثانوية ودخلت كلية مرموقة لية لان مشوارى لسة مخلصشى واحط ف بالى حاجة مش هستفيد منها يبقى اية الفايدة اضيع وقتى معاها وف حاجة
من يعمل ليس لدية وقت للدموع
هتقولولى احسن سنين سنين الجامعة ومالة مقلناشى حاجة بس مش ع حسابى

---

ما اسهل الكلام و لكن ما اصعب التنفيذ......
فكم من مره قلت اني ابعد عن كل ملذات الكليه من انشطه و نت و تضيع وقت من غير فايده و في الاخر نفس الكلمه تتردد امامي (الكليه هاتجيلك مره واحده في عمرك كله....يا تستغلها وتسيب بصمه في تاريخك......يا اما هتندم طول عمرك وتقول ياريتني رجعت تاني....):fop (29):

هحط ف بالى واكبر عندى النفس اللوامة دة
هيساعدنى اكتر
ولو تلاحظو ان معظم اللى بيجيبوا تقدير تلاقيهم بيمشو لواحدهم مش مرتبطين بحد
عموما ربنا يهديناا

اقتباس:

---

المشاركة الأصلية كتبت بواسطة إيمان حمدي

كويس اني هكون اول حد يرد على الموضوع دا

بس مش عارفة هقول ايه انا وصاحبتي نفسنا نذاكر من زمان
ومش عارفين نبدأ مفيش نفس لحاجة
دا المفروض آخر ترم لينا في الكلية لازم نستنزف كل طاقتنا ( لو لسه فينا حيل يعني)
بس مش عارفين الشهر اللي بيقولوا عليه دا مش هيكفي الواحد يخلص فرع من مادة
بس احنا مش لازم نيأس أبدا

لازم نستعين بالله.... ونتوكل عليه سبحانه هو الأعلم بأحوالنا

---

على فكرة شهر ده فترة كويسة جدا جدا كمان

بس اغلب طلبة رابعة بيفكروا فى اللى هيعملوه بعد التخرج عشان كده مش بيبقوا مركزين فى المذاكرة:smo

فانا هقول كلمة كان واحد صاحبى فى هندسة قالهالى قبل مايتخرج

اقتباس:

---

متشغلش نفسك بمشكلة لسه مش موجودة

---

يعنى اخلينى فى المشاكل اللى الواحد فيها وبعد كده لما ييجى اوان المشكلة التانية ابقى احلها بطريقتى

اقتباس:

---

المشاركة الأصلية كتبت بواسطة dr noor

والله موضوع جامد ...........
بس هو ايه الى هيفتح نفسنا على المذاكره يعنى ؟؟
ماشاء الله اى حاجه بتحلها فى ورقة الامتحان بتاخد عليها درجات وتلاقى تقديرك علا فجاه http://www.kazamiza.com/vb/images/ic...rka/icon30.gif
وماشاء الله الدكاتره مش نسينا خالص وبيقولوا لينا هنجحكم مش هتقعدوا معانا للسنه الجايه خالص http://www.kazamiza.com/vb/images/ic...rka/icon30.gif
وماشاء الله الجدول جميل جدا وهنبقى نذاكر فى الايام الكتير الى قبل كل ماده http://www.kazamiza.com/vb/images/ic...rka/icon30.gif
وماشاء الله كل الناس الى اتخرجت مش عارفه تعمل ايه من كتر الشغل والعروض الرائعه(على فكره دى اكتر حاجه بتسد نفسى عن المذاكره ...ان مفيش امل )

على فكرة كل الكليات كده وظائف العمل لخريجى الكليات بقت محدودة

والشغل كله بقى لاصحاب المهن لاما تشتغل وظيفة تتناسب مع شخصيتك

لكن خلاص طالما احنا فى كلية دلوقتى لازم نخلصها ومش كده بس لازم كمان نستفيد من الوقت اللى هنقعد فيها:fop (29):

انسواكل الكلام الى انا قلته ده ........لكن المفروض بجد اننا نشجع بعض على المذاكره لان خلاص ازف الوقت .هو مأزفش اوى بس المهم الواحد يبدأ مش نقعد نتكلم وخلاص:fop7: ....
ياريت حد كده من الناس الى اكبر مننا ولا الى اصغر مننا يعطينا شوية نصايح لفتح الشهيه على المذاكره .....ونعتبرهادوا مر بس لازم ناخده ...دوا ايه بس انا مش بحب الادوية:( ..
بالتوفيق للجميع باذن الله .............

---

اقتباس:

---

المشاركة الأصلية كتبت بواسطة Hope1

ده سؤال منطقي وجيه ينطوي علي وجهة نظر فلسفية متعمقة
:hi: :hi:
احنا و الله معذورين عندنا حاجات تانية كتييييييييير ليها اولوية عندنا قبل المذاكرة زي لعبة الحياة و عيش ايامك و الاتجاه المعاكس و الشيخ سيد حمدي ده غير النت و الكتب اللي تحت المخدة

ايه بس البرامج دى دا كفاية الدوريات اللى بقت فى كل القنوات

الواحد وصل انه بقى يتفرج على اكتر من 12 مباراة بالاسبوع:fop (18):

انا الحمد لله قررت امبارح مش هتفرج علي لعبة الحياة و ممتش و لا حاجة و ان شاء الله هكمل المسيرة
المشكلة كمان انا معندناش هدف (يعني بجد و الله لو الواحد مات دلوقتي مش عارف هيقابل ربنا يقوله ايه)
احنا كلنا اتصدمنا بوفاة الدكتورة صاحبتنا الي في سنة رابعة ربنا يرحمها يا رب مع ان كلنا معرضين يحصلنا كده و اه بقي لو ادام التلفزيون و بنشوف حاجة هايفة ............
قصدي اقول الي هيخلينا نذاكر ان شاء الله و انا معاكم لو حطينا كلنا في دماغنا انا هنتسأل عن عمرنا فيما افنيناه و شبابنا فيما ابليناه
اللهم ثبتنا عند السؤال يارب
كمان الحمد لله في حاجات ماللي بناخدها في الكلية علم ينتفع به (هدف تاني بردو)
و كمان رغم ازمة البطالة مازال الصيادلة اكتر ناس بيشتغلوا و اكتر ناس ليهم عقود بره دى صح :fop (18):
معلشي طولت عليكم انا اسفة انت حضرتك بنت:bj:
يلا دلوقتي مع السلامة عشان راحة الكلية ادعولي الحق المحاضرة

---

اقتباس:

---

المشاركة الأصلية كتبت بواسطة محمد عليوة

احنا مش بنحب نذاكر عشان احنا مش عارفين احنا بنذاكر ليه.......

طبعا المشكله اننا بنقول ......(انا عايز اذاكر عشان انجح) ........وده غلط...

لكن لو الواحد حط امامه اهداف اخري اسمي ........ هتخليه يحب المذاكره

وانا في اعدادي كنت من ال3 الاوائل علي مدرستنا:fop (18):
وبجد كنت بحس ان المذاكره جميله ومش بزهق منها خالص.....
لاني كنت حاطط هدف امامي وهوه اني اكون احسن واحد في المدرسه......

حتي في ثانوي ........كنت بلاقي للمذاكره طعم
لاني كنت حاطط هدف ليا اني ادخل طب .....
وانا ربنا لم يوفقني في 3 درجات.......
لكن فعلا كنت بحب المذاكره في ثانوي....

اما الجامعه.............
فالاسف .....انا وجدت نفسي في عالم منعزل عن الاخرين
ولا عارف اذاكر ازاي؟؟؟؟؟
ولا عارف احضر محاضرات ولا لأ؟؟؟؟
ولا عارف اخد كورسات ولا لأ؟؟؟؟؟؟؟
ولما اجيب ورق اجيب لمين؟؟؟؟

برجع من الكليه مرهق جدا و مش قادر.........فبدخل انام ......واصحي بليل ...فاليوم بالتالي بيضيع مني..
مش عارف احط هدف لنفسي معين
و مضحكش علي نفسي و اقول اني ممكن اتعين معيد.......
ولو اتعينت ......مش هكون اول ولا اخر واحد يتعين معيد...وان كنت ارجح السفر الي الخارج افضل من التعيين بالجامعه....اعمل اللى انت شايفه صح والنتايج كلها على الله:fop (28):

حتي الان وانا ابحث عن هدف سامي و مش لاقي....
واصحابي زيي زيهم .....
ودي المشكله....

---

بص الحاجة الوحيدة اللى كانت بتخلينا نذاكر فى التعليم الاساسى

هى تنظيم الوقت اللى كنا فيه

يعنى كنا بلنروح المدرسة نرجع على 2 نروح الدرس واللى بيكون زاحد فى اليوم

وباقى اليوم بتاعنا

لكن دلوقت الواحد كل يوم بيصحى فى ميعاد مختلف وبيرجع فى اوقات مختلفة

عشان كده تنظيم ميعاد النوم بحيث يكون ثابت زى مابيحصل بعد مانخلص المحاضرات ومعدناش بنروح الكلية الواحد بيلاقى نفسه يذاكر كويس:fop (18):

اقتباس:

---

المشاركة الأصلية كتبت بواسطة محمد عليوة

احنا مش بنحب نذاكر عشان احنا مش عارفين احنا بنذاكر ليه.......

طبعا المشكله اننا بنقول ......(انا عايز اذاكر عشان انجح) ........وده غلط...

لكن لو الواحد حط امامه اهداف اخري اسمي ........ هتخليه يحب المذاكره

---

تمام إحنا منعندناش هدف
اللي عنده هدف لازم يسعى له
وهيقدر يوصله بإذن الله
بدليل إن وانا في ثانوي كان عندي هدف
وحققته
ودخلت الكلية اللي أنا بمنتهى الأمانة بأعشقها
أو بمعنى أدق وللأسف كنت بأعشقها
وهذه هي الكلية

اقتباس:

---

المشاركة الأصلية كتبت بواسطة ameer

(ما اجمل ان لا تفعل شئ ثم تأخد استراحة )

---

حلو أووووووووي المبدأ ده

اقتباس:

---

المشاركة الأصلية كتبت بواسطة NonY

هو لو جينا فكرنا منطقيا

..

م الاخر الدماغ مفيش فيها حاجة معينة أو خريطة من ضمنها المزاكرة

من ناحية القلب ..
( معظمها يتعلق بالمرحلة العمرية اللطيفة اللى احنا فيها )


بالإضافة لكل اللخبطة اللى فينا دى
فى معوقات جامدة جدا .. بتوقف الحياة فينا كلنا
و تخلينا متنحييين :ai:
و الغريب اننا بندمنها و بنروحلها بنفسنا

الكمبيوتر , النت , التليفزيون ، ....

يا ريتهم بيضيعوا الوقت و بس

---

بأتفق معاكي يا نوني
فعلا في كذا حاجة بتمنعنا عن المذاكرة



أنا بقى عندي مشكلة كمان محدش قالها
زمان لما كنت في ثانوي وما قبله
كنت لما بأذاكر حاجة بأفضل فاكراها والحمد لله
أعتقد إنها لسه عندي في الذاكرة
وحتى لو كان اللي فاضل جزء بسيط
فأنا راضيه بالجزء ده
لكن في الكلية مش عارفة إيه اللي حصل
كل اللي بأدخله بيطير قبل الإمتحان
وإن ماطرش قبل الإمتحان فهو بيطير بعده
وبأدخل الشفوي أبيض من الصيني اللي لسه محدش أكل فيه

بجد دي حاجه مضايقاني إزاي بعد تعب السنين دي كلها
هأوقف في صيدلية وأكون مسئولة عن صحة ناس
بجهل مني أو بغلطة ممكن أموتهم
يمكن أبقى في تالتة ورابعة أحسن
بس أنا ضميري معذبني أوووووووووي
نفسي أفتكر كل كلمة بأذاكرها حتى ولو مش هتفيدني في الصيدليه
لكن مادام أنا ذاكرتها ليه مأفتكرهاش
ليييييييييييييييييه ؟؟؟؟؟؟؟؟
ليييييييييييييييييييييييييه؟؟؟؟؟؟
:fop (11): :fop (11): :fop (11):

1st step of controling your self not only the ambition

It is also deceiving and tricking ur self.

اقتباس:

---

المشاركة الأصلية كتبت بواسطة منى نور

انا عن نفسى متعوده على كده

التيرم الاول بأبقى نشيطه جدا وبأذاكر جدا:fop (13):

التيرم التانى مش بأفتح كتاب .... يعنى العكس تماما:fop6:

كل الناس من اول ما بدأنا مسيره التعليم يقولوا انهم زادوا كتير فى التيرم التانى

انا بقى لأ... بأضيع اللى عملته فى التيرم الاول باللى بأعمله فى التيرم التانى:fop (44):

فمش مستغربه قوى يعنى حالتى دى.,

---

انا زيك تمام يادكتورة بقدر التيرم الاول والتيرم الثانى بنزل جامد لانى بكون مليت وبدات ازهق:fop (17): :fop (17): :fop (17): :fop (17):

لما اجى اذاكر بحط فى دماغى انها عباده والسبيل فيها هيه ارضاء ربنا مش اكتر والله
بقول دعاء المذاكره وايه بحبها جدا(قل ان صلاتى ونسكى ومحياى ومماتى لله رب العالمين)
حتى لما بلعب كوره بقولها
وبرضوا دعاء تاليفى كده (ربى انى لاحب ذكرك وان كلامك لاحب الى فاكتب لى بكل حرف اذاكره حسنه )
دى اكتر حاجه بتعينى على المذاكره

اقتباس:

---

المشاركة الأصلية كتبت بواسطة le pharmacien

لما اجى اذاكر بحط فى دماغى انها عباده والسبيل فيها هيه ارضاء ربنا مش اكتر والله
بقول دعاء المذاكره وايه بحبها جدا(قل ان صلاتى ونسكى ومحياى ومماتى لله رب العالمين)
حتى لما بلعب كوره بقولها
وبرضوا دعاء تاليفى كده (ربى انى لاحب ذكرك وان كلامك لاحب الى فاكتب لى بكل حرف اذاكره حسنه )
دى اكتر حاجه بتعينى على المذاكره

---

جميل اوى
ربنا يبارك فيكم:)

اقتباس:

---

هو احنا ليه مش بنذاكر؟؟؟؟؟؟؟؟

---

سؤال حيوي:D
بس مش عارفه اجابته بصراحه..
كل اللى اعرفه ان كل ماربنا يهدينى واقعد عشان اذاكر
الاقي النوم كابس عليا
والله ساعات بابقي لسه صاحيه م النوم..نقول ايه بقي
افضل اقنع ف نفسي انى اذاكر ومفيش فايده
ف الاخر بامسك الكشكول
واقوم عامله جدول مذاكره"يبدأ من بكره طبعا"
واقنع نفسي ان كل شيء تمااااام..
وكل يوم باقعد أرحل ف الجدول يوم لغايه مايصفصف على مفيش:D
بس عامة.
أنا م الناس اللى بيذاكروا ف التيرم الاولانى اكتر م التانى
ومع ذلك محصلة التانى بتبقي أفضل..ربنا يستر السنه دى بقي
:fop (29):

هو احنا مش بنذاكر ليه؟؟؟
لان المذاكرة مملة ومرهقة للدماغ ومع الجو الحر ده دمار
وبعدين انا بذاكر وانا عارفة اني بذاكر للامتحان فببقي خايفةوانا بذاكر وحاسة ملل
يعني مثلا لو جربت انك تقرا مادة من موادك في الاجازة هتلاقيك حاببها وعايزة تفهمها لانك مش خايف
من وقت ولا امتحانات
هي دي المشكلة ان احنا بنذاكر عشان مش حابين لا عشان مجبرين للامتحانات

اقتباس:

---

واقوم عامله جدول مذاكره"يبدأ من بكره طبعا"

---

انا كاتب يافطة عليها

هبدأ مذاكرة بكره

فكل يوم اصحى اشوفها فاقتنع انى هذاكر بكره

لحد مالامتحانات جات اليافطة لواحدها اتقلبت وبقت ماذكرتش ليه امبارح:ai:

ساعتها طبعا كأى انسان عادى قعدت افكر انى لو كنت بدأت بدرى كنت ممكن اخلص

وفعلا خلصت لكن خلصت اليوم الباقى قبل الامتحانات فى التفكير فى اللى فات

وبكده ضيعت الحاضر والمستقبل دا غير الماضى اللى ضاع:fopl00l: (حلوة الجملة دى:fop (18): )

لا بجد انا مبدأتش اذركز فى المذاكرة غير بعد مااتخانقت مع اخويا بسبب الكمبيوتر واللى اتقفل بسبب الخناقة دى لمدة 3 ايام خلصت فيهم حاجات كنت باخد فيها شهر مذاكرة

لأ والجميل انى فاكر كويس اللى ذاكرته

والنهاردة عملت هدنة عشان افتحه عشان اعرف شوية اخبار

الهدف من الكلام ده ان كل واحد فينا فيه حاجة بتضيعله وقته ابعد عنها بس يومين هتلاقى بقى عندك وقت

كبيييييييييييييييييييييييييييييييييييييييييييييييي ييييييييييييييييييييييييييير جدا انت نفسك مش هتصدق ان اليوم بقى طويل كده

اما حكاية النوم دى فدى فى الاول عشان كده ابدأ بمذاكرة المواد السهلة عشان تثبت على الكتاب شوية وهتلاقى نفسك بقيت انشط وخصوصا انك هتلاقى الموضوع بدأ يمشى معاك والمذاكرة كل مرة بتبقى اسهل:fop (29):

وربنا يوفقنا كلنا باذن الله:fop (29):