حكمتك يارب...بس بعيد عن السياسه!!

من غيظي ومن وقتي الفاضي لحد دلوقتي عملت الروم دي عشان كل واحد جواه ((كبت)) او ((غيظ)) زيي كدا يكتب هنا ويقول ايه اللي مدايقو كدا
أعدين لحد دلوقتي لا شغله ولا مشغله!! وحضورنا للمحضارت او السكاشن عشان يعملنا بس عملية *******!!
وكدا كدا حيطبق علينا نظام الاكلينكال ومش مشكله في اي وقت بأه مهو بالساعات!
طب يا جماعه حنبدأ إمتي!! والله الواحد زهق
يوم الجمعه اللي فات قالولنا بخلاصه الكلام كدا ان النظام دا حيتلغي ودا ظهر من حكاية استرداد فلوسنا ونحضر عادى ويتعوض اللي فات والكلام دا!!
بعدها ب24 ساعه قالو احنا اخدنا الo وال K كمان من الوزير الحمدلله!! بس احتمال تاخدو محاضرتكو في مبنى مش عارف ايه يعني مش حناخدها في فاركو!!
تفتكرو الأيام الجايه باه حيكون ايه الجديد!! هههههه
قالولنا كدا الجمعه عشان نتقبل بأه أي حاجه تتقال لينا بعدها!!

متهيألي كلامي لحد كدا كفايه...والحمدلله بعيد عن السياسه!! :)
حكمتك يا رب!

انا كتبت عملية ريفرش بس بالإنجلش معرفش ليه بأت نجوم كدا ومتكتبش!!!

والله يا أحمد أنا مستغرب من الي حصل يوم الجمعة . وكأن العميد مكنش يعرف حاجة عن الاجتماع ده خالص ولا الكلام الي اتقال فيه . وعلى فكرة قاعة فاركو ان شاء الله هناخد فيها ( زي ما قال سكرتير العميد ) بعد الهيصه الي حصلت . وبالنسبة نقطة لا شغلة ولا مشغلة العميد حلهالك من زمان وفالك استحما واتفرج على المسلسلات . وعشان يكون في علمكم يا جماعة احنا ممكن نبدأ على يوم الثلاثاء الجاي كده . عشان كده يفضل ان لو حد عاوز يسافر يبطل سفر ويهدا شوية( الكلام ليك يا أحمد ). وشريف اذا كان شايف الكلام بس شكله مش معانا على اللين خالص اليومين دول . وان شاء الله خير وكله هيبقى تمام .

تصدق يا كيمو انى زهقت من كتر الحما والفرجه على المسلسلات.... ههههههه
عموما ان شاء الله نبدأ على خير
وحسمع بنصيحتك يا عم وحقلل طبعا من سفري للقاهره

اوك يا أحمد,

نكتب عن اللى مضايقنا من النظام, مافيش مشكلة, بس مانساش إن لازم كلنا نكتب بإحترام ومن غير تجريح.

واللى مضايقك مضايقنا كلنا أكيد يعنى,

بس الحمد لله أنا عندى معلومات بتقول إن إحنا هناخد فى قاعة فاركو مش مبنى "ب", والمعلومات دى موثوق منها بشكل كبير جدآ.

وممكن كريم كان حضر معايا قى وقت كنت عرفت فيه جزء من المعلومات دى وإحنا فى مكتب سكرتير العميد.

وربنا يجعله عامر....

تحياتى;

أكيد يا دكتور عامر بإحترام ومن غير تجريح
ولا انت تعرف عني حاجه غير كدا ;)
بدليل انى قلت بعيد عن السياسه ....
عموما ياريت الكل يكتب هنا اي حاجه تدايقو ويسمع بنصيحة الدكتور عامر :)

طبعآ يا أحمد,

انا بقصد إن أكيد معانا ناس ممكن غضبانة من حاجة فتعترض بإسلوب غير لائق.

لكن طبعآ أنا واثق فيك :) ,

تحياتى;

ربنا يكرمكم يا جماعة :) ... و إن شاء الله مفيش حاجة هتضايق أى حد فيكم بعد كدة و لا أى حاجة تغيظكم :yeah: ... و يكون الموضوع دة كان اختبار من ربنا و تكونوا كلكم نجحتم فيه :slam:

ربنا معاكم ....

أشكركم يا جماعه على تعاطفكم معانا!

مليش غير ان اقول كلمه واحده بس

يااااااااااااااااااااااااااااااااااااااااااااااااا ارب!:sad:

الجميع في انتظار (الإعلان) اللي حيتعلق
وفيه موعد بدأ الدراسه

يارب نخلص باه من الحال اللي احنا فيه دا..

أنت مستعجل على ايه بكرة تتطحن طحن كده من كتر الشغل . ;)

bgad no comment 3la ely e7na fe ..

يااااااااااااااااااااااااااااااااااااااااااااااارب
يحقق لكم كل انتم عايزينة وخصوصا انتا يا كربم....

شكرا يا د/ Kakato على مرورك وعلى الدعوات الجميلة دية . وربنا يوفقنا جميعا .

بدأ العد التنازلي..... أول يوم من شهر نوفمبر......((مفيش ايييييي اخبار)) !!!!

ثاني يوم من شهر نوفمبر......!

بنقول يا رب ...
يارب يا رب يا رب يا رب ...
بس دايما خليكم فاكرين ...
بالأمل و التفاؤل و الصبر .. سنحقق ما نتمناه ..
بعد كدا ... هنقول ..
بالعمل و الاصرار و التحدي .. نصل الى ما نريد تحقيقه ..
best luck for us

ربنا يسهل ياجماعة وموضوعكوا يتحل قولوا يارب

امتى يا ولاء نقول (بالعمل) والاصرار والتحدي
هو فيه اصرار وتحدي وتفاؤل الحمدلله

يارب ييجي اليوم باه اللي نعمل فيه باه.....يااااااااارب...
اشكرك يا Moon Light على مرورك وتعاطفك معانا

اها لاحظت انك يا د. احمد حطيت كلمة (العمل ) بين قوسين ...
ده معناه ان منتظرين العمل الفعلي بجد ..
عموما دايما بنقول ربنا ييسر الحال ..
و كل تأخيرة و فيها خيرة ..
وماحدش عارف بكرة فيه ايه ..
والكلام ده كله ....
و شدوا الهمة ... :)

كل تأخيره وفيها خيره
محدش عارف بكره فيه ايه ... هههههههههه
بضيف اليهم باه
لا يأس مع الحياه
لو بطلنا نحلم نموت
شدو الهمه يا رجاله
الصبر مفتاح الفرج
ان الله مع الصابرين...........الخ
اشكرك على المرور ((اللي دمو خفيف:) )) دا يا ولاء ومتحرمناش من تعليقاتك الجامده دي

ما هو بيقولوا ...
شر البلية ما يضحك ....
لما كنت في ثانوي و لما كنت مع صحباتي نمر باوقات خنقة فعلا و ضغط جامد بين الدراسة و الانشطة و الامور دي كلها ..
في وسط البكاء نضحك و نهزر و عادة نكتب بخط كبييييييييييييييير على السبور ...
مازال الأمل باقيا

فعلا سبحان الله زي ما قلتي شر البليه ما يضحك
زمان كانت خنقتنا من الدراسه وهموم الامتحانات وصعوبتها والكلام دا كلو
دلوقتي خنقتنا من الأعده في البيت وعدم وجوده دراسه
فعلا احساس جديد اننا نفسسسسسسسسسسسسسسنا نزاكر باه ونطحن زي زمان

تفاؤلو خيرا يا جماعه ان شاء الله

و كالعادة الي واثقة منه اننا ان شاء الله مجرد ما ندخل في مود المزاكرة اسبوع اتنين كدا ..
بعد كدا هنقول :
عاوزين اجاااااااااااااااااااااااااااازة..
عجبا لأمر ابن ادم ...
يا كريم يا رب

بس احنا ندخل بسسسسس ونقول ساعتها اللي نقولو
احنا دلوقتي عاوزين درااااااااااااااااااااااااااااااااااااااااااااسة

يارب الصبح نسمع اخبار حلوه يااااااااااااااااااارب قولو آمين

باذن الله واحد احد ...
هنسمع الصبح اخبار حلوة ...
تفاءلوا بالخير تجدووووووووووووووه ..
ان بعد العسر يسرا ...
و مع شعاع الصباح .. نسمع ما يجلب لنا الارتياح ..
ودمتم سالمين

يارب كدا يكتر من عدد المتفائلين
وما شاء الله يا دكتوره فعلا كل تاخيره وفيها خيره
يمكن الخير ليكي من تاخر البرنامج دا ان اصبحتي تألفي شعر؟؟
ولا ايه حكايه شعاع الصباح دي؟
((فضول بس)) :)

عموما ان شاء الله حنبدأ ياااااااااااااااااااااااااااااااااااااااارب

لا والله بس بحب اللغة العربية جداااااااااااااااااااااا...
فيمكن وحشني السجع شوية ..
لان اللغة العربية فعلا رائعه جدا ....
يعني في الثانوية العامة جبت في العربي الدرجة النهائية ... ومش جبت الدرجة دي في الكيميا مثلا!!!!!!!!!!!
يكفي انها لغة القران :)
اما موضوع الشعر ده فهو ليس بجديد و لكن مشكلته انه مش موزون على بحر معين من ابحر الشعر بس هو مجرد نظم عمودي مقفى ...
و دمتم سالمين ...
و يارب الصبح يجي مع اخبار حلوة

ما شاء الله عليكي مع انى مكنتش بحب اللغه العربيه دي تماما
طبعا بغض النظر عن انها لغة القرآن الكريم
فأنا مكنتش بحب حكايه القواعد وتاريخ الأدب والتعبير والبلاوي السوده دي
وبردو كان سبب انى اخش صيدله ان مجموعى نقص بسبب العربي وملحقتش طب
ولكني بشكر اللغه العربيه لانها تسببت انى ادخل الكليه دي والحمدلله
ولو رجعت ثانويه عامه تاني أكيد حختار صيدله
سبحان الله ...فعلا الانسان مخير وليس مسير

ان شاء الله... نرجع الصبح من الكليه واحنا مبسوطين بس نصلي وندعي ربنا وباذن الله كلو حيبأه في السليم

السلام عليكم و رحمة من الله تعالى و بركاته ..
والله يا دكتور امر ان احنا مسيرين و مخيرين ...
الموضوع ده كبير جداااااااا ..
بس بشكل عام احنا مسيرين في امور و مخيرين في امور ...
هنا بقى كان سؤال بيطرق دايما أذهاننا ...
ازاي احنا مسيرين و ازاي مخيرين في امور ؟؟ و ازاي كل ده في اللوح المحفوظ من قبل ما نتخلق؟؟ و ازاي برضه ان الله يعلم اذا كان الانسان في الجنة او النار؟؟ و كل ده من قبل ما يتخلق الانسان اصلا .........!!!!!!
سبحان ملك الملوك ... الامر مش سهل ابدا .. عشان كدا في اية في القران بيأمرنا فيها الله
الا نسأل عن امور ان تبدى لنا تسؤنا ...
دمتم سالمين