!!! مغامرات × سكشن الصيدلانيات !!!

عرض للطباعة

15-10-2009, 07:43 AM
Anas

بصراحة والله العظيم كان من أحسن سكاشن الصيدلانيات اللي حضرتها على مر الكلية

سكشن كده 20 طالب بس في المعمل " هو بصراحة مكانش في طالب غيري و الباقي طالبات "

حاجة كده عاملة زي حصص المجال الزراعي و حصص الألعاب بتاعت أيام زمان

:ban:

باستثناء ان مكانش في غير أنبوبة غاز واحدة في المعمل كله و بالتالي مفيش غير فليم واحد في المعمل كله

ف الدكتورة قسمتنا مجموعتين ؛ 10 و 10
مجموعة هيعملو الـ Plain Suppository و التانية هيعملو الـ Medicated Suppository

و كل مجموعة بقى تقسم نفسها ... حد يوزن و التاني يظبطله الميزان ... و التالت واقف يشجع .. كده يعني عشان محدش يقعد من غير شغل ... لان الإيد البطالة وحشة و انتو عارفين

أه صحيح ... نسيت أقولكم ان في حد بيروح يملى الـ water bath من الحمام عشان المعامل مفيهاش مية

" أثناء خطوة الـ lubrication of mold المفروض اننا بنستخدم soap solution و اللي الدكتور قالنا عليه في شرح العملي ان من ضمن مكوناته ethanol as anti-foaming agent !!! ... بس ما شاء الله بجد كان عامل كمية رغاوي محترمة ... "

و بعد كده اصطفينا كلنا حوالين الفليم - حلوة اصطفينا دي :fopl00l: - و قعدنا نتفرج على القاعدة و هي بتسيح

و بعد كده نيجي للمرحلة الخطيرة و الخطوة الحساسة ألا و هي الصب في القالب ...

و ما شاء الله النهاردة طلع معانا تشكيلة من أجود أنواع العيوب اللي ممكن تحصل في الـ Suppositories على مستوى الكلية كلها

كان معانا الـ longitudinal patch و الـ excess lubricant ... و طبعا الـ Central pore ده كان شيء أساسي من غير ما اقول يعني

" ملحوظة ... أكتر حد هيعرف يصب كويس في القالب هما البنات اللي بيدخلو المطبخ كتير "

بس الحمد لله قدرنا ننقذ 9 لبوسات بحالة صحية شبه جيدة من بين 24 لبوسة تم عملها

و بلاش أتكلم عن نتيجة الـ calculations اللي اتعملت

هذا و نوافيكم بأي تفاصيل أخرى حال وصولها الينا ...

كنت معكم من سكشن الصيدلانيات بالدور الخامس على ايدك اليمن و انت طالع من عالسلم

:smo
15-10-2009, 08:24 AM
Chimera

هههههههههه
بكل امانة اكتر مواقف طريفة بتحصل ف المعامل .. كل المعامل بدون استثناء

لما بقعد و احكيها لأخويا .. بنموت على نفسنا م الضحك

يلا ف انتظار الجديد

.,,
15-10-2009, 09:02 AM
@Noh

شكرا لك دكتور أنس مستنيين بقية السكاشن بس ابعد عن مغامرات الامتحان
موضوع جميل
15-10-2009, 01:14 PM
mohanad

فعلا السكشن كان فيه فليم واحد شغال وانا و طالب زميلي بس و الباقي طالبات بس كل واحد فينا اشتغل لوحده بعد لما الدكتوره خلصت الفليم وكل واحد صب لوحده (كنا عايشين والله) بس علي فكره دي ظروف السكشن ده بس . أكيد بعد كده هيبقي أحسن لأن العدد صغير والدكتوره متابعة كله كويس
15-10-2009, 02:23 PM
~Am@ny~

اقتباس:

المشاركة الأصلية كتبت بواسطة Anas

و ما شاء الله النهاردة طلع معانا تشكيلة من أجود أنواع العيوب اللي ممكن تحصل في الـ Suppositories على مستوى الكلية كلها

كان معانا الـ longitudinal patch و الـ excess lubricant ... و طبعا الـ Central pore ده كان شيء أساسي من غير ما اقول يعني

"

ههههههههههههههههههههه ماشاء الله
احنا عندنا كله طلع مظبوط وكنا بنقول للدكتوره عايزين نشتغل او نصب غلط :fopl00l: عشان نشوف شكل العيوب عامل ازاى ف suppositories بس قالتلنا لا مينفعش نشتغل غلط والحمد لله كده تمام جداا
و عشان كده الحسابات كانت طالعه مظبوطه
عموما السنادى سكشن الصيدلانيات من امتع السكاشن وبجد الدكتوره كويسه جداا معانا:)
15-10-2009, 02:38 PM
عبدالله عبدالرحمن

طيب على الأقل انتوا اشتغلتوا لكن احنا الدكتورة مروة -مشكورة عملت لنا الشغل كله
وقالت لنا روجوا اوزنوا البلاين والمديكاتيد واعملوا الحسابات وتعالوا
ومفبش حد لمس حاجة
بتهيألى كان سكشن تعبان
بس فكرنا بالموازين والتحضير بتاع اولى
15-10-2009, 04:05 PM
pharmacistina

المشكلة ان معامل الصيدلانيات لسة متوصلش فيها ماية ..

و يا رب الماية تتوصل بسرعة لأن لازم الطالب يعمل الكلام دة بنفسه .

عموما الترم الأول كله supposiotry , لسة قدامكم فرصة تتعلموا ان شاء الله ..
15-10-2009, 04:49 PM
Pharmcist_girl

والله السكشن كان لذيذ بجد وطلعنا شويه لبوسات كميله خالص بس طبعا مفيش الا فليم واحد و مفيش مياه وكنا عايشين يعنى ..........
15-10-2009, 04:50 PM
mohamed samir

شوقتونا للسكشن ده يا دكاترة

اقتباس:

و بعد كده اصطفينا كلنا حوالين الفليم - حلوة اصطفينا دي :fopl00l: - و قعدنا نتفرج على القاعدة و هي بتسيح

بما ان سكشنى كله صبيان فربنا يستر ويعديها على خير ومنولعش لهم فى السكشن
:fopl00l::fopl00l::fopl00l::fopl00l:
15-10-2009, 05:26 PM
BonaBart

اقتباس:

المشاركة الأصلية كتبت بواسطة Anas

بس الحمد لله قدرنا ننقذ 9 لبوسات بحالة صحية شبه جيدة من بين 24 لبوسة تم عملها

ههههههههههههههههه :bj:

البركة ف ال9 لبوسات الباقيين :fopl00l:
وربنا يصبرهم على فقدان باقى supp :bj:

اقتباس:

هذا و نوافيكم بأي تفاصيل أخرى حال وصولها الينا ...

كنت معكم من سكشن الصيدلانيات بالدور الخامس على ايدك اليمن و انت طالع من عالسلم

:smo

جمييييييييييييييل جداااااااااااا :fop (18):

احب اشكر مراسل المنتدى أنس :hi:
على مجهوده وتغطيته للحدث التاريخى :fopl00l:
من سكشن الصيدلانيات ف كلية صيدلة المنصورة

ونرجع مرة تانية للاستوديو مع ضيوفنا الكرام :co:
لتحليل الموقف
ومناقشة الحلول الجادة للتغلب على مثل هذه ......

:bj::bj::bj:

:fop (28)::fop (29):
15-10-2009, 05:55 PM
yojeena

هههههه
مش جديده...اللي فعلا كان بيبان فيه اللخابيط دي سكشن العضويه:fop7:
كنا ياعيني بنتحايل علي التفاعل انه يحصل وما فيش فايده....و نقعد نلف ورا المعيدين يقولونا .....
لا انتو ما عملتوش شيكينج كويس..مع ان ادينا كانت هتتشل من كتر الرج
لا انتو ما سخنتوش كويس........و يبقي اصلا مش فاضل في الانبوبه غير نقطتين كلهم طاروا هههههههههه
لا انتو حطيتوا نقطه وربع واحنا قلنا حطوا نقطه بس ههههه:ai:
وف الاخر الدكتور ما يقتنعش ان احنا صح الا لما يعمل التفاعل بنفسه ويلاقي ما فيش حاجه
فيقولنا دا الريايجانت باظ هههههه:fop (18):
ونجيب غيره و نعمل ولا حياه لمن تنادي:smo

يعني الحكايه قدييييييييييييييمه:290:
15-10-2009, 06:35 PM
monosh

على فكرة أحنا كنا النهارده فى نفس المعمل....

بجد الشغل تحفة جدا...

ودكتورة ولاء وقفت معانا تشرح لنا بس خليتنا نشتغل بإيدينا وقسمنا برده الشغل على بعضنا..

يبوظ ...نكب ونسيح تانى....وهكذا دواليك...

والحمد لله...طلعنا كمية لا بأس بها من اللبوسات.

وظبطنا الحسابات وكله تمام..

بغض النظر عن المية والغاز والسلم العالى اللى ع الصبح...أحسن حاجة فعلا مشهودة السنة دى فى المعمل.

عدد الطلبة....ياريت نفضل على كده.وياريت كل السكاشن تبقى كده.(عارفة انى بطلب المستحيل).

بس برده مازال الأمل موجود وبانتظار المزيد ......
15-10-2009, 07:49 PM
friend

فعلا السكشن النهارده كان جميل لان العدد كان قليل جدا انا ماكنتش مصدقه عينيه معقوله ده سكشن الصيدلانيات بتاع وسع ياابنى شويه:fopl00l: الحمد لله عشت وشوفت اليوم ده بس يارب تكون باقى السكاشن كدا
15-10-2009, 11:36 PM
pinky

فعلا بجد بجد كان اجمل سكشن حضرته فى الكليه
احنا بقى مش اشتغلنا ولا اى شىء
الدكتور اشتغل وطلب مننا الكلكيولشن
16-10-2009, 02:31 AM
dr_amoona

فعلا احلى سكشن حضرته ولما صبيت طلعت حاجات كويسة
ودكتور ريهام زي العسل ربنا يكرمها
واحلى حاجة انه العدد كان قليل .. وكلنا اشتغلنا
ومتزعلش يا انس انك الوحيد يعني في السكشن ^_^
ده حتى انت اشتغلت كويس :fop (18): مش بقر والله هههههههههههههههههههههههه

والكالكيوليشن كان فل يعني الحمد لله خاصة ان كل الوزن طلع غلط ^_^
كل سكشن وانت طيب يا د.انس
16-10-2009, 11:51 AM
BoNbOoNa

جمييييييييل اوي التقرير ده :fop (24):
ربنا يوفقكم جميعا ان شاء الله ...:)
بس انا عاوزة اعرف الـ 9 لبوسات دول كان مصيرهم ايه :ban: ؟؟؟
16-10-2009, 12:20 PM
dr toty

والله ياجماعة أنتوا شوقتونى انى أحضر السكشن ويبقى ليا مغامرات أنا كمان
بس أنا عايزة أسأل عن مذكرة العملى
حد يعرف نشتريها منين وايه سعرها
وهل بياخدوا عليها الغياب ولا لأ؟
16-10-2009, 01:05 PM
lonley

أنا عن نفسي أخدت لبوستين واحده من كل نوع عشان اوريهم لماما وبابا وأفرحهم بيا:fopl00l:
وعلى فكره فعلا السكشن كان جامد ومفيش ولا لبوسه باظت والحمدلله
مرسي على الموضوع يادكتور:fop (29):
16-10-2009, 04:46 PM
dr.pinky

اقتباس:

المشاركة الأصلية كتبت بواسطة عبدالله عبدالرحمن

طيب على الأقل انتوا اشتغلتوا لكن احنا الدكتورة مروة -مشكورة عملت لنا الشغل كله

وقالت لنا روجوا اوزنوا البلاين والمديكاتيد واعملوا الحسابات وتعالوا
ومفبش حد لمس حاجة

بس فكرنا بالموازين والتحضير بتاع اولى

احنا كنا كدة بردة
بس هى قالت ان ع مدار التيرم كلة هنشتغل supp.
بس بردة ف معملنا كان كل واحد مطلع الdv نتيجة بعيدة عن التانى تمااااااااااااااااااااما

والدكتورة مطلعة حاجة تالتة خااااااااااااالص

سبحان الله .. ياترى العيب ف اية

ف الموازين

ف لمعمل

ولا فينا احنا

اللى يعرف الاجابة يرد عليا:fop (18):
17-10-2009, 02:02 AM
dr queen

اقتباس:

المشاركة الأصلية كتبت بواسطة dr.pinky

ياترى العيب ف اية

ف الموازين

ف لمعمل

ولا فينا احنا

اللى يعرف الاجابة يرد عليا:fop (18):

أنا كنت بشد فى شعرى عشان الوزن
استخدمت اكتر من تلات موازين بيطلع نتيجة غلط ،
الدكتور قالنا الفراكشن بايظة ، استخدمت بتوع زمايلى ،
ونوع مختلف عن بتاعتى وبرده ما طلعتش صح ..:fop (39):

يارب تتظبط فى السكاشن الجاية بقى ..:(
17-10-2009, 06:09 AM
bosyy

'طبعا كلنا مش عارفين ازاى نشكر مراسلنا الهمام د/انس على مجهوداته الجباره دى بس ممكن نقول له اعانك الله وتاتينا بكل جديد من مواقع الاحداث
-----
اخر رساله دى شكر من د/بوسى
19-10-2009, 08:47 PM
Dr nour

ههههههه سكشن صيدلانيات انا النهارده بجد اتمنيت انهم مكنوش ناقلوه من صيدله قديمه على الأقل هناك كنا كل 2 بيشتغلوا يعنى بنشتغل بادينا لكن يافرحتى بالمعامل الجديده ندخل السكشن 9 نخرج 10.30 ولا ايه جايبين ادوات وعاملين الcalculaion ومظبطين نفسنا علشان نشتغل على طول والحمد الله طلع شغل ميه ميه كل اللى احنا عملناه اننا نتفرج على المعيده وهى بتشتغل الeff granules لأ بجد تعبنا قوى
30-10-2009, 06:31 PM
loves

هههههههههههه انا بقي اشتغلت السكشن التاني كمان اخدت الاقتامول بالعلبة بتاعته وحطيت منها كتير علي water bath وعينك متشوف الا النور .برجاء عمل هذه التجربة الفريدة بس اوعوا تدعوا عليه