عرض للطباعة
ياترى انتوا مع ولا ضد جواز الصالونات
يعنى واحد يسيب مامته ولاباباه او اخته يختاروا له الزوجه المناسبه وهو لا حوله ولا قوة....
والمصيبة الاكبر بتبقى فى البنات اللى ممكن با باها او مامتها يختارولها ابن عمو فلان او طنط فلانه وهى المفروض انها توافق...
------------------------------------
وحاجة تانية ايه رأيكم فى الاجبار على الزواج يعنى بابا وماما يعرفوا احسن منكم يبقى لازم تسمعوا الكلام ولو مسمعتوش الكلام يبقوا غضبانين عليكم...
احب اعرف رأيكم
شكرا رحيق الجنة اولا علي طرحك للموضوع
اولا انا مش مع جواز الصالونات لكن بصراحة ده اللي ماشي واللي المعظم قال انه مش مخالف للدين الي حد كبير
بس احنا كبار ولينا عقل نعرف نميز بين الاشخاص اللي يتقدمو طبعاونعرف اذا كانو يناسبونا ولا لا مينفعش حد يجبرنا اننا نعيش طول عمرنا مع حد مش مقتنعين بيه لان دي حياااه مش يوم ولا اتنين
اما عن جواز الغير صالونات ممكن يكون مثلا زماله او عن طريق الشغل ممكن يكون ده كويس بس يريت ميخرجش بره الاطار الشرعي ويبقي طبعا افضل من الجواز التقليدي
وعموما كل واحد مش هياخد الا نصيبه
وعقبالنا كلنا:fop (29): :fopl00l:
اولا سبقتينى فى طرح الموضوع
ثانيا زى ما روز قالت ان الطريقه دى هيه اللى ماشيه دلوقتى
مش بلاقى فى مشكله من الطريقه دى
يعنى مش لازم يكونو عارفين بعض قبل الجواز والكلام ده
ممكن تكون دى الطريقه الاحسن فعلا
ممكن يكون اى حد مالوش تجارب كتير
وده بيحتاج تدخل الاهل
مش بعارض الحكايه دى وبعدين ما هو اى حد من الطرفين
ممكن يقبل او يرفض مش بالضروره يوافق
اما الحب فده بييجى من العشره وده احسن من الحب قبل الجواز
لان قبل الجواز الكلام بيخلص فيتجوزو
قبل كده سمعت ان الحب اخره الجواز
اما عن اجبار الاهل فده بقى بعيد شويه
مش فى الوقت اللى احنا بنعيشه دلوقتى
ميرسى كتيييييييير على المناقشه دى
لا ......... ضده..... الا اذا الشخص المتزوج كان عايز كده :)
وحتى الاجبار خطأ 100 % وربنا يبعدنا ويبعدكم عنه
شكرا روز وضياء
ومعلش يا شيماء انى سبقتك عموما واحد بردة
فعلا يا روز وشيماء الجواز التقليدى ممكن يكون مش محبوب لكن دا اللى بيفرضة الوضع الحالى لان معظم حواديت الحب بيكون فيها كتير غلط
اما بالنسبة ل د ضياء مش عيب ابدا تدخل الاهل للمساعدة
شكرا لمشاركتكم
بسم الله الرحمن الرحيم
انا عجبني الموضوع.............انا اعرف ناس بجد مبسوطين من جواز الصالونات ........انا مش شايفه ان في مشكله..........بدل اللي متقدم مناسب علميا ودينيا وخلقيا...............
اما ل عملوا اختراع فتره الخطوبه لييييييييه...............بس انا بخاف من فكره الواد الوحيد.........مش عارفه بيطلع اشاعات انه بيسمع كلام مامته ................واكيد بيبان من تصرفاته وكلامه.............
علي العموم الحاجات دي قسمه ونصيب..ومحدش عارف الخير فين.............بس اكيد ان شاء الله يجي الفارس راكب الحصان الابيض وساعتها هقول هو ده باذن الله نصيبي وندعي ان ربنا يعمل لنا اللي في الخير ..............والله المستعان ..........واخر دعوانا ان الحمد لله رب العالمين....................
اللهم هب لنا من ازوجنا وذريتنا قره اعين واجعلنا للمتقين اماما
اقتباس:
المشاركة الأصلية كتبت بواسطة رحيق الجنة
مش في كل الأحيان لو الشاب أهله اختاروله تبقى حاجة وحشة ..
يعني هما ممكن يرشحوله واحدة معينة بناء على أخلاقها و سمعتها سمعة أهلها الطيبة , و هو يقرر ..
و نفس الأمر بالنسبة للبنت , لو ابن عمو فلان كويس و طيب ايه المشكلة انها تنظر في الموضوع ..
لكن لو الشخص مش كويس خلاص له أو ليها حق الرفض ..
ماما و بابا يعرفوا أكتر مننا آه ,
خبرتهم أكتر مننا فعلا ,
بس في حاجات تانية زي القبول دي بتكون من عند ربنا ,
فانهم يبقوا غضبانين علينا و الكلام دة ما ينفعش ..
بس المفروض الانسان يتفاهم مع الأهل بالحسنى ..
الدين قال مفيش اجبار في الحاجات دي , و عموما حتى لو زعلوا أكيد هيكون شوية و بعدين خلاص ..
طاعة الوالدين طبعا شيء ربنا أمر بيه , بس الحاجات المصيرية دي يعني ....
شكراط د|اسماء و د|فارماسستينا
طبعا انا معاكم جدا بس الموضوع انا طرحتة لانه عمل مشكلة فى مناقشتة بينى وبين زميلاتى انهاردة
الزواج التقليدى مش عيب واحيانا بيكون الافضل
وفى امر كمان وسط يعنى ممكن واحد يشوف بنت يستريح لها و يحترمها وساعتها بيكون شافها من بعيد (من غير العلاقات الغرامية اللى كلها معصية لربنا ) وممكن كمان بيكون له فرصة يسأل عنها اكتر لانة بيكون عارف دائرة معارفها كويس ودا طبعا بالنسبة للبنت لما تعرف على الاقل الناس اللى يعرفهم ممكن يكون حكمها اسهل وساعتها بيكون نوع من الارتياح مش تقليدى وفى نفس الوقت مفيهوش معصية دا ممكن يكون عن طريق الزمالة فى الدراسة او العمل او الجيرة او القرابة
اعتقد ان دا افضل من التقليدى وافضل من المعصية
اما اللى ربنا لم ييسر له كدة اكيد التقليدى من وحه نظرى افضل
أكيد أي حد بيجي يفكر ف الموضوع ده بيبقى نفسه يكون عارف الانسان اللي هيرتبط بيه قبل كده كويس..
ومش حابب موضوع الصالونات ده يحصل..
لكن لازم نقتنع ان ربنا دايما بيختارلنا الاحسن.. مين عارف يمكن اللي يجي من الطريقة دي يبقى فيه المواصفات اللي الواحد بيتمناها .. وتبقى حياتهم جميلة ..
ولازم كمان نقتنع بالنصيب .. و محدش يزعل ابدا لو حصله حاجة زي كده.. ويبقى رافض الفكرة تماااااما..لأن ده هيخليه مش قادر يتكيف مع الطرف الاخر..مع انه ممكن يكون هو ده الخير ليه..
( وعسى أن تكرهوا شيئا و هو خير لكم)
أما بالنسبة لموضوع الاجبار.. اعتقد انه مش موجود دلوقتي كتير يعني نقدر نقول نادرا على حسب مابشوف..بس حتى لو حصل ,,لآزم ناخد الامور بالراحة و نحاول يبقى عندنا اسلوب فعال في الاقناع..ومتنساش أبدا انك بتتعامل مع أهلك .. والدك و والدتك..
شكرا لطرحك الموضوع
ما ممكن الشاب ياخد مامته معاه بس من باب الذوق و ممكن تكون اول مرة يشوف فيها البنت بس هو اللى يأخد القرار فاعتقد ان ده عادى ومش هيبقى حرام
لكن بقى لو سايب القرار لمامته تختار فده طبعا مرفوض تماما
وموضوع الاجبار مرفوض طبعا
ربى هو الى هيجوزنى
انا مقتنع تماما ان ربناهو الى هيجوزنى لا انا ولا امى ولا ابويا ولا اى حد
زى ما قلنا من قبل فى المعدلة
( اعمل ليس للرزق ولكن لرضا ربى)
علشان كدا الجواز يجى باى طريقة مش مشكلة
اهم حاجة يكون بدوووووون ذنووووووب قبل الجواز
لان ربنا لايساوى ابدا الى اتجوز بذنوب بالى اتجوز من غير ذنوب
(ومن أعرض عن ذكرى فان له معيشة ضنكا )
:)
صح فعلا ربي هو اللي بيجوز وكل حاجة وهو اللي بيسبب الاسباب
احنا نقصد اللي ممكن يكون في نفس الشخص
بجد الموضوع ده رائع يارحيق الجنة
انا بقي مع جواز الصالونات ومقتنعة بيه جدا............
لان الاهل بيبقوا اكثر خبرة من الواحد وبيشوفوا ايه اللي هيكون في الصالح
والاختيار بالعقل افضل من الاختيار بالقلب
لانه هيبقي مبني علي اسس كتير منها التكافؤ الاجتماعي وهو سبب من اسباب النجاح في الزواج
لانك لو الواحد اتشغل بقلبه هي يختار غلط
وبعدين ماهو فترة خطوبة عملوها ليه لو الواحد مرتاحاش في الطرف التاني ايه المشكلة كل شيء قسمة ونصيب
لكن احنا اللي بنضحك علي نفسنا بافكار من الغرب وكانت واحدة صحبتي بتقولي انها ليه تتجوز جواز صالونات واحنا في القرن الكام يعني وهي فترة الخطوبة كلها كدب
ليه احنا دايما بنقدم النية الغلط ونحب اللي يدخل من الشباك
ومنحبش الصح وبعد كده نصحي ع الحقيقة
اهم حاجة التدين في الشخص اللي قدامنا
ولما الزوج والزوجة بيعاملوا بعض بما يرضي الله ربنا هيبارك ليهم وفيهم
والحب هيكون ايه غير ان ربنا يزرع المودة في قلوبهم ويجعل بنهم المودة والرحمة
وفعلا ربنا لايساوي بين المذنب والغير المذنب
هي اوهو ليه حق الموافقة اوغيره
الدخول من الباب والطريق الصحيح
غير كده لا .............لا............ لا
اي حاجة حرام ومن ورا الاهل لا
ده اللي انا اقصده
وبعدين ماهو لما حد بيعوز يتجوز بيقول لاهله يشوفوله عروسة
اهلها بيسمحولهم انهم يتابقلوا مرة يشوفها ويشوفه ويتكلموا مرة قبل دخول البيت
عايزين ايه اكترمن كده
معرفش بقس انتي قصدك مثلا هي تكون زميلة اوماشبه ماشي
لكن مش اصحاب وماشابه
بالنسبة للنقطة التانية وهي ان الاهل يغضبوا فده حرام طبعا هم ممكن يشوفوا ان السعادة في كده ويكونوا غلطنين
وكان فيه واحد باعت يسأل بانه سعيد مع زوجته ووالده عايز يطلقها منه ووهو مش عايز يبقي كده عاق
طبعا لا
الاختيار فيما بعد للابناء بس اهم حاجة الصح
ومفيش حاجة غير الصح
وكل حاجة بايد ربنا اولا واخيرا
آسفة للاطالة وتقبلوا مروري
(ام حسب الذين اجترحوا السيئات ان نجعلهم كالذين امنوا وعملوا الصالحات سواء محياهم ومماتهم ساء ما يحكمون)
انا هقول كلمة واحدة بس لما ماما او بابا او اختو او سوسو او توتو يختارولنا العروسة بنت عمو س والعمة ص اللى عندهك ايه ع وجيم يبقة احنا نختار ايه بقة؟؟؟؟؟؟؟؟؟
اولا شكرا جداا لكل حد شارك فى الموضوع دا وانا متفقة جدا ان النصيب يجى زى ما يجى لكن من غير معصيةانا والله يا دكتورة مكنش قصدى ان الموضوع يكون فى اى حاجة تغضب ربنا ولو حضرتك راجعتى قرأة التعليق بتاعى تانى هتشوفى انى كنت محور كلامى انه يكون فى غير معصيةاقتباس:
المشاركة الأصلية كتبت بواسطة monmona
شكرا ليكم كلكم
لا يارحيق الجنة انا مقصدش انك تقصدي انهم يكونوا علي علاقة ببعض انا اقصد مثلا
انها زميلة عمل عجبتوه اخلاقها حب يخطبها وده فيه ايه يغضب ربنا!!
ياشباب الموضوع دا مش مطلق بمعنى انه بيختلف من شخص لاخر ومن عيلة للتانيه ومن ثقافة للتانيه برده
ممكن يكون هو انسب طريقه للجواز وومكن يعمل مشاكل ملهاش أول من أخر
أما بالنسبة لرأي الشخصى أنا ضد انى ادخل بيت واحد علشان اقوله انا طالب ايد بنتك وانا اصلا متعاملتش معاها ومعرفش طبعها ...
واية المشكله فى الجواز دا كله وارد ومش معنى ان الانسان اللى هيتقدم بالطريقة دى انة انسان وحش او معندوش شخصية بالعكس
لية بقة لان الجوا دلوقتى بقى صعب فالشاب اللى بيبقى قادر انة يجهز ويتجوز ويفتح بيت المفروض انة يختار على اساس صح عشان الغالبية دلوقتى بيرجع يندم ويختار بنت دلوقتى جميييييييييييله جدا وكلامها بقة وكدة وبعد الجواز يرجع يندم تانى ويطلقوا بسرعة جدا
لازم كمان يكون القبول موجود فى نوع الجواز دا يعنى مش معنى ان عمو فلان او طنط فلانة جابت العريس دا يبقى هوا دا ولا بلاش لا طبعا كدة مينفعش
وكمان انا مش ضد ان واحد يشوف واحدة تعجبة ويراقب اخلاقها شوية وممكن يسال عليها ويروح يكلمها ويتقدملها دا كمان كويس جدا بس يكون مقتنع وهيا مقتنعة والف مبروك هههههههههه
طبعا ضده وبشدة
والاجبار طبعا مرفوض وما ينفعش يكون موجود اصلا
وربنا يرزقنا جميعا الازواج والزوجات الصالحين
جواز الصلونات انسب طريقة لنسبة مش قليلة من البنات بالذات اللى اللى خبرتهم بالبشر مش كبيرة منقدرش نقول علية وحش وزى ما قالت (د.قناع الذهب)بيكون خبرة الاهل بتكون سبب فى حجب مشاكل كتير
اما بالنسبة لموضوع الاجبار دا فمفيش حد بيجبر على حاجة الا لما يكون اصلا عنده الاستعداد لكده
اما بقى لو جه فى يوم حد اجبر حد من ولاده على الارتباط بابن او بنت فلان او فلانة
اذا الى تم اجبارة دا مقدرش يتقى الله فى الانسان اللى هو عايش معاه الذنب وقتها فى رقبة مين واعتقد ان كمان مفيش اهل عارفين ربنا يقدروا يحملوا نفسهم ذنب زى دا
شكرا جدا لكا حد شارك فى الموضوع
ولاحظت ان الغلبية العظمى او البنات بالذات مع جواز الصالونات
اما الاعتراض فهوفقط من ناحية الشباب
بس مش عارفة اية السر دا دا عاوز يتناقش لوحدة ليه البنات موافقة كدة والشباب معترضين
انا أسجل اعتراضى على جواز الصالونات
مش علشان هو اللى ماشى دلوقتى يبقى أوافق عليه
طبعا ماحدش يتمنى يتجوز جواز صالونات
بأشوف ان الولد اللى رايح يتقدم لبنت علشان مامته قالتله دى حلوة وبنت ناس
أصلا البنت بتكون مش فارقة معاه ولا بيحاول يفهمها بيقول أهى واحدة وخلاص
ما بيدورش أصلا عالحاجات الكويسة اللى فيها
بيكون عايز أى واحدة وده طبعا فى ظلم للبنت جامد
حتى أسالوا أى ولد أتقدم لبنت صالونات يعنى وبعدين أترفض
تلاقى اللى يقولك ده أنا لو شفتها فى الشارع ما أعرفهاش
واللى يقولك والله مش فارقة معايا هو عايز يتجوز وخلاص
يبقى لا صالونات ولا انتريهات ولا عالسلم حتى.
وأكيد لها حل ما تيأسوش سلااااااااااااااااام
تمااام كدة الله ينور عليكىاقتباس:
المشاركة الأصلية كتبت بواسطة سندريلا
[SIZE="5"]اقتباس:
المشاركة الأصلية كتبت بواسطة سندريلا
ليكي وجهة نظر يا سندريلا .. أنا بحترمها جدااا ..
بس هقولك حاجة , مش عيب في الشخص انه يكون بيفكر في الاستقرار و الزواج و انه يكون له أسرة ..
يعني يكون اشتغل مثلا وربنا كرمه و بدأ يفكر في الزواج كفكرة ..
هو شخص مثلا متدين , بيغض البصر , ملهوش دعوة بحد ..
يوم لما يفكر في الزواج , هيعمل ايه ؟؟
أكيد هيسأل والدته أو أخته لأن هما عارفين بنات و كدة ..
فمش معنى انه رايح يخطب دي و عمره ماشافها قبل كدة انها ما تفرقش معاه , لكن هي هتفرق معاه أوي بمجرد ما توافق عليه ..
اللي متعرفهوش البنت دة و يتهيألك انها مش فارقة معاه , شوفي بعد كدة بيبقوا زي ما يكونوا عارفين بعض من عشر سنين ..
مش وحشة صدقيني .. أنا زمان كنت بقول زيك كدة :fopl00l:
لكن دلوقت اتغيرت فكرتي عن جواز الصالونات ..
أصلي عايشت الموضوع دة كذا مرة ..
عريس الصالونات دة بيكون جاي عشان السمعة الطيبة للبنت و لأهلها و دي حاجة كويسة ..
عارفة لو حتى مكانوش يعرفوا بعض خالص و في نصيب وربنا راضي , ممكن يكونوا بعد كدة سعداء جداا ..
في حين انه لو عارفين بعض و اعجاب و مش عارفة ايه و اللي يشوف يقول خلاص يعني .. ممكن لو ربنا مش رايد ينفصلوا مثلا أو يكون في مشاكل ..
مش شرط في رأيي انه الشاب و البنت لازم يكونوا عارفين بعض من زمان علشان يكونوا سعداء ..
و مش معنى كدة انه لو عارفين بعض هيكونوا مش سعداء ..
أقصد محدش عارف فين السعادة ..
و الله أحسن حاجة الواحد يخليه كدة مع صلاة الاستخارة دايما , و ربنا يكرمك و يكرمنا جميعا ..
:fop (29):]
كمان فى حاجه يا منى معدلات الطلاق فى الزواج اللى جاى عن قصص حب اكتر بكتير اوى من جواز الصالونات
اقتباس:
المشاركة الأصلية كتبت بواسطة د\بوسى ربيع
طبيعي , لأن البداية مش صح ..
اللي بيزعلني البنت ..
و هي الخطوبة الشرعية و الزواج مهي قصص حب بس ربنا راضي عنها ..
بس سبحان الله الشيطان وظيفته انه يغوينا و يضللنا , و يخلي الناس تفشل في حياتها بالاضافة لعقاب ربنا و في الآخر يفرح فيهم ..
في ناس كتير تقول لازم الحب قبل الزواج عشان التفاهم و الهبل :fopl00l: ..
I don,t think so
وبعدين القلوب بايد ربنا اللي خلقها , فبأمر ربنا الانسان ممكن يحب أو يكره ..
و اللي يحب في معصية الله ممكن أوي بكرة يكره نفس الشخص ..
فربنا يهدينا جميعا ..
بسم الله الرحمن الرحيم
ليــــــــــــــــــــــه لا ..........
ليه لا لجواز الصالونات زي مابيقولوا عليه طالما ان المتقدم للزواج والفتاه اللي متقدملها في بينهم قبــــــــول ...... وايه يعني لما والدي او والدتي او اي حد يختار لي الانسانه اللي انا ارتبط بيها .....ده مش معناها اني ماليش راي ي الموضوع ده ...لا طبعا ....تدخل اي حد اختيار الانسانه اللي هارتبط بيها ده بيكون بناءا علي طلبي .....ومش هايغصبني اني اتجوزها .....هو بيقولي البنت دي اخلاقها كذا .. وصفاتها كذا ..... ويقولي معلومات عنها .... بصفته انه يعرفها او اتعامل معها .....وبناءا علي كده ... انا بقرر مثلا اني ازروهم في البيت وده مسموح قبل التقدم للخطوبه ....وفيها ممكن اخد قرار ان كانت مناسبه او لا ... وطبعا المقابله دي مش بتكون نهائيه وتحسم قراري في الارتباط او لا .......... وخلال فتره الخطوبه ....اقدر اتعرف عليها اكتر .......
وماعتقدش ان ممكن حد يتجوز بالاجبار ........ ولا اعتقد مثلا ان والدي او والدتي يجبر عليا ان ارتبط ببنت شايفها مش مناسبه ليا .........
وبعد اذن حضرتك يادوكتور احمد .......
اقتباس:
المشاركة الأصلية كتبت بواسطة a_elkamhawy
ازاااااااااااااااااااااااااااااااااااااااااااااااا ااااااااي........؟؟؟!!!!!!!
لكم سلاماتي ....... وشكر كتير لرحيق الجنه علي طرح الموضوع .......واسف للاطاله ...:hi: :hi: :hi:
بجد انتى رائعه يا فرمسيستينا رأيك حلو أوى وهو ده الصحاقتباس:
المشاركة الأصلية كتبت بواسطة pharmacistina
لانه مبيكونش حب ناضج زي محضرتك قولتي في موضوع لماذا يفشل الحباقتباس:
كمان فى حاجه يا منى معدلات الطلاق فى الزواج اللى جاى عن قصص حب اكتر بكتير اوى من جواز الصالونات
الموضوع جميل جدا واحب ااقول انه هوا
ه اللي ماشي فعلا في مجتمعنا بس انا مبحبوش