اتآخرت شوية انا عارفة ......بس ملحوقة
على رأى المثل يعملوها الكبار ويقعوا فيها الصغار
الى بيحصل دلوقتى يا معشر الشباب من جراير عمايل أجدادكم الكرام.
تعالوا نحكى الحكاية من الأول:
كان يا ما كان،
كان فى زمن من الأزمان،
كانت تكاليف الزواج بسيطة على قدر ما هومتاح وما فى الامكان
بس الرجالة يرضوا بنصيبهم؟؟؟
لأ.... راحوا اتجوزوا مرة واتنين وتلاتة واربعة كمان
الستات قالولك وليه؟؟
من هنا كانت فكرة المبالغة فى تكاليف الزواج
عشان الى يتزوج مرة تبقى هى المرة
وحتى لو اتخلص من الأولانية (بالطلاق او بالقتل :fopl00l: )
هيصاب بعقدة مدى الحياة (وهيبقى مرغم يعيش على ذكرى الى فات (من عمره وضاع طبعا ))
الموضوع كله ازمة ثقة فى الرجالة...وخد عندك بقه:
الرجالة مالهومش أمان
الرجالة عنيها زايغة
(يا مآمنة للرجال يا مآمنة للميه فى الغربال)
وعلى فكرة الامثال متكدبش :fop (39):
الى فات دا كان على سبيل حط النقاط على الحروف....
أما عن رأيى الشخصى الذى هو فى الغالب غير مسئول:fopl00l: :
تكفينى دبلة منقوش عليها اسم حبيبى تزين صبعى (اللى هو انملى *مفرد أنامل*) مدى الحياة......
.وأهم حاجة أننا نكون فاهمين دماغ بعض (لأن الموضوع دا أصبح عملة صعبة جدا اليومين دول)
وانا بعتقد ان لو فى اتنين (ناضجين) بيحبوا بعض حاولوا يبقوا عقلانيين فى موضوع الشبكة والفرح الى
مالهومش لزمة(أنا بتكلم على المبالغة عشان محدش يقولى يعنى معملش فرح؟)
هيكونوا نموذج طيب للشباب ...دا غير انهم هياخدوا ثواب سن سنة حسنة .
لو نويت يا دكتور محمد اتوكل على الله
....ولازم تعرف أن التعقيدات الى بتبقى فى الزيجات بتبقى حكمة من ربنا
يعنى هو الواحد بيصلى استخارة ليه؟؟عشان لو خير ربنا يسهلوا الموضوع ولو شر يبعدوا عنه
فدى بتبقى اسباب مش أكتر......
وكل شىء نصيب (لازم تكون مؤمن بالجملة دى جدا مش مجرد ترديد وخلاص).
وعلى فكرة لسه فى ناس طيبين ومنسوش الأسس السليمة لاختيار زوج!
ربنا يرزق الجميع بالزوج أو الزوجة الصالحة اللى يكون أو تكون لها أو له عونا على طاعة الله .
وكل سنة وانتم طيبين.
