احساس جميل أوى لما تكون مخنوق ومش قادر تعبر عن اللى جواك ودموعك مصممه تنزل غصب عنك بتحاول تهون عليك ومتلاقيش قدامك غير كلمة يارب تلاقى يومك اتقلب 180 درجة وتلاقى نفسك وانت فى عز ماكنت مضايق تتمنى امنيه غريبه وانت عارف انها لاهتقدم ولاهتأخر وملهاش أى معنى بس انت كان نفسك فيها وتلاقيها اتحققت فتفرح وانت مش عارف انت فرحان ليه وتلاقى اليوم مجمع صدف كتير غريبه من كتر ما اتجمعت مع بعضها ومن كتر مابتحصلك حاجات غريبه تلاقى نفسك فجأة بتضحك وبتتصرف تصرفات مجنونه تخلى الناس تفهمك غلط وممكن من كتر ما انت مش عارف انت حاسس بايه بالضبط تلاقى نفسك مش حابب تتكلم فالناس تفهم انك مضايق مع انك راضى ومبسوط وساعتها ميبقاش ليك غير انك تقول الحمدلله ، الحمدلله على كل حاجة على الخير والشر الحمدلله سواء فاهم او مش فاهم الحمدلله على كل حال وطول مافينا نفس وعمر يبقى نحمد ربنا على انه ادانا فرصة اننا نعيش يوم زياده نتعلم فيه ونصلح من نفسنا ونحاول نساعد نفسنا ونساعد اللى حوالينا
اللهم لك الحمد كما ينبغى لجلال وجهك وعظيم سلطانك
أحبك ربى :)
