من تختار رئيسا جديدا لمصر ؟؟

طب ايه رأيكم في التشكيله دي
رئيس الجمهورية : عمرو موسى
رئيس الوزراء : أحمد شفيق
وزير الدفاع : سامي عنان لان الطنطاوي قدم استقالته 3 مرات في عهد مبارك وتم رفضها اظهار مبارك كان خايف الجيش يعمل عليه انقلاب
وزير الاعلام : محمود سعد كلنا عارفين موقفه و تشجيعه للثورة
وزير التربية و التعليم و التعليم العالي و البحث العلمي : احمد زويل هيطور العلم كتير و ده اساس التقدم
وزير المالية : سمير رضوان راجل محترم جدا
وزير الثقافه : علاء الاسواني
وزير الصحه : مجدي يعقوب
وزير السياحه و الاثار : زاهي حواس
وزير الشباب : عمرو خالد

اظن مافيش حكومة احسن من دي

اقتباس:

---

المشاركة الأصلية كتبت بواسطة L SMA7Y

كمال الجنزوري

نفسي بجد

بس الراجل دا كبر اوي ومن ساعه مقال كلمه حق وهو متحدد اقامته

ياريت والله الناس تنادي عليه تاني

---

:fop (18)::fop (18)::fop (18)::hi:من انضف الشخصيااااااااات

بعد ان سقط نظام حسنى مبارك تتجه الانظار الى الرئيس القادم من تتوقع ومن تتمنى ان يرشح نفسه فى هذه الانتخابات ولماذا وما وجه الاعتراض على الاخرين ؟؟؟؟؟؟؟؟؟؟؟؟؟؟؟

شخصيا مش شاغل بالي بشخص اللي جاي بقدر ما أنا شاغل بالي من طبيعة نظام البلد في الفترة القادمة

يعني .. نفسي نخلص من نمط إن فرد واحد بيحكم البلد

بحلم ببلد مؤسسات .. الرئيس فيها دوره مجرد الربط والفصل بين السلطات الثلاثة: التشريعية والتنفيذية و القضائية

ويبقي البهدلة كلها عند رئيس الوزراء


ونفسي يبقي في إمكانية لمحاسبة الرئيس والحكومة وسحب الثقة منهم إذا تطلب الأمر

لو دا تحقق

مش هتفرق معايا مين اللي يمسك حتي لو كان مبارك نفسه

لكن عاطفيا

أميل إن الجنزوري اللي يدير عملية إعادة بناء البلد

اعتقد قبل ما ارشح لرئاسه الجمهوريه هدرس تاريخ كل شخصيه
والرنامج الانتخابى اللى هيقدموا
وبعدين اصلى استخاره واتوكل على الله
بس الاختيار تبع الاهواء ده مش هينفع

أولا

مش من حقنا إننا نختار تشكيل الحكومة .. الشعب آخره يختار رئيسه والرئيس يختار ئيس الحكومة والباقي عليه هو


ثانيا: بالنسبة للجنزوري .. فهو قال إنه التزم الصمت بمزاجه ..


لكن ايا كان الوضع فأسجل اعتراضي علي شخصيتين

زاهي حواس .. اعتراضا علي الشخص نفسه

عمرو خالد.. أظن نسيبه يتحرك بحرية يبقي أحسن

بالنسبة لزويل والبرادعى انا حاسة انهم مقدموش حاجة لمصركفاية انهم ماعشوش ف مصر وقت نبوغهم

ولا واحد فيهم

فى انتظار المرشحين الاقوى فى الفترة الجاية

ولازم الفترة لاتتجاوز 6 سنين واخره فترتين

مش عايزين فراعنة تانى

اقتباس:

---

زاهي حواس .. اعتراضا علي الشخص نفسه

---

ممكن نعرف وجهة نظر حضرتك طيب

وجهة نظري إني عايز واحد نظيف

لا تحوم حوله شبهات

ولم تتلوث يديه بأي شئ يخص النظام السابق

وزاهي حواس تحوم حوله أقاويل هنا وهناك