كل سنة وانتم طيبين
عرض للطباعة
كل سنة وانتم طيبين
ربنا يزيد خير وعلم وجزاكى مليون الف خير
اقتباس:
المشاركة الأصلية كتبت بواسطة barbie
إجابات صحيحة ..
و لكن نصيحة .. عدم استعمال النت فى صرف أدوية الـ OTC .. الحاجات دى بتيجى من خبرتك ف الصيدلية .. و وقوفك الدايم فيها .. و قراءاتك عن الأدوية .. و نشراتها ..
أنا بحط السؤال .. و بيبقى نفسى الناس تدور ف الصيدلية عن الأدوية اللى بتعالج الحاجة دى . . وتفتح النشرة وتشوف إيه اللى ينفع .. :) .. يا ريت كلنا نعمل كده ..
و إن كان أنا شخصياً بفضّل الـ Geviscone ..
حلو جداً ..
أما بالنسبة للـ mucogel فده فيه نسبة مخدر عشان تعمل surface anesthesia و تقلل الـ pain .. ده لو فى ألم جامد ..
ــــــــــــــــــــ
بالنسبة للحالات العادية ..
فمن الممكن إنك نطلع الـ aciloc فوار أو Rani اللى خد شهرة كبيرة جداً .. و طبعاً اللى عمله الشهرة دى العلبة الكبيرة اللى شبه فوار الفواكه .. لدرجة إن الناس بقت بتاخده عمال على بطال و فاكرينه عصير .. و ده غلط جداً .. و دول المادة الفعالة فيهم Ranitidine .. زى أقراص الرانيتاك .. و غيره ..
و ممكن نوصف حاجة تانية .. أقراص ..
زى الأوميبرازول 10 ملجم .. و يتاخد مرة واحدة ف اليوم ... و مثال ليه فـ السوق .. Omepak و الـ Omez و الـ Heelsec و كمان الـ Omisec ..
و ده بيشتغل كـــ proton pump inhibitor .. بمعنى إنه بيوقف عمل حاجة اسمها H+/K+ ATPase enzyme و بالتالى بيقلل الـ basal secretions يعنى الإفرازات الحمضية العادية اللى المفروض تكون موجودة فـ حالة عدم تواجد الطعام ف القناة الهضمية .. و ده بالإضافة إنه كمان بيوقف الـ stimulated acid secretions بغض النظر عن المسبب .. سواء كانت عصبية زايدة أو أكل .. أو حاجة تانية ..
و عشان كده بينفع فـ السيطرة على قرحات القناة الهضمية بمختلف أنواعها .. و ده مع اختلاف الجرعة طبعاً حسب الحالة
فى أدوية تانية كتيرة .. بس أنا جبتلكوا المشهور .. عشان لو حد حب يطلع حاجة OTC ميخافش ..
لكن افتكر دايماً إن جرعة الأوميبرازول للحموضة .. هى قرص واحد ف اليوم .. :)
__________________
سؤال السادة المشاهدين ف المنازل .. :fopl00l:
لو جالك واحد و بيشتكى من غازات .. و ألام بطنه و من الإشارة لمكان الألم عرفت إنه القولون ..
بسؤال المريض عن تاريخ حالته الصحية .. اتضح إن عنده القلب .. أو تضخم ف البروستاتا .. و المفروض إنه طالب منك دوا أقراص ..
يا ترى .. إيه ينفع ف الحالة دى ؟؟
الحالة دى بالذات هجاوبها ف أقرب وقت إن شاء الله .. مع التحضير لمشاركة جديدة :)
اقتباس:
المشاركة الأصلية كتبت بواسطة pharmachemist
و حضرتك طيب يا دكتور .. رمضان كريم .. :)
يا ريت اللى عنده صور يجيبها .. عشان أنا كاميرا الموبايل بتاعتى مش حلوة :fopl00l:
اولا احب اشكر د\ ياسر على معلوماته الرائعة وانا نفسى اعرف معلومات كثير زى حضرتك وبالنسبة للسوال ممكن تديله spasmocanulase,mentothicone ,]ده قرص ثلاث مرات يوميا
ايه انتو فين يا دكاتره نقول مشغولين علشان رمضان والصلاه والقيام .ولابتبخلوا علينا .انا بستفيد منكم جدا وحسه ان الموضوع بدا يقف.على العموم ربنا يعينكم ويتقبل منا جميعا
-----
بالنسه السؤال ممكن نديله ليبراكس اقراص وحاجه للاميبا نقول انتينال.
I got a permanent ban on the board for being vulgar, reflecting the atmosphere where I am living
جزاكى الله كل خير يا بنبونه
منتظرين حل سؤال المشاهدين فى المنازل يا دكتور ياسر
أصلنا عندى نفس الحاله دى
وباخد ديسفلاتيل بس
لكن ما بيعملش حاجه:smo
-----
من حقا يا بنبونه عجبتنى أوى الأبيات اللى كتبتيها فى نهاية اليوميات
وكتبتها عندى من شدة إعجابى بيها
بس عايزه أعرف هى بتاع مين؟؟
ربنا يجازيكى كل خير يا بونبونايه عن الموضوع ده
بجد إستفادنا منه جامد
ربنا يجعله فى ميزان حسناتك
:fop (28):
بسم الله ماشاء الله
جزاكم الله كل خير علي التوبيك الراااااااائع ده واللي اكيد مافيش عضو دخل عليه الا واستفاد منه من غير كلام ....... فبشكر كل القائمين عليه وعلي راسهم دكتور بنبونه صاحبة الموضوع ودكتور ياسر القائد اللحالي ودكتور فارماسيستينا وغيرهم من كل الدكاتره اللي اثرونا بعلمهم وافادونا كتير ...ربنا يجزيكم علي هذا العمل خير الجزاء ويسكنكم فسيح جناته .......آميــــــــــــن يارب العالمين.
لكم ارق التحيات والسلامات ......
http://www.falntyna.com/img/data/media/11/rose1.gifhttp://www.falntyna.com/img/data/media/11/rose1.gif
http://www.falntyna.com/img/data/media/11/rose1.gif
http://www.falntyna.com/img/data/media/11/rose1.gif
جزاك الله كل خير أختي وزميلتي بنبونة على موضوعك الجميل ده وربنا يجعله في ميزان حسناتك وتذكري قول الرسول صلى الله عليه وسلم ( ...........وعلم ينتفع به ......) أنت أهلا لذلك بل ونعم الأهل ربنايبارك فيكي ويجازيكي كل خير
والسلام عليكم ورحمة الله-----
يا دكاترة عندى ليكوا فزورتين حلوين وسهلين ان شاء الله:
سيدة دخلت الصيدلية وسالت على نوع حقن وهى مش فاكرة اسمه وقالت انها حقن مقويات وسعرها 7.5 جنيه
فما اسمها؟
واحدة تانية دخلت سالت عن دوا للضغط ومش فاكرة اسمه بس قالت انه علبته فيها ثلاث شرائط ولون الاقراص زرقا وسعره خمسة جنيهات الا ربع
فما اسمه؟