بجد شكرا يا دكتور
وحضرتك فعلا قلت نفس الكلام اللي انا كنت هقوله
تعالوا نذاكر من كتب الكليه فعلا جميله جدا
والشرح وافي
كمان فعلا معظمنا عنده كمبيوترات واللي مش عنده ممكن ياخدها من حد نقلها
وان شاء الله نحقق في الآخر نتيجه كويسه
بس نصيحه بأمانه مذكرات الكليه اكثر من رائعه
يا ريت بجد يا جماعه كل الدكاتره تتولاصل معانا من هنا
اظن ان ده هيكون اسلوب احسن بكتير
لاني كمان اعرف ان ناس كتير بتكون عايزه تسأل عن حاجات وبتتحرج تسأل في المدرج او مش بتعرف
وكمان مش بيرضوا يروحوا للدكتور
بجد شكرا جزيلا د.محمد وجزاك الله كل خير ع الاهتمام ..
شكرا جزيلا لـ د/ محمد على مشاركته معانا ،
ويارب يفضل متابعنا دايما ،
ويشاركه كمان باقى الدكاترة ..
وكل سنة وانتم طيبين .
أنا سمعت الاخبار دى يا جماعه ..
تكملة لآسعار الكتب الجميييييييييله جدااااااااااا والمريــــــــــــــحه جداااااااااا جداااااااااااا جدااااااااااااااااااا
كيمياء تحليليه 125 جنيها ،
كيمياء عضويه 150 جنيها ،
وطبعا .. العقاقير 150 جنيها ،
الميكرو 130 جنيها ،
الصيدلنيات 86 جنيه ( اشمعنى ؟) ..
وطبعا عارفين ان المصاريف 163.25 جنيها ..
يبقى الجمله كااااااااااااااام ؟؟؟
ده غير الناس اللى قاعده فى المدينه ولسه هتدفع فلوسها ..
وربنــــــــــــــــــا يعين الجميع ..
فيه بقى عيديه أحلـــــــــى من كـــــــــــــده ؟؟؟ !!!
كان الله فى عون الآهالى بجد .
ربنا يكون في عون الاهالي فعلا
و شكرا ل د/محمد عبدالوهاب لتفاعلة و مشاركتة معنا
جزاك الله خيرا
السلام عليكم و رحمة الله و بركاته
اولا ان شاء الله انا معاكو علي طول و تحت امركو ف اي استفسار
ثانيا ياريت فعلا اننا نستغل المنتدي ده ف الاجابة علي اي سؤال خصوصا ان العدد ف المدرج بيكون كبير اوي و فعلا فيه ناس كتير بتبقي عاوزة تسأل ومش بتلحق ده غير ان الوقت ضيق جدا
ثالثا ياريت فعلا نحاول نكسر الحاجز اللي بين الدكاترة والطلاب بحيث نقتنع كلنا انكو باذن الله خلال سنتين هتكونو صيادلة و زمايلنا ان شاء الله و ياريت لو اي حد يشوف اي سلبيات يقولها عشان نحاول تغيرها لان رأيكو مهم فعلا و كويس ان فيه دلوقتي حاجة زي المنتدي ده تعمل تواصل بيننا ... بس ياريت النقد يكون موضوعي و يساعدنا فعلا اننا نحسن من طريقة التدريس .
رابعا تعليق اخير بس علي د ابو الدهب انت بتقول 1000 جنيه كورس عضوية .. طيب متحاول الاول تذاكر لوحدك و تتابع المحاضرة و الاساتذة كل يوم غالبا بيكونو موجودين و عمرك ما هتسأل حد فيهم و مش هيجاوبك و دي حاجة مجانية مش هتدفع فيها حاجة بس اتعب انت بس شوية ... انا عارف اننا كلنا بقينا بنستسهل و عاوزين منتعبش بس جرب تعمل بس زي مبقولك و حاول ... وروح للدكتور مرة و اتنين و تلاتة لحد ما تفهم ووالله عمر ماحد هيصدك و لا يقولك لا مش هجاوب.
بص .. انا عارف انك ممكن تقول ده كلام خيالي شوية و صعب يتنفذ بس يا اخي حاول الاول ومش هتخسر حاجة.
وللحديث بقية .
يا د/محمد انا مش قصدي حاجة والله
انا بس بتكلم عن حاجة معينة (المصاريف)
و لما قريت المشاركات الي قبلي ....عدلت المشاركة...لما لقيت حضرتك مشارك... غيرتها..احتراما لوجود حضرتك..ولما احسستة من شعور حضراتكم بينا...
و حضرتك عارف امتحان السنة الي فاتت كان عامل ازاي...انا واحد من الناس الي لم اجب سؤال واحد من الصدمة....
و بجد انا هحاول ما اخدش كورس ....انا مقتنع والله بهذا الكلام...ان الكورسات دي استغلال....
بس مش قصدي اي حاجة تانية .....
و شكرا مرة اخري يا د/محمد....و ياريت كل الدكاترة يتفاعلوا معانا زي حضرتك
والله يا سيدي انا اللي مكنش قصدي حاجة :)
و متشكر جدا علي اهتمامك و ربنا يقدرنا و نبقي عند حسن ظنكو فينا
وانا والله عارف ان الامتحان كان صعب بس هقولك علي حاجة ... نتعب احنا الاول و نعمل اللي علينا و ان شاء الله ربنا مش هيضيع تعب حد ...بس بشرط الواحد يكون مقتنع ان مذاكرته دي فيها ارضاء لربنا و ارضاء لاهله اللي نفسهم يشوفوه احسن واحد ف الدنيا وساعتها والله مش هتبقي فيه حاجة صعبة باذن الله .
مرة تانية متشكر جدا علي كلامك الجميل .