بشكر دكتور عيسوى ودكتورة بوسى عن معلوماتهم القيمة
والموضوع بصراحه مفيد لينا كطلاب وللخريجين
وياريت يفضل الموضوع فيه تفاعل واللى عنده ادويه مجربها
يقول تجربته حتى لو بأسلوب بسيط
انا هقول الادويه اللى بستخدمها
كتافلام 50 اقراص وده مسكن ممتاز للمغص والآلام حتى آلام
حصوات المرارة وبيعجبنى فيه انه سريع المفعول
كيتوفان كبسولات كويس برضه للصداع والمغص وكمسكن
لألم العظام وآلام الأسنان
بس مشكلته انى لما خدته فترة طويله الجسم اتعودت عليه
وبضطر ازود الجرعه عشان يعمل مفعول
وزى ما قال دكتور عيسوى استخدامه فترة طويله بيسبب
قرحه لانى بقيت فعلا بحس بألم فى المعدة بعد ما آخده
عندنا كمان مرهم كينا كومب للتسلخات والالتهابات الجلديه
بأنواعها وده مفعوله سريع لان فيه كورتيزون
ولما بستخدمه مش بطول فترة الاستخدام يعنى يوم او يومين
ويدهن مرتين فى اليوم الواحد ومجرد ما الالتهاب يروح ببطله
علطول المرهم 15 جم وتمنه 6 جنيه
كالاميل لوشن حلو أوى لحمو النيل والتسلخات وحروق الشمس
ولسعات الناموس أنا مجربتهوش بس كل اللى جربه قال ممتاز
بيسيب لون بمبى ع الجلد بيروح بالغسيل بالماء
تمنه 3 جنيه
وهبقى ارجع اتكلم تانى عن حب الشباب وعن الاخطاء
واختيار أدويه غير مناسبه ليه من غير استشارة الطبيب
زى منا عملت
وإلـــــــــــــى لـــــقـــــــــــــاء
