الحلقة التاسعة ( الخطوبة ,, سقوط الأقنعة )
انتهيت من صلاة التراويح ,,, و كنت قد اهتديت لحل لهذه المعضلة ,, سأتصل ب خالي وأخبره أنني سأتسحر معه الليلة و أراجع معه استعدادت الخطوبة ,,فعلا أقنعته إنني رايح أساعده و أكون جنبه إذ لربما يحتاجني في حاجة كد ولا كده ...
دخلت ووجدت الأسرة المكونة من خالي وزوجته بالإضافة لسارة وخالد مجتمعين حول المسلسل التليفزيوني ,, و إليكم إطلالة سريعة :-
( أنا ) ____ السلام عليكم ,, أنا بقول ننزل بالإضاءة الخافتة والفشار ,, دا منظر عيلة وراها فرح بكرة ,, بعد إذنك يا خال الريموت كده من جنبك ؟؟
( خالي ) ____ وعليكم السلام ,, شكلك عملت مشكلة عندكم في البيت فهربت على هنا ...
( أنا ) ____ لا دا أنا بس جيت اطمن عليكوا ....
( سارة ) _____ لا الكلام دا مش عليا ,, أكيد والدتك طبخت طبخة انت مبتحبهاش ,, انتم أكيد طابخين محشي كوسة أو بتنجان..
( أنا ) ___ ههههههههههههه ,, بالعكس دا النهاردة طبختي المفضلة ..
( سارة ) ____ يبقى أكيد طابخين بامية ..
( أنا ) ____ مظبوط ,, أيه يا خال من ساعة ما دخلت وانتم عمالين تسألوني جاي ليه جاي ليه ,, فيه حد بيقول لضيفه كده ,, أقوم أمشي ؟؟
( خالي ) ___ أصلها غريبة برده ,, أول مرة في حياتك تتسحر معانا و احنا ياما اتحايلنا عليك ,, و بصراحة حتة جاي تراجع معايا تفاصيل الخطوبة مش داخلة دماغي ,, دا انت أول واحد بيدوب ساعة الشغل طول عمرك مبتظهرش غير على ضربة المدفع ..
( أنا ) ____ ما هيه العيلة دي كده مش عارفين قيمتي ,, يفضلوا يلعبوا و وقت الجد تلاقيهم واقفيتن طوابير عشان استشارة مني ,,, وزي ما الشاعر قال ( و في الليلة الظلماء يفتقد البدر ) ....
( ساارة ) ___ على فكرة انت هتفضل عايش في وهم الراجل المهم لحد ما هيحصل لك انفصام في الشخصية ...
( أنا ) _____ شايف بنتك يا خال ,,,لسانها بيطول مع الوقت و دا مش كويس عشانها ..
( خالي ) ____ ما انتم طول عمركم و انتم كده تشوفوا بعض تتخانقوا ..
( أنا ) ___ دا اللي ربنا قدرك عليه يا خال ,, طب على فكرة فاكر يوم ما صطادنا انا و انت السمكة الكبيرة من السوق قصدي من الترعة ,, دي بتقول اننا اشتريناها من السوق قال أيه النوع دا من السمك مبيعش في الترع بتاعتنا دي ...
( خالي ) ____ بجد !!! طب قومي يا سارة ,, قومي ع المطبخ حضري لنا السحور ..
( أنا ) ____ متنسيش بقى البيض المقلي اللي انا بحبه بس هتعرفي تعمليه ؟؟
( سارة ) ___ هعرف اعمله ؟؟ طب قوم انت بقى اعمله ..
( أنا ) ___ انا هقوم بس مش عشان اعمله ,, لا دا عشان اعلمك إزاي بيتعمل ,,, بعد إذنك يا خال ,,, تبت في الريموت لحد ما ارجع ...
دخلت المطبخ و إليكم ما دار بيننا :-
( أنا ) _______ عل فكرة ,, حماتك بعتاني أسألك إن كنت مرتاحة في الخطوبة ولا لأ ...
( سارة ) ____ انت كنت عندهم النهارده ؟؟
( أنا ) ____ رحت كان محمد عاوز البدلة بتاعتي عشان يلبسها بكرة في الخطوبة ..
( سارة ) _____ هيه عمتي سألتني قبل كده و أنا قلت لها إننا بنحاول نقرب من بعض عشان نتعرف أكتر على بعض ..
( أنا ) ___ بصي يا سارة انت خرجتي مع الراجل دا مرة و اتنين ,, قعدتم مع بعض ,, انت شايفه الراجل دا هوه اللي هيسعدك و يحقق كل اللي بتحلمي بيه ؟؟
( سارة ) ______ هوه أخلاقيا كويس ,, بس مش من النوع المرح المنطلق ,, مبيعرفش إزاي يقرأ الشخص اللي قدامه ............
( أنا ) _______ " بعدما قاطعتها " بصي يا سارة أنا هسألك سؤال واحد ,, انت بتحبيه ولا لأ ؟؟؟
( سارة ) _______ انت شايف انك من حقك تسألني السؤال دا ؟؟؟
( أنا ) _____ مترديش على سؤالي بسؤال ,, بتحبيه ولا لأ ؟؟
( سارة ) _______ انت بتسأل السؤال دا ليه ؟؟؟
( أنا ) ______ عشان ......... " توقف لساني ولم ينطق حرف بعدها "
( سارة ) ___ ما تكمل سكت ليه ؟؟ و لا مش عارف إزاي بتتقال ؟؟
( أنا ) ___ " بعدما استدارت بوجهها عني " ,, أيوه يا سارة أنا كنت جبان مش قادر انطق الكلمة اللي عشت عمري أستهجى حروفها ,, الكلمة الوحيدة اللي اتمنيت أقولها لك ومعرفتش ,, ( أنا بحبك يا سارة ,, و لو ضعتي مني يبقى أنا ضعت ) ,, أنا عاوز أسمع منك كلمة واحدة تخليني أتحدى العالم كله ,,, أنا استرديت شجاعتي و قولتها ممكن انت كمان تستردي شجاعتك وتقوليها ...
( سارة ) ________ " أدارت وجهها نحوي والدموع تنهمر من عينها " معدش ينفع ,, الكلمة دي وقتها راح ..
( أنا ) ___ لا يا سارة الكلمة دي وقتها دلوقت ...
لا أدري كيف انفتحت زراعي و احتضنت سارة التي سقطت على صدري متشبثة بقوة في رقبتي ,, و كأن الزمن توقف بنا ,, لم أدري أن هذا حدث بالفعل حتى بدأت عيني تستعيد بعض قواها لتنظر فتجد ( زوجة خالي تنظر المشهد )
إبراهيم رأفت :hi:
الحلقة القادمة ( حرب الإستنزاف ,,,, 1 )
